Ինչպես է Վարդան Սրմաքեշի հիմնադրած բանկը կործանել արտադրական ձեռնարկությունը

12/10/2017 schedule12:36

2005 թվականին հիմնադրված, ապա տարիներ անց կործանված «Վ. Ռ. Ընդ Ջի Պրոֆայլ» հայ-չինական համատեղ ձեռնարկության հիմնադիրներից Ռուդոլֆ Հակոբյանը ընկերության կործանման մեջ մեղադրում է «Արմ Սվիս» բանկի ղեկավար Գեւորգ Մաչանյանին:

Armtimes.com-ի հետ զրույցում Ռուդոլֆ Հակոբյանը պատմեց, որ Չինաստանից երկու գործարարի հետ միասին ստեղծել են պրոֆայլեր արտադրող ընկերություն, որը Հայաստանում առաջինն էր, որ եվրոպական արտադրության դռների եւ լուսամուտների համար կոնստրուկցիաներ էր արտադրում: Հումքը ներկրել են Չինաստանից, արտադրությունն իրականացրել են Երեւանում: Ընկերության բնականոն գործունեությունն ապահովելու համար 2007 թվականին դիմել են «Արմ Սվիս» բանկ, եւ ստացել 1 միլիոն 70 հազար ԱՄՆ դոլար վարկ: 2008 թվականին կրկին դիմել են բանկին 300 հազար ԱՄՆ դոլար լրացուցիչ վարկ ստանալու համար: Բանկի տնօրինության նախագահ Գեւորգ Մաչանյանը խոստացել է հաստատել ընկերության հայտը, իսկ ընկերության տնօրենը մեկնել է Չինաստան: Ներկրվող նյութերը բերելուց հետո բանկից ասել են, որ չեն հաստատելու վարկը, ու սկսվել է ընկերության քայքայման գործընթացը: «Վ. Ռ. Ընդ Ջի Պրոֆայլ» ՍՊԸ-ն չի կարողացել պատշաճ կատարել գործող վարկային պարտավորությունները եւ բանկը աճուրդի է հանել ընկերության գույքը:

«Ցանկացած բանկի ղեկավար գիտի՝ այդ վարկը տրամադրվելու է, թե չի տրամադրվելու: Կարող էր ասել՝ ես այս վարկը քեզ չեմ տրամադրելու, ես իրենից 100 անգամ գոհ ու շնորհակալ կլինեի: Հավատալով իրեն, որ ինքը տղամարդավարի «հա» է ասել, ես գնացի եւ հումքը բերեցի»,- ասաց Ռուդոլֆ Հակոբյանը՝ նշելով, որ այդ ամենից հետո ընկերության ողջ գույքը, սարքավորումները բռնագանձվեց եւ վաճառվեց:

Մեր զրուցակիցը նշեց, որ իրենց ընկերության սարքավորումներն, որոնք գրավադրված լինելով աճուրդի է հանվել, որն էլ գնել է «Ալզաս» ՍՊԸ-ն, որի հիմնադիր Գագիկ Ղազարյանը հանդիսացել է «Արմ Սվիս» բանկի տնօրինության նախագահի ընկերը: Բանկը նաեւ «Ալզաս» ՍՊԸ-ին 1.3 միլիոն դոլար վարկ է տրամադրել, սակայն տարիներ անց այս ընկերությունն էլ է կործանվել: Գագիկ Ղազարյանի մահից հետո «Ալզաս» ՍՊԸ-ն դիմել է դատարան եւ պահանջել պատասխանատվության ենթարկել բանկին՝ կեղծ աճուրդ կազմակերպելու համար եւ 800 հազար դոլար պարտավորությունն ապացուցելու համար: Դատավարության կողմ է ներգրավվում նաեւ «Վ. Ռ. Ընդ Ջի Պրոֆայլ» ՍՊԸ-ն, որն էլ իր հերթին հակընդդեմ հայց է ներկայացնում բանկի դեմ՝ պահանջելով վնասի փոխհատուցում: Դատաքննության ժամանակ Ռուդոլֆ Հակոբյանը միջնորդել է, որ բանկը վերադարձնի 800 հազար ԱՄՆ դոլար արժեք ունեցող սարքավորումները, որոնք հետագայում գրավադրվել էր եւ «Ալզաս» սակայն բանկը այդ միջնորդությանը չի պատասխանել որեւէ ձեւ: Դատաքննությունը դեռ շարունակվում է:

Բացի դա, բանկը տարիներ առաջ «Վ. Ռ. Ընդ Ջի Պրոֆայլ» ՍՊԸ-ի դեմ հաղորդում է ներկայացնում, հարուցվում է քրեական գործ, որը հետագայում կարճվում է: Գործը կարճվելուց հետո ծանոթանալով նյութերին, Ռուդոլֆ Հակոբյանը տեղեկանում է, որ ապացուցված է համարվել այն փաստը, որ իրենք բանկին վարկ ստանալու հայտ են ներկայացրել, սակայն քրգործից առաջ, երբ դիմել էին դատարան, բանկը պնդել էր, թե վարկավորման հայտ չեն ստացել «Վ. Ռ. Ընդ Ջի Պրոֆայլ» ՍՊԸ-ից: Այս քրեական գործից առաջ ՍՊԸ-ն դիմել էր դատարան եւ պահանջել էր բանկից վնասի փոխհատուցում, սակայն բանկը դատարանում պնդել էր, որ վարկի հայտ ընկերության անունից չի ստացել: Նույնը վերաքննիչում եւ հետո վճռաբեկում: 2017 թվականի սեպտեմբերին էլ Հակոբյանը դիմել է գլխավոր դատախազին եւ պահանջել է քրգործ հարուցել դատաքննության ժամանակ թույլ տրված կեղծիքների համար: Դատախազությունը հանձնարարել է ոստիկանությանն ուսումնասիրել հաղորդումը, այժմ հետաքննություն է ընթանում:

Նոր երեւան եկած հանգամանքն արդեն Ռուդոլֆ Հակոբյանն օգտագործում է «Ալզաս» ՍՊԸ-ի մասնակցությամբ ընթացող դատավարության ժամանակ:

Ռուդոլֆ Հակոբյանը հիշեցնում է, որ վերջերս իր ելույթներից մեկում Սերժ Սարգսյանը դրվատանքի խոսքերով եւ ակնածանքով արտահայտվեց շվեյցարացի հայ բարերար Վարդան Սրմաքեշի մասին: «Այսօր պարոն Սրմաքեշը ներդրումային բազմամիլիոն արժողությամբ ծրագրեր է իրագործում իր նախնիների հայրենիքում: Ինչպես կարելի է չհիանալ եւ գլուխ չխոնարհել նման հայի առաջ: Եվ զուր չէ, որ նախագահ Սերժ Սարգսյանը, հայրենիքին նվիրյալ Սրմաքեշին պարգեւատրեց շքանշանով, սույնով արտահայտելով հայ ժողովրդի երախտագիտությունն արժանի հայի հանդեպ»,- ասաց Հակոբյանը եւ շարունակեց. «Բանկի նախագահ Գեւորգ Մաչանյանն աջ ու ձախ խաբելով բոլորին, խաբել է նաեւ իր գործատուին, վստահորդին՝ Վարդան Սրմաքեշին՝ յուրացնելով վերջինիս հիմնադրած բանկից ահռելի գումար: Ուստի, մտնելով պարոն Սրմաքեշի դրության մեջ «Վ. Ռ. Ընդ Ջի Պրոֆայլ» ՍՊԸ-ի հիմնադիրները պատրաստ են գնալու զիջումների եւ դատարանում կնքել հաշտության պայմանագիր»:

Տպել
7610 դիտում

Մանվել Գրիգորյանի գործով կան այլ կասկածյալներ եւս. գլխավոր դատախազ

ԱԺ-ն համաձայնություն տվեց Մանվել Գրիգորյանին ազատությունից զրկելու միջնորդությանը

Ռոբերտ Քոչարյանը չի խնդրել, որ իրեն Գյումրու պատվավոր քաղաքացու կոչում տան. Սողոմոնյան

Ծառուկյանը դեմ է իր որդուն զինծառայությունից տարկետում տալու իրավունքին

Մահացել է Ադրբեջանի պետական սահմանապահ ծառայության զինծառայող

Մանվելի կինը փորձել է 2 մեքենա տուշոնկա թաքցնել. 6-րդ վարչության աշխատակիցները կանխել են

Հայաստանը Ֆինլանդիայից զենք-զինամթերք է ներմուծել. զեկույց

Մալդինին, Գիգսը, Կրեսպոն եւ մյուս լեգենդար ֆուտբոլիստները բոլորին հրավիրում են Երեւան

Ժնեւում այսօր մեկնարկել է ռուս-վրացական բանակցությունների հերթական փուլը

Թուրքիան 30 հատ F35 տեսակի ինքնաթիռ է ստանալու ԱՄՆ-ից

էսքանից հետո հլը բերանները շաղ են տալիս, թե ճիշտ են կառավարել. թու՜ ձեր կերածին. Գ.Փայտյան

Մանվել Գրիգորյանին անձեռնմխելիությունից զրկելու միջնորդությունը բավարարվեց. դեմ էին երեքը

Գագիկ Ծառուկյանը ցանկանում է ազատել իր որդուն զինծառայությունի՞ց. պարզաբանում

Դոլարով միլիոնատեր նախարարները ի՞նչ մոտիվացիա ունեին 500 հազար դրամով աշխատելու. Մարուքյան

Փոխգնդապետը կաշառք է պահանջել զորամասի տարածքում խանութ-թեյարանի գործունեության համար. ՔԿ

Եղանակը ՀՀ-ում. առանձին շրջաններում սպասվում է անձրեւ եւ ամպրոպ

Հրաձգություն Շվեդիայում. զոհերի թիվը հասել է երեքի

Ոստիկանությունը զինաթափել է ՊԵԿ նախկին պետին. հայտնաբերվել է զենք-զինամթերք (տեսանյութ)

Հակառակորդի կողմից խոցվել է Արցախի ՊԲ անօդաչու թռչող սարք. ԱՀ ՊԲ

Մխիթարյանն Էմերիի անձեռնմխելի ֆուտբոլիստներից է