ՀՀ կառավարությունը հապաղում է. արդյո՞ք պահանջված փաստաթղթերը ներկայացվել են ՄԻԵԴ

Ինչպես արդեն տեղեկացրել ենք, Մարդու իրավունքների եվրոպական դատարանը, քննության առնելով «Սասնա ծռեր» խմբի անդամ Հովհաննես Հարությունյանի գործով գանգատը, փետրվարի 3-ին Հայաստանի կառավարությունից պահանջել է մինչեւ ընթացիկ ամսվա 15-ը տրամադրել վերջինիս առողջական վիճակի վերաբերյալ բժշկական բոլոր փաստաթղթերը:

Տեղեկանալու՝ արդյոք գործադիր մարմինը ներկայացրել է պահանջված փաստաթղթերը, նախ զրուցեցինք Հովհաննես Հարությունյանի փաստաբան Հայարփի Սարգսյանի հետ: Վերջինս տեղեկացրեց, որ այսօրվա՝ հունվարի 17-ի դրությամբ, ՄԻԵԴ-ից իրեն չեն ծանուցել փաստաթղթերի ստացման մասին:

«Մինչդեռ, եթե ՀՀ կառավարությունն ուղարկած լիներ պաշտպանյալիս առողջական վիճակին վերաբերող տեղեկանքները, ՄԻԵԴ-ից ինձ այս մասին կհայտնեին: Առայժմ ինձ որեւէ ծանուցում չի եկել»,- armtimes.com-ի թղթակցի հետ զրույցում տեղեկացրեց փաստաբանը:

Հարցին՝ ի՞նչ կերպ է վարվում ՄԻԵԴ-ը, երբ այս կամ այն երկրի գործադիր մարմինն այդպես էլ չի ներկայացնում իր պահանջած փաստաթղթերը, Հայարփի Սարգսյանը պատասխանեց՝ ի գիտություն է ընդունում պաշտպանական կողմի ներկայացրած տեղեկանքները եւ որոշում է կայացվում դրանցում առկա փաստերի հիման վրա:

Հետաքրքրվեցինք նաեւ «Սասնա ծռեր» խմբի անդամ Հովհաննես Հարությունյանի առողջական վիճակով: Պաշտպանը տեղեկացրեց, որ վերջինիս մի քանի օր է, ինչ տեղափոխել են «Նուբարաշեն» քրեակատարողական հիմնարկի բուժմաս: «Նրա վիճակը, սակայն անփոփոխ է: Միայն խուցը փոխելով, հասկանալի է, Հովհաննեսի ոտքի վիճակը չի բարելավվում»,- նշեց Հայարփի Սարգսյանը:

Պահանջված փաստաթղթերը ՄԻԵԴ ներկայացնել-չներկայացնելու մասին գրավոր հարցում կատարեցինք նաեւ ՀՀ կառավարությունից, սակայն պատասխան այս պահի դրությամբ դեռեւս չենք ստացել: Պաշտոնական տեղեկատվություն ունենալուն պես այն կներկայացնենք մեր ընթեցողին:

Հիշեցնենք՝ Հովհաննես Հարությունյանի փաստաբանը եւ հարազատները շարունակ դժգոհում էին «Դատապարտյալների հիվանդանոցից, պնդում, որ այնտեղ խոնավ է, Հովհաննեսի վիրավոր ոտքը շարունակ ցավում է, իսկ բժիշկները, փոխանակ բուժելու նրան, ինչ-որ հոգեմետ դեղեր են տալիս:

Հովհաննես Հարությունյանը հրազենային վնասվածք է ստացել հուլիսի 26-ին: Նրա հարազատներն ավելի վաղ ահազանգում էին, որ Հովհաննեսի վիրավոր ոտքը սեւանում է:

Տպել
1087 դիտում

Դրա՞յվ թե բլեֆ․ Հայաստանում քննարկում են վարչապետի Վրաստան կատարած այցը

Ադրբեջանի սադրանքների մասին տեղեկացվում են միջազգային կառույցները

2-ամյա երեխան հորը փակել է պատշգամբում, որպեսզի խաղա iPad-ով

ՆԱՍԱ-ն հրապարակել է Մարսի նոր յուրահատուկ լուսանկար

Քննարկվել է ՀՀ կառավարության ծրագրի կատարման ընթացքը

Իրաքում հայտնաբերվել է «ԻՊ»-ի խոշորագույն եղբայրական գերեզմանը

Կիմ Չեն Նանի սպանության մեջ կասկածվողը 90$ է ստացել «կատակ անելու համար»

Ասում են՝ հաղթելու են․ տեղի ունեցավ ՕՐՕ-ի համաժողովը

Փակ սենյակի գաղտնիքը. գեներալը չկարողացավ բացել դռնակը

Թխվածքաբլիթ՝ միտինգ չանելու դիմաց իսկ ընդդիմությունը հեղափոխության կոչ է անում

Առանց մեկնաբանությունների. պետդեպը հրապարակել է տարեկան զեկույցը

New York Times-ն ու CNN-ն իսկական խեղկատակություն են. Թրամփ

Տեսագրություն այս գիշեր շփման գծում իրականացված գործողություններից (թարմացված)

«Երեկ իմ երազանքը մահացավ»՝ «Լեսթերի» նախկին մարզիչ Կլաուդիո Ռանիերիի հուզիչ նամակը

«Բարսելոնայի» նոր գլխավոր մարզչի թեկնածուներն արդեն հայտնի են. ԶԼՄ-ներ

Բացահայտվել է գիշերօթիկ թիվ 17 հատուկ դպրոցից կատարված գողությունը

Ինչի՞ մասին ենք խոսում. հեռուստաշաբաթը Ռուզան Ազիզյանի հետ

Աղետալի ԹՎԵՐ․ ՀՀԿ-ն սպառնալիք է ՀՀ-ին

Հայ կոմպոզիտորական արվեստի փառատոնը պահպանում և զարգացնում է մեր մշակութային գանձերը

«Զանգի» հավելվածը կներկայացնի Հայաստանը «Mobile World Congress»-ում