ՀՀԿ-ական պատգամավոր Ռուստամ Մախմուդյանը եւ նրա եղբայրը բանակում չեն ծառայել. ինչու

«Հայկական ժամանակ»-ին տեղեկություն էր հասել, որ Հայաստանի Ազգային ժողովի ՀՀԿ-ական պատգամավոր, ազգությամբ եզդի Ռուստամ Մախմուդյանը եւ նրա եղբայրները պարտադիր զինվորական ծառայության չեն անցել: Թեմայի շուրջ «ՀԺ»-ն պարզաբանում խնդրեց պատգամավորից: Վերջինս նշեց, որ ինքը եւ մյուս եղբայրը չեն ծառայել, որովհետեւ զբաղվել են գիտամանկավարժական գործունեությամբ, իսկ երրորդ եղբայրը վեց տարի պայմանագրային սպա է եղել զինված ուժերում:

«Ճիշտ չէ, եղբայրս ծառայել է, իսկ ես եւ մյուս եղբայրս գիտական թեկնածուի աստիճանի հիմքով ստացել ենք օրենքով նախատեսված տարկետման իրավունք եւ զբաղվել ենք գիտամանկավարժական գործունեությամբ: Չնայած, ես զինվորական դատախազությունում եմ աշխատել: Դրանից հետո ասպիրանտուրայում եմ սովորել: Մյուս եղբայրս ծառայել է Լուսակերտում եւ դրանից հետո 6 տարի ժամկետով մնացել է պայմանագրային զինծառայող: Մյուս եղբայրս տնտեսագիտության թեկնածու է, ասպիրանտուրա է ընդունվել, ավարտել ու շարունակել է գիտամանկավարժական գործունեությամբ զբաղվել: Եթե գիտական աստիճան ես ստանում եւ զբաղվում ես գիտամանկավարժական գործունեությամբ, այլեւս բանակ չէիր զորակոչվում: Տեղեկատվությունն 85 տոկոսով իրականությանը չի համապատասխանում»,- «Հայկական ժամանակ»-ի հետ զրույցում ասաց Ռուստամ Մախմուդյանը:

Ազգային ժողովի պաշտոնական կայքից տեղեկանում ենք, որ Մախմուդյանը ծնվել է 1982 թվականի օգոստոսի 20-ին, Արագածոտնի մարզի Ալագյազ գյուղում: 2003 թվականին ավարտել է Երեւանի պետական համալսարանի իրավագիտության ֆակուլտետը:

2005 թվականին ավարտել է ԵՊՀ իրավագիտության ֆակուլտետի մագիստրատուրան: Նույն թվականին եղել է ԵՊՀ իրավագիտության ֆակուլտետի սահմանադրական եւ միջազգային իրավունքի ամբիոնի ասպիրանտ: 2016-ին էլ ավարտել է ՀՀ արդարադատության ակադեմիան: Իրավաբանական գիտությունների թեկնածու է, դոցենտ: Միաժամանակ տեղեկացնենք, որ Մախմուդյանը 2003-2004 թվականներին եղել է ՀՀ զինվորական դատախազության քննչական բաժնի ստաժոր: 

Ի դեպ, 2017 թվականին ընդունված «Զինվորական ծառայության եւ զինծառայողի կարգավիճակի մասին» ՀՀ նոր օրենքի համաձայն ՝ խիստ սահմանափակվել է գիտական գործունեությամբ զբաղվելու համար տրամադրվող ակադեմիական տարկետումը: Տարկետումը տարածվում է միայն այն երիտասարդների վրա, որոնք կընդգրկվեն ՊՆ-ի հատուկ ծրագրերում, մասնավորապես՝ «Ես եմ» եւ «Պատիվ ունեմ»:

Պաշտպանության նախարար Վիգեն Սարգսյանի ներկայացրած «Զինվորական ծառայության եւ զինծառայողի կարգավիճակի մասին» ՀՀ օրենքի աղմկալի քննարկումների ժամանակ սկանդալի կենտրոնում հայտնվեցին նաեւ այն պաշտոնյաները եւ նրանց որդիները, որոնք պարտադիր զինվորական ծառայություն չեն անցել: Այդ թվում նաեւ՝ նախարար Վիգեն Սարգսյանը:

Տպել
2837 դիտում

Հոգեկան խնդիրներ ունեցող հարևանուհու պատճառով տունը մոխրակույտի է վերածվել. տանտիրուհին օգնություն է խնդրում

Սոցիալ Դեմոկրատ Հնչակյան կուսակցությունը չի մասնակցի ընտրություններին. գաղափարական սկզբունքի խնդիր է

Քրեական գործեր՝ հոգեբուժարաններում արձանագրված խախտումների վերաբերյալ

«Քաղաքացու որոշում» ՍԴԿ-ն հրապարակել է ցուցակի առաջին 31 թեկնածուների անունները

Վարորդներին խորհուրդ է տրվում երթեւեկել ձմեռային անվադողերով

Ես կլինեմ ՀՀԿ-ի կենտրոնական հարձակվողը. Մենուա Հարությունյան

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է

ԱԳ նախարարի պաշտոնակատարն ընդունեց ՄԱԿ-ի հատուկ զեկուցողին

Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին

ՕԵԿ համապետական ցուցակի առաջին տասնյակը. այն գլխավորում է Արթուր Բաղդասարյանը

Հայաստան ապօրինի թմրամիջոց ներկրելու հերթական դեպքն է կանխվել (տեսանյութ)

Նիկոլ Փաշինյանը հանդիպել է Ամենայն Հայոց Կաթողիկոսի հետ

Նոյեմբերի 14-ի դրությամբ համաներմամբ ազատ է արձակվել 475 դատապարտյալ

Դեռ չեմ գիտակցում, որ աշխարհի չեմպիոն եմ. Սիմոն Մարտիրոսյան

Հռիփսիմե Խուրշուդյանն այլեւս ՀՀ հավաքականի անդամ չէ. Փաշիկ Ալավերդյան