Թալիշում զոհված լեյտենանտի դստեր առաջին բառը՝ պապա. Հրաչն այսօր կդառնար 26 տարեկան. վիդեո

2016 թվականի ապրիլյան պատերազմի առաջին օրերին զոհված, գյումրեցի ավագ լեյտենանտ Հրաչ Գալստյանն այսօր՝ մարտի 20-ին կդառնար 26 տարեկան: Ավագ լեյտենանտ Գալստյանը պատերազմական գործողությունների ժամանակ եղել է Թալիշի պաշտպանական սահմաններին՝ զոհվել է հակառակորդի ականի պայթյունից:

«Մեզ հաջողվել էր հասնել եւ գրավել դիրքերից մեկը, որտեղ էլ զոհվեց Հրաչ Գալստյանը: Նա մեզ դիրքավորեց, տեսավ, որ մեզ մոտ նորմալ է գնաց մյուս զինվորների մոտ: Այդ ընթացքում ադրբեջանական ական պայթեց ու նա զոհվեց»,- armtimes.com-ի հետ զրույցում հրամանատարի մահը վերհիշելով պատմում է Սաշան: Նա ծառայել է Հրաչ Գալստյանի վաշտում:

Ընտանիքի անդամները պատմում են, որ Հրաչի վերջին 9 տարիների երազանքն է եղել, որ ծննդյան օրն անցկացնի ընտանիքի անդամների հետ: Ծննդյան օրը տանը լինել չի հաջողվել, դիրքերում է եղել:

«Երկու տարի էր, որ ծանոթ էինք իրար հետ ու երկու տարի ծնունդը զինվորների հետ էր անում: Ես իր տորթը ուղարկում էի սահման՝ դիրքերը պաշտպանելով նշում էր իր ծնունդը:…Կապ չունի, որ նա ֆիզիկապես մեր հետ չէ, հոգով մեզ հետ է: Ես այս օրը միշտ սիրելու եմ: Հրաչին ոչ մեկ չի կարող փոխարինել: Անահիտը գիտի՝ ով է իր պապան, գիտի, որ հերոս է: Ամեն անգամ նկարները վերցնում ու համբուրում է, առաջին բառն էլ պապա է եղել…»,- armtimes.com-ի հետ զրույցում ասում է Հրաչ Գալստյանի կինը՝ Անուշ Գալստյանը:

Հերոսի մայրը՝ Անահիտ Գալստյանը, պատմում է, որ որդին միշտ ցանկացել է այս օրը տուն գալ, բայց չի հաջողվել. «Միշտ ուզում էինք իր ծնունդը տանը անեինք, բայց չէր ստացվում: Հիմա տանն ենք անում, բայց առանց իրա…»,- արցունքն աչքերին՝ ասում է մայրը:

Գալստյանների վիշտը սփոփել հաջողվում է միայն Հրաչի եւ Անուշի դստերը՝ 10 ամսական Անահիտին: Շուտով ծնվելու է նաեւ Հրաչի եղբոր որդին, ում հերոսի պատվին Հրաչ են կոչելու:

«Տղա եմ ունենալու, անունը դնելու եմ ախպորս անունով: Իմ եղբոր գործը շարունակող տղա է լինելու, կիսատ թողածը շարունակող: Բժիշկները ծնվելու վերջին օրը այսօր են տվել, չի բացառվում, որ Հրաչը ծնվի հենց Հրաչի ծննդյան օրը»,- ասում է Հրաչի եղբայրը՝ Աղասի Գալստյանը:

Մանրամասները՝տեսանյութում:

Նարեկ Կիրակոսյան

Տպել
13924 դիտում

Տեսախցիկով օդապարիկը հեռակառավարվող խաղալիք է, որը կարելի է գնել խանութներում. ԱԱԾ

Էլթոն Ջոնն ու նախագահը մասնակցել են առողջական խնդիրներով երեխաների միջոցառմանը (լուսանկար)

Երեւանում բախվել են միանգամից 5 մեքենաներ, 3 մարդ տեղափոխվել է հիվանդանոց

ՀՀԿ-ի էլիտան այս տարի անտեսել է Սոգյութլուի հերոսամարտի 100-ամյա տարեդարձը

Վերեւի հարկից ջրալցվել է Երևանի Քաջազնունու փողոցի անձնագրային բաժանմունքը

Թուրքիան էլեկտրամագնիսական հրանոթներ արտադրող սակավաթիվ երկրներից է

Հայոց եկեղեցին եւ հոգեւորականը պետք է լինի հայրենյաց պաշտպանների կողքին. Գարեգին Բ

Մշակույթի նախարար Լիլիթ Մակունցը նոր ֆլեշմոբի շրջանակներում օնլայն հեքիաթ է կարդում

Թուրքիայից Հայաստան է անցել տեսախցիկներով սարքավորված օդապարիկ, ընկել Նոր Ամասիա գյուղում

Էլթոն Ջոնը այսօր Երեւանում մասնակցելու է Starkey ընկերության բարեգործական միջոցառմանը

Հույս ունեմ կարմիր լույսի տակ չկանգնող պաշտոնյաների մոտ ընդամենը թյուրըմբռնում է. վարչապետ

Ունեցանք հեղափոխություն՝ հայկական ձեւով. Ա. Սարգսյանը հանդիպել է վիրահայոց համայնքի հետ

Փակ է Գյումրի-Երեւան ճանապարհը. պահանջը՝ վերադարձնել «Շիրակ» ֆուտբոլային թիմի 12 միավորը

Երեւանում կրակոցներ են հնչել, այնուհետ դանակահարված 3 երիտասարդ հայտնվել է հիվանդանոցում

«UWC Դիլիջան» միջազգային դպրոցը կարող է լինել ոգեշնչանքի, լավատեսության կենտրոն. Փաշինյան

Ամենայն Հայոց Կաթողիկոսն ընդունեց Արգենտինայից ժամանած ուխտավորների

Լոռու մարզի դատախազները բացատրական աշխատանք են տանում դպրոցներում, անչափահասների շրջանում

Վթարվել են Տաշիրի ոստիկանության ծառայողները. ջոկի հրամանատարը մահացել է, 3 վիրավոր կա

Զորամասի ննջարանում հայտնաբերվել է կապիտանի դին՝ կրծքավանդակի շրջանում ստացած վիրավորումով

Հայաստանին կմոտենա նոր ակտիվ ցիկլոն, 3 օր շարունակ մարզերում անձրեւ ու կարկուտ է սպասվում