Նոյեմբերյանի պետական քոլեջում 3 տարի առաջ սկսված հակամարտությունը չի ավարտվել

Վերջերս պաշտոնական հաղորդագրություն տարածվեց Նոյեմբերյանի պետական քոլեջի տնօրենի թույլ տված չարաշահումների եւ յուրացումների մասին:

Պարզվում է՝ խոսքն այն տնօրենի մասին է, որի նշանակման վերաբերյալ տարիներ առաջ մամուլում անանուն բաց նամակ էր հրապարակվել, որում զգուշացվում էր «կրթօջախին վերահաս պատուհասի եւ դրա նկատմամբ պետական մարմինների անտարբերության մասին»:

Տնօրեն Արմեն Ղազարյանը մրցութային կարգով այդ պաշտոնում է նշանակվել 2014 թվականին: Մրցույթ անցկացվել է երկու անգամ, մինչեւ որ նա ընտրվել է: Ղազարյանի դեմ ուղղված բաց նամակում նկարագրվում էր, որ մրցակիցները եղել են երկուսը՝  այդ թվում՝ ներկայումս քոլեջի փոխտնօրեն, դասախոս Անահիտ Փարսադանյանը: Առաջին մրցույթի ժամանակ այդ ընթացքում տնօրենի պաշտոնակատար Արմեն Ղազարյանը չի հաղթահարել գրավոր փուլը եւ դուրս է մնացել մրցույթից: Բայց խորհուրդը միեւնույն է Փարսադանյանին չի ընտրել: Նրա օգտին գրանցվել է 4 կողմ եւ 7 դեմ ձայն:

«Կառավարման խորհուրդը, որ կազմված էր 11 անդամից (7 դեմ եւ 4 կողմ ձայներով) համարեցին ոչ նպատակահարմար կրթօջախի ղեկավարումը փոխանցել դասախոս-մասնագետին: Կոլեկտիվի անդամների վրդովմունքին եւ բողոքին ի պատասխան հասկացրին, որ իրենց վերեւից ասված է, եւ որ ցավում են, բայց ոչինչ չեն կարող անել»,- նշվում է 2014 թվականին գրված բաց նամակում:

Հետո, ինչպես տեղեկացանք, եւս մեկ մրցույթ է հայտարարվել: Անահիտ Փարսադանյանը դրան այլեւս չի մասնացել, իսկ այժմ գործող տնօրենն ընտրվել է միաձայն:

Եվ ահա նրա նշանակումից երեք տարի անց հայտարարվում է ամբողջ այդ ընթացքում չարաշահումներ թույլ տալու մասին:

ՀՀ ոստիկանության մամուլի ծառայության տեղեկացմամբ, հանցավորության դեմ պայքարի գլխավոր վարչության կոռուպցիայի եւ տնտեսական գործունեության դեմ ուղղված հանցագործություների հակազդման վարչության աշխատակիցները ստացված օպերատիվ տեղեկությունների հետեւողական ուսումնասիրման արդյունքում բացահայտել են պաշտոնեական դիրքն օգտագործելով խոշոր չափի գումարի յուրացման եւ պաշտոնեական կեղծիքի դեպք:

Ըստ այդմ, ոստիկանները պարզել են, որ «Նոյեմբերյանի պետական քոլեջ» ՊՈԱԿ-ի տնօրեն Արմեն Ղ.-ն 2014-ից մինչեւ 2017 թվականն ընկած ժամանակահատվածում, քոլեջի դասասենյակները ջեռուցելու պատրվակով, պաշտոնեական դիրքն օգտագործելով՝ վառելիքի գնման պայմանագրեր է կնքել մատակարար ընկերության հետ:

Մատակարարից գնվել է շուրջ 3.000.000 դրամի 8 172 լիտր դիզելային վառելիք, բայց դասասենյակները ջեռուցվել են վառելափայտով։ Արմեն Ղ.-ն փայտամթերքի համար վճարել է շուրջ 1.000.000 դրամ կամ գումարի փոխարեն, փոխանակման կարգով հատկացրել է վառելիքի կտրոններ, իսկ մնացած՝ իրեն վստահված շուրջ 2.000.000-ի դիզելային վառելիքը յուրացման եղանակով հափշտակել է:

Այս տարիների ընթացքում ձեռք բերված վառելիքի օգտագործում ցույց տալու համար Արմեն Ղ.-ն կազմել է վառելիքի ելքի կեղծ ապրանքագրեր եւ բաշխման գրաֆիկներ:

Նոյեմբերյանի պետական քոլեջից մեզ պատասխանեցին, որ տնօրենը թեպետ աշխատում է, բայց տեղում չէ եւ նրա հետ խոսել հնարավոր չէ: Պնդեցին, որ այդ մեղադրանքները ոչինչ չեն նշանակում, դրանք դեռ ապացուցման կարիք ունեն եւ որ այդ ամենը տնօրենի ընտրությունից եկող պատմության շարունակությունն է:

Պարզվեց նաեւ, որ Նոյեմբերյանի քոլեջի մի խումբ աշխատակիցներ խնդրի վերաբերյալ բաց նամակ են գրել եւ այն հրապարակել հաստատության ֆեյսբուքյան էջում:  

Դրանում մասնավորապես ասվում է, թե կոլեկտիվը կարծում է, որ 2 միլիոն դրամի յուրացման վերաբերյալ մեղադրանքն անհիմն է: Չեն հերքում, որ ջեռուցումն իրականացվել է փայտով եւ առաջակում են ինքնուրույն հաշվարկներ անել:

«Կոլեկտիվը, ինչպես նաեւ ուսանողությունը փաստում են, որ 2014-2017 ուսումնական տարիներին ջեռուցումը կատարվել է լիարժեք. յուրաքանչյուր տարի քոլեջի դասասենյակների եւ աշխատասենյակների՝ թվով 18 վառարանի ջեռուցմանը անհրաժեշտ է տարեկան շուրջ 75 մ3 վառելափայտ, ինչպես նաեւ դիզվառելիք՝ վառարանները վառելու համար: Ցանկացած անձ կարող է կատարել պարզ թվաբանական հաշվարկ. եթե տնային տնտեսությունում ջեռուցման ժամանակահատվածում մեկ վառարանի համար անհրաժեշտ է լինում 15 մ3 վառելափայտ, ապա որքան անհրաժեշտ կլիներ 18 վառարանի համար ամբողջ ձմռան ընթացքում ջեռուցումն ապահովելու եւ ուսումնական գործընթացն առանց ընդհատումների կազմակերպելու համար: Ենթադրենք յուրացվել է 2 մլն դրամ, ինչպես նշվում է լրատվամիջոցներում, ապա ինչ միջոցներով է ապահովվել ջեռուցումը: Իսկ այն, որ 2014-2017 թթ.-ի ընթացքում չի եղել մի աշխատանքային օր, որ ջեռուցում չլինելու պատճառով ընդհատված լինի ուսումնական գործընթացը, կարող է փաստել յուրաքանչյուր ոք՝ թե ուսանողությունից, թե մանկավարժական կոլեկտիվից, ինչպես նաեւ Նոյեմբերյանի ՀՀ «ԱՆՀՎԿԱԿ» ՊՈԱԿ-ի (Առողապահության նախարարության հիվանդությունների վերահսկման եւ կանխարգելման ազգային կենտրոն-խմբ.) կողմից կատարված ամենօրյա գրառումները, եւ հետեւություն անել. երեք տարվա կտրվածքով որքան գումար է անհրաժեշտ»:  

Տավուշի մարզում 1 մ3 վառելափայտի միջին գինը 15 հազար դրամ է: Տարեկան 75 մ3 պահանջարկի դեպքում ստացվում է, որ երեք տարում պետք է ծախսվեր 3 միլիոն 375 հազար դրամ: Այսինքն՝ ավելին, քան ոստիկանության հաղոդագրության մեջ նշված 3 միլիոն դրամն է:

Տպել
3622 դիտում

Հայաստանը հյուրընկալությամբ գերազանցել է Վրաստանին ու Ադրբեջանին. Passport Index

ՀՀ պաշտպանության նախարարի պաշտոնակատար Դավիթ Տոնոյանը զինգրքույկի լրացման կարգը սահմանելու մասին հրաման է ստորագրել

Էդմոն Մարուքյանը անակնկալ նվեր է ստացել (լուսանկար)

Միջազգային հեղինակավոր պարբերականները՝ Արցախի դրոշով «Արսենալի» դաշտ մտած երկրպագուի մասին

ՀՀ ՊՆ-ն հայտարարություն է տարածել ԶՈՒ պատվո պահակային վաշտում ծառայության անցնելու մասին

ԼՂ հակամարտության խաղաղ կարգավորումը շարունակում է մնալ Հայաստանի գլխավոր առաջնահերթությունը. Նիկոլ Փաշինյան

ՊՆ-ի հանդեպ ստանձնած պարտավորությունները չկատարելու դեպքերի առթիվ հարուցվել են քրեական գործեր

Ադրբեջանը Հայաստանի հետ սահմանի Ղազախի եւ Աղստեւի հատվածում ԶՈՒ-ն կփոխարինի սահմանապահներով

Նոր նշանակումը ավելի կբարելավի առաջնագծի ամրակայունությունը, իսկ Կարապետյանը Արցախի ծեծ ու ջարդի քավորն է. Վ. Բադասյան

Քոչարյանի պաշտպանները կալանքի որոշումը կբողոքարկեն. օրակարգում է նաեւ ՍԴ եւ ՄԻԵԴ դիմելու հնարավորությունը

Հանրապետության հրապարակում գլխավոր տոնածառի լույսերը կվառվեն դեկտեմբերի 21-ին

Երկրում ստեղծված իրավիճակը շատերին հուշում էր, որ կարող էր մեկ այլ որոշում լինել. Արմեն Գեւորգյան

Հայ-վրացական սահմանը փակ է. ջավախահայերը բողոքի ցույց են անում (տեսանյութ)

«Գուցե մեր առաջարկած ՀԱՊԿ գլխավոր քարտուղարի թեկնածուն Հայաստանի համար ավելի լավը լինի, քան ցանկացած հայ». Լուկաշենկո

2019-ը նոր խթան կհաղորդի ղարաբաղյան հակամարտության կարգավորմանը․ Իլհամ Ալիեւ

Սերժ Սարգսյանը հրաժարվել է հանձնել 5 շրջանները․ Լուկաշենկո

Տիգրան Մեծ փողոցում աղբ է այրվում․ մեկնել է ԱԻՆ մեկ մարտական հաշվարկ

Ռուսաստանը ՀՀ-ում կառավարության ձեւավորումից հետո ակնկալում է ԼՂ հակամարտության կարգավորման բանակցությունների վերսկսում

ՀՀ նախկին փոխվարչապետ Արմեն Գեւորգյանը չկալանավորվեց. դատարանը հրապարակեց որոշումը

Քրիստիան Գելիջին հրաժարվել է անօթեւանի հետ պայմանագրի կնքումից. գյումրեցու նամակը՝ Նիկոլ Փաշինյանին