«Ելք» դաշինքը դեռ չի ստացել «Զիբիլիքսի» գործը կարճելու որոշումը. ի՞նչ քայլեր կձեռնարկվեն

17/08/2017 schedule11:12

Երեւանի ավագանու ընտրություններից հետո հարուցված եւ «Զիբիլիքս» անվանումը ստացած սկանդալային գործի կարճման որոշումը «Ելք» դաշինքը դեռեւս չի ստացել:

Այս մասին մեր հարցին ի պատասխան ասաց «Ելք» խմբակցության պատգամավոր Արտակ Զեյնալյանը:

Հիշեցնեք, որ սույն աղմկոտ գործը ՀՔԾ-ն կարճել է հուլիսի 25-ին. այն կարճվել է հանցակազմի բացակայության հիմքով:

Հիշեցնենք, «Ելք» դաշինքի անդամները դեռեւս մայիսին իրավապահներին հանցագործության մասին հաղորդում էին ներկայացրել՝ դրան կցելով Տարոն Մարգարյանի Կոմիտաս 56 հասցեում գտնվող ընտրական շտաբի մոտ գտնվող աղբամաններից հայտնաբերված սկանդալային փաստաթղթեր, որոնք դաշինքի պնդմամբ, վկայում են, որ Երեւանի ավագանու մայիսի 14-ի ընտրություններում Հանրապետականի կողմից ընտրակաշառքի բաժանումը կրել է համակարգված եւ կենտրոնացված բնույթ:

Ըստ «Ելք»-ի՝ մոտ 30-էջանոց այդ նյութերը իրենց մոտ հայտնվել են, երբ գործող քաղաքապետ Տարոն Մարգարյանի Կոմիտաս 56 հասցեում գտնվող ընտրական շտաբի աշխատակիցը դրանք նետել է աղբամանը:

Մեր զրույցում «Ելք» խմբակցության պատգամավոր Արտակ Զեյնալյանն ասաց, որ պաշտոնապես իրենց հայտնի չէ, որ քրեական գործը կարճվել է: «Ես արդեն մտածում եմ, որ դա այնքան էլ չի համապատասխանում իրականությանը, այլապես մենք ստացած կլինեինք այդիպիսի որոշում»,- ասաց պատգամավորը: Մեր դիտարկմանը, որ գործը կարճվել է հանցակազմի բացակայության հիմքով, արդյո՞ք հանցակազմ չկար գործում, Զեյլանյանն ասաց. «Հաղորդումը մենք ենք տվել եւ համոզված ենք եղել դրա ճշմարտացիության մեջ: Այո, մենք գտնում ենք, որ հանցակազմ կա: Մեր իրավունքներն այդ հանցագործությամբ խախտվել են»: Հարցին, եթե ստանանք գործի նյութերը բողոքարկելո՞ւ եք կարճման որոշումը, թե՞ ոչ, «Ելք» խմբակցության պատագամավորը կրկին նշեց, որ իրենք կասկածում են, որ այդպիսի որոշում գոյություն ունի. «Երբ որ ստանանք այդ որոշումը, կուսումնասիրենք եւ համապատասխան հետեւություններ կանենք: Դեռեւս մեզ համար չկա այդպիսի որոշում, քանի որ չենք ստացել»,- եզրափակեց Արտակ Զեյնալյանը:

Նշենք, որ «Ելք» դաշինք անդամների պնդմամբ, ընտրակաշառքի բաժանման գործընթացում ներգրավված են եղել նաեւ իրավապահները, մասնավորապես՝ թղթերից մեկը Հանրապետականի շտաբ է ուղարկվել ոստիկանության ֆաքսի համարից, որտեղ նշված են եղել ոստիկանների անուն-ազգանունները, կոչումը, պաշտոնը: Խոսքն այս դեպքում ՊՊԾ գնդի աշխատակիցների անուններով կազմված ցուցակի մասին էր, որում նշված էր՝ ընտրություններում ով ինչքան ձայն պետք է ապահովի ՀՀԿ-ի համար: ՊՊԾ աշխատակիցների մասով ՀՀ ոստիկանության պետ Վլադիմիր Գասպարյանի հրամանով ծառայողական քննություն նշանակվեց եւ որոշ ժամանակ անց կասեցվեց:

Տպել
1000 դիտում

Քրգործ՝ նախկին ոստիկանապետ Վլադիմիր Գասպարյանի կողմից առերեւույթ պաշտոնեական լիազորությունները չարաշահելու դեպքով

«Արցախը» բանակցում է ներդրողների հետ, իսկ Երեւանի «Լոկոմոտիվը» ոչ ոք չի գնել

Արգելեք Թուրքիայից ներկրվող լոլիկը. ֆերմերները դժգոհ են գյուղնախարարի պաշտոնակատարից

Ե՞րբ կշնորհավորի պաշտոնական Մոսկվան Նիկոլ Փաշինյանին. դեսպանը պարզաբանում է

Պետությանը պատճառած ավելի քան 425 մլն դրամի վնասից բյուջե է վերականգնվել 335 մլն.-ը. ՊԵԿ

Մահացել է ՀԽՍՀ մշակույթի վերջին նախարար Յուրի Մելիք-Օհանջանյանը

Աջափնյակ վարչական շրջանում կիրականացվի լայնամասշտաբ շաբաթօրյակ

1 միլիոն դոլար ներդրմամբ «Մաթեւոսյան կենտրոն»-ի շինարարությունն անժամկետ դադարեցված է

«Ոսկե ծիրան» կինոփառատոնի ողջ ղեկավար կազմը փոխվեց. կինոյի մասին օրենքը մնում է օդից կախված

Վանաձորը տոնական տեսքի բերելու համար բյուջեից հատկացվել է 4.5 մլն դրամ

Մոուրինյոն հեռացվեց «Մանչեստեր Յունայթեդից»

ՌԴ-ն աշխատում է Երեւանի ու Բաքվի միջեւ ուղիղ երկխոսության հնարավորությունների ստեղծման ուղղությամբ. դեսպան

Համատեղ պայքարել ժամանակակից մարտահրավերների դեմ. Օսիպյանն այցելել է Վրաստան (տեսանյութ, լուսանկարներ)

Արմեն Սարգսյանը շնորհավորական ուղերձ է հղել Քաթարի Հայր Էմիր Շեյխ Համադ Բին Խալիֆա Ալ Թանիին

Ի՞նչն է խանգարում հայ-ադրբեջանական երկխոսությանը

Տարեվերջին գնաճի ավելի ցածր ցուցանիշ կգրանցվի, քան կանխատեսվում էր. ԿԲ խորհրդի անդամ

Պատգամավորները մանդատները կստանան դեկտեմբերին, իսկ ԱԺ առաջին նիստը կկայանա հունվարին

Վերացվել է ուռճացումն ու նկարչությունը. «Իմ քայլը» պատասխանում է «Լույս» դաշինքի բարձրացրած հարցերին

Կրակոց՝ ինքնաձիգից. ավագ լեյտենանտն անզգուշությամբ վնասվածք է հասցրել ծառայակցին

Մանվել Գրիգորյանը հրաժարվում է ՄԻԵԴ դիմել, այլ կերպ է նայում իրավիճակին. պաշտպան