Առողջապահության փոխնախարարը երեկոյան ժամերին վազում է Երեւանի կենտրոնական փողոցներում

Լուսանկարում՝ Առողջապահության փոխնախարարը՝ առաջին շարքում՝ աջից երրորդը

ՀՀ առողջապահության նախարարի տեղակալ Սամվել Մարգարյանին օրեր առաջ ուշ երեկոյան հանդիպեցինք Երեւանի Մաշտոցի պողատայում՝ սպորտային հագուստով, ականջակալները դրած՝ մարդաշատ մայթով վազելիս:

Այդ ժամանակ նրա հետ զրուցելու եւ լուսանկարելու հնարավորություն չեղավ: Ավելի ուշ փոխնախարարն ասաց, որ այդ տարածքում է ապրում եւ վազում է շաբաթական երեք-չորս օր: Սամվել Մարգարյանը, ի դեպ, հանրության լայն շրջանակներին հայտնի դարձավ այդ պաշտոնում նշանակվելուց անմիջապես հետո, երբ պարզվեց, որ նա աշխատանքի է գնում հեծանիվով:

«Փորձում եք նաեւ ձեր օրինակո՞վ առողջ ապրելակերպ քարոզել»,- հետաքրքրվեցինք: «Ճիշտն ասած՝ չէ, ուղղակի մարզվում եմ: Եթե օրինակս ինչ-որ մեկի համար վարակիչ լինի, միայն ուրախ կլինեմ, բայց որ ասեմ՝ միայն դա է նպատակս, չէ՛: Այն մի քիչ ավելի էգոիստական է: Մենք վազորդների բավականին մեծ ակումբ ունենք, ամեն կիրակի՝ ժամը 21-ին, «Մարիոթ» հյուրանոցի մոտ կարող եք տեսնել երեսունից ավելի մարդիկ՝ իրար հետ համերաշխ վազելիս: Իսկ մնացած օրերին մենակ եմ վազում»,- ասաց փոխնախարարը:

Քաղաքացիները վազելու ընթացքում նրան չեն ճանաչում (եթե իհարկե, մինչեւ այդ պաշտոնում նշանակվելը ծանոթ չեն եղել) եւ չեն փորձում մոտենալ ու ոլորտին առնչվող այս կամ այն խնդիրը բարձրաձայնել:

«Իսկ դեռ հեծանիվո՞վ եք գործի գնում»,- հարցրինք Սամվել Մարգարյանին: Պատասխանեց, որ աշխատավայր է հասնում տարբեր կերպ՝ հեծանիվով, ավտոմեքենայով, ոտքով, քանի որ մոտիկ է ապրում: Ծառայողական մեքենայից հրաժարվելու որոշումը փոխնախարարը չի վերանայել: «Չէ: Չեմ էլ պատրաստվում: Դա կարող եմ վստահ ասել»,- արձագանքեց նա:

Առողջապահության նախարարի տեղակալը վազելու է դուրս գալիս երեկոյան ժամը 22-ի սահմաններում: Արդյո՞ք դա նշանակում է, որ այդ ժամանակահատվածն առողջության տեսանկյունից ամենաճիշտն է:  

«Չէ՜... Նշանակում է, որ ցավոք սրտի, երեկոյան եմ հասցնում գործերս վերջնացնել: 21:30-ին գործերս ավարտում եմ, հասնում տուն, փոխվում եւ դուրս գալիս վազելու: Ճիշտը երեկոյան վազքն է, բայց ոչ այդքան ուշ: Խորհուրդ է տրվում ժամը 17:00-ին, 16:00-ին: Առավոտյան էլ սխալ չէ: Ընդհանրապես օրզանիզմը պետք է արթնացած լինի: Առնվազն մեկ-երկու ժամ պետք է ոչ քնած ռեժիմում լինի, որ վազելը ավելի օգտակար լինի»,- տեղեկացրեց փոխնախարար Սամվել Մարգարյանը:

Նյութը տպագրվել է «Հայկական ժամանակ» օրաթերթի ապրիլի 3-ի համարում:

Տպել
1383 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին