ՀՀԿ-ի թեկնածուի «քարոզարշավը». շրջում էր ամենագնացով, խոսեց իր և Վ. Սարգսյանի միջադեպից

Այսօրվանից մեկնարկեց 2018 թվականի  ՀՀ նախագահի՝ ՀՀԿ-ի նախընտրած թեկնածու Արմեն Սարգսյանի նախընտրական «քարոզարշավը: Թեկնածուն այն սկսեց իրեն հովանավորող կուսակցությունից: Սարգսյանը նախ Մելիք-Ադամյան 2-ում՝ ՀՀԿ կենտրոնական գրասենյակում պատասխանեց ԱԺ ՀՀԿ խմբակցության պատգամավորների հարցերին, ներկայացրեց իր տեսլականը եւ շտապեց գործընկեր ՀՅԴ Բյուրոյի գրասենյակ:

Հանրապետականները, խոսելով թեկնածու Սարգսյանի հետ տեղի ունեցած հանդիպումից, նշում էին, որ «ստանդարտներին»  համապատասխան անձ է: Մասնավորապես, նման կարծիք հայտնեց գեներալ, ՀՀԿ-ական պատգամավոր Սեյրան Սարոյանը:

«Շատ լավ անցավ, շատ հարցեր քննարկվեց: Շատ լավ մարդ է, լավ էլ թեկնածու է: Ստանդարտներին համապատասխանում է: Առաջարկն ընդունելու հետ կապված բան չի ասել, դեռ ուրիշների հետ էլ պետք է հանդիպի»,- ասաս Սարոյանը:

ԱԺ փոխնախագահ Արփինե Հովհաննիսյանն էլ տեղեկացրեց, որ Սարգսյանը ներկայացրել է իր տեսլականը:

«Պարոն Սարգսյանը իր նախաձեռնությամբ ցանկություն էր հայտնել ՀՀԿ ֆրակցիայի ներկայացուցիչների հետ հանդիպել,  ընդամենը զրուցում էինք իր տեսլականի մասին»,- «ՀԺ»-ի լրագրողին ասաց Հովհաննիսյանը՝ չցանկանալով մանրամասնել նրա տեսլականը:

ԱԺ-ում եզդի համայնքի ներկայացուցիչ Կնյազ Հասանովն էլ հետաքրքրվել է՝ եթե Արմեն Սարգսյանը որոշի ընդունել ՀՀԿ-ի առաջարկը, ապա պատրաստվու՞մ է Սերժ Սարգսյանի նման ազգային փոքրամասնություններին պահել ուշադրության կենտրոնում: «Հայկական ժամանակ»-ի հարցին, թե թեկնածուից ինչ պատասխան է ստացել, պատգամավորը նշեց՝ դրական:

Հանրապետական կուսակցության գրասենյակում տեւած մեկուկես ժամ քննարկումից հետո, սակայն, Արմեն Սարգսյանին ուղղված՝ լրագրողների հարցերի պատասխանը խուսափողական ու զուսպ էր:

«Ես պետք է հանդիպեմ բոլոր քաղաքական ուժերի, հասարակական կազմակերպությունների, մշակույթի ներկայացուցիչների հետ, որից հետո նոր միայն կհայտնեմ իմ որոշման մասին: Վստահ եղեք, որ դրանից հետո կպատասխանեմ բոլոր հարցերին»,- ասաց նա:

ՀՅԴ Բյուրոյի ներկայացուցիչների հետ նույնքան ժամանակ տեւած քննարկումից հետո նախագահի ՀՀԿ-ի թեկնածուն կրկին լրագրողներից ժամանակ խնդրեց:

«Թույլ տվեք ես իմ հանդիպումներն ունենամ կուսակցությունների, ՀԿ-ների, հանրության ներկայացուցիչների հետ, դրանից հետո ես իմ որոշումը կայացնեմ  եւ հաճույքով ձեզ հետ կզրուցեմ»,-ասաց նա:

Արմեն Սարգսյանը հրաժարվեց պատասխանել «ՀԺ»-ի՝ գնաճի վերաբերյալ հարցերին, այլ լրագրողների հարցերի, թե ինչպե՞ս է հասցնելու հանդիպել բոլոր կուսակցությունների հետ, քանի որ դրանց թիվը մոտ 70 է: Միայն խոսեց իր եւ Վազգեն Սարգսյանի միջեւ տեղի ունեցած միջադեպի մասին, որը անվանեց անհեթեթ տեղեկություններ: Նա նա նաեւ հրաժարվեց պատասխանել, թե ինչը կարող է պատճառ լինի, որ չընդունի ՀՀԿ-ի առաջարկը: Միաժամանակ նա տեղեկացրեց, որ եթե առաջադրվի եւ ընտրվի, ապա լրագրողների հետ աշխատանքը փակուղում չի հայտնվելու:

ՀՅԴ Բյուրոյի ներկայացուցիչ Արմեն Ռուստամյանն  էլ, անդրադառնալով իրենց եւ թեկնածուի հանդիպմանը, նշեց, որ Սարգսյանի առաջադրվելու հարցն են քննարկել:

«Խոսել ենք մեր պատկերացումների մասին: Նոր էջ պետք է բացվի Հայաստանի համար: Խոսել ենք, քննարկել ենք, թե միասին ինչ ենք անելու՝ կապված Հայաստանի ներքին, արտաքին խնդիրների հետ: Մեր համոզմունքն ենք քննարկել, որ սա պատմական մեծ առաքելություն է, որը նախագահը պետք է իրականացնի: Երկու ծայրահեղական մոտեցումներ կան նախագահի նոր պաշտոնի հետ կապված: Մի մասը կարծում է, որ նա պետության գլուխն է, քանի որ Սահմանադրությամբ է այդպես, իսկ մյուս մասը գիտի, որ նա ընդհանրապես լիազորություններ չունի, որը այդպես չէ: Կա սահմանադրորեն ընդգծված դաշտ, որը նախագահը պետք է յուրացնի: Հենց նա ասաց, որ խոսքը գնում է 4-րդ հանրապետության մասին, մենք ժամանակին նույն գնահատականն ենք տվել: Մենք կքննարկենք նրա թեկնածությունը, կամփոփենք մեր նիստերում, նա էլ իր վերջնական որոշումը կկայացնի, եւ մենք խնդիր չենք տեսնում նրան չընտրելու համար: Ամբողջությամբ պատկերացնում է այն առաքելությունը, որ այսօր պետք է իրականացվի, եւ լավագույն անձերից մեկն է, որ կարող է հայությունը միավորելու գործընթաց իրականացնել»,- եզրափակեց Ռուստամյանը:

Նախագահի ՀՀԿ-ի թեկնածու Արմեն Սարգսյանին «քարոզարշավի» ընթացքում ուղեկցում էր միայն վարորդը: Նա շրջում էր «Կադիլակ» ջիպ ամենագնացով:

Արմեն Սարգսյանի մեքենան

Տպել
3015 դիտում

Քաշքշել են․ լրագրող Նարինե Ավետիսյանի դեպքով հարուցված քրգործն ուղարկվել է դատարան

Հրդեհ Դադիվանքում. տանը 4 երեխա է եղել, 2-ին փրկել են, 7-ամսական զույգերը մահացել են

Թվային ցատկ․ վարչապետին ներկայացվել է՝ ինչպես է ձեւավորվում ՀՀ-ում թվային միջավայրը

«Արսենալը» քիչ էր մնում իր համար լուրջ խնդիրներ ստեղծեր. պարտվեց 1:2. Եվրոպա լիգա

Արգենտինայում ՌԴ-ի դեսպանատանն հայտնաբերել են 400 կգ կոկաին․ կան ձերբակալվածներ

Արտակարգ դեպք Գյումրիում․ փլուզվել է 4 հարկանի շենքի երկու հարկը

Նիկոլ Փաշինյանը պատրաստ է կրկին «գործուղվել» Ազատության հրապարակ

«Արթիկ» ՔԿՀ են փորձել տեղափոխել բջջային հեռախոս ու սիգարետի տուփերով թմրամիջոցներ

Թուրքիան քննադատել է Նիդերլանդների կողմից Հայոց ցեղասպանության բանաձեւերի ընդունումը

Պոլսահայոց կյանքն ալեկոծվել է․ Գերագույն հոգեւոր ժողովի հանդարտության կոչը

Մեդվեդեւան օլիմպիական ոսկին զիջեց 15-ամյա Զագիտովային

Նիդերլանդների խորհրդարանը հավաստեց հավատարմությունը համամարդկային արժեքներին. Նալբանդյան

ՄԱԿ-ի Անվտանգության խորհրդում այսօր Սիրիայում հրադադարի սահմանման բանաձեւի քվեարկություն է

Ինչու ՀՀ ՊՆ-ն չի հայտնել զինծառայողի մահվան մասին

Ավագանու նիստում տեղի ունեցած միջադեպի գործով քննության առարկա են դարձել տեսանյութերը

Գագիկ Ծառուկյանի շքեղ ժամանցի կենտրոն այցելելու համար արտոնյալ վարկ են տրամադրում մարդկանց

Փլուզում Գյումրիում. տարհանվել է բնակելի շենքի 11 բնակիչ

Վթարի է ենթարկվել գործարար Խաչատուր Սուքիասյանի որդին. բախվել է 3 մեքենա, կա 4 վիրավոր

Զուգահեռ իրականություններ Բուկինիստի ներսում եւ դրսում

Թուրք կուսակցապետը դատական հայց է ներկայացրել Հունաստանի նախկին ԱԳ նախարարի դեմ