Արփինե Հովհաննիսյանը կլքի նախարարի պաշտոնը, Աշոտյանի հետ կգնա ԱԺ. անսպասելի ինքնաբացարկներ

ԿԸՀ-ն այսօր հրապարակեց այն անձանց ցանկը, որոնք հրաժարվել են ապրիլի 2-ի ընտրությունների արդյունքում ստացած մանդատներից: Մանդատից հրաժարվելու դիմումներ չի ներկայացրել միայն «Ելք» դաշինքը: Մյուս քաղաքական ուժերի ինքնաբացարկի ցուցակներում բավական հետաքրքիր անուններ կան: Տարօրինակն այն է, որ մանդատից հրաժարվելու դիմումներ են ներկայացվել նաեւ այն անձանց անունից, որոնք մինչ այդ պնդում էին, թե իրենք գնալու են ԱԺ: 

«Ծառուկյան» դաշինքի դեպքում տարօրինակ են ՀՀՇ կուսակցության ղեկավար Արարատ Զուրաբյանի, Նապոլեոն Ազիզյանի, Վահան Կարապետյանի, Հարություն Ղարագյոզյանի, Լյովա Խաչատրյանի, Խաչիկ Մանուկյանի, Արթուր Մամոյանի ինքնաբացարկները:

Նապոլեոն Ազիզյանն, օրինակ, իր հետ կապված սկանդալային դիմումի հրապարակումից հետո պնդում էր, թե ինքնաբացարկի դիմում չի գրելու:

Գործարար Խաչիկ Մանուկյանը ընդամենը ընտրություններից առաջ էր դուրս եկել ՀՀԿ-ից եւ որոշել «Ծառուկյան դաշինքի» Արագածոտնի մարզի տարածքային ցուցակով մասնակցել խորհրդարանական ընտրություններին։ 

Ինչ վերաբերում է Արթուր Մամոյանին՝ դեռ ընտրություններից առաջ տեղեկություններ էին շրջանառվում, որ նա չի ուզում հրաժարվել մանդատից եւ որպես բողոքի նշան պատրաստվում է լքել «Ծառուկյան» դաշինքը:

ՀՀԿ-ի դեպքում մանդատից հրաժարվողները նրանք են, որոնք մեծ հավանականությամբ գործադիրում պահպանելու են իրենց պաշտոնը կամ նոր են պաշտոն ստանալու: Խոսքն, օրինակ, Վիգեն Սարգսյանի եւ Արմեն Ամիրյանի մասին է. առաջինը, ըստ երեւույթին կպահպանի պաշտպանության, երկրորդը՝ մշակույթի նախարարի պաշտոնը:

Սամվել Սանամյանի վերաբերյալ այս ընթացքում մամուլում հրապարակումներ են եղել, որ նա պաշտոն կստանա պետական եկամուտների կոմիտեում: Արտակ Զաքարյանն արդեն աշխատանքի է անցել պաշտպանության նախարարությունում: Կարեն Բոթոյանի շուրջ շրջանառվող տեղեկությունների համաձայն՝ նա առաջիկայում նշանակվելու է Գեղարքունիքի մարզպետ, իսկ մարզպետ Ռաֆիկ Գրիգորյանը պատգամավորի մանդատ է ստանալու: Ինքնաբացարկ հայտնողների թվում է նաեւ Սյունիքի մարզպետ Վահե Հակոբյանը: Վերջինս եւս հավանաբար կմնա իր պաշտոնում: 

Մանդատից հրաժարվողների թվում չկա արդարադատության նախարար Արփինե Հովհաննիսյանի անունը: Սա նշանակում է, որ նա վերադառնում է Ազգային ժողով՝ հավանաբար որեւէ հանձնաժողովի նախագահի կարգավիճակով: Մանդատից չի հրաժարվել նաեւ կրթության եւ գիտության նախկին նախարար Արմեն Աշոտյանը:

Ինչ վերաբերում է ՀՅԴ ինքնաբացարկներին, այստեղ ամեն ինչ գրեթե պարզ է: Ինքնաբացարկ են ներկայացրել դաշնակցական նախարարները: Խոսքը վերաբերում է բնապահպանության նախարար Արծվիկ Մինասյանին, Տարածքային կառավարման նախարար Դավիթ Լոքյանին, կրթության եւ գիտության նախարար Լեւոն Մկրտչյանին: Ամենայն հավանականությամբ, նրանք կպահպանեն իրենց պաշտոնները:

Հիշեցնենք. armtimes.com-ը ապրիլի 2-ին տեղի ունեցած ընտրությունների արդյունքներով հրապարակել էր Ազգային ժողովի նախնական պատկերը՝ 6-րդ գումարման Ազգային ժողովի հնարավոր կազմը. ովքե՞ր են 4 խմբակցության 101 պատգամավորը

Վերը նշված ինքնաբացարկներով պայմանավորված պատկերը փոքր-ինչ կփոխվի:

Տպել
14108 դիտում

Գործարարները պատրաստակամություն են հայտնել աջակցել «Իմ քայլը» հիմնադրամին ոչ միայն ֆինանսապես

Քիչ առաջ Վանաձորում բերման են ենթարկել «օրենքով գող» Օշականցի Գեւորիկի եղբորորդուն

Հայկական ստորաբաժանումը առաջիկայում լիովին պատրաստ կմեկնի Սիրիա. Դավիթ Տոնոյան

Կարգադրվել է բարձրացնել զինվորականներին տրվող ներքնաշորերի որակը. Դավիթ Տոնոյան

Արցախում կայացել է մարտավարական զորավարժություն. ՊԲ-ն ներկայացնում է լուսանկարներ

Բուռն քննարկումներից հետո ՀԱԿ-ը որոշել է չմասնակցել արտահերթ ընտրություններին

Հայաստանի մի մասում անձրեւ, մյուսում՝ ձյուն է սպասվում. ԱԻՆ-ը հորդորում է անցնել ձմեռային անվադողերի

Գալուստ Սահակյանին փոխարինելու է Նաիրա Կարապետյանը

Պարգեւատրվել են լավագույն պարտադիր ժամկետային զինծառայողների ուսուցիչները

Դատախազությունն ուսումնասիրում է Հակոբ Հակոբյանի հայտարարությունը՝ կեղծ դեղեր գնվելու մասին

Հիմա էլ որպես ընդդիմություն են ստում. վերջին վարիանտ՝ Սերժ Սարգսյանը չէր հրաժարվի նաեւ ժողովրդի դեմ չերյոմուխա կիրառել

Քաղաքապետը Միջազգային պարալիմպիկ կոմիտեի նախագահի հետ հանդիպմանը կարևորել է պարասպորտի զարգացումը

Քրեական հեղինակություն Շալիկոյի սպանությունը նախապատրաստելու համար մարզիկին մեղադրանք է առաջադրվել

Ամփոփվել են ՎՏԲ-Հայաստան Բանկի #երբշահումես  մարքեթինգային արշավի արդյունքները

Աննա Հակոբյանը Մոսկվայում է. հանդիպումների ժամանակ ներկայացրել է իր ծավալած գործունեությունը

Վարչապետի խորհրդականը՝ ռեյտինգային թեկնածու

Ազգային ժողովի արձակումից հետո նոյեմբերի 11-ին տեղի կունենա առաջին լիագումար նիստը

Թուրքիային Քեմալ Օքսուզին հանձնելու միջնորդությունը ստացվել է ԱՄՆ-ի միջնորդությունը բավարարելուց հետո

Քունջութի յուղից և մածուկից մինչև դիզայն ու փրոդաքշն. սփյուռքահայերի բիզնեսը Հայաստանում (տեսանյութ)

Աննա Հակոբյանն այցելել է սիրված դերասան, թատրոնի ռեժիսոր Արմեն Ջիգարխանյանին