Վաղը կայանալու է հերթական «Էլ Կլասիկոն». «Բարսելոնան» «պարտավոր» է հաղթել

Վաղը, Երեւանի ժամանակով 19:15-ին, մեկնարկելու է համաշխարհային ակումբային ֆուտբոլի ամենասպասված հանդիպումներից մեկը. Իսպանիայի առաջնության շրջանակներում կայանալու է հերթական «Էլ կլասիկոն»՝ «Բարսելոնա»-«Ռեալ Մադրիդ»: Ֆուտբոլի պատմության գլխավոր իրադարձություններից մեկը համարվող իսպանական այս թիմերի դիմակայությանը կարծես չունի ավարտ. յուրաքանչյուր խաղ ունի միայն եւ միայն իրեն բնորոշ «համն ու հոտը»:

Իհարկե, արդեն պատմության գիրկն են անցել 5-6 տարի առաջ տեղի ունեցող «Էլ կլասիկոները», երբ «Բարսելոնան» գլխավորում էր Խոսեպ Գվարդիոլան, իսկ «Ռեալը»՝ Ժոզե Մոուրինյոն, եւ որոնք նմանվում էին ոչ թե ֆուտբոլային  խաղի, այլ գլադիատորների պայքարի: Ընդ որում, այդ ժամանակներում «Բարսելոնան» եւ «Ռեալը» հանդիպում էին տարին 6-7 անգամ՝ գրեթե բոլոր մրցաշարերի շրջանակներում: Վերջին 2 տարիների ընթացում վիճակը այս առումով մի փոքր հանգստացել է՝ տարբեր պատճառներով «Էլ կլասիկոները» կայանում են միայն Իսպանիայի առաջնության շրջանակներում, բայց համաշխարհային ֆուտբոլում շարունակում են համարվել ակումբային ֆուտբոլի լավագույն դիմակայություններից:

Վաղը կայանալիք հերթական խաղն էլ ունի իր յուրահատուկ ենթատեքստը: 2008-ից սկսած ամեն տարվա ընթացքում «Բարսելոնան» կարողացել է գոնե 1 հաղթանակ տանել «Ռեալի» նկատմամբ: Այս տարի կայացած միակ խաղում հաղթել է «Ռեալը». «Բարսելոնան» 2016 թ. ընթացքում  չի հաղթել «Ռեալին» եւ կայանալիք խաղում փորձելու է «շտկել» այս բացթողումը, երկարաձգել իր համար անչափ հաճելի այդ շարքը: Միեւնույն ժամանակ պատմական ցուցանիշի շեմին է նաեւ «Ռեալը». նախօրեին «Արքայական» ակումբը հերթական հաղթանակն է տոնել (Իսպանիայի գավաթի խաղարկությունում հաղթել է «Կուլտուրալ Լեոնեսային» 6-1 հաշվով) եւ բոլոր մրցաշարերում անպարտելի խաղերի քանակը հասցրել 32-ի:

Այս ցուցանիշով ակումբային ռեկորդը 34 է, իսկ Զինեդին Զիդանի գլխավորությամբ հանդես եկող «Ռեալը» առայժմ գերազանցել է 2 տարվա վաղեմության ունեցող ցուցանիշը, որը արձանագրվել է իտալացի մասնագետ Կառլո Անչելոտիի գլխավորությամբ: Հետաքրքիր է, որ 2014 թվականի գարնանը Անչելոտիի «Ռեալի» 31 խաղերից բաղկացած անպարտելի շարքը կարողացավ կանգնեցնել «Բարսելոնան»՝ հերթական «Էլ կլասիկոյում» հաղթելով 4-3 հաշվով: Վաղը «Բարսելոնան» կրկին հնարավորություն է ստանալու կանգնեցնելու «Ռեալին», նաեւ՝ տոնելու տարվա մեջ պարտադիր դարձած հաղթանակը: Ընդ որում, «Ռեալը» բավական մեծ կադրային կորուստներով է մոտենում հերթական «Էլ կլասիկոյին». փայլուն մարզավիճակում գտնվող, հարձակվող  Գարեթ Բեյլը օրեր առաջ վիրահատության է ենթարկվել եւ խաղադաշտ դուրս չի գա առաջիկա 3 ամիսների ընթացքում, վնասվածքի պատճառով «Ռեալին» չի կարողանալու օգնել հենակետային կիսապաշտպան, գերմանացի Թոնի Կրոսը:

Երկարատեւ բացակայությունից հետո «Կուլտուրալ Լեոնեսայի» հետ խաղին մասնակցեց Կազեմիրոն. ակնհայտ էր, բրազիլացին դեռ հեռու է իր լավագույն մարզավիճակից: Վնասվածքների պատճառով հարցականի տակ են Կարիմ Բենզեմայի, Մարսելոյի, Ռաֆայել Վարանի մասնակցությունը հանդիպմանը: Մրցակցի ճամբարում առկա կադրային խնդիրները, ինչպես նաեւ մրցաշարային աղյուսակում ստեղծված իրավիճակը «Բարսելոնային» «պարտադրում է» հաղթանակի. Իսպանիայի առաջնության 13 տուրերից հետո առաջատար «Ռեալը» 6 միավորի առավելություն ունի 2-րդ տեղում ընթացող «Բարսելոնայի» նկատմամբ:

Նշեմ, որ «Ռեալի» անպարտելի հանդիպումների շարքը ամենեւին էլ ռեկորդային  չէ համաշխարհային ֆուտբոլի պատմության մեջ եւ  շատ է զիջում ռեկորդակիրներին: Բոլոր մրցաշարերում անպարտելի խաղերի բացարձակ ռեկորդը պատկանում է ռումինական «Ստյաուային», որը 1986-89 թվականներին անպարտելի է եղել 106 անընդմեջ խաղերում: Հետաքրքիր է, որ այս ցուցանիշով եվրոպական լավագույն ակումբների թվում են նաեւ մեր «Շիրակը» եւ «Փյունիկը»՝ 59 անպարտելի հանդիպումների շարք:

Տպել
1573 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին