Առաջարկվում է երթուղային փոքր ցանց, միայն տրոլեյբուսային երթուղիներ, ավտոբուսի առանձին գիծ

Երեւանի քաղաքապետարանում այսօր կայացել է հասարակական տրանսպորտի բարեփոխումների աշխատանքային խմբի հերթական նիստը:

Քաղաքապետի տեղակալ Վահե Նիկոյանը հրապարակել է միջազգային խորհրդատու կազմակերպության մի շարք առաջարկներ, որոնք վերաբերում են մայրաքաղաքում առկա երթուղիների քանակը էապես նվազեցնելուն, այս կամ այն երթուղին միայն տրոլեյբուսով սպասարկելուն եւ այլն:

Խորհրդատուի հաշվետվության մեջ, որը  նախնական տվյալներ է պարունակում երթուղային ցանցի վերաբերյալ, առաջարկվում է երթուղիների թվաքանակը կրճատել երեք անգամ:

«Իհարկե, բոլորս հասկանում ենք, որ խորհրդատու կազմակերպությունը դեռ դա պետք է իր վերջնական հաշվետվության մեջ հիմնավորի եւ ապացուցի: Մենք խորհրդատուին դրա վերաբերյալ մեր մանրամասն պահանջները ներկայացրել ենք, թե ինչպես պետք է նաեւ հասկանալի դառնա՝ արդյոք այդ ցանցը, որը կկառուցվի երեք անգամ պակաս երթուղիներով, ապահովելո՞ւ է քաղաքի ամբողջ ծածկույթը նորմատիվների սահմաններում, թե՞ ոչ, նաեւ՝ բնակավայրերից նորմատիվային հեռավորությունները»,- ասաց աշխատանքային խմբի ղեկավար փոխքաղաքապետը:

Նրա խոսքից հայտնի դարձավ, որ խորհրդատուն առաջարկում է քաղաքի որոշ փողոցներոմ ունենալ ավտոբուսների համար առանձնացված գծեր: Նա նաեւ նշեց, որ այդ տարբերակի դեպքում առաջ կգա ճանապարհային երթեւեկության կանոնների փոփոխության անհրաժեշտություն:

Միջազգային խորհրդատուի մեկ այլ առաջարկ վերաբերում է տրոլեյբուսներին:

Խորհրդատուի հաշվետվությունը նիստի մասնակիցների քննարկմանը ներկայացնելիս՝ Վահե Նիկոյանն ասաց. «Միջազգային փորձի հիման վրա մեր խորհրդատուն առաջարկել է, որ տրոլեյբուսային գծերը լինեն միակը այդ հատվածում, այսինքն՝ չունենան այլ տրանսպորտային տեսակով կրկնություն»:

Եթե մետրոյի պարագայում խորհրդատուն նպատակահարմար է գտել ունենալ գոնե մեկ վերգետնյա այլընտրանք, ապա տրոլեյբուսի պարագայում, փաստորեն, կարծում է, որ տվյալ երթուղում դա պետք է լինի հասարակական տրանսպորտի միակ միջոցը:

Երեւանի քաղաքապետի տեղակալն ընդգծեց, որ առաջարկը քննարկելիս աշխատանքյին խումբը պետք է դիտարկի տրոլեյբուսների ոչ թե ներկայիս վիճակը, այլ հաշվի առնել, որ տրանսպորային բարեփոխումները ներառելու են առկա տրոլեյբուսային գծերի վերականգնումը, արդիականացումը եւ տրոլեյբուսների փոխարինումը նորով:

Երեւանի երթուղային ցանցի վերջնականացման հետ կապված մեկ այլ խնդիր քաղաքապետարանը համարում է այն հանգամանքը, որ այժմ գործող երթուղային ցանցն ընդգրկում է նաեւ հարակից գյուղական համայնքները: Քաղաքապետարանը սպասում է Տրանսպորտի եւ կապի նախարարության կարծիքին, թե որքանո՞վ է հնարավոր, որ այդ ուղղություներն այլեւս չսպասարկվեն եւ եթե հնարավոր է, ապա այդ դեպքում տրանսպորտի նախարարությունը նախատեսո՞ւմ է ապահովել այդ գյուղերի կապը Երեւանի հետ:

Տպել
3123 դիտում

Ռուսաստանը 2-րդ հաղթանակը տարավ ԱԱ 2018-ում

Նախկին բարձրաստիճան պաշտոնյայի և նրա թիկնազորի մեքենաները տեղափոխվել են ՃՈ տարածք

Լանջանիստում ՊՆ «Ուրալը» բախվել է հողաթմբին ու գլխիվայր շրջվել. 6 զինծառայող վիրավոր է

Վանաձորցի ընտանիքը տնակից տեղափոխվեց նոր տուն. աջակիցը՝ «Հայաստան» հիմնադրամն է

Սոլակի գյուղապետը հրաժարական է ներկայացրել

«Էրեբունի» ԲԿ-ում 8,6 կգ քաշով միոման հեռացրել են՝ կնոջ հղիությունը պահպանելով (լուսանկար)

«Գազպրոմ Արմենիա»-ն սոցիալապես անապահով խավի համար գազի գինը նվազեցնում է 20 դրամով

Մանվել Գրիգորյանը կալանավորվեց. նա մի քանի ժամ դատարանում էր

Մանվել Գրիգորյանի 3 արջերը տեղափոխվեցին, կան ևս 4-ը, որից 1-ը՝ 3 քոթոթների հետ (տեսանյութ)

Հենրիխ Մխիթարյանը հանդիպել է երկրպագուների հետ՝ Երեւանում, ներկայացվել է կայքը (տեսանյութ)

Վանաձոր-Ալավերդի-Վրաստան միջպետական ավտոճանապարհը բաց է թեթև մարդատար մեքենաների համար

Կհանդիպե՞ն Փաշինյանն ու Ալիեւը. Բրյուսել կատարելիք այցին ընդառաջ

Հերթական ֆավորիտի սայթաքումը ֆուտբոլի ԱԱ-ում. Լեհաստան-Սենեգալ՝ 1:2

Կստեղծվի կաթի մթերման խնդիրներն ուսումնասիրող միջգերատեսչական հանձնաժողով

Որ դեպքում եւ երբ Մանվել Գրիգորյանը կարող է զրկվել Արցախի հերոսի կոչումից. Դավիթ Բաբայան

Գյումրու դրամատիկականում մեծարել են ՀՀ վաստակավոր արտիստ Յուրիկ Ոսկանյանին

Սեպտեմբերին Կալիֆոռնիայից մեծ պատվիրակություն է գալու. Գլենդելի քաղաքապետը Կոտայքում էր

Ճապոնիան Հայաստանին է նվիրում ճապոնական արտադրության 200 նոր ավտոմեքենա

Մանվել Գրիգորյանին անձեռնմխելիությունից զրկելու եւ կալանավորելու հիմնավորումները

Աշնանը Հայաստան է ժամանելու Լիբանանի նախագահն ու մի խումբ լիբանանցի գործարարներ