Գագիկ Ծառուկյանը չգիտեր, որ չեմպիոնի հայրը մահացած է. միջադեպ Զվարթնոցում (տեսանյութ)

Երեկ «Զվարթնոց» օդանավակայանում ըմբշամարտի աշխարհի չեմպիոններին դիմավորելու հանդիսավոր արարողության ժամանակ Հայաստանի օլիմպիական կոմիտեի նախագահ, ԱԺ պատգամավոր Գագիկ Ծառուկյանի եւ աշխարհի չեմպիոն Մաքսիմ Մանուկյանի միջեւ միջադեպ գրանցվեց:

Ուղիղ հեռարձակման տեսագրության մեջ տեսանելի է, որ «Զվարթնոց» օդանավակայանի սպասասրահում ՀԱՕԿ նախագահը տեսախցիկների ներկայությամբ զրուցում է աշխարհի եռակի չեմպիոն Արթուր Ալեքսանյանի հետ: «Ջուլֆալակյանին էլ ասա գա, ո՞ւր ա, պապադ ո՞ւր ա»,- դիմելով Արթուր Ալեքսանյանին՝ ասաց Գագիկ Ծառուկյանը: Մինչ Արթուրի հայրը՝ Գեւորգ Ալեքսանյանը, հավաքված քաղաքացիների միջից կմոտենար Ծառուկյանին, նա շարունակում է. «Փոխանակ հաղթական տղուդ հետ քայլես, տարել քցել են ընդեղ, ըտենց ո՞նց կլնի: Էսօր մեծամասնությունը, հաղթանակը քոնն ա….»:

Արթուր Ալեքսանյանին հորը գովելուց հետո, Գագիկ Ծառուկյանը դիմեց Մաքսիմ Մանուկյանին. «Մաքսիմ ջան ո՞ւր ա, պապադ ստե՞ղ ա»: Այդ ժամանակ Արթուր Ալեքսանյանի հայրն ասաց. «Չէ, պապան մահացած է»: Գրեթե միաժամանակ Մաքսիմ Մանուկյանն էլ ասաց. «Իմ պապան մահացած է»:

ՀԱՕԿ նախագահն առանց որեւէ այլ բան ասելու շարունակում է. «Քո մարզիչն ո՞ւր ա, Ջուլֆալակյանն ո՞ւր ա, կանգնեք, կանգնեք թող մի հատ նկարեն»:

Նկարվելուց հետո, երբ Գագիկ Ծառուկյանն ու Արթուր Ալեքսանյանը պատասխանեցին լրագրողների հարցերին, Մաքսիմ Մանուկյանն աննկատ հեռացավ օդանավակայանի տարածքից:

Ի դեպ, Մաքսիմ Մանուկյանը աշխարհի առաջնությունում հաղթանակից հետո լրատվամիջոցների հետ զրույցում ասել էր, որ հաղթանակը նվիրում է հորը: «Հաղթանակս նվիրում եմ հայրիկիս։ Վստահ եմ, որ նա հիմա տեսնում է ինձ վերեւից եւ հպարտանում ինձնով»,- news.am-ի հետ զրույցում մինչ Երեւան ժամանելը ասել էր Մաքսիմ Մանուկյանը:

Armtimes.com-ը փորձեց ՀԱՕԿ գլխավոր քարտուղար, ՀՀ սպորտի եւ երիտասարդության հարցերի նախարար Հրաչյա Ռոստոմյանից տեղեկանալ, մի՞թե Գագիկ Ծառուկյանը տեղյակ չէր, որ Մաքսիմ Մանուկյանի հայրը մահացած է: «Ձեր հարցը հեչ տեղին չի, ուրիշ ի՞նչ հարց ունեք, սպորտի հետ կապված ուրիշ ի՞նչ հարց ունեք, սպորտի հետ կապված հարց ունե՞ք, լավ շնորհակալություն»,- ասաց Հրաչյա Ռոստոմյանն ու անջատեց հեռախոսը:

Առավել մանրամասն՝ տեսանյութում:

Տպել
42728 դիտում

Կեղտոտ քարոզարշավ է, կեղտոտ եւ սեւ PR տեխնոլոգիաների կիրառմամբ. քաղաքագետն՝ ընտրությունների մասին

ՀՀ քաղաքացիություն չունեցող անձինք նույնպես կարող են մասնակցել Երեւանի ավագանու ընտրություններին

Հեռախոսային խոսակցությունների գաղտնիությունը խախտելու փաստով ԱԺ-ում տեղի կունենա առաջին նիստը

Երեւանում վթարի է ենթարկվել նախկին պատգամավոր Գագիկ Մխեյանի որդին՝ էլցանցի գլխավոր տնօրենի խորհրդականը

Վարչապետի որոշմամբ՝ նշանակվել է անշարժ գույքի կադաստրի կոմիտեի ղեկավարի տեղակալ

Երեւան-Սեւան ճանապարհին կայանած մեքենային է բախվել մեկ այլ մեքենա. կա 3 վիրավոր, այդ թվում՝ 2 երեխա

Հայաստանում Կոնգոյի դեսպանը հավատարմագրերի պատճենն է հանձնել ՀՀ ԱԳ նախարարին

«Լրագրողներ առանց սահմանների» կազմակերպությունը դատապարտել է խուզարկությունները Yerevan.Today-ում

Պուտին-Էրդողան հանդիպման արդյունքները. Իդլիբի շուրջ զինված գործողություններ, հարձակում չի լինի

Այսօր ու վաղը Հայաստանի մեծ մասում սպասվում է անձրեւ, ամպրոպ, քամու ուժգնացում

3 տարբեր մեդալներ ու խրախուսումներ՝ ԱԻ նախարարության մի շարք աշխատակիցների

Երեւանում 28-ամյա երիտասարդը ինքնասպան լինելու համար նախ կտրել է նախաբազուկը, ապա 3 ածելի կուլ տվել

Մեկը գնում է ԿԳԲ, մեկը՝ միլիցիա, երրորդը՝ Արմենտել. Շիրազը կարմիր ասֆալտի երես չի տեսնի

Թող հավատի ջահը լուսավորի հայ ժողովրդի ուղին. Հռոմի պապը շնորհավորական ուղերձ է հղել Մխիթարյան միաբանությանը

Ես անպայման կզբաղվեմ, կպարզեմ ով է թեկնածուի նկատմամբ քաղաքական տեռոր անում. վարչապետ (տեսանյութ)

Վրաստանում ՀՀ քաղաքացին բռնվել է ոստիկանին կաշառք առաջարկելիս, պարտավորեցրել են 3000 լարի տուգանք մուծել

«Նուբարաշեն» քրեակատարողական հիմնարկի դատապարտյալի ծանրոցում հաբեր ու կաթոցիկ է հայտնաբերվել

Լևոն Արոնյանի կինը հեծանվով 1800 կմ տարածություն կանցնի Թուրքիայով եւ Իրանով դեպի Հայաստան

ՀՀ ԶՈՒ-երի,ՊԲ-ի կողմից իրավիճակը լիովին վերահսկվում է. Ն. Փաշինյանը՝ Արցախի դիրքերում (լուսանկարներ)

Հ. Աբրահամյանի եղբայրը գյուղի ձկնաբուծարանը սնուցող խողովակներն ապամոնտաժել, ուղղությունը փոխել է դեպի իր ձկնաբուծարան