Ավտոբուսների համար առանձին երթուղի կլինի. մարդիկ կվճարեն մեկ անգամ անկախ տեղփոխից

Երեւանի քաղաքապետի տեղակալ Վահե Նիկոյանը քաղաքապետարանում այսօր հրավիրած մամուլի ասուլիսի ժամանակ մանրամասներ ներկայացրեց նոր տրանսպորտային ցանցի ներդրման գործընթացից: Փոխքաղաքապետի ասուլիսից առանձնացրել ենք ամենակարեւոր դրույթները:

Գծեր-գծատերեր

Նոր նախագծով չեն լինելու լավ եւ վատ գծեր, գծատերեր: Ցանցը սպասարկելու է 42 ավտոբուսային երթուղի, գործող 115 երթուղու փոխարեն: Տրանսպորտը հասանելի է լինելու Երեւանի ողջ ծածկույթում: Գործող ցանցի համեմատ նորը փոխլրացման սկզբունքով է գործելու եւ կրկնվող գծեր չեն լինելու: Դրա արդյունքում արդյունավետությունն է բարձրանալու, ծախսերն են նվազելու, բեռնաթափվելու են քաղաքի փողոցներն ու կանգառները: Նոր ցանցով երթուղիները շարունակելու են միմյանց: Նոր ցանցի շահագործումը ապահովելու է 939 մեծ եւ միջին տեղատարողությամբ ավտոբուսներով՝ ներառյալ ռեզերվային քանակը: Ամբողջությամբ արդիականացվելու է տրոլեյբուսների պարկը:

Մեծ տեղատարողությամբ ավտոբուսները

Փոխքաղաքապետը համաձայն չէ այն դիտարկումների հետ, որ մեծ ավտոբուսները խնդիրներ են առաջացնելու: Ուսումնասիրվել է միջազգային փորձը: Եվրոպական շատ քաղաքներում շահագործվում են մեծ ավտոբուսներ ավելի նեղ փողոցներում: Ցանցի անբաժանելի մաս է կազմում նաեւ որոշ փողոցներում ավտոբուսների համար առանձնացված երթեւեկելի գոտիների ստեղծումը: Ցանցի մեկնարկին զուգահեռ պետք է ներդրվի մշակույթ, որ հասարակական տրանսպորտը Երեւանի փողոցներում պետք է ունենա գերակայություն: Ցանցն այժմ նախագծային եւ փորձարկման փուլում է: Եթե պարզվի, որ որեւէ փողոցում մեծ խնդիր է առաջանալու մեծ տեղատարողությամբ ավտոբուսների շահագործման դեպքում, մինչեւ ցանցի վերջնականացումը շտկումներ կիրականացվեն: Երթուղիների մոտ 49 տոկոսն առանց տեղփոխերի է լինելու: Խորհրդատուի առջեւ խնդիր է դրվել ունենալ օպտիմալ ցանց: Առաջարկվել է 18 մետրանոց ավտոբուսները շահագործել 11 երթուղում: Դրանց շահագործումը պարզ հաշվարկով ենթադրում է ծախսերի նվազեցում: Այս փուլում պետք է իրականացվի փորձարկում: 18 մետրանոց ավտոբուսներով երթուղիները շրջանցում են կենտրոնը: Եթե խնդիրներ առաջացնեն 18 մետրանոց ավտոբուսը, հնարավոր է դրանք փոխարինել 12 մետր երկարությամբ ավտոբուսներով:

Վճար

1 ուղեւորության համար անձինք վճարելու են մեկ անգամ, անկախ նրանից, թե այդ ուղեւորության ընթացքում քանի տրանսպորտ են փոխելու: Սա կարեւոր սկզբունք է դրվել, անկախ նրանից, թե իր ուղեւորությունն առաջացնում է տեղփոխերի անհրաժեշտություն: Ինչ վճարային տարբերակ կընտրվի դեռ հստակ չէ, խորհրդատուն աշխատում է այդ ուղղությամբ: Երեւանի մետրոն ներառված է որպես ցանցի մաս եւ առաջարկվում է տեղփոխ իրականացնել նաեւ մետրոյով:

Երթեւեկության արագությունը

Նոր ցանցով պետք է ամեն ինչ արվի, որ ուղեւորափոխադրումն իրականացվի ավելի արագ, քան գործող ցանցով: Ցանցի մեկնարկին զուգահեռ կներդրվեն հավելվածներ, որպեսզի մարդիկ կարողանան լիարժեք պլանավորել իրենց ուղեւորությունը: Չվացուցակի կազմման համար հիմք են ընդունվել հասարակական կարծիքի հարցման արդյունքները: Նոր ցանցով հասարակական տրանսպորտի սպասարկման մեկնարկը նախատեսվում է իրականացնել ժամը 06:45-ին եւ ավարտել 24:00-ին: Ապահովվելու է 1 ժամ 15 րոպե ավելի սպասարկում, քան գործող ցանցով է իրականացվում: Առավոտյան 8-ից մինչեւ երեկոյան 7-ը ինտենսիվ սպասարկում է իրականացվելու՝ 5 րոպե հաճախականությամբ:

Վարորդներ

Նոր ցանցի շահագործման հետ կապված սահմանվելու են նոր չափորոշիչներ վարորդների նկատմամբ եւ ղեկին չծխելը կամ հեռախոսով չխոսելը նվազագույն պահանջներն են լինելու: Պահանջների լիարժեք ցանկը կսահմանվի գործընթացի հաջորդ փուլերում: Այս պահին հստակ է, որ վարորդների կրճատման վերաբերյալ խոսք չի կարող գնալ: Վարորդներն աշխատելու են հերթափոխով եւ հստակ գրաֆիկով, որի պարագայում հնարավոր է լինի վարորդների լրացուցիչ պահանջ:

Ցանցը փորձարկման փուլում է, առաջիկայում հնարավորություն կլինի ցանցը փորձարկել հավելվածի միջոցով: Առաջարկություններն ու թերությունները կուղարկվեն խորհրդատու կազմակերպությանը: Դեռ պարզ չի, թե ինչ տոմսային համակարգ է ունենալու ցանցը: Միայն համակարգի առկայության պայմաններում հնարավոր կլինի հաշվարկել սակագինը: Սակագինը մատչելի պահելու սկզբունքը շարունակում է մնալ քաղաքապետարանի առաջնահերթություններից: Վահե Նիկոյանը արձանագրեց, որ արդեն կա արդյունավետ, տնտեսող երթուղային ցանց: Այս տարի գործընթացում աշխատանքային տարի է լինելու: Նիկոյանը վստահ է, որ կստեղծվի արժանապատիվ տրանսպորտային համակարգ:

Ներդրումներ

Երեւան համայնքը պատրաստ է ներդրումներն իրականացնել: Այժմ բանակցություններ վարվում են Եվրոպական ներդրումային բանկի հետ, որը լավ պայմաններով ֆինանսավորման պատրաստակամություն է հայտնել: Բոլոր դեպքերում միջազգային մասնավոր կազմակերպություն են ցանկանում ներդնել: Ներդրման արժեքը տատանվում է 100 միլիոն դոլարի սահմանում, որը պայմանավորված կլինի չափորոշիչներով:

Տպել
5097 դիտում

«Ալաշկերտը»՝ ՀՀ ֆուտբոլի առաջնության չեմպիոն

Արցախում 19-ամյա զինվոր է զոհվել

Կապանում ցեխը մեքենան սահեցրել է, կախել ձորակի եզրին

Ռուսաստանը Հայաստանին կտրամադրի նորագույն զենիթահրթիռային համալիրներ

Բակո Սահակյանը Թալիշում մասնակցել է «Թալիշի վերածնունդ» նախագծի մեկնարկի արարողությանը

ՀՀ պաշտպանության նախարարը հանդիպել է «Ես եմ» ծրագրով զորակոչված զինծառայողներին

Արագաչափերն ու տեսանկարահանող սարքերը շարունակում են գործել, մշակվում են նոր մեխանիզմներ

Ներկայացվեցին ոստիկանության պետի նոր տեղակալները, վարչությունների պետերը (լուսանկարներ)

Մարզերում տեղացող անձրեւները կշարունակվեն, սպասվում է կարկուտ, ջերմաստիճանի նվազում

Արգելված որսի հեղինակ հրազդանցի երիտասարդը հայտնաբերվել է, ներկայացել ոստիկանություն

Վարչապետ Նիկոլ Փաշինյանին շնորհավորական ուղերձ է հղել Հնդկաստանի վարչապետ Նարենդրա Մոդին

Նախագահ Սարգսյանը շնորհավորական ուղերձ է հղել տիկին Լուիզ Սիմոն Մանուկյանին

«Երևան 2800» գորգը նվիրաբերվել է Երևան քաղաքի պատմության թանգարանին

179 դպրոցական ուսումը թողել է սոցիալական վատ պայմանների պատճառով, 66-ին՝ ծնողն է արգելել

Կեսարիայի Սբ․ Աստվածածին հայ եկեղեցին ոստիկանատնից ու մարզասրահից վերածվում է գրադարանի

56-ամյա քաղաքացին ցանկացել է նետվել Դավթաշենի կամրջից

Արցախում հանդիպել են Հաայստանի ու Արցախի ԱԳ նախարարները

Մեկ միլիոն դոլարի խոստում. Արցախում է «Հայաստան» համահայկական հիմնադրամի պատվիրակությունը

Գրետա Սարգսյանը ազգային արժեքների կրող է եղել. Բակո Սահակյանի ցավակցական հեռագիրը

Օրենքով գողերի, հեղինակությունների բերման ենթարկելը կանխարգելիչ բնույթի է եղել (տեսանյութ)