Մատենադարանի տնօրենի թափուր պաշտոնը զբաղեցնելու համար առաջադրվել է մեկ թեկնածու

Մեսրոպ Մաշտոցի անվան «Մատենադարան» հին ձեռագրերի գիտահետազոտական ինստիտուտի տնօրենի թափուր պաշտոնը զբաղեցնելու համար դիմումների ընդունման վերջնաժամկետն այսօր ավարտվել է: Ինչպես եւ սպասվում էր, թեկնածուն մեկն է՝ տնօրենի պաշտոնակատար Վահան Տեր-Ղեւոնդյանը։

Առաջադրված միակ թեկնածուi մասին տեղեկատվությունը հրապարակվել է Մատենադարանի պաշտոնական կայքում: Միաժամանակ ներկայացվել է նաեւ Տեր-Ղեւոնդյանի կենսագրությունը.

- Ծնվել է 1961 թվականի օգոստոսի 12-ին, Երեւանում, հայագետ-արաբագետ Արամ Տեր-Ղեւոնդյանի եւ հնագետ Սեդա Դեւեջյանի ընտանիքում:
- 1978 թ. ավարտել է Երեւանի թիվ 172 անգլիական թեքումով միջնակարգ դպրոցը:
- 1978-1983 թթ. ուսանել է Երեւանի պետական համալսարանի արեւելագիտության ֆակուլտետում, որն ավարտել է գերազանցությամբ:
- 1983-1986 թթ. ուսանել եւ ավարտել է ՀՀ ԳԱԱ պատմության ինստիտուտի ասպիրանտուրան:
Աշխատանքային գործունեությունը սկսել է 1986 թ.-ից.
- 1986-1991թթ. աշխատել է ՀՀ ԳԱԱ պատմության ինստիտուտի միջին դարերի պատմության բաժնում որպես գիտաշխատող:
- 1991-1993 թթ. ՀՀ նախագահի օգնական: 
- 1993-1995 թթ. Ֆրանսիայում ՀՀ գործերի ժամանակավոր հավատարմատար:
- 1995-1998 թթ. Հայաստանի Հանրապետության արտակարգ եւ լիազոր դեսպան Արգենտինայում (համատեղությամբ նաեւ Ուրուգվայում եւ Բրազիլիայում): 
- 1998-2003 թթ. «Հայաստան» համահայկական հիմնադրամի գործադիր տնօրեն
- 2003-2005 թթ. ՀՀ արտաքին գործերի նախարարի խորհրդական
- 2006-2008 թթ. ՀՀ արտակարգ եւ լիազոր դեսպան Լիբանանի Հանրապետությունում: 
- 2008-2011թթ. Երեւանի Վ. Բրյուսովի անվ. լեզվաբանական համալսարանի ՅՈՒՆԵՍԿՕ-ի ամբիոնի վարիչ
- 2008 թ. ցայսօր համատեղությամբ աշխատում է ՀՀ ԳԱԱ պատմության ինստիտուտում, նախ՝ որպես ավագ գիտաշխատող, ապա` առաջատար գիտաշխատող:
- 2012 թ.-ից Մեսրոպ Մաշտոցի անվան Մատենադարանի արաբատառ ձեռագրերի նկարագրման եւ ուսումնասիրման բաժնի վարիչ 
-2014 թ.-ից Մ. Մաշտոցի անվան Մատենադարանի գիտքարտուղար (համատեղելով բաժնի վարիչի պաշտոնը)
- 2016 թ. սեպտեմբերից Մաշտոցյան Մատենադարանի տնօրենի պաշտոնակատար
Գիտական եւ գիտամանկավարժական գործունեությունը
- 1989 թ.-ին պաշտպանել է թեկնածուական ատենախոսություն` «Կիլիկյան Հայաստանը եւ Մերձավոր Արեւելքի արաբական երկրները 1145-1226 թթ.» թեմայով եւ ստացել պատմական գիտությունների թեկնածուի աստիճան:
- 2017 թ.-ին պաշտպանել է դոկտորական ատենախոսություն՝ «Կիլիկյան Հայաստանը եւ Այյուբյան պետությունները» թեմայով եւ ստացել պատմական գիտությունների դոկտորի գիտական աստիճան
- 1988-2014 թթ. (ընդմիջումներով) հայագիտական ու արեւելագիտական առարկաներ է դասավանդել Երեւանի պետական համալսարանում, Սբ Էջմիածնի Գեւորգյան հոգեւոր ճեմարանում, Աճառյան համալսարանում, Բեյրութի Հայկազյան համալսարանում, ՀՀ ԳԱԱ գիտակրթական կենտրոնում 
- Հեղինակ է երկու մենագրության (որոնցից առաջինը թարգմանվել է նաեւ ֆրանսերենի եւ արաբերենի), քսանհինգ գիտական հոդվածների (հրատարակված Հայաստանում, Ռուսաստանում, Հունաստանում, Բելգիայում, Լիբանանում), կազմել եւ հրատարակել է պատմագիտական ու աղբյուրագիտական բնույթի եւս վեց այլ գրքեր 
Տիրապետում է ռուսերենի, անգլերենի, ֆրանսերենի, իսպաներենի եւ արաբերենի:
Ամուսնացած է, ունի մեկ զավակ:

Վահան Տեր-Ղեւոնդյանը համարվում էր Մատենադարանի տնօրենի ամենահավանական թեկնածուն: Կանխատեսել էինք նաեւ, որ մրցույթին մասնակցելու համար երկրորդ դիմում չի լինի:

Մատենադարանի տնօրենի թափուր պաշտոնի մրցույթը նախատեսված է մարտի 6-ին: 

Տպել
1691 դիտում

Մոսկվայում շինարարության աշխղեկ հայն ընկել է 3 մետր բարձրությունից և մահացել հիվանդանոցում

Ուզում էր գնալ ընտանիքի մոտ. «Շերեմետևոյում» մահացած հայի ազգականը պատմել է նրա մասին

Զոհրաբ Մնացականյանը հանդիպել է Ստրասբուրգի Հայ համայնքի և ԵԽ հայազգի պաշտոնյաների հետ

Նիկոլ Փաշինյանն այցելել է PicsArt ընկերության հայաստանյան գրասենյակ (լուսանկարներ)

Ուզում ենք անել անհնարինը, որովհետև անհնարինն է մեզ համար հնարավոր դառնալու. Փաշինյանը՝ Աշտարակում և Ապարանում

Ֆինանսատնտեսական և բյուջետային հարցերի հանձնաժողովի նախագահ է վերընտրվել Վազգեն Սաֆարյանը

ԱԺ ԲՀԿ-ական պատգամավորը Արամ Ասատրյանի երգացանկից երգ է կատարում (տեսանյութ)

Զոհրաբ Մնացականյանը մասնակցել է Եվրոպայի խորհրդի նախարարների կոմիտեի հանդիպմանը

Շաբաթ օրը՝ նոյեմբերի 24-ին, ժամը 10:00-ից մեկնարկելու է մեծ երթ Երեւանի փողոցներով. Ն. Փաշինյան

«Քո արվեստը դպրոցում» ծրագիրը՝ դեկտեմբերից. հայտնի են մրցույթում հաղթողների անունները

Դեռ 2015-ին 13% եկամտահարկ սահմանվեց դրսում աշխատողների համար, կողմ էր նաև Ա. Հովհաննիսյանը. Լ. Նազարյան

Սամվել Բաբայանի եւ մյուսների վերաբերյալ գործը վարույթ է ընդունվել. նիստի օրը հայտնի է

Լարսի խցանումները կապված էին ցորենի ներկրման շրջանի եւ եղանակային վատ պայմանների հետ․ Փամբուխչյան

Մեր երկրում տեղի է ունենում տնտեսության տրանսֆորմացիայի գործընթաց. հանդիպում Արագածոտնում

«Մենք» դաշինքի ռեյտինգային թեկնածուների ցանկը

Դպրոցի տնօրենի քվեարկությունը կլինի բաց, ծնողների եւ մանկավարժների ձայնը՝ կարեւոր. նախագիծ

Երևանի դատախազը ոստիկանությանը պատվիրել է ստուգել Աշոտյանի հայտարարությունը սպառնալիքի մասին

Քաղաքապետն ընդունել է ԵԱՀԿ դիտորդական առաքելության անդամներին, ներկայացրել նախընտրական ընթացքը

Ն. Փաշինյանը սխալ է անում՝ ենթարկվելով իր որոշ վայ-թիմակիցների հետևողական բաց շանտաժին. Ֆարմանյան

Դավիթ Տոնոյանն այցելել է Աֆղանստանում ծառայություն իրականացնող հայ խաղաղապահներին (լուսանկարներ)