Երևան
16 °C
Վրաստանում խորհրդարանական ընտրություններից առաջ «Թուրքիայի թեման» թե՛ հանրային-քաղաքական քննարկումների, եւ թե՛ մասսայական բողոքի ակցիաների ժամանակ ստանում է էական նշանակություն՝ ներառելով իր մեջ բավական շատ էմոցիոնալ, ազգայնական կրքեր:
Մեկ նախկին վարչապետ, իշխող «Վրացական երազանք» կուսակցության առաջնորդ Բիձինա Իվանիշվիլին է բողոքում Վրաստանում Թուրքիայի տնտեսական էքսպանսիայից ու Էրդողանի պահանջից` փակել խաղատները Աջարիայում, որպեսզի Թուրքիայի քաղաքացիներն այնտեղ չայցելեն: Մեկ Թբիլիսիի կենտրոնում ազգայնականները հարձակումներ են գործում թուրքական ռեստորանների վրա՝ «Փառք ազգին եւ մահ թշնամում» կարգախոսով:
Բոլորովին վերջերս էլ «Հայրենասերների դաշինք» կուսակցությունն իր նախընտրական տեսահոլովակում խոսեց Աջարիայի Ինքնավար Հանրապետությունը գրավելու՝ Թուրքիայի ծրագրերի մասին: Իհարկե, «Ռուսթավի 2» հեռուստաընկերությունը հանեց այդ տեսահոլովակը եթերից, սակայն թե՛ Իվանիշվիլիի բողոքները, թե՛ ազգայնականների հարձակումներն ու թե՛ սկանդալային տեսահոլովակը արդեն իսկ խոսում են որոշակի ախտանիշների առկայության մասին: Վրաստանում հանրային ընկալման մեջ կամաց-կամաց փոխվում է Թուրքիայի ընկալումը. այն ստանում է որոշակի բացասական երանգավորում, ինչն անգամ հորդում է հանրային-քաղաքական հարթակներ: Նման իրավիճակ դժվար կլիներ պատկերացնել անգամ 10 տարի առաջ: Այն է՝ Միխեիլ Սահակաշվիլիի կառավարման ժամանակաշրջանում, երբ վերջինիս ակտիվ ջանքերի շնորհիվ նախ Վրաստանից հանվեցին ռուսական ռազմաբազաները, ինչը Թուրքիային Հարավային Կովկասի ուղղությամբ ստրատեգիական տեղաշարժի մեծ հնարավորություն տվեց:
Վրաստանցի փորձագետ, ազգայնականության գծով մասնագետ Ռեզո Կոիավան մեզ հետ զրույցում Վրաստանում հանրային մակարդակում Թուրքիայի նկատմամբ որոշակի բացասական դրսեւորումները բացատրում է մի քանի հանգամանքներով: «Նախ, իրավիճակը Վրաստանում նախընտրական է, երկրում մեծ է գործազրկությունն եւ սոցիալական լարվածությունը: Ուստի, պահը չեն կորցնում ազգայնական որոշակի ուժեր, որոնք մարդկանց կրքերը ուղղում են Թուրքիայի կամ թուրքերի դեմ, թե իբր նրանք գալիս են Վրաստան, վերցնում շուկան, աշխատատեղերը եւ տեղացիներին թողնում անգործ: Բացի այդ, կա որոշակի պատմական հիշողություն, որ Թուրքիան եւ Վրաստանը պատերազմել են: Այս փաստը եւս շահարկվում է հատկապես այն համատեքստում, որ Թուրքիայից պետք է միշտ վտանգ սպասել»,- նշեց վրաստանցի փորձագետը:
Թեպետ նա չի կարծում, որ Թբիլիսիում թուրքական ռեստորանների վրա հարձակման փաստը խոսում է Թուրքիայի նկատմամբ Վրաստանի քաղաքական վերաբերմունքի փոփոխության մասին, սակայն նշում է, որ հանրային մակարդակում որոշակի տեղաշարժեր, այնուամենայնիվ, կատարվում են: Թուրքիայի ներկայացվածությունը Վրաստանում իսկապես շատ տեսանելի է ու բավական հզոր: Այն հանդիսանում է Վրաստանի հիմնական առեւտրային գործընկերը եւ դոմինանտ դիրքեր ունի այդ երկրի մանրածախ ու մեծածախ շուկայում: Էական է թուրքական կապիտալի ազդեցությունը Վրաստանի ռեստորանային եւ հյուրանոցային բիզնեսներում: Թուրքական ընկերությունները գրավել են Թբիլիսիի տուրիստական կենտրոնը եւ Աջարիան: «Բավական է քայլել Աջարիայով եւ Թբիլիսիի կենտրոնով ու տեսնել, թե ինչ ծանրակշիռ ներկայություն ունի Թուրքիան Վրաստանում: Սրանք Թուրքիայի ներկայացվածության յուրօրինակ ցուցանակներն են, ինչն արդեն նյարդայնացնում է»,- այսպիսի կարծիք են հայտնում անգամ ազատական հայացքների տեր վրաստանցի փորձագետներն ու քաղաքական գործիչները:
Աջարիան իսկապես գտնվում է թուրքական կապիտալի ազդեցության տակ, խոստովանում է Ռեզո Կոիավան՝ միեւնույն ժամանակ նշելով, որ այդ մասին Վրաստանում ուղղակի «ընդունված չէ խոսել»: Թուրքիայի աճող տնտեսական ազդեցությունն արդեն իսկ փոխակերպվում է քաղաքական ազդեցության ձեւերի: Օրինակ՝ վերջերս Թուրքիայի նախագահ Ռեջեփ Էրդողանը Վրաստանից պահանջել է փակել Աջարիայում խաղատները, որպեսզի Թուրքիայի քաղաքացիներն այնտեղ չայցելեն: Այս մասին ուղղակի խոստովանել է Բիձինա Իվանիշվիլին՝ նշելով, որ Վրաստանը կանգնել է բավական բարդ իրավիճակի առջեւ: Հատկանշական է, որ նույն Հյուսիսային Կիպրոսում, որը ճանաչված է միայն Թուրքիայի կողմից, գործում են խաղատներ, որոնց հիմնական հաճախորդները հենց Թուրքիայի քաղաքացիներն են:
Թուրքիայի տնտեսական էքսպանսիան չի սահմանափակվում միայն մանրածախ ու մեծածախ շուկայով: Թուրքիան դոմինանտ դիրքեր ունի նաեւ Վրաստանի ավիացիայի շուկայում: Այդ շուկայի շուրջ 30%-ը գրավել են թուրքական ավիաընկերությունները (Turkish Airlines - 19%, Pegasus Airlines - 6%, Atlasglobal - 3%): Թուրքական ընկերություններն են կառավարում Վրաստանի երեք միջազգային օդանավակայաններից երկուսը՝ Թբիլիսիում եւ Աջարիայում: Բաթումիի օդանավակայանը Թուրքիան ընդհանրապես մտցրել է ներքին թռիչքների գոտի եւ ավիատոմսեր է վաճառում ներքին գներով: Կարելի է ասել` արդեն իսկ Թուրքիան իրեն է միացրել Աջարիայի օդային տարածքը:
Թուրքիայի ազդեցությունը մեծ է Աջարիայի ու հարակից շրջանների մահմեդական բնակչության վրա: «Այդ բնակչության մահմեդական, հատկապես սունիական ինքնության զարգացման հարցում մեծ ազդեցություն ունի Թուրքիան: Աշխատում են միսիոներներ Թուրքիայից, կառուցվում են մզկիթներ, վերջերս Աջարիայում կառուցվել էր մահմեդական կրթական հաստատություն, որի մասին անգամ տեղյակ չէին եղել Վրաստանի իշխանությունները: Բացի այդ, Թուրքիայի տարածքով այդ մահմեդականների մի մասը տեղափոխվում է Միջին Արեւելք եւ կռվում «Իսլամական պետության» շարքերում», - ասաց Կոիավան:
Հաշվի առնելով վերոնշյալը՝ կարելի է ասել, որ ազգայնականների հարձակումները, Էրդողանից Իվանիշվիլիի բողոքներն ու սկանդալային տեսահոլովակը ոչ այնքան հերթապահ նախընտրական գործընթացներ են, որքան Վրաստանի հասարակական կյանքում Թուրքիայի դերի ու նշանակության վերաբերյալ հանրային ընկալման տեղաշարժերի մասին վկայող ազդանշաններ: Փաստացի մինչ օրս Վրաստանի՝ եվրատլանտյան կառույցների հետ ինտեգրվելու կուրսը մեծ հաշվով հանգեցրել է այդ երկրում Ադրբեջանի ու Թուրքիայի քաղաքական, դեմոգրաֆիական, տնտեսական դիրքերի ամրապնդմանը: Եվրամիությունը անգամ դեռ չի սահմանել Վրաստանի հետ ազատ վիզային ռեժիմ, իսկ ԵՄ-ին անդամակցելու մասին այս պահին ոչ ոք լուրջ քննարկումներ չի վարում:
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ