Հոկտեմբերի 27-ից առաջ Արմեն Սարգսյանը կնոջ հետ մեր տանն էր, քեֆ էինք անում (տեսանյութ)

«Արմեն Սարգսյանը վարչապետ աշխատել է ընդամենը երկու ամիս, որից հետո հիվանդացել է եւ հրաժարական է տվել: Նա ավելի շատ կարճ ժամանակահատվածով է վարչապետ եղել, քան՝ ես: Նա չկարողացավ այդ կարճ ժամանակահատվածում լուրջ գործընթաց ծավալել, որը կարելի կլիներ այսօր թվարկել»,- «Հայկական ժամանակ»-ի հարցին՝ որպես նախկին վարչապետ ի՞նչպես կբնութագրեք ՀՀԿ նախագահի թեկնածու Արմեն Սարգսյանի վարչապետության ժամանակահատվածն, այսպես պատասխանեց «Հանրապետություն» կուսակցության նախագահ Արամ Սարգսյանը:

Նրա կարծիքով՝ Արմեն Սարգսյանը կայացած անհատ է եւ իր շփումները Սարգսյանը քաղաքականության, տնտեսության, գիտության ոլորտներում ինքնուրույն է ձեռք բերել: Արամ Սարգսյանը պատասխանելով՝ «Հայկական ժամանակ»-ի այն հարցին, թե ճշգրի՞տ է մամուլը գրել, որ ժամանակին Պնախարար Վազգեն  Սարգսյանը եւ վարչապետ Արմեն Սարգսյանը կոշտ տարաձայնություններ են ունեցել, ասաց.

«Իմ եղբոր եւ Արմեն Սարգսյանը հարաբերությունները շատ ջերմ են եղել: Այդ տարիներին կային մարդիկ, որոնց դուր չէր գալիս Արմեն Սարգսյանի վարչապետ նշանակվելը, որոնց եղբորս պահվածքը դուր չէր գալիս եւ նրանք որոշակի լեգենդներ հորինեցին՝ փորձելով վարկաբեկել եղբորս եւ Արմեն Սարգսյանին: Նրա հիվանդանալուց հետո Վազգենը միշտ հետաքրքրված է եղել Արմեն Սարգսյանի առողջությամբ, փորձել է աջակցել ինչով հնարավոր է: Հոկտեմբերի 27-ից առաջ Արմեն Սարգսյանը կնոջ՝ Նունե Սարգսյանի հետ եկան մեր տուն, մեծ թենիս խաղացինք, բավականին երկար, չորս ռակետով, բաժանվել էինք երկու թիմի, որից հետո քեֆ արեցինք մինչեւ կեսգիշեր: Դա հոկտեմբերի 24-ի լույս 25-ի գիշերն էր, որից հետո պարելով նստեցին մեքենան ու գնացին: Իմ ընկալմամբ ավելի լավ կլիներ, որ Արմեն Սարգսյանը ոչ թե այս Սահմանադրությամբ ՀՀԿ-ի արարողակարգային նախագահի թեկնածուն լիներ, այլ՝ վարչապետի թեկնածուն լիներ, իրական իշխանությամբ»,- մեկնաբանեց Սարգսյանը՝ տեղեկությունները լկտի սուտ համարելով:

Արամ Սարգսյանը միաժամանակ տեղեկացրեց, որ դեմ է քվեարկելու Արմեն Սարգսյան ՀՀԿ թեկնածուին:

«Քաղաքական առումով դեմ եմ քվեարկելու Արմեն Սարգսյանի թեկնածությանը: Նա գնում է մի ընտրության, որը չասեմ՝ իրեն պատիվ չի բերում, այլ՝ ձեռնտու չէ, մեր երկրին էլ ձեռնտու չէ: Կարծում եմ, որ պարոն Սարգսյանն ըմբռնումով կմոտենա իմ որոշմանը եւ մեր մարդկային փոխհարաբերությունները չեն փչանա»,- ասաց նա:

«ՀԺ»-ի լրագրողի հարցին՝  թվարկելով Արմեն Սարգսյանի դրական կողմերը, մասնագիտական հմտություններն, արդյո՞ք Արամ Սարգսյանը դեմ է քվեարկում նրա թեկնածությանը, միայն այն բանի համար, որ նա ՀՀԿ-ի թեկնածուն է եւ արդյո՞ք ՀՀԿ-ն չի կարող այնպիսի թեկնածու առաջադրել, որը կվայելի խորհրդարանի բոլոր ուժերի համակրանքը, պատգամավորը մեկնաբանեց.

«Ձեր ասած բոլոր հանգամանքներն էլ ինչ-որ տեղ իրականություն են: Պետք է ասեմ, որ շատ դժվար է լինելու Արմեն Սարգսյանի համար ՀՀԿ-ի թեկնածուն լինել եւ այս սահմանադրության շրջանակներում կայանալ: Սա նրա համար լուրջ փորձություն է: Իսկ ինչ վերաբերում է նրան, թե ՀՀԿ-ն կարո՞ղ է այդպիսի թեկնածու առաջադրել, որ բոլորի կողմից ընդունելի կլինի, ես կիսում եմ իմ գործընկեր Էդմոն Մարուքյանի կարծիքը, որ ՀՀԿ-ն հետեւություն անելու լուրջ խնդիր ունի: Այս էլ 2-րդ անգամ ՀՀԿ-ն ունենալով լուրջ կադրային բանկ, չի կարողանում իր մեջից ընտրություն կատարել, լուրջ պաշտոն առաջարկել: ՀՀԿ-ն իր անդամներին այնքան է վարկաբեկել, որ չկա մեկը, որին կարող էր թեկնածու առաջադրել եւ բերում է դրսից, ինչպես եղավ Կարեն Կարապետյանի ժամանակ: Բերեցին Կարեն Կարապետյանին, օգտագործեցին նրա հմայքը, վարկանիշ ցույց տվեցին, հիմա էլ ցույց են տալիս, թե իբր վարկանիշն ընկնում է: Մեկ տարի հետո էլ իրենց լրատվական դաշտով փորձելու են Արմեն Սարգսյանի վարկանիշը գցել: Չեմ կարծում, որ Արմեն Սարգսյանը կլինի ՀՀԿ-ի ասածների կատարողը, նա ինքնուրույն է կայացել»,- եզրափակեց Արամ Սարգսյանը:

Նյութը հրապարակվել է «Հայկական ժամանակ»-ի այսօրվա համարում 

Տպել
5669 դիտում

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է

ԱԳ նախարարի պաշտոնակատարն ընդունեց ՄԱԿ-ի հատուկ զեկուցողին

Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին

ՕԵԿ համապետական ցուցակի առաջին տասնյակը. այն գլխավորում է Արթուր Բաղդասարյանը

Հայաստան ապօրինի թմրամիջոց ներկրելու հերթական դեպքն է կանխվել (տեսանյութ)

Նիկոլ Փաշինյանը հանդիպել է Ամենայն Հայոց Կաթողիկոսի հետ

Նոյեմբերի 14-ի դրությամբ համաներմամբ ազատ է արձակվել 475 դատապարտյալ

Դեռ չեմ գիտակցում, որ աշխարհի չեմպիոն եմ. Սիմոն Մարտիրոսյան

Հռիփսիմե Խուրշուդյանն այլեւս ՀՀ հավաքականի անդամ չէ. Փաշիկ Ալավերդյան

ՊԵԿ-ն անհիմն, առանց ապացույցի տեղեկատվություն է հրապարակել. «Գազպրոմ Արմենիա»-ն հերքում է

ՀՀԿ համամասնական ցուցակը ամբողջությամբ

Ռոբերտ Քոչարյանը Սիլվա Համբարձումյանից նաեւ 2 միլիոն է պահանջում. դատավորի անունը հայտնի է

Արտահերթ խորհրդարանական ընտրություններին մասնակցելու հայտ է ներկայացրել 11 քաղաքական ուժ

ՀՀ նախագահի հրամանագրով Երեւան քաղաքի առաջին ատյանի դատարանը նոր դատավոր ունի

ԲՀԿ համապետական ցուցակի առաջին տասնյակը. այն գլխավորում է Գագիկ Ծառուկյանը

ՀՅԴ համապետական ցուցակը ամբողջությամբ. այն գլխավորում է Արմեն Ռուստամյանը

6-րդ գումարման ԱԺ-ի հարցուպատասխանը եզրափակվեց փոխադարձ կոմպլիմենտներով. Փաշինյանն ու Բաբլոյանը հին օրերն էին հիշել

Վթարի ենթարկված բալետի 23-ամյա արտիստի մոտ դրական դինամիկա է նկատվում

Որոշում եմ կայացրել չմասնակցել գալիք խորհրդարանական ընտրություններին. Արգամ Աբրահամյան