Եվրոպական ֆուտբոլ. Հարուստների միակ նպատակը ավելի հարստանալն է

Շվեյցարիայի Ցյուրիխ քաղաքում երեկ ավարտվել է ֆուտբոլի Եվրոպական ակումբների ասոցիացիայի (ECA) հերթական նստաշրջանը, որի ընթացքում հաստատվել է եվրագավաթների խաղարկությունների հետ կապված ֆինանսական մի փաստաթուղթ: ECA-ն Եվրոպական ֆուտբոլում ակումբների շահերը ներկայացնող միակ կազմակերպությունն է եւ այն ղեկավարում են առաջատար ակումբների ներկայացուցիչները, իսկ նախագահն է Մյունխենի «Բավարիայի» նախագահ, նախկինում հայտնի ֆուտբոլիստ Կառլ Հայնց Ռումենիգեն: ECA կազմի մեջ են մտնում եվրոպական 53 երկրների 220 ֆուտբոլային ակումբներ. Հայաստանից ընդգրկված են «Փյունիկը» եւ «Բանանցը»: Տարիներ շարունակ ECA-ն ցանկանում էր փոխել եվրոպական ամենահեղինակավոր ակումբային մրցաշարի՝ Չեմպիոնների լիգայի խաղարկության ձեւաչափը, ֆինանսների բաշխման կարգը, բայց մշտապես հանդիպում էր ՖԻՖԱ-ի եւ ՈՒԵՖԱ-ի նախկին նախագահներ Զեպ Բլատերի եւ Միշել Պլատինիի կոշտ մերժումներին: Հիմա նրանք հեռացվել են ֆուտբոլից, եւ ECA-ն ամբողջապես կարողանում է իրագործել իր նպատակները, որը կարելի է ձեւակերպել մոտավորապես այսպես՝ «հարուստներն ավելի հարուստ, աղքատներն ավելի աղքատ»:

Դեռ օգոստոսի 26-ին ՈՒԵՖԱ-ն հայտարարեց ՉԼ-ի նոր ձեւաչափի մասին, որը ուժի մեջ է մտնելու 2018-19 թվականների մրցաշրջանում: Համաձայն այս նոր ձեւաչափի՝ ակումբային վարկանիշային աղյուսակում 1-4 տեղեր զբաղեցնող երկրները 4-ական երաշխավորված տեղ են ստանալու Չեմպիոնների լիգայի խմբային փուլում, փոխվելու է ակումբների, երկրների վարկանիշների հաշվարկման մեթոդոլոգիան (մասնավորապես հաշվի են առնվելու ակումբների, երկրների տիտղոսները, ավանդույթները) եւ այլն: ՈՒԵՖԱ-ն առայժմ չի հստակեցնում նոր ձեւաչափի հետ կապված բազմաթիվ անհասկանալի հարցեր:

ECA-ն իր հերթին երեկ կայացած նստաշրջանում ողջունել է ՈՒԵՖԱ-ի որոշումը, նաեւ քննարկել կառույցի նախագահ Կարլ Հայնց Ռումենիգեի կողմից մշակված Չեմպիոնների լիգայի ֆինանսների վերաբաշխման վերաբերյալ փաստաթուղթը: «Ողջունում ենք ՈՒԵՖԱ-ի որոշումները: Այն եվրոպական ակումբային ֆուտբոլի զարգացմանը նպաստող, ինչպես նաեւ արդարություն նախանշող փաստաթուղթ է» - հայտարարել է Ռումենիգեն: ECA-ի նստաշրջանին մասնակցել են եվրոպական բոլոր թոփ ակումբների ներկայացուցիչները, որոնք հաստատել են 2018-19 թվականներից սկսած Չեմպիոնների լիգայի շահույթների բաշխման նոր կարգը: Այն շուտով կներկայացվի ՈՒԵՖԱ եւ ամենայն հավանականությամբ առանց որեւէ խոչընդոտի կընդունվի եւ կհաստատվի:

ECA-ի մասնագետների հաշվարկների համաձայն՝ 2018-19 թթ. մրցաշրջանում ՉԼ-ից ստացվող եկամուտները կազմելու են 3,2 միլիարդ եվրո՝ ներկայիս 2,35-ի փոխարեն: Այս թվերը արդեն իսկ հաստատվել են ՈՒԵՖԱ-ի կողմից: ECA-ի պատրաստած 24 էջանոց փաստաթղթում մանրամասն ներկայացված են նախատեսվող 3,2 միլիարդ եվրոյի բաշխումը ըստ թիմերի, եւ այն համեմատվում է ներկայումս գործող «սակագների» հետ: Մասնավորապես Չեմպիոնների լիգայի հաղթողը 2019 թվականին ստանալու է 135,5 միլիոն եվրո ներկայիս 57 միլիոնի փոխարեն, եզրափակիչի մասնակիցը՝ 118 միլիոն (ներկայումս՝ 50 միլիոն եվրո) եւ այլն: Միայն Լիգայի խմբային փուլում հայտնվելու դեպքում թիմը ստանալու է 19,5 միլիոն եվրո. ներկայումս այս թիվը կազմում է 8,6 միլիոն: Մրցաշարում բարձր մարզական արդյունքներ ցույց տված թիմերի համար նախատեսված են նաեւ բազմաթիվ պարգեւավճարներ:

Բնականաբար, ֆինանսների նման բաշխումը ձեռնտու է թոփ ակումբներին, բայց առայժմ չի մանրամասնվում, թե ինչ են ստանալու փոքր թիմերը, որոնց երազանքը Չեմպիոնների լիգայի որակավորման մի քանի փուլերի հաղթահարումն է: Մասնավորապես հայկական ակումբների համար առայժմ անհասանելի է անգամ Լիգայի որակավորման 3-րդ փուլը, հետեւաբար խմբային փուլում հայտնվելու եւ առնվազն 19,5 միլիոն եվրո աշխատելը ընդամենը երազ է: Ներկայումս գործող ֆինանսների բաշխման կարգի համաձայն, Հայաստանի չեմպիոն «Ալաշկերտը» 2-րդ փուլ հասնելու համար ստանում է մոտ 800 հազար եվրո՝ չեմպիոնի կոչումը նվաճելու, որակավորման 1-ին փուլը անցնելու, 2-րդ փուլին մասնակցելու համար նախատեսված հստակ գումարների հանրագումարով: Նոր ձեւաչափը առայժմ չի հստակեցնում փոքր թիմերի մասնակցության նախ կարգը, նաեւ՝ ակնկալվող եկամուտները:

Տպել
1844 դիտում

Արսեն Ջուլֆալակյանը կմասնակցի ՀՀ գավաթի խաղարկությանը

Սոս Սարգսյանի թատրոնն առանց տնօրենի եւ գեղղեկավարի. Չալդրանյանն ազատման դիմում է ներկայացրել

Իրավական առումով անվիճարկելի համապետական ընտրությունների անցկացումն այլևս իրողություն է. «Ժառանգություն»

Դատարան է ներկայացել Հայկ Սարգսյանի դեմ ցուցմունք տված «Կենտրոնի Կյաժը». նիստերի դահլիճում է նաեւ Խաչատուրովի որդին

Հայտնի են ՀՀ-ում նոր կազմավորված զինվորական կոմիսարիատների եւ նրանց տեղակայման վայրերը

Վերջապես ՀՀ-ում ձևավորվում է լեգիտիմ իշխանություն․ Ջավախքի ՀԿ-ների հայտարարությունը

Բարձրացնել որակը եւ նվազեցնել ջրի կորուստները․ Ավինյանն ընդունեց «Վեոլիա»-ի ներկայացուցչին

Աշոցքում ձյունը չի դադարում

Սիրիայում նոր ռազմական գործողություն ենք սկսելու․ Էրդողան

Կինոռեժիսոր Հովհաննես Գալստյանը Լիլիթ Մակունցի աշխատասենյակում դադարեցրեց հացադուլը

Վաչագան Ղազարյանի պաշտպանները ինքնաբացարկի միջնորդություն են ներկայացրել դատավորին. նիստը մեկ ժամով ընդմիջվել է

«Նուբարաշեն» ՔԿՀ-ում հայտնաբերվել է 86.7 գրամ կանաչ գույնի զանգված․ ԱԱԾ է հրավիրվել ոստիկան

Դահուկասպորտի ֆեդերացիայում տարաձայնություններն անցյալում են. Գագիկ Սարգսյան

Օրենքի արգելքի դեմ ցանկացած գործողություն մի փոքր անհասկանալի է լինում. Փամբուխչյան

Արմեն Գևորգյանը մեղադրվում է խոշոր չափերով կաշառքի, փողերի լվացման և սահմանադրական կարգի տապալմանն օժանդակելու համար

2019 թվականի հունվարի 1-ից ծայրահեղ աղքատ թոշակառու Հայաստանում չի լինելու (տեսանյութ)

Զանգեզուրի պղնձամոլիբդենային կոմբինատի ստուգումները չեն ավարտվել

Օր 10-րդ. այսօր հացադուլի մեջ գտնվող ռեժիսորի ծնունդն է, նա կհանդիպի Մակունցին

Ստեփանծմինդա-Լարս ավտոճանապարհը փակ է տրանսպորտային բոլոր միջոցների համար

Զինծառայողը ինքնասպանության փորձ է կատարել