Լարված իրավիճակ ԱԺ-ում. «Ելք» խմբակցությունը լքեց նիստերի դահլիճը

ԱԺ արտահերթ նիստում քվեարկության են դրվել երեկ նիստում քննարկված օրինագծերը: Ուշագրավ էր Դատական օրենսգրքի մասին օրենքը ընդունելու մասին հարցը: Քվեարկությունն անցավ թեժ վեճերով:

Վարման կարգով ելույթ ունեցավ «Ելք» խմբակցության ղեկավար Նիկոլ Փաշինյանը և առաջարկով հանդես եկավ, որպեսզի «Ծառուկյան» դաշինքն էլ չմասնակցի քվեարկությանը, որպեսզի այդպիսով օրենքը չընդունվի, եթե նույնիսկ մեծամասնությունը կողմ քվեարկի:

«Ծառուկյան» խմբակցության պատգամավոր Գևորգ Պետրոսյանն էլ նշեց, որ կողմ է Փաշինյանի առաջարկին և որ «Ծառուկյան» դաշինքը չի մասնակցի քվեարկությանը:

«Ծառուկյան» և «Ելք» խմբակցություններն իսկապես չմասնակցեցին քվեարկությանը, այդուհանդերձ ԱԺ նախագահ Արա Բաբլոյանը հայտարարեց, որ օրինագիծը 63 կողմ ձայներով ընդունվել է, ինչից հետո վեճ սկսվեց ԱԺ-ում:

Բանն այն է, որ ՀՀԿ-ական պատգամավոր Ռուստամ Մախմուդյանը չէր մասնակցել քվեարկությանը, սակայն նրա ձայնը հաշվել էին, սա առաջացրեց «Ելք» խմբակցության դժգոհությունը: Խմբակցության պատգամավորները հերթով վարման կարգով եկույթ ունեցան և պնդեցին, որ օրենքի նախագիծը չի ընդունվել:

Վարման կարգով ելույթ ունեցավ նաև ՀՀԿ-ական պատգամավոր, ԱԺ փոխնախագահ Էդուարդ Շարմազանովը նշեց, որ Մախմուդյանի ձայնը և ԱԺ փոխնախագահ Արփինե Հովհաննիսյանի ձայն էլ հաշված նախագիծն ընդունվել է:

Նշենք, որ «Ծառուկյան» խմբակցությունից կողմ էր քվեարկել Նապպոլեոն Ազիզյանը, սակայն «Ծառուկյան» դաշինքից հայտարարեցին, թե նա հանել է իր քվեարկությունը: «Ելք» խմբակցության պատգամավոր Արարատ Միրզոյանը վարման կարգով ելույթ ունենալիս նշեց, որ խնդիրը ոչ թե Արփինե Հովհաննիսյանի, Ռուստամ Մախմուդյանի ձայների մեջ է, այլ Նապոլեոն Ազիզյանի, ով դիմել է քարտուղարություն` և հանել է իր քվեարկությունը:

Նշենք, որ երբ Արա Բաբլյոնաը հայտարարեց, որ նախագիծը ընդունվել է և անցավ հաջորդ հարցին «Ելք» և «Ծառուկյան» խմբակցությունները բոյկոտեցին նիստը և դուրս եկան նիստերի դահլիճից: Լրագրողների հետ զրույցում «Ելք» խմբակցության պատգամավոր Էդմոն Մարուքյանը նշեց, որ իշխանությունները ապօրինի անցկացրեցին այս օրենքը: «Սահամանադրական օրենք է ընդունվում և այն չի կարող այս ձևով ընդունվել: Տեղի է ունեցել այն, որ քվեարկության ժամանակ Նապոլեոն Ազիզյանը քվեարկել է և հետո ասել է քարտուղարությանը, որ հանել է իր քվեարկությունը, չի մասնակցում, ԲՀԿ-ից ճշտել ենք, որ Ազիզյանը հայտարարել է, իսկ Շարմազանովն ասում է` չի հայտարարել, եթե Արփինե Հովհաննիսյանի ձայնն էլ հաշվում են դառնում է 62 ձայն և դատական օրենսգիրքը չի ըդունվել և ամբողջ աշխարհի առաջ այստեղ կեղծիք է տեղի ունենումօրենքը չի անցնում»,- հայտարարեց նա:

 Դիտարկմանը` գուցե Ազիզյանն իրոք չի հանել քվեարկությունը, ապա Մարուքյանն ասաց, որ դա պետք է ճշտել «Ծառուկյան» խմբակցությունից:

Սակայն «Ծառուկյան» խմբակցության քարտուղար Վահե Էնֆիաջյանը քիչ առաջ կարդաց Ազիզյանի դիմումը, որով ասում է, թե տեխնիկական խնդիրների պատճառներով է կողմ քվերակել: ԱԺ նախագահ Բաբլոյանն ասաց, որ այլեւ ոչինչ փոխել հնարավեր չէ:

 

Տպել
4460 դիտում

Հայաստանն ազատականացնում է էլեկտրաէներգիայի շուկան․ նախարարը հանդիպել է ԱՄՆ ՄԶԳ փոխնախագահին

Մենք պատրաստ ենք փրկել եւ վերակենդանցնել Հայֆիլմի բրենդը․ նամակ՝ Նիկոլ Փաշինյանին

Հանրապետության նախագահը մեկնել է կարճատեւ արձակուրդ

Բոլորիս հաղթանակն է․ փոքրիկ Գոռը, որը տեւական ժամանակ քաղցկեղ ուներ, առողջացել է

Ռուսաստանը հույս ունի, որ Հայաստանը կկարողանա դիմադրել ԱՄՆ շանտաժին. Կարասին

Ի՞նչ են պայմանավորվել Երեւանն ու Բաքուն․ ՀՀ ԱԳՆ-ն արձագանքել է Մամեդյարովի հայտարարությանը

Մարդ կա՝ գյուղում 3 հարկանի տուն ունի, բայց Վանաձորում տնակում է ապրում. Լոռու մարզպետ

Գյուղնախարարի պաշտոնակատարը կշարունակի՞ պաշտոնավարել. մանրամասնում է Գեղամ Գեւորգյանը

Իրո՞ք Ստամբուլը կդառնա XXI դարի մայրաքաղաք

Իրական ընդդիմության բացակայության պատճառները. հիմնական ընդդիմադիրի տիտղոսի համար մեծ ճակատամարտը սկսվել է

Ալեքսիս Օհանյանը շնորհավորել է «The Economist»-ի կողմից Հայաստանը տարվա երկիր ճանաչելու առիթով

Թրամփն Էրդողանին ասել է, որ «կդիտարկի» Գյուլենի արտահանձնման հնարավորությունը․ Սպիտակ տուն

Այնպիսի զգացողություն էր, ինչպես պարտվելու դեպքում կլիներ. Արամ Ավագյան

Ես վաղուց «Կենտրոն» հ/ը-ում չեմ աշխատում. Իվետա Տոնոյանը՝ իր եւ Ծառուկյանի միջեւ եղած կոնֆլիկտի մասին

Համազգայինի ժամանակավոր տնօրեն նշանակվեց Արման Նավասարդյանը. թատրոնում այդ պաշտոնի համար նա մրցակիցներ չունի

Իշխանությունը զբաղված է պաշտոններ բաշխելով, բայց անվտանգությունն ավելի կարեւոր է. Շարմազանով

Վրաստանի քաղաքացիներին իրավունք կտրվի օրինականորեն աշխատել Ֆրանսիայում

ՄԻՊ աջակցությամբ պարտադիր ժամկետային զինծառայողը վիրահատվել եւ վերականգնողական արձակուրդ է ստացել

Ինքնասպանության փորձ՝ Երեւանում․ 18-ամյա ՌԴ քաղաքացին հոսպիտալացվել է

«Գարուն» սրճարանում պատվիրելով հավով չիաբատա՝ դուք աջակցում եք քաղցկեղ ունեցող փոքրիկներին