Վիճաբանություն «Դիանա» համալիրում. ըստ փոխոստիկանապետի՝ Բուդաղյանը բաժանողի դերում է եղել

Նոյեմբերի 12-ին վիճաբանություն եւ ծեծկռտուք է տեղի ունեցել Սյունիքի մարզի Գորիս քաղաքում գտնվող «Դիանա» հյուրանոցային համալիրում: Ոմն Լեւոն Բաղդասարյանի ծննդյան արարողության ժամանակ վիճաբանություն է սկսվել հոբելյարի եւ հյուրանոցային համալիրի գործադիր տնօրեն Վաչագան Գալստյանի միջեւ: Վիճաբանությունը վերաճել է ծեծի, միջադեպին խառնվել է ոստիկանությունը: Մեր տեղեկություններով դեպքի վայրում տեսախցիկ է եղել, որն արձանագրել է տեղի ունեցածը:

Դեպքի մասին տեղեկությունը լրատվամիջոցներում հայտնվել է միայն երեկ: Համաձայն այդ հրապարակումների՝ վիճաբանությանը եւ ծեծկռտուքին մասնակից են եղել հայտնի Բուդաղյան եղբայրները՝ Արտակը եւ Արայիկը:

Արայիկ Բուդաղյանը մեզ հետ զրույցում հերքեց միջադեպին իր մասնակցությունը. «Սուտ է, Բուդաղյաններն ընդհանրապես կապ չունեն էդ գործի հետ: Գրված է, որ Արտակն էլ ա էնտեղ եղել, Արտակն ընդհանրապես այդտեղ չի եղել, այդ օրն էլ Գորիսում չի եղել»,- ասաց Արայիկ Բուդաղյանը:

- Իսկ դուք եղե՞լ եք ռեստորանում:

- Եղել եմ, կողքի մարդ եմ եղել:

- Իսկ ովքե՞ր էին վիճում:

- Այդ հարցին չեմ կարող պատասխանել, իրավաբանս կասի:

- Ձեզ ոստիկանություն կանչե՞լ են միջադեպի հետ կապված:

- Ինձ որպես վկա են կանչել:

- Իսկ դուք ականատես եղե՞լ եք վիճաբանության, ծեծկռտուքի:

- Հա, վկա եղել եմ, հեռվից տեսել եմ:

Բուդաղյանի փաստաբան Ռոբերտ Հակոբյանը մեզ հետ զրույցում ասաց նույնը, ինչ Բուդաղյանը: Նա ընդգծեց, որ դեպքին Բուդաղյանների մասնակցության վերաբերյալ տեղեկություններն իրականությանը չեն համապատասխանում. «Էդ մարդը որեւէ բանի հետ կապ չունի: Ոստիկանությունից կարող եք ճշտել»,- ասաց նա:

Ոստիկանության Գորիսի բաժնի պետի օպերատիվ գծով տեղակալ Բակունցը մեզ հետ զրույցում ասաց, որ «Դիանա» հյուրանոցային համալիրում տեղի ունեցած միջադեպով հետաքննություն է ընթանում, տեսախցիկներն առգրավվել են:

- Պարոն Բակունց, իսկ միջադեպի մասին ի՞նչ է արձանագրված ձեզ մոտ, ինչպե՞ս է տեղի ունեցել այն:

- Վիճել են ու խփել իրար մի քանի հոգի:

- Բուդաղյանները մասնակցություն ունեցե՞լ են այդ միջադեպին:

- Ոչ, անջատողի դերում է եղել Բուդաղյան Արայիկը՝ ըստ տրված բացատրությունների, ըստ նախապատրաստված նյութերի: Մնացածը կպարզվի: Տեսախցիկների ձայնագրությունն առգրավված է, ուղարկում ենք փորձաքննության, մնացածը լրատվական վարչությունից ճշտեք:

- Կասե՞ք, թե ովքեր են վիճաբանության կողմերը:

- Վեճը տեղի է ունեցել Լեւոն Բաղդասարյանի (ում ծնունդը նշելիս են եղել ռեստորանում) եւ ռեստորանի տիրոջ՝ Վաչագան Գալստյանի միջեւ:

Նշենք, որ Գորիսում գտնվող այդ հյուրանոցային համալիրում հաճախ են միջադեպեր լինում: Այս տարվա վերջին աղմկահարույց դեպքը Գորիսի նախկին ոստիկանապետ Գեւորգ Ազիզյանի եւ մարզի իրավապահ կառույցի ղեկավարների մասնակցությամբ ծեծկռտուքն էր:

Տպել
4219 դիտում

Կաշառքի գործով քննիչ Զադոյանի եւ փաստաբան Գալոյանի գործը կքննի դատավոր Մեսրոպ Մակյանը

ԵՏՀ-ում հուսով են մոտ ապագայում Իրանի հետ ազատ առեւտրի գոտի ստեղծել

Տղերքը մեզ դրսից էս են տվել, էն են տվել, որ բանակից բան չգողանանք. Սերյան Սարոյան (վիդեո)

Ականապայթյունի դեպքով ծառայողական քննությունն ավարտվել է. ՊՆ չի հայտնում՝ ովքեր են պատժվել

Էդվարդ Նալբանդյանը առանձնազրույց է ունեցել Հունաստանի ԱԳ նախարարի հետ

Զինծառայող Արթուր Դանիելյանի վիճակը միջին է՝ դրական միտումներով. Արծրուն Հովհաննիսյան

Քեյթ Միդլթոնին դուր չեն գալիս Մեգան Մարքի հաջողությունները

Հզոր երկրաշարժ Իրանում. զոհերի եւ ավերածությունների մասին տեղեկություններ չկան

Մերկելի վարձակալած բնակարանը. Սերժ Սարգսյանն էլ կապրի՞ հասարակ շենքի 4-րդ հարկում. ֆոտոներ

ԱԺ-ն ընդունեց աղմկալի օրենքների նախագծեր. «Ծառուկյան» խմբակցությունը չի կողմնորոշվում

Եգիպտոսի ռեստորաններում ամանորյա ընթրիքն արժե 65 հազար դրամ, Երեւանի Բելաջոյում՝ 45 հազար

ԱԺ մեծամասնությունը կառավարության ստեպլերն է, գրպանի բնակիչը, կույր աղիքը. Նաիրա Զոհրաբյան

Բաքուն ԼՂ հակամարտությունում կիրառում է վստահության ոչնչացման քարոզչական գործիքներ. ԱԳՆ

Ադրբեջանը սեւ ցուցակում է ներառել ԱՄՆ-ի հայ իրավաբանական միությունից Կարո Ղազարյանին

ԱԺ-ի հին պատուհաններից ներս սողոսկող քամու դեմը որոշել են «սկոչով» առնել (Լուսանկարներ)

ԱՄՆ-ում հայ բժիշկը փրկել է քաղցկեղով հիվանդ 82-ամյա կնոջ կյանքը

Գերմանիայում դեռ կոալիցիա են փնտրում

Մենք 2018թ գարունը կդիմավորենք առանց հայ-թուրքական արձանագրությունների. նախարար

Եվրոպական երկրների գազամատակարարումը` դադարեցված պայթյունի պատճառով, կվերականգնվի այսօր

Կարճաժամկետ, միջնաժամկետ, երկարաժամկետ ստեր. խմբագրական