Ինչո՞ւ են աշակերտների ծնողները փակել Երեւան-Էջմիածին մայրուղին (տեսանյութ)

Արմավիրի մարզի Փարաքար համայնքի միջնակարգ դպրոցի աշակերտների ծնողներն այսօր փակել էին Երեւան-Էջմիածին մայրուղու՝ «Զվարթնոց» օդանավակայանին հարող խաչմերուկը: Ծնողները պահանջում էին Արմավիրի մարզպետ Աշոտ Ղահրամանյանին, որպեսզի պարզաբանում ստանային, թե ինչպես է ստացվել, որ իրենց դպրոցի տնօրեն Վարազդատ Հակոբյանն ազատվել է զբաղեցրած պաշտոնից, իսկ նրա փոխարեն նշանակվել է Փարաքարի հիմնական դպրոցի տնօրեն Կարինե Մակարյանը:

Ճանապարհը փակելուց առաջ ծնողները զանգահարել էին «Հայկական ժամանակ»-ի խմբագրություն եւ խնդրել էին լրագրողի ներկայություն ապահովել դպրոցում, քանի որ Արմավիրի մարզպետարանի կրթության, մշակույթի եւ սպորտի վարչության պետ Գայանե Սայադյանը եկել է դպրոց՝ կայացված որոշումն ի կատար ածելու:

Այցելելով դպրոց՝ ականատես եղանք բակում հավաքված մոտ 30 ծնողի: Նրանք հրավիրեցին ներս եւ ուղեկցեցին տնօրենի աշխատասենյակ, որտեղ այդ պահին գտնվում էր մարզպետարանի վարչության պետը եւ երկու դպրոցի տնօրենները: Մոտ 20 րոպե տեւած բանակցություններից հետո մեզ հաջողվեց մուտք գործել տնօրենի աշխատասենյակ եւ զրուցել բոլոր կողմերի հետ:

Գայանե Սայադյանից երբ հետաքրքրվեցին, թե ինչպե՞ս է ստացվել, որ վերամիավորման արդյուքնում լուծարված երկու դպրոցի տնօրեններից որոշել եք փակված դպրոցի տնօրենին նշանակել պաշտոնում, իսկ մյուսին ազատել, քանի որ վերջինիս թոշակի գնալու տարիքին դեռ 8 ամսի ժամանակ կար: Գայանե Սայադյանը շտապեց ասել, որ ՀՀ-ի օրենքներին համաձայն են նման որոշում կայացրել, բայց երբ պարզաբանեցինք, որ խոսքը տնօրեններից ավելի երիտասարդին նախապատվությունը տալու մասին էր, նա ասաց. «Դպրոցների վերամիավորումից հետո երկու տնօրեններն ազատվել են աշխատանքից ըստ աշխատանքային օրենսգրքի: Դրանից հետո նախընտրությունը տրվել է Փարաքարի հիմնական դպրոցի տնօրենին պաշտոնակատար աշխատելու համար մինչեւ մրցույթի կայանալը: Գնահատում ենք դպրոցի տնօրենին, բայց նպատակահարմարությունն այդպիսին է եղել, մենք օրենքի խախտում չենք կատարել»:

Նախկին եւ ներկա տնօրենները՝ Վարազդատ Հակոբյանն ու Կարինե Մակարյանը

Հարցին՝ դո՞ւք եք նպատակահարմար գտել, որ Վարազդատ Հակոբյանն ազատվի՞, Գայանե Սայադյանն ասաց, որ մարզպետարանն է նպատակահարմար գտել: «Քննարկումների արդյունքում մենք մարզպետի հետ, իրավաբանական վարչության պետի հետ քննարկեցինք: Ճիշտն ասած, մենք ունեինք Վարազդատ Հակոբյանի տարիքային խնդիրը, 7 ամսից նա գնում է թոշակի: Երբ միավորում ենք դպրոցները, բնականաբար խորհուրդներն էլ է ցրվում, տնօրեններն էլ ազատվում են աշխատանքից, նորն է ստեղծվում: Այդ պրոցեսը տեւելու է 3-ից 4 ամսի: Եթե մենք ընտրություն կատարեինք, բնականաբար՝ պարոն Հակոբյանը չէր կարող մասնակցել ընտրությանը, բայց քանի որ ունի աշխատանքային փորձ, անձամբ մարզպետի կարծիքն եմ ասում, որ մենք առաջարկեցինք, որ Վարազդատ Հակոբյանը մնա դպրոցում որպես խորհրդատու դպրոցի նոր տնօրենին»:

Վարչության պետի խոսքով, տնօրենների ազատման եւ Կարինե Մակարյանի նշանակման որոշումները կայացվել են հոկտեմբերի 30-ին, տնօրենները մեզ տրամադրեցին այդ որոշումները:

Տնօրենների ազատման եւ նշանակման որոշումները

Աշխատանքից ազատված տնօրեն Վարազդատ Հակոբյանից հետաքրքրվեցինք, թե ի՞նչ կարծիք ունի իրեն ազատելու որոշման մասին. «Հիմա, որպեսզի մենք մարզպետի որոշման մասին խոսենք, իմաստ չունի: Եթե տիկին Սայադյանը ասեց, ես չեմ գտնում, որ կարելի է ինչ-որ ռեպրեսիվ մեթոդների գնալ: Եթե խնդիր կա ճանապարհ փակել, բան… ես կատեգորիկ դեմ եմ: Ես կարծում եմ, որ կարելի էր ինչ-որ ձեւով այդ ժամանակահատվածն անցներ, նոր ազատեին, բայց եթե մարզպետը որոշում է…»: Վարազդատ Հակոբյանը տեղյակ էր, որ դպրոցի տարածքում ծնողներն իր շահերի պաշտպանությամբ են զբաղվում: «Մեր ժողովուրդը սխալ բան չի ասում, ես վաստակավոր չեմ, բայց բավականին վաստակ ունեմ 14 տարիների ընթացքում»,- ասաց Վարազդատ Հակոբյանը:

Միավորված դպրոցի նորանշանակ տնօրեն Կարինե Մակարյանն ավելի անտրամադիր էր նստած աշխատասենյակում, քան ազատված տնօրենը: Մակարյանից հետաքրքրվեցինք՝ ի՞նչ տրամադրությամբ եք վաղն աշխատանքի գալու, եթե ծնողները դեմ են ձեր նշանակմանն ու պատրաստ են երեխաներին դպրոց չուղարկել: «Դուք ո՞նց եք կարծում, պրովոկացիոն հարցեր եք տալիս: Եթե նշանակել են, ես պետք է իմ պարտականությունները կատարեմ: Եթե իրենք երեխաների մասին մտածեն նման բան չեն անի: Դպրոցը պետք է գործի, նման քայլով խաթարվելու է դասապրոցեսները՝ ի վնաս մեր աշակերտներին»,- պատասխանեց Կարինե Մակարյանը:  

Գայանե Սայադյանին ուղղված մեր հարցին, թե հնարավո՞ր է ծնողների ճնշման հետեւանքով վերանայվի կայացված որոշումը, նա պատասխանեց. «Ինչ վերաբերվում է որոշման փոփոխությանը, կյանքում ամեն ինչ կարող է փոխվել»:

Արմավիրի մարզպետարանի կրթության, մշակույթի եւ սպորտի վարչության պետ Գայանե Սայադյանը

Միավորման արդյունքում Փարաքարի միջնակարգ դպրոցի աշակետների թիվը դարձել է 600, նախկին՝ 400-ի փոխարեն, իսկ միավորման արդյունքում որեւէ աշակերտ դասարան չի փոխել, իսկ ուսուցչական կազմը մնացել է անփոփոխ: Գայանե Սայադյանը ծնողներին առաջարկել էր հանդիպել մարզպետ Աշոտ Ղահրամանյանին, սակայն ծնողները մերժել էին: Այդ ամենից հետո այսօր՝ ժամը 16:00-ի սահմաններում, ծնողներրը փակեցին Երեւան-Արմավիր ճանապարհը եւ մոտ 20 րոպե փակ պահեցին: Ժամանած ոստիկանները բանակցությունների արդյունքում բացեցին ճանապարհը, եւ վեճը տեղափոխվեց կրկին տնօրենի աշխատասենյակ: Մինչեւ այս պահը դեռ որոշում չկա:

Հ.Գ. Ավելի ուշ տեղեկացանք, որ վաղը Արմավիրի մարզպետ Աշոտ Ղահրամանյանը կընդունի դժգոհող ծնողներին, վերջիններս համաձայնվել են մարզպետարան գնալու առաջարկին:

Տպել
6006 դիտում

Լոռիում ձյուն է տեղում, Բերդ քաղաքում և Դիլիջանի ոլորաններում մառախուղ է, Լարսի անցակետը՝ փակ

Ազգային առաջընթաց կուսակցությունը ներկայացրել է համամասնական ցուցակի առաջին տասնյակը

Հորը սպանած Խաչատրյան քույրերից մեկը դպրոց է վերադարձել. քույրերին թույլ չեն տալիս օգտվել կապի միջոցներից

Իրանում այսօր կախաղան է հանվել «ոսկիների սուլթանը»

Արմեն Աշոտյանն այլեւս ընդգրկված չէ Բժշկական համալսարանի հոգաբարձուների խորհրդի կազմում

Ալեքսիս Օհանյանը նոր կադրեր է հրապարակել հայաստանյան այցից եւ «Շախմատ» կոնյակի պատրաստման ընթացքից

Մի խումբ անձինք ապօրինի ավտոկայանատեղի են կազմակերպել, հատուկ համազգեստով գումարներ գանձել

Դավիթ Տոնոյանն ու ԵՊԲՀ ռեկտոր Արմեն Մուրադյանը հուշագիր են ստորագրել

«Իմ քայլը» դաշինքի ռեյտինգային թեկնածուներն՝ ըստ ընտրատարածքների

Հանդիպել են ՄԱԿ-ի Խաղաղ հավաքների և միություններ կազմելու հարցերով հատուկ զեկուցողն ու Ա. Միրզոյանը

Նորմալ երկիր ա դարձել, մեր վարչապետը օրինականություն ա մտցրել, էդ քիչ ա՞. քրեական հեղինակություն Նորատուսցի Արա

Քոչարյանի պաշտպանը Վճռաբեկ է ներկայացրել ապացույց, թե ինչպես են ըստ Քոչարյանի ցուցարարները Մարտի 1-ին կրակում

Ն. Փաշինյանն այցելել է «Մեգերյան կարպետ» ընկերություն, աշխատանքային ընթրիք ունեցել Հարվարդի շրջանավարտների հետ

Արցախի ՄԻՊ-ն ու Աննա Հակոբյանը քննարկել են մարդու իրավունքներին եւ մարդասիրական խնդիրներին առնչվող ծրագրերը

Հոգով ու սրտով կապված եմ եղել մարզիս հետ. Վահրամ Բաղդասարյանը դիմում է լոռեցիներին

ԿԸՀ-ն բաշխել է ընտրությունների տեղամասային հանձնաժողովների նախագահների ու քարտուղարների պաշտոնները

Ցուկերբերգն արգելել է Facebook-ի գրասենյակում Apple սմարթֆոնների օգտագործումը

Եղանակային պայմաններից ելնելով շարունակում է փակ մնալ Վերին Լարս տանող ճանապարհը

Եթե որևէ պրոֆեսոր ֆինանսական վնաս է պատճառել, ապա դա Գագիկ Եթիմյանն է. ՎՊՀ-ում զայրացած են

Զվարճալի միջադեպերի պատճառով Հայկ Կասպարովի տեսահոլովակը պատրաստելը ձգձգվել է