Օրենքը հարուստների համար է, կվճարեն. ՀՀԿ-ական պատգամավորը բանակում չծառայածների մասին

Այսօր Հայաստանի ԱԺ-ում քննարկվեց «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» ՀՀ օրենքում փոփոխություն կատարելու մասին օրենքի նախագիծն: Այն ենթադրում է, 27 տարին լրացած եւ պարտադիր զինվորական ծառայություն չանցած եւ միաժամանակ Հայաստանից հեռացած երիտասարդներին հնարավորություն տալ վճարել համապատասխան գումար, ազատվել քրեական հետապնդումից եւ վերադառնալ Հայաստան:

Օրենքը երկարացվում է արդեն 9-րդ անգամ: Օրենքում ժամկետները երկարացնելուց զատ նախատեսվում է նաեւ բարձրացնել պետբյուջե վճարվող գումարի չափը: նախկինում այն կազմում էր 1,8 մլն դրամ՝ յուրաքանչյուր զորակոչի համար 100 հազար դրամ, իսկ հիմա առաջարկվում է դարձնել 3,6 մլն դրամ՝ յուրաքանչյուր զորակոչի համար 200 հազար դրամ:

Թեմայի շուրջ «Հայկական ժամանակը» զրուցել է օրենքի համահեղինակ, ՀՀԿ-ական Կարինե Աճեմյանի հետ:  

-Տիկին Աճեմյան, պաշտպանության նախարարությունից «Հայկական ժամանակին» տրամադրել էին տեղեկատվություն այն մասին, որ Ձեր ներկայացրած օրենքի շրջանակներում Հայաստան է վերադարձել 3120 երիտասարդ՝ 2012 թվականից մինչեւ 2017-ի սեպտեմբերն ընկած ժամանակահատվածում: Նրանց բյուջե մուտքագրած գումարն էլ կազմել է մոտ 4,5 միլիարդ դրամ: Ուզում եմ հասկանալ, մեր երկրի համար առավել շահեկան կլիներ, եթե այդ երիտասարդները գնային պարտադիր ծառայությա՞ն, թե՞ 4,5 միլիարդ դրամ պետբյուջեին վճարեին:

-Մեզ համար կարեւորն այն է, որ բոլոր երիտասարդները, ովքեր չունեն առողջական խնդիրներ, ծառայեն բանակում: Մենք պատերազմող երկիր ենք, իրավունք չունենք թուլացնել մեր երկիրը: Սրան զուգահեռ չպետք է փակենք երկրի դռներն այն մարդկանց առջեւ, ովքեր տարբեր պատճառներով հեռացել են երկրից, որովհետեւ նրանցից բոլորը չէ, որ խուսափել են բնակակից եւ դրա համար են հայտնվել այլ երկրում: Հիմա պահանջը գումարի առումով խստացվում է նրա համար, որ օրենքը չդառնա գործիք՝ բանակից խուսափելու համար:

-Իսկ գուցե այդ տղաների ծնողները նրանց երկից դիտմա՞մբ են տանում՝ վաղ տարիքից, որ բանակ չզորակոչվեն: Ինչ-որ սկզբունք կա՞, որ վերահսկում է, թե ինչու է տղան ժամանակին Հայաստանից հեռացել:

-Եղել են մարդիկ, որ սոցիալական վատ վիճակի պատճառով հայտնվել են արտասահմանում եւ իրենց հետ տարել են իրենց 5 տարեկան տղային: Հետո տղան դառնում է չափահաս ու ցանկանում է ետ գալ: Ինքն է՞ մեղավոր, որ իրեն տարել են: Ի վերջո, միայն այն չի եղել պատճառը, որ ծնողը մտածել է երեխան չպետք է ծառայի ու տարել է: Տարբեր խմբեր կան այս մարդկանց մեջ: Եվ հետո մենք աղջիկներ ունենք, որ օտարների հետ են ամուսնանում՝ հայ տղաների բացակայության պատճառով, չեն գտնում իրենց տարիքի տղաներ: Մի կողմից նրանց ուզում ենք հնարավորություն տալ ետ գալու համար, մյուս կողմից էլ չենք խրախուսում, որ նրանք բանակ չեն գնում:

-Տիկին Աճեմյան, Պնախարար Վիգեն Սարգսյանը  «Զինվորական ծառայության եւ զինծառայողի կարգավիճակի մասին» իր օրենքով  ասում է, թե 18 տարին լրանալու պես անցեք ծառայության, իսկ դուք օրենքի մի նախագիծ եք ուզում երկարացնել, որն արդեն նոր դրույթով հնարավորություն կտա ընդամենը 3,6 մլն-ով ազատվել ծառայությունից: Հակասական չե՞ն ձեր եւ Վիգեն Սարգսյանի օրենքները:

-Ես ցավում եմ, որ այս օրենքները համընկան ժամանակային առումով, բայց դրանք միմյանց հետ կապ չունեն: Իմ ներկայացրած օրենքում փոփոխությունները դիտել եմ Ազգ-բանակ հայեցակարգի կոնտեքստում: Հակասությունն այն է, որ մարդ, եթե դիտմամբ է փախել զինվորական ծառայությունից, դա վատ է: Միաժամանկ մենք հասկանում ենք, որ արդար չի այն տղաների նկատմամբ, ովքեր ծառայել են ու շարունակում են ծառայել, բայց նրանց էլ դրսում չենք կարող թողնել:

-Նախատեսվում է, որ այս օրենքը երկարացվում է վերջին անգամ: Ի՞նչ է լինելու հետո: Կրկին շարունակելու են այդպես դրսում մնա՞լ:

-Կառավարությունն է առաջարկում, որ վերջին անգամ օրենքին իրավական ուժ տանք: Յուրաքանչյուր օրենք ունի ժամկետ, երբ ժամանակը լրանում է պետք է կրկին երկարացնել կամ վերջացնել: Մեզ դեռ չեն մերժել, մենք շարունակում ենք մեր օրենքը ներկայացնել:

-Տիկին Աճեմյան, եթե ընտանիքով արտագաղթել են՝ սոցիալական խնդիրների պատճառով, ի՞նչ եք կարծում, հիմա ունե՞ն այդ գումարը, որ վճարեն ետ գալու համար, որ հայրենիքից կարոտ չապրեն՝ ինչպես դուք եք ասում:

-Բա եթե գնացել է ու փող չի աշխատել, ինչո՞վ է զբաղվել: Հաստատ ինչ-որ գումարներ աշխատել է: Այս 3,6 միլիոնը դրսի համար շատ փոքր գումարներ են, կբերեն, կվճարեն:

-Իսկ, եթե այնտեղ Ձեր ասածի նման լավ փողեր են աշխատում, գալիս են Հայաստան՝ ի՞նչ անեն, երբ բոլորը օր առաջ ցանկանում ենք լքել երկիրը:

-Օրենքն այն մարդկանց համար է, ովքեր հարուստ են եւ ուզում են ետ վերադառնալ: Ես համոզված եմ, որ շատերը կգան: Ինձ այնքան զանգեր են ուղղվում, այնքան դիմումներ են գրվում: Տարեկան հարյուրավոր երիտասարդներ գալիս են Հայաստան:

Օրենքն առաջին ընթեցմամբ վաղը կդրվի քվերակության: 

Տպել
5247 դիտում

Հոգեկան խնդիրներ ունեցող հարևանուհու պատճառով տունը մոխրակույտի է վերածվել. տանտիրուհին օգնություն է խնդրում

Սոցիալ Դեմոկրատ Հնչակյան կուսակցությունը չի մասնակցի ընտրություններին. գաղափարական սկզբունքի խնդիր է

Քրեական գործեր՝ հոգեբուժարաններում արձանագրված խախտումների վերաբերյալ

«Քաղաքացու որոշում» ՍԴԿ-ն հրապարակել է ցուցակի առաջին 31 թեկնածուների անունները

Վարորդներին խորհուրդ է տրվում երթեւեկել ձմեռային անվադողերով

Ես կլինեմ ՀՀԿ-ի կենտրոնական հարձակվողը. Մենուա Հարությունյան

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է

ԱԳ նախարարի պաշտոնակատարն ընդունեց ՄԱԿ-ի հատուկ զեկուցողին

Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին

ՕԵԿ համապետական ցուցակի առաջին տասնյակը. այն գլխավորում է Արթուր Բաղդասարյանը

Հայաստան ապօրինի թմրամիջոց ներկրելու հերթական դեպքն է կանխվել (տեսանյութ)

Նիկոլ Փաշինյանը հանդիպել է Ամենայն Հայոց Կաթողիկոսի հետ

Նոյեմբերի 14-ի դրությամբ համաներմամբ ազատ է արձակվել 475 դատապարտյալ

Դեռ չեմ գիտակցում, որ աշխարհի չեմպիոն եմ. Սիմոն Մարտիրոսյան

Հռիփսիմե Խուրշուդյանն այլեւս ՀՀ հավաքականի անդամ չէ. Փաշիկ Ալավերդյան