22-ամյա անասնապահը Շիրակում վարակվել է բրուցելոզով. վիրուսը վերջին տարիներին մոլեգնում է

Շիրակի մարզում բրուցելոզի դեպք է գրանցվել: Հիվանդությամբ վարակվել է Ամասիայի տարածաշրջանի Մեղրաշատ գյուղի 22-ամյա անսանապահ Սերգեյ Սահակյանը: Այս պահին անասնապահը ստացիոնար բուժում է ստանում Գյումրու ինֆեկցիոն եւ համատուբերկուլիոզային հիվանդանոցում: Սերգեյն armtimes.com-ի հետ զրույցում պատմել է դեպքի մանրամասները:

«Պատճառը չգիտեմ ինչն է, դաշտն էի, միամիտ սկսվավ ցավերը: Կողիս մոտ ցավեր զգացի: Անասունների հետ շփվում եմ, արդեն 3-4 տարի, բայց բրուցելոզով հիվանդ չկա: Երեւի էս վերջերս է հիվանդությունը տարածվել, դրա համար էլ հիվանդացել եմ: Մայիսի մեջ են եկել մի անգամ ստուգել ու դրանից հետո, ոչ մի տիպի ստուգում չի եղել: Ամասիայում միայն անասնաբույժ կա, մեր գյուղում չկա, ինքը մի քանի գյուղերում է աշխատում»,- armtimes.com-ին տեղեկացրեց Մեղրաշատի երիտասարդ անասնապահը:

Սերգեյը իր հսկողության տակ ունի մոտ 150 հատ  խոշոր եղջերավոր անասուն: Ասում է, որ այժմ տեղեկություն չունի՝ գյուղում հիվանդություն տարածված է, թե՝ ոչ:

«Հիմա չգիտեմ, հիվանդություն կա տարածված, թե՝ չէ: Ոչ գալիս են, ոչ էլ ստուգում»,-նշում է անասնապահը:

Սերգեյը նաեւ պատմում է, որ մինչեւ հիվանդանոց դիմելը, մոտ 15 օր իր մոտ եղել է բարձր ջերմություն, հոդամկանացավեր, առատ քրտնարտադրություն, թուլություն, ախորժակի բացակայություն: Գյումրու ինֆեկցիոն հիվանդանոցից armtimes.com-ին փոխանցեցին, որ տղայի կյանքին վտանգ չի սպառնում, նրա բուժումն ընթանում է բնականոն:

«Տղան հիվանդանոց ընդունվել է հիվանդության 11-րդ օրը: Սկզբնական շրջանում ունեցել  է բարձր ջերմություն, ուշադրություն չի դարձրել, բայց երբ ցավերը ուժեղացրել են՝ դիմել է Գյումրի բժշկական կենտրոն: Այնտեղ, հաստատելով բրոցելոզ ախտորոշումը, տեղափոխել են այստեղ»,-մեզ հետ զրույցում ասաց ինֆեկցիոն հիվանդանոցի վարակաբան Կարինե Հովհաննիսյանը:

Բժշկուհու խոսքով՝ այս հիվանդությունով վարակվում են այն դեպքում, երբ շփում կա խոշոր եղջերավորի հետ կամ սնվում են արդեն վարակված կենդանու կաթնամեթերքով ու մսամթերքով:

«Այս տղան պանիրից էլ է օգտվել, կաթից էլ, մսից էլ եւ այլ սննդատեսակներից: Հետեւաբար չենք կարող ասել, թե հստակ ինչից է վարակվել, քանի որ սննդից բացի նաեւ կոնտակտ ունի անասունների հետ, անասնապահությամբ է զբաղվում»,-նշում է վարակաբանը:

Ինֆեկցիոն հիվանդանոցից փոխանցում են, որ տղայի կյանքին վտանգ չի սպառնում, թեեւ բուժման համար երկար ժամանակ է պահանջվելու: Վարակաբան Կարինե Հովհաննիսյանը նաեւ ավելացնում է, որ վերջին մի քանի տարիներին մարդիկ եռակի անգամ ավելի շատ են վարակվում բրուցելոզով:

«Վերջին երկու տարիներին այս վարակով շատ հիվանդներ ենք ունենում, քանի որ ինֆեկցիոն վիճակը բարձրացել է բրոցելոզով հիվանդության: Հիմնականում Հովունի, Հովիտ գյուղերից ենք ունենում հիվանդներ: Հիվանդացության մակարդակը բարձրացել է: Եթե հինգ տարով ետ գնանք, ապա կարող եմ ասել, որ այսօր մարդկանց մոտ բրուցելոզով հիվանդության ցուցանիշը երկու-երեք անգամով բարձրացել է»,-ասում է վարակաբանը:

Շիրակի մարզպետարանի գյուղատնտեսության վարչության պետ Մովսես Մանուկյանն էլ armtimes.com-ին փրձեց վստահեցնել, որ մարզում համաճարակի վտանգ չկա: Ստուգումներն իրականացվում են ըստ ժամանակացույցի՝ յուրաքանչյուր տարվա գարնանը եւ աշնանը: Մանուկյանի խոսքով՝ մայիսին Մեղրաշենում արդեն իսկ անասունները հետազոտվել են:

«Մեր մարզում բրուցելոզ չկա, հիվանդությունը տարածված չէ, էդ մի հոգին է հիվանդանոցում պառկած՝ կբուժվի: Ես ի՞նչ իմանամ ինքը որտեղի անասունից է միս ու կաթ կերել, որ վարակվել է, այդ համայնքում բրուցելոզի վարակ չկա»,-նշեց գյուղվարչության պետը:

Շիրակի մարզում առկա է անասնաբույժերի լուրջ խնդիր: Աշխատավարձով պայմանավորված՝ շատերը չեն ցանկանում աշխատել անասնաբույժ, ոմանք նույնիսկ թողնում են աշխատանքը եւ մեկնում արտագնա աշխատանքի: Մի քանի գյուղերի սպասարկում է ընդամենը մեկ անասնաբույժ:

Տպել
26022 դիտում

Գործարարները պատրաստակամություն են հայտնել աջակցել «Իմ քայլը» հիմնադրամին ոչ միայն ֆինանսապես

Քիչ առաջ Վանաձորում բերման են ենթարկել «օրենքով գող» Օշականցի Գեւորիկի եղբորորդուն

Հայկական ստորաբաժանումը առաջիկայում լիովին պատրաստ կմեկնի Սիրիա. Դավիթ Տոնոյան

Կարգադրվել է բարձրացնել զինվորականներին տրվող ներքնաշորերի որակը. Դավիթ Տոնոյան

Արցախում կայացել է մարտավարական զորավարժություն. ՊԲ-ն ներկայացնում է լուսանկարներ

Բուռն քննարկումներից հետո ՀԱԿ-ը որոշել է չմասնակցել արտահերթ ընտրություններին

Հայաստանի մի մասում անձրեւ, մյուսում՝ ձյուն է սպասվում. ԱԻՆ-ը հորդորում է անցնել ձմեռային անվադողերի

Գալուստ Սահակյանին փոխարինելու է Նաիրա Կարապետյանը

Պարգեւատրվել են լավագույն պարտադիր ժամկետային զինծառայողների ուսուցիչները

Դատախազությունն ուսումնասիրում է Հակոբ Հակոբյանի հայտարարությունը՝ կեղծ դեղեր գնվելու մասին

Հիմա էլ որպես ընդդիմություն են ստում. վերջին վարիանտ՝ Սերժ Սարգսյանը չէր հրաժարվի նաեւ ժողովրդի դեմ չերյոմուխա կիրառել

Քաղաքապետը Միջազգային պարալիմպիկ կոմիտեի նախագահի հետ հանդիպմանը կարևորել է պարասպորտի զարգացումը

Քրեական հեղինակություն Շալիկոյի սպանությունը նախապատրաստելու համար մարզիկին մեղադրանք է առաջադրվել

Ամփոփվել են ՎՏԲ-Հայաստան Բանկի #երբշահումես  մարքեթինգային արշավի արդյունքները

Աննա Հակոբյանը Մոսկվայում է. հանդիպումների ժամանակ ներկայացրել է իր ծավալած գործունեությունը

Վարչապետի խորհրդականը՝ ռեյտինգային թեկնածու

Ազգային ժողովի արձակումից հետո նոյեմբերի 11-ին տեղի կունենա առաջին լիագումար նիստը

Թուրքիային Քեմալ Օքսուզին հանձնելու միջնորդությունը ստացվել է ԱՄՆ-ի միջնորդությունը բավարարելուց հետո

Քունջութի յուղից և մածուկից մինչև դիզայն ու փրոդաքշն. սփյուռքահայերի բիզնեսը Հայաստանում (տեսանյութ)

Աննա Հակոբյանն այցելել է սիրված դերասան, թատրոնի ռեժիսոր Արմեն Ջիգարխանյանին