Մոսկվայում դրամահավաք-ճաշկերույթ չի լինի. ճգնաժամն ազդել է Ռուսաստանի հայ գործարարների վրա

Մոսկվայի «Արարատ Հայաթ» հյուրանոցում անցկացվող «Հայաստան համահայկական հիմնադրամի» դրամահավաք-ճաշկերույթն այս տարի էլ տեղի չի ունենա: Մեր հարցին ի պատասխան հայտնեցին Հիմնադրամի հասարակայնության հետ կապերի բաժնից:

«Ճաշկերույթ այս տարի եւս չի նախատեսվում: Պատճառը ՌԴ-ում տնտեսական ճգնաժամն է, ինչն անդրադառնում է նաեւ ռուսաստանաբնակ հայ գործարարների վրա: Սակայն նրանցից շատերն առանց հատուկ առիթի միշտ հայրենաշեն ծրագրերի կողքին են, ինչպես օրինակ բարերար Սամվել Կարապետյանը, ով արդեն 1 միլիոն ԱՄՆ դոլար է փոխանցել այս տարվա հեռուստամարաթոնին»,- ասվում է մեզ տրամադրված պարզաբանման մեջ:

Ավանդական այս դրամահավաքին սովորաբար մասնակցում էին հիմնականում ռուսաստանաբնակ խոշոր գործարարները, մասնավորապես՝ Սամվել Կարապետյանը, Արա Աբրահամյանը եւ ուրիշներ, որոնց ներդրած գումարը բավական պատկառելի էր լինում:

Ճաշկերույթ կազմակերպելու ավանդույթը խախտվեց 2013 թվականից հետո եւ այն ժամանակ եւս պաշտոնական պատճառաբանությունը Ռուսաստանի տնտեսական վատ վիճակն էր: Սակայն քաղաքական շրջանակներում այս ճաշկերույթի չեղարկումն ու ընդհանրապես տարեց տարի հեռուստամարաթոնի ընթացքում հանգանակվող գումարների նվազումը բացատրվում է հայ-ռուսական հարաբերություններով:

Ինչպես հայտնի է՝ հանգանակությունների առյուծի բաժինը հավաքվում է Ռուսաստանից: Հիշեցնենք, որ ամենաշատ նվիրատվությունն ու նվիրատվության խոստումը ստացվել է 2008 թվականի հեռուստամարաթոնի ժամանակ՝ 35 միլիոն ԱՄՆ դոլար: 2013 թվականին արդեն ստացվել է 22 661 372 խոստում, 2014 թվականին` 12 399 550, 2015 թվականին` 10 378 465 դոլարի:

«Հայաստան» համահայկական հիմնադրամի հասարակայնության հետ կապերի բաժնից հետաքրքրվել էինք նաեւ, թե նախորդ տարվա խոստացված նվիրատվություններից որքա՞նն է ստացվել: Բաժնի ներկայացուցիչներից Գեւորգ Գեւորգյանը մեզ պատասխանել է, որ «խոստացված ամբողջ գումարը փոխանցվել է եւ ծառայել նպատակին»:

Իսկ թե ինչպե՞ս են ստուգում՝ իրականում ծառայե՞լ է նպատակին, թե՞ ոչ՝ Գեւորգյանը պատասխանել է. «Ինչպես միշտ, այս տարի եւս, Հիմնադրամն անցնում է 2 տիպի աուդիտ /Հիմնադրամը Հայաստանում միակ կառույցն է, որն անցնում է 2 աուդիտ/՝ ֆինանսական եւ ֆիզիկական, որոնց եզրակացությունը միշտ հասանելի է բոլորին՝ Հիմնադրամի պաշտոնական կայքի գլխավոր էջում: Բացի այդ, շատ բարերարներ եւ Հիմնադրամի աշխարհասփյուռ տեղական մարմինների ներկայացուցիչներ ամեն տարի հաշվետու այցով շրջում են Հիմնադրամի բոլոր ծրագրերով թե՛ Հայաստանում, թե՛ Արցախում, անձամբ ծանոթանում տարվող աշխատանքներին»:

Երեկ տեղեկացրել ենք՝ այս տարի հեռուստամարաթոնը տեղի է ունենալու նոյեմբերի 24-ին: Այս տարի հասույթը տրամադրվելու է Արցախի՝ ապրիլյան պատերազմի ժամանակ տուժած բնակավայրերի վերականգնմանը, խաղաղ բնակչության անվտանգությանն ու պաշտպանությանն ուղղված միջոցառումներին, ինչպես նաեւ Արցախի բազմազավակ ընտանիքների համար առանձնատներ կառուցելուն: 

Տպել
5673 դիտում

Լոռիում ձյուն է տեղում, Բերդ քաղաքում և Դիլիջանի ոլորաններում մառախուղ է, Լարսի անցակետը՝ փակ

Ազգային առաջընթաց կուսակցությունը ներկայացրել է համամասնական ցուցակի առաջին տասնյակը

Հորը սպանած Խաչատրյան քույրերից մեկը դպրոց է վերադարձել. քույրերին թույլ չեն տալիս օգտվել կապի միջոցներից

Իրանում այսօր կախաղան է հանվել «ոսկիների սուլթանը»

Արմեն Աշոտյանն այլեւս ընդգրկված չէ Բժշկական համալսարանի հոգաբարձուների խորհրդի կազմում

Ալեքսիս Օհանյանը նոր կադրեր է հրապարակել հայաստանյան այցից եւ «Շախմատ» կոնյակի պատրաստման ընթացքից

Մի խումբ անձինք ապօրինի ավտոկայանատեղի են կազմակերպել, հատուկ համազգեստով գումարներ գանձել

Դավիթ Տոնոյանն ու ԵՊԲՀ ռեկտոր Արմեն Մուրադյանը հուշագիր են ստորագրել

«Իմ քայլը» դաշինքի ռեյտինգային թեկնածուներն՝ ըստ ընտրատարածքների

Հանդիպել են ՄԱԿ-ի Խաղաղ հավաքների և միություններ կազմելու հարցերով հատուկ զեկուցողն ու Ա. Միրզոյանը

Նորմալ երկիր ա դարձել, մեր վարչապետը օրինականություն ա մտցրել, էդ քիչ ա՞. քրեական հեղինակություն Նորատուսցի Արա

Քոչարյանի պաշտպանը Վճռաբեկ է ներկայացրել ապացույց, թե ինչպես են ըստ Քոչարյանի ցուցարարները Մարտի 1-ին կրակում

Ն. Փաշինյանն այցելել է «Մեգերյան կարպետ» ընկերություն, աշխատանքային ընթրիք ունեցել Հարվարդի շրջանավարտների հետ

Արցախի ՄԻՊ-ն ու Աննա Հակոբյանը քննարկել են մարդու իրավունքներին եւ մարդասիրական խնդիրներին առնչվող ծրագրերը

Հոգով ու սրտով կապված եմ եղել մարզիս հետ. Վահրամ Բաղդասարյանը դիմում է լոռեցիներին

ԿԸՀ-ն բաշխել է ընտրությունների տեղամասային հանձնաժողովների նախագահների ու քարտուղարների պաշտոնները

Ցուկերբերգն արգելել է Facebook-ի գրասենյակում Apple սմարթֆոնների օգտագործումը

Եղանակային պայմաններից ելնելով շարունակում է փակ մնալ Վերին Լարս տանող ճանապարհը

Եթե որևէ պրոֆեսոր ֆինանսական վնաս է պատճառել, ապա դա Գագիկ Եթիմյանն է. ՎՊՀ-ում զայրացած են

Զվարճալի միջադեպերի պատճառով Հայկ Կասպարովի տեսահոլովակը պատրաստելը ձգձգվել է