Ադրբեջանի ռազմական բյուջեն նախորդ տարվա համեմատ կտրուկ նվազել է

Սեպտեմբերի 26-ին, Ադրբեջանում կայացած սահմանադրական փոփոխությունների հանրաքվեն հիմնականում վերաբերում է Ադրբեջանի նախագահ Իլհամ Ալիեւի՝ առանց այն էլ լայն լիազորությունների բացարձակացմանը:

Այս մասին լրագրողների հետ զրույցում ասաց ադրբեջանագետ Տարոն Հովհաննիսյանը.

«Իշխանության կողմից նախատեսած բոլոր կետերն անցան, թերեւս գործընթացի միայն ձեւական մասն է մնացել: Մինչ հոկտեմբերի 16-ն այդ փոփոխությունները պետք է ուժի մեջ լինեն»,- ասաց Հովհաննիսյանը:

Ադրբեջանագետը, հղում կատարելով Ադրբեջանի ընդդիմադիրների ելույթներին, ասաց, որ փոփոխությունների արդյունքում «Ալիեւը վերածվում է թագավորի».

«Գուցե չափազանցված է ինչ-որ չափով, բայց իրականում հիմքեր ունեն այդպես մտածելու»,- ասաց նա:

Անդրադառնալով փոփոխություններին, Տարոն Հովհաննիսյանը նախ խոսեց Ադրբեջանի նախագահի կողմից խորհրդարանը լուծարելու իրավունքի մասին.

«Եթե մի գումարման խորհրդարանը մեկ տարվա մեջ երկու անգամ չհաստատի նախագահի ներկայացրած կառավարության կազմը, ապա նախագահը կարող է ցրել խորհրդարանը: Նախագահի թեկնածուի համար տարիքային ցենզը հանվում է, եթե մինչ այս պետք է 35 տարին լրացած քաղաքացին առաջադրվեր, ապա ներկայումս նման բան չկա: Ընդդիմադիրները պնդում են, որ այն կոչված է Ալիեւի որդուն  իշխանության բերելու համար, որդին այժմ 19 տարեկան է»,- ասաց ադրբեջանագետը:

Տարոն Հովհաննիսյանի խոսքով՝ կարեւոր կետերից է փոխնախագահների ինստիտուտի ներդնումը.

«Փոխնախագահների թիվը դեռ հայտնի չէ, բայց նախնական տվյալներով, առաջին փոխնախագահից բացի կլինեն 2-3 փոխնախագահ, եթե նախկինում նախագահը չէր կարողանում կատարել իր պարտականությունները, ապա այն ստանձնում էր վարչապետը: Այժմ այդ իրավունքը փոխանցվում է փոխնախագահներին, փոխնախագահը նշանակվում է նախագահի կողմից»,- ասաց բանախոսը:

Հովհաննիսյանը խոսեց նաեւ այն մասին, որ պատգամավորական թեկնածության  համար եւս տարիքային ցենզը հանվում է, եւ այսուհետև 18 տարեկանից կարող են ընտրվել պատգամավոր»:

Ադրբեջանագետի խոսքով՝ Ադրբեջանի ռազմական բյուջեն նախորդ տարվա համեմատ կտրուկ նվազել է.

«Նույնիսկ դոլարային փոխարժեքով նշվում է, որ վերջին 10 տարվա մեջ ամենացածրն է, բայց, իհարկե, այն բացարձակ չէ, քանի որ ամեն ինչ չէ, որ դոլարով են առնում: Ըստ այդմ, շռայլ գնումներ չի կարող իրեն թույլ տալ»,- ասաց նա:

Ինչ վերաբերում է օրերս Ադրբեջանի կողմից արված այն հայտարարություններին, որ երկաթյա գմբեթներն իսրայելական արտադրության են եւ կարող են իսկանդերների դեմ կիրառվել, Տարոն Հովհաննիսյան ասաց, որ այն «տրամաբանության բոլոր սահմաններից դուրս է»:

«Նախ պետք է պատկերացնել, թե Իսրայելն ինչի է այդ համակարգը ստեղծել. Իսրայելը խնդիր ունի Գազայի հատվածում ինքնաշեն գրադային համակարգերից արձակված հրթիռները թույլ չտալ, որպեսզի բնակավայրերում հայտնվեն: Այդ գրադի հրթիռներն իրենց տրամաչափով շատ ավելի փոքր են, քան իսկանդերների հրթիռները»,- ասաց Հովհաննիսյանը:

Հարցին՝ բարեփոխումները որեւէ ազդեցություն կունենա՞ն ԼՂ խնդրի կարգավորման հարցում, Տարոն Հովհաննիսյանը պատասխանեց.

«Ըստ իս, որեւէ էական փոփոխություն չեն մտցնի բարեփոխումները ԼՂ հակամարտության կարգավորման գործընթացում, եւ պաշտպանական ծախսերի կրճատումները, իմ կարծիքով,  թույլ չեն տա Ադրբեջանին գնալ ինչ-որ արկածախնդրության»:

Տպել
2288 դիտում

Ադրբեջանը պետք է փոխի իր անհարգալից վերաբերմունքը բանակցությունների հանդեպ. Նիկոլ Փաշինյանի ելույթը ՄԱԿ-ում

Սյունիքում վագոն-տնակ է հրդեհվել, Երեւանում՝ գազի արտահոսքը վերածվել հրդեհի

Թիվ 3/5 տեղամասի քվեարկության արդյունքները վերահաշվարկվել են, որևէ ցուցանիշի փոփոխություն չի արձանագրվել. ԿԸՀ

Դատախազության հանձնարարությամբ առերևույթ ընտրախախտումների 42 դեպքերով նախապատրաստվում են նյութեր

Միջազգային սիմպոզիում՝ նվիրված անցումային արդարադատությանը. ներկա կլինի նաեւ Նիկոլ Փաշինյանը

«Dasaran.am» կրթական հարթակը նոր ծրագրի միջոցով կաջակցի զորակոչի կազմակերպմանը

Հեռուստաաշտարակի վերանորգման պատճառով որոշ ռադիոհաճախականություններ ժամանակավոր կանջատվեն

ԿԳՆ-ում անցկացվել է Տարվա լավագույն ուսուցիչ, տնօրեն եւ դաստիարակ մրցույթների վերջին փուլը

Դավիթ Տոնոյանն ընդունել է «Դիտակետ» ծրագրի պատասխանատուներին

Մեկնարկել է Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ

Փոխվարչապետ Մհեր Գրիգորյանն ընդունել է ՎԶԵԲ Տարածաշրջանային տնօրենների պատվիրակությանը

Գտնվել է առաջ քաշված խնդրի փոխզիջումային տարբերակ. տրանսպորտի փոխնախարար Ա. Փամբուխչյան

Հայ-շվեյցարական համագործակցության շրջանակը բավականին լայն է. Բաբլոյանը՝ Շվեյցարիայի Համադաշնության փոխնախագահին

ՀՀ սփյուռքի նախարարը հանդիպել է Եգիպտոսի վարչապետի հետ

Կանցկացվի ՀՀ և ՌԴ ԶՈՒ զորքերի միացյալ խմբավորման ստորաբաժանումների մարտավարական զորավարժություն

Ամերիկայի Հայ Ավետարանչական Ընկերակցությունն ու ՊՆ-ն կհամագործակցեն Սիրիայի հումանիտար օգնության հարցում

Իշխել հնարավոր է, եթե դու իշխանության մասնիկ ես. ԵԿՄ-ում թեժ զարգացումներ են

Թող ոչ մի երեխա չտեսնի եւ չիմանա պատերազմի սարսափը. մանուկներին նվիրված միջոցառում (լուսանկարներ)

Համապատասխան արձագանք ստանալուն պես կկազմակերպվի 16-ամյա Ումութ Ալի Օզմենի վերադարձը Թուրքիա. ԱԳՆ

Բնակիչների մեծ մասը չսատարեց այդ մոտեցմանը. ՀՀԿ-ն շնորհավորել է Երևանի նորընտիր քաղաքապետին