Նապոլեոն Ազիզյանը Ծառուկյանի հետ խոսելիք ունի. ո՞վ է ուզում տիրանալ նրա մանդատին

Օրերս լրատվամիջոցները հրապարակել էին «Ծառուկյան» դաշինքից ռեյտինգային ընտրակարգով առաջադրված ԱԺ պատգամավորի թեկնածու Նապոլեոն Ազիզյանի դիմումը, որի համաձայն նա հայտնում է ինքնաբացարկ եւ հանում իր անունը «Ծառուկյան» դաշինքի ցուցակից: Վերջինս, սակայն հայտարարել էր, թե չի պատրաստվում հրաժարվել մանդատից:

Այսօր Նապոլեոն Ազիզյանից հետաքրքրվեցինք՝ այդ թեմայով խոսե՞լ է Գագիկ Ծառուկյանի կամ ԲՀԿ ղեկավարներից որեւէ մեկի հետ: Ազիզյանն ասաց, որ վատառողջ է եւ նշեց, որ առողջանալուն պես կփորձի նրանից պարզել, թե ով է տարածել այդ դիմումը, որը կա միայն իր եւ նոտարի մոտ:

Հարցին, թե պատրաստվո՞ւմ է հրաժարվել մանդատից՝ Ազիզյանը բացասական պատասխան տվեց. «Ոչ, ոչ հրաժարվել եմ, ոչ էլ հրաժարվելու եմ»:

Նրա փաստաբան Լեռնիկ Հովհաննիսյանն էլ պնդեց, որ այդ դիմումը ընտրություններից հետո կորցրել է իր իրավական ուժը:

- Պարոն Հովհաննիսյան, «Ծառուկյան» դաշինքի կողմից որեւէ պահանջ ներկայացվե՞լ է պարոն Ազիզյանին, թե՞ ամեն ինչ խոսակցությունների մակարդակով է:

- Ոչ, նման պահանջ չկա, ինքն էլ դեռ չի հանդիպել ղեկավարության հետ, տանն է, ինձ թվում է աշխատանքային օրերին կերեւա: Ուղղակի ինչ-որ մեկը իր մանդատի հարցերը լուծելու համար փորձել է պարոն Ազիզյանի անունը դնել շրջանառության մեջ, իր համար տեղ ազատել: Բնական է ցուցակից դուրս ինչ-որ մեկն է, որ էդ անցողիկ 30-ի կամ 31-ի մեջ չի:

- Ռեյտինգայինով թիվ 4 ընտրատարածքում իրենից հետո Վահե Էնֆիաջյանն է, նա՞ է խոսակցությունը շրջանառության մեջ դնողը, թե՞ համամասնական ցուցակից որեւէ մեկն է:

- Ինձ էլ է թվում, որ համամասնականի խնդիր կարող է լինել, ինձ այդպես է թվում:

- Չգիտե՞ք ով է:

- Չէ, չգիտեմ ով է, որովհետեւ ով մութ քայլեր է անում՝ պարզ է չի բացահայտվի, չի ասի, թե ինչ է անում, ինչ նպատակով, դրա համար ինձ էլ պարզ չի, թե ով է, ինչ է անում: Պարզ է, որ իրավական ոչ մի գործընթաց չի կարող լինել, որովհետեւ ոչ մի ցուցակ էլ դեռ հաստատված չի:

- Կուսակցությունից Նապոլեոն Ազիզյանի հետ չե՞ն փորձել խոսել:

- Իր հետ ոչ մի խոսակցություն չի եղել, ոչ աշխատանքային օրեր էին այս ընթացքում:

- Դուք պարոն Ազիզյանի հետ խոսե՞լ եք, ինչու է ստորագրել նման դիմումի տակ:

- Էդ դիմումը ստորագրել է փաստաթղթերը հանձնելու օրը, երբ որ թղթերը տվել է: Ինքը գումար չի ունեցել շտաբներ բացելու եւ այլնի համար, դիմումը գրել է, որ եթե մինչեւ ամսի 16-ը (երբ որ ցուցակները հրապարակվում են) գումար չունենա, պետք է հրաժարվի առաջադրվելուց: Բայց քանի որ պարոն Ծառուկյանը խոստացավ, որ կաջակցի, դրա համար այդ դիմումը ուժը կորցրեց: ԸՕ 90 հոդվածի 2-րդ մասն ասում է, որ երկու տեսակի դիմում կա. 1. եթե թեկնածու ես առաջադրվում եւ ինչ-որ պատճառով չես մասնակցելու ընտրություններին, ապա ընտրություններից 10 օր առաջ մինչեւ 18:00-ն պետք է դիմում ներկայացնես, որ քվեաթերթիկում քո անունը չլինի: Դա մինչեւ թեկնածու գրանցվելն է: Իսկ ընտրություններից հետո մեկ այլ դիմում կա, որ ընտրված թեկնածուն հրաժարվում է մանդատից: Պարոն Ազիզյանը որեւէ դիմում չի ներկայացրել ամսի 3-ից հետո, ինքն էլ նպատակ չունի հրաժարվել մանդատից, մասնակցել է ընտրություններին ինչի՞ համար, հո նրա համար չի՞ առաջադրվել, որ ձայներ բերի, առաջադրվել է՝ պատգամավոր ընտրվելու համար:

Հիշեցնենք, որ ապրիլի 2-ին տեղի ունեցած խորհրդարանական ընտրությունների արդյունքներով  «Ծառուկյան» կուսակցությունների դաշինքը հայտնվեց 2-րդ տեղում է եւ հնարավորություն ստացավ խորհրդարանում ունենալ 30+1 (30+1 ազգային փոքրամասության ներկայացուցիչ) պատգամավոր:

Թիվ 4 ընտրատարածքում «Ծառուկյան» դաշինքից ամենաշատ ձայները ստացել էր «Միլլար» ՍՊԸ տնօրեն Նապոլեոն Ազիզյանը (4332 ձայն): Նրան հաջորդում էր Վահե Էնֆիաջյանը՝ 3484 ձայնով: Բայց քանի որ այդ ընտրատարածքում «Ծառուկյան» դաշինքին բաժին էր ընկնում 1 մանդատ, ուստի այն բաժին էր հասնում Ազիզյանին: Վահե Էնֆիաջյանը խորհրդարան է անցնելու համամասնական մանդատով:

Ընդգծենք, որ բազմիցս խոսվել է այն մասին, որ հատկապես ՀՀԿ-ն եւ ԲՀԿ-ն բոլոր թեկնածուներին նախօրոք մանդատից հրաժարվելու դիմում են գրել տալիս, որ ցանկացած պահի կարողանան նրանց դուրս հանել խաղից:

Տպել
7801 դիտում

Նոր Նորքում գտնվող 4000 տարեկան ժայռապատկերները վտանգված են. քաղաքագետը ահազանգում է, քաղաքապետի խոսնակը՝ արձագանքում

Շուտով կբեմադրվի փաստավավերագրական ներկայացում՝ նվիրված Մոնթե Մելքոնյանին. նախագիծն իրականացվում է Մոնթեի կնոջ հետ

«Հայի բախտ ասվածն այլևս չար բախտը չէ»

Ակունք համայնքում անցկացվել է «Գեղարքունյաց Ձմեռ -2020» մարզամշակութային միջոցառումը

Արմավիրի ոստիկաններն ապօրինի թմրաշրջանառության դեպք են բացահայտել (տեսանյութ)

Արմավիրի մարզպետը շնորհավորել է եզդիական համայնքին Սուրբ Խըդըր Նաբիի տոնի առթիվ

Իրանի խորհրդարանական ընտրությունները նշմարում են Ռոհանիի իշխանության ավարտը. իշխող ուժի շանսերը փոքր են

Վթար Կապանում. «Հունդայի Սանտաֆե»-ի 46-ամյա ուղևորը մահացել է

Արարատի ծննդօգնության ծառայություններ մատուցող բժշկական հաստատություններում հունվար ամսին ծնվել է 53 տղա եւ 71 աղջիկ

Քաղաքապետարանում տեղյակ չեն, թե Երեւանին նվիրաբերված սեքվոյա հսկա ծառի սերմերը որտեղ են պահվում

Նախագահական նստավայրում կայացել է ռուսական ռոմանսի երեկո՝ նվիրված Մեծ հաղթանակի 75-ամյակին

Նախ ասել են՝ երեխաս աղիքային խնդիր ունի, հետո՝ իբր մահացել է. տարիներ առաջ ծննդաբերած կինը փնտրում է իր աղջկան

Երևան-Սևան ավտոճանապարհին մեքենան բախվել է երկաթե արգելապատնեշներին. 37-ամյա վարորդը մահացել է

Դիլիջանի «Շլորկուտ» հանդամասում 5000 քմ խոտածածկույթ է այրվել. ԱԻՆ

Նոր Նորք վարչական շրջանում ոստիկանության ուժեղացված ծառայություն է իրականացվել

Ոստիկանությունը իդեալականին մոտ ցուցակներ է խոստանում. այս անգամ կհամագործակցեն նաեւ թաղման բյուրոների հետ

Ամփոփվել են Երեւանի 2019թ. բյուջեի եւ զարգացման ծրագրի հաշվետվությունների վերաբերյալ առաջարկներն ու դիտողությունները

Իրանում կորոնավիրուսը հասել է արդեն մայրաքաղաք Թեհրան. երկրում 18 հաստատված դեպք կա

Սահմանադրական փոփոխությունների հանրաքվեի քարոզարշավը Շիրակի մարզ դեռ չի հասել. Արամ Անտոնյան

Հայկ Մարությանն ընդունել է Հայաստանում Վրաստանի դեսպան Գիորգի Սագանելիձեին