Կարեւորը՝ կատարեցի մարզիչներիս առաջադրանքը. Արթուր Դավթյան

12/10/2017 schedule17:47

Հայաստանի մարմնամարզության հավաքականի անդամ, Եվրոպայի 2016 թ. արծաթե մեդալակիր Արթուր Դավթյանը բարձր տրամադրություն ունի աշխարհի 2017 թ. առաջնությունից հետո: Հոկտեմբերի 2-8-ը Կանադայի Մոնրեալ քաղաքում անցկացված մրցաշարի բազմամարտում նա 24 մասնակիցների մեջ զբաղեցրեց 13-րդ հորիզոնականը, ինչը բավական լուրջ արդյունք է մարմնամարզությունում: Արթուրը նաեւ դարձավ անկախ Հայաստանի պատմության 1-ին մարմնամարզիկը, որը եզրափակիչ դուրս եկավ բազմամարտում: Armtimes.com-ի հետ զրույցում նա ամփոփեց իր ելույթները:

«Ես արեցի այն, ինչ պետք է անեի: Անկախությունից հետո 1-ին անգամ էր, որ Հայաստանը մասնակից է ունենում բազմամարտի եզրափակչում, դա արդեն բավական կարեւոր արդյունք է: Լավ է, որ ես կարողացա կատարել այն առաջադրանքը, որը մարզիչներն իմ առջեւ դրել էին»,- ասաց նա:

Արթուրն անդրադարձավ նաեւ հավաքականի իր թիմակից, աշխարհի 2015 թ. բրոնզե մեդալակիր, Եվրոպայի 2016 թ. չեմպիոն, 2017 թ. բրոնզե մեդալակիր Հարություն Մերդինյանի (նժույգթափեր) ելույթին: Վերջինս մեծ մրցակցության պայմաններում եզրափակչում 8 մասնակիցների մեջ զբաղեցրեց 5–րդ տեղը (14.700 միավոր): Արթուրը կարծում է, որ ընկերն ավելի բարձր գնահատականի էր արժանի:

«Ափսոս, կողմնապահություն արեցին: Գնահատականը, ինձ թվում է, ցածր դրեցին, որովհետեւ մաքուր կատարեց վարժությունը: Պետք է մի քիչ բարձր ստանար, չեմ կարող ասել՝ որ տեղը կգրավեր, բայց գնահատականը շատ իջեցրին, պարզ երեւում էր, որ կողմնապահություն էր, դա ոչ միայն ես եմ տեսել, բոլորն են տեսնել»,- ասաց նա:

Արթուր Դավթյանը խոսեց նաեւ բազմամարտում հանդես գալու մասին: Նա հատկապես ուժեղ է հենացատկում եւ Եվրոպայի առաջնության մեդալը նվաճել է հենց այդ գործիքի վրա, սակայն 2020 թ. Տոկիոյում կայանալիք օլիմպիական խաղերի վարկանիշ փորձելու է ձեռք բերել բազմամարտում:

«Ես 6 գործիքի վրա եմ աշխատում, մյուսները՝ մեկի: Վարկանիշը 6 գործիքով՝ բազմամարտում, նվաճելն ավելի հեշտ է, քան մի գործիքով, որովհետեւ 1 գործիքով պետք է մրցանակային տեղ գրավես, իսկ բազմամարտում որոշակի քանակի մարզիկների մեջ մտնես»,- ասաց նա:

Մարմնամարզության փոփոխված կանոնների համաձայն՝ առանձին գործիքների վրա օլիմպիական վարկանիշ նվաճելու համար պետք է միավորներ վաստակել աշխարհի գավաթի խաղարկություններում կամ մրցանակային տեղ զբաղեցնել նախաօլիմպիական տարում (տվյալ դեպքում 2019 թ.) աշխարհի առաջնությունում: Բազմամարտում վարկանիշ ձեռք բերելու համար նախաօլիմպիական տարում աշխարհի առաջնությունում պետք է զբաղեցնել մինչեւ 20-րդ տեղը:

Աշխարհի առաջնությունից հետո Արթուր Դավթյանը մի փոքր կհանգստանա: Այնուհետեւ նախատեսվում է, որ տարվա վերջում մասնակցի Վորոնինի գավաթի խաղարկությանը:

Տպել
858 դիտում

ՀՀ ԱԳՆ ղեկավարը շնորհավորել է Արցախի Հանրապետության ԱԳՆ 25-ամյակի կապակցությամբ

Ականատեսի հայացքով այն, ինչ դեռ չի ասվել ֆուտբոլի ԱԱ 2018-ի մասին

Ոչ մի նյութական միջոց չենք հատկացնում ԵԿՄ-ին. ԶՈւ թիկունքի վարչության գնդապետ

Կաթողիկոսն իր օրհնությունն է բաշխել «Անդրանիկ» սկաուտական ճամբարի մասնակիցներին

Այստեղից է սկսվել թավշյա հեղափոխությունը. ցուցանակ՝ Հանրային ռադիոյի հայտնի դռան մոտ

Դատավորն առանց պատճառ հետաձգել է զինված խմբի գործով նիստը. պաշտպանները միտում են տեսնում

«Սուրբ Սարգիս» եկեղեցու տարածքում գողություն է եղել

Հանցագործությունների մասին զեկույցներ, հանձնարարություններ ոստիկանությունում (տեսանյութ)

«Հաղթանակ» զբոսայգու մոտակայքում 12 հազար քմ տարածք է այրվել

Սեպտեմբերին նախատեսվում է ՀՀ վարչապետի այցն ԱՄՆ

Էրեբունիում անչափահասին առևանգելու փորձի մեղադրանքով հետախուզվողը ներկայացել է բաժին

ԱԱԾ տնօրենը հանդիպել է ՀՀ-ում Ճապոնիայի արտակարգ և լիազոր դեսպան Ջուն Յամադային

ՎՏԲ-Հայաստան Բանկը գնում է ոսկու գրավադրմամբ վարկեր`ավելացնելով վարկի գումարը

Իտալիայի պատվո հյուպատոսը Գյումրու Ռուսթավելին ինքնագլուխ է քանդում. գլխավոր ճարտարապետ

6-ի տղաներն ասեցին՝ Էդոյի գլխին սարքեցին. Սարի թաղի գործով մեղադրյալը կրկին կալանավորվել է

Ռուս գնդապետն ափսոսանքն է հայտնել Փանիկում տեղի ունեցած միջադեպի կապակցությամբ

«Օրենքով գող» Կոբա Շեմազաշվիլին կեղծ անձնագրով մտել է Հայաստան, հետո լքել այն (տեսանյութ)

«Արարատյան ավտոկայան»-ի նախկին, ներկա տնօրենները իրենց յուրացումներից վճարել են 30մլն դրամ

Երեւանի Մուշավան թաղամասում այրվում են տնակներ. հայտարարվել է հրդեհի բարդության 2 կանչ

Ինչու Բագրատաշենի անցակետից չեն թույլատրել 2 տոննա ձմերուկի ներկրումը. ՊԵԿ-ը պարզաբանում է