Դասադուլ. որոշ ուսանողներ ցանկանում էին երթի մասնակիցներին միանալ պատուհանով. ՖՈՏՈՆԵՐ

«Հանուն գիտության զարգացման» նախաձեռնության հայտարարած դասադուլն այսօր կայացավ: Ակադեմիական տարկետման իրավունքի պահպանման պահանջով պայքար սկսած երիտասարդների շարքերը սկզբնական փուլում բավական նոսր էին: Արդեն այս անգամ փողոցներն ու մայթերը թնդում էին նրանց երթից:

Ուսանողների բազմությունը շարժվեց Երեւանի պետական համալսարանի մի մասնաշենքից մյուսը, կանգառներ ունեցավ Հայաստանի ազգային ագրարային եւ Պոլիտեխնիկական համալսարանների մոտ: Թե ուսանողներին, եւ թե դասախոսներին նրանք կոչ էին անում միանալ իրենց՝ վանկարկելով՝ «Տարկետում լինելու ա», «Դասադուլ», «Միացիր», «Ազատ, անկախ դասախոս»:

ԵՊՀ մասնաշենքերում դռները պինդ կողպված էին: Ոչ ոք ո՛չ մտնելու, ո՛չ էլ դուրս գալու իրավունք չուներ: Ու եթե ներսում բանտված էին ուսանողները, որոշ դեպքերում էլ դասախոսներն էին զրկվել շենք մտնելու հնարավորությունից: Պատմության ֆակուլտետի մասնաշենքի մոտ երիտասարդները, օգտվելով առիթից, այդպիսի մի դասախոսից փորձեցին պարզել, թե ինչպես է վերաբերվում պարտադիր զինվորական ծառայությունից տարկետման իրավունքը խիստ սահմանափակելու՝ իշխանությունների նախաձեռնությանը:

Փակ դռան մոտ շիվար մնացած դասախոսը խնդրեց իրեն հարցեր չտալ: Իսկ որոշ ժամանակ անց հազիվ լսելի, կարծես ինքն իրեն, ասաց. «Պարզ չէ՞, որ բոլորս էլ ուսանողների կողմից ենք»:

Այս նույն շենքում ուսանողները բողոքի ցույցի մասնակիցների վանկարկումներին արձագանքում էին պատուհաններից: Իսկ դրանցից մեկից դուրս եկած ձեռքում նկարահանող հեռախոսի վրա դասադուլ հայտարարած ուսանողների կարգախոսն էր փակցված. «Տարկետում լինելուԱ»:

«Հանուն գիտության զարգացման» նախաձեռնության անդամ Դավիթ Պետրոսյանն ընկերների օգնությամբ բարձրացավ երկրորդ հարկի այդ պատուհանի մոտ խմբված աղջիկների մոտ: Մեր հարցին, թե ինչ էին քննարկում նրանց հետ, Դավիթը պատասխանեց. «Սկզբից ուզում էին այստեղով իջնել, բարձրացա, որ օգնեմ: Բայց հետո վախեցան: Ասում էի՝ մյուս ֆակուլտետի մասնաշենքից դուրս գան: Հետո անվտանգության աշխատողը եկավ, նրանց քաշեց, հետ տարավ»:

Բողոքի ցույցի մասնակիցները փորձում են կանխել «Զինվորական ծառայության եւ զինծառայողի կարգավիճակի մասին» օրենքի նախագծի ընդունումը, որի համաձայն, պարտադիր զինվորական ծառայությունից տարկետման իրավունք կարող են ունենալ միայն այն ուսանողները, որոնք պայմանագիր կկնքեն պաշտպանության նախարարության հետ եւ կպարտավորվեն բակալավրական կրթությունից հետո ծառայության անցնել երեք տարի ժամկետով՝ ստանալով որոշակի արտոնություններ:

Փողոց դուրս եկած ուսանողները հանդիպում էին պահանջում պաշտպանության, կրթության եւ գիտության նախարարների հետ: Երիտասարդները համոզմունք են հայտնում, որ նշված փոփոխություններ արդյունքում բանակը չի շահի, բայց կրթությունն ու գիտությունը կտուժեն:

«Օրենքի անհրաժեշտությունը ապացուցելու համար բերվող հիմնավորումները չեն համապատասխանում այն հետեւանքներին, որոնց դա հանգեցնելու է: Հոկտեմբերի 16-ին մենք ԿԳ նախարարին եւ Պաշտպանության նախարարին ուղղել ենք բաց նամակ, որտեղ արտահայտել ենք մեր բողոքը, նշել ենք հակափաստարկներ իրենց բերած փաստարկներին: Ներկայացվում է, որ ասպիրանտուրան օգտագործվում է որպես բանակից խուսափելու ձեւ: Այո, կրթական համակարգում կա կոռուպցիա, կան մարդիկ, որոնք ասպիրանտուրան օգտագործում են՝ բանակ չգնալու համար: Բայց կան նաեւ մարդիկ, որոնք իսկապես զբաղվում են գիտությամբ, մարդիկ, որոնք սովորում են: Ու եթե կրթական համակարգում կա կոռուպցիա, այդ խնդիրը պետք է լուծվի կրթական համակարգի ներսում: Եվ տարկետման ինստիտուտի վերաբերյալ այդ օրենքի ընդունումը խնդիրը չի վերացնելու: Սա՝ առաջինը: Երկրորդը. չի բերվել որեւէ հետազոտություն, վերլուծություն, չի բերվել համապատասխան փորձագիտական աշխատանք, որը հիմնավորվեր, թե բանակից հետո մարդիկ գալիս են, ավելի լավ են սովորում: Բերվել են միայն անձնական օրինակներ, բայց մեր կարծիքով անձնական օրինակներով օրենք չեն ընդունում, որովհետեւ կան նաեւ շատ օրինակներ, որ բանակից հետո բազմաթիվ խնդիրներ են առաջանում՝ կրթությունը շարունակելու համար»,- ԵՊՀ հոգեբանության ֆակուլտետի մոտ բարձրախոսով հայտարարեց «Հանուն գիտության զարգացման» նախաձեռնության անդամ Դավիթ Պետրոսյանը:

Շարունակելով՝ նա ասաց. «Բանակում կան բազմաթիվ խնդիրներ: Նշվում է, որ եթե մագիստրատուրայում, ասպիրանտուրայում սովորող տղաները գնան բանակ, իրենք այնտեղ մթնոլորտ են փոխելու: Եթե մենք բանակում ունենք մթնոլորտի խնդիր, եկեք այդ խնդիրը էլի լուծենք բանակի ներսում: Միգուցե պետք է սպաների կրթությւոնը փոխել, միգուցե պետք է բանակում որոշակի հասկացություններ փոփոխել: Ու եթե մագիտրատուրայում, ասպիրանտուրայում սովորող տղան պետք է գնա բանակ՝ զուտ մթնոլորտ փոխելու համար... Պաշտպանության նախարարն իր հարցազրույցներից մեկում նշել է, որ բարձրագույն կրթություն ունեցող մարդկանց բանակ տանելն անմտություն է, այսինքն՝ այստեղ կա շատ մեծ հակասություն:   

Կան շատ փաստարկներ, որոնք այս օրենքի ընդունումը ուղղակի պետք է դարձնեն անհնար»:

Նաեւ հայտարարվեց, որ այս անգամ նախարարներին դիմելու են փակ նամակով, որպեսզի նրանք պարտավորված լինեն սահմանված կարգով պատասխանել դրանց: Խնդրին առնչվող գերատեսչությունների ղեկավարներին ուսանողները հրավիրելու են քննարկում-բանավեճի:

Այսպիսով, կարելիէ  արձանագրել, ուսանողների շարժումը սպառնում է ավելի մեծ թափ հավաքել: Ու եթե դա տեղի ունենա, ապա իշխանությունների համար բարդ է լինելու դրա հետ հաշվի չնստել: Վերջին անգամ ուսանողները դասադուլ էին հայտարարել 2013 թվականին: Այն ժամանակ նրանք շատ ավելի փոքրաքանակ էին: Պահանջն էր` կեղծված ընտրությունների արդյունքների վերանայում:

Տպել
7523 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում