«Մի հատ ուղարկում են սոնո, հետո ռենտգեն, վերջում՝ լողի». հիվանդներին «պաս են տալիս»

ԱԺ ֆինանսավարկային եւ բյուջետային հարցերի մշտական հանձնաժողովների համատեղ նիստում շարունակվում է 2017 թվականի պետական բյուջեի նախագծի քննարկումը:

Ֆինանսների նախարարի առաջին տեղակալ Ատոմ Ջանջուղազյանը տեղեկացրեց, որ բյուջեի նախագծով առողջապահության ոլորտին հատկացվել է 85 միլիարդ 782 միլիոն դրամ: Տեղեկացնենք, որ ոլորտին հատկացված գումարները նվազել են նախորդ տարվա համեմատ. 2016 թվականի բյուջեով հատկացվել է 86 մլրդ 125մլն դրամ:

ԱԺ պատգամավոր Լյուդմիլա Սարգսյանը հետաքրքրվեց, թե ինչո՞ւ են ոլորտին հատկացված գումարները նվազել, եւ արդյոք հանրային շահը պաշտպանվելո՞ւ  է:

Ֆինանսների փոխնախարարը պատասխանեց, որ մարդու «երեւակայությունն ինչքան կբավարարի ավելացնելու, այնքան տեղ կա», բայց խնդիրը հնարավորությունների սահմանում է:

ԲՀԿ խմբակցության ղեկավար Նաիրա Զոհրաբյանը, դիմելով Առողջապահության նախարար Լեւոն Ալթունյանին, բարձրացրեց պետպատվերի խնդիրը.

«Պետպատվերի համակարգը ձախողված է, ապրիլից ստանում ենք հազարավոր նամակներ, որ ասում են պետպատվերը պրծել ա, գիտեք՝ մահն  արտահերթ է գալիս, չի կարող պետպատվերին սպասել»,- ասաց նա, ապա շարունակեց.

«Ձեր ոլորտում էնքան խնդիրներ կան, որ եթե ասեմ բոլորը, չենք կարող այստեղից գնալ»,- ասաց Նաիրա Զոհրաբյանը՝ դիմելով նախարարին:

Պատգամավորը խոսեց նաեւ բուժծառայությունների մեկ այլ խնդրի մասին՝ հիվանդին «պաս տալու» մասին.

«Մի հատ ուղարկում են սոնո, հետո ռենտգեն, հետո՝ լողի, վերջում էլ ասում են հենց էս դեղատնից դեղը կառնես»,- ասաց Զոհրաբյանը, ապա հիշատակելով վարչապետի՝ երեկ հնչեցրած խոսքերը՝ «աշխարհ շուռ տալու մասին», ասաց.

«Այս համակարգը պետք  է շուտ տանք»,- ասաց նա:

Նախարարը համաձայնեց պատգամավորի դիտարկումների հետ՝ ասելով, որ համակարգում կան նման խնդիրներ.

«Դրանք նորություն չեն, այո՛: Դրանց դեմ պայքարում ենք տարբեր մեթոդներով, ոչ միշտ է, որ հաջողության ենք հասնում, բայց որդեգրում ենք մի մոտեցում, որտեղ թափանցիկությունը պետք է զուգակցի արդյունավետությանը: Իմ խորը համոզմամբ՝ նվազեցված բյուջեն բավարար է, որ առնվազն երկու անգամ բարելավենք բուժհաստատությունների որակը»,- ասաց նախարարը:

Անդրադառնալով պետպատվերի խնդրին, նախարարն ասաց.

«Նույն տատիկը, որի մասին դուք խոսում էիք, գնում է պոլիկլինիկա եւ ասում՝ բալիկ ջան, ինձ ռենգտեն գցի, ու ինչքան մոտենան, այնքան իրենց կգցեն, մինչեւ գումարները չվերջանան: Մենք պետք է սովորենք ասել չէ խոսքը, եթե ախտանիշների դեպքում պրոկոլներով ռենգտեն չի հասնում, ուրեմն տատիկին պետք  է մերժել: Չունի պետությունն այդ փողը, որ ուղղակի ցանկություններ կատարի»:

Նաիրա Զոհրաբյանն արձագանքեց, որ այդպես էլ չստացավ իր հարցերի պատասխանները:

Տպել
19530 դիտում

«Ի դեմս ՍՄԱՐԹ կենտրոնի ունենալու ենք ստեղծարար միջավայրի մի նոր օրինակ». Տիգրան Ավինյան

Բաբլոյանի ուղերձը Հանրապետության տոնի, Մայիսյան հաղթանակների, անկախության հոբելյանի առթիվ

Վարչապետն ու նախագահը տիկնանց հետ միասին ճաշել են Էլթոն Ջոնի հետ. ավարտին՝ լուսանկար

Տեսախցիկով օդապարիկը հեռակառավարվող խաղալիք է, որը կարելի է գնել խանութներում. ԱԱԾ

Էլթոն Ջոնն ու նախագահը մասնակցել են առողջական խնդիրներով երեխաների միջոցառմանը (լուսանկար)

Երեւանում բախվել են միանգամից 5 մեքենաներ, 3 մարդ տեղափոխվել է հիվանդանոց

ՀՀԿ-ի էլիտան այս տարի անտեսել է Սոգյութլուի հերոսամարտի 100-ամյա տարեդարձը

Վերեւի հարկից ջրալցվել է Երևանի Քաջազնունու փողոցի անձնագրային բաժանմունքը

Թուրքիան էլեկտրամագնիսական հրանոթներ արտադրող սակավաթիվ երկրներից է

Հայոց եկեղեցին եւ հոգեւորականը պետք է լինի հայրենյաց պաշտպանների կողքին. Գարեգին Բ

Մշակույթի նախարար Լիլիթ Մակունցը նոր ֆլեշմոբի շրջանակներում օնլայն հեքիաթ է կարդում

Թուրքիայից Հայաստան է անցել տեսախցիկներով սարքավորված օդապարիկ, ընկել Նոր Ամասիա գյուղում

Էլթոն Ջոնը այսօր Երեւանում մասնակցելու է Starkey ընկերության բարեգործական միջոցառմանը

Հույս ունեմ կարմիր լույսի տակ չկանգնող պաշտոնյաների մոտ ընդամենը թյուրըմբռնում է. վարչապետ

Ունեցանք հեղափոխություն՝ հայկական ձեւով. Ա. Սարգսյանը հանդիպել է վիրահայոց համայնքի հետ

Փակ է Գյումրի-Երեւան ճանապարհը. պահանջը՝ վերադարձնել «Շիրակ» ֆուտբոլային թիմի 12 միավորը

Երեւանում կրակոցներ են հնչել, այնուհետ դանակահարված 3 երիտասարդ հայտնվել է հիվանդանոցում

«UWC Դիլիջան» միջազգային դպրոցը կարող է լինել ոգեշնչանքի, լավատեսության կենտրոն. Փաշինյան

Ամենայն Հայոց Կաթողիկոսն ընդունեց Արգենտինայից ժամանած ուխտավորների

Լոռու մարզի դատախազները բացատրական աշխատանք են տանում դպրոցներում, անչափահասների շրջանում