Ջութակահարուհի Լուսինե Սարգսյանը կրկին հաղթանակով է վերադարձել միջազգային մրցույթից

Ջութակահարուհի Լուսինե Սարգսյանը ոսկե մեդալի է արժանացել «Պրահյան աստղաբույլ» երաժշտական միջազգային մրցույթ-փառատոնում: Այն կայացել է Չեխիայի մայրաքաղաք Պրահայում մարտի 25-28-ը: Մասնակցել է մոտ 50 երկրից ժամանած շուրջ 150 մասնակից: Նրանք մրցել են տարբեր գործիքային անվանակարգերում, ջազ-վոկալ, ինչպես նաեւ ազգային պար անվանակարգում: Լուսինեն հաղթել է ջութակահարների մրցույթում, նրա կոնցերտմեյստեր Բելլա Օսիպովա Սիմոնյան էլ ստացել է լավագույն կոնցերտմեյստերի կոչումը: «Հայկական ժամանակ»-ի հետ զրույցում Լուսինեն կիսվեց տպավորություններով:

«Արդեն իսկ հաղթական տրամադրվածությամբ բարձրացանք բեմ, որովհետեւ ես այդ պահին զգում էի, որ Հայաստանն եմ ներկայացնում, պարտվելու իրավունք չունեմ: Մեր ելույթի ժամանակ հանդիսատեսը բացականչում էր՝ կեցցեք, հոտնկայս ծափահարում էին: Այն փաստը, որ մենք եվրոպական բեմ ենք նվաճել, իհարկե շատ էր ոգրեւորում, բայց բացի ոգեւորությունից՝ դա նաեւ լուրջ պատասխանատվություն է, քանի որ, երբ մարդը հասնում է ինչ-որ բանի, պետք է դա պահել եւ լայնացնել հաջողությունների ալիքը, չէ՞ որ դա ընդամենը եվրոպական 1 երկիր է, իսկ ես փոքրուց նպատակ եմ ունեցել իմ արվեստով նվաճել բոլոր մայրցամաքները»,- ասաց նա:

Մրցույթը բաղկացած է եղել 2 փուլից: Առաջին փուլը կայացել է մարտի 26-ին, 2-րդ փուլը, ինչպես նաեւ գալա-համերգն ու պարգեւատրման արարողությունը՝ մարտի 27-ին: Ջութակահարուհին ներկայացրել է 8 ստեղծագործությունը, այդ թվում՝ իր հեղինակած «Հեղափոխություն 08»-ը եւ «Սարսափ շաբաթը»: Նա նաեւ կատարել է Արամ Խաչատրյանի «Երգ-պոեմը» եւ Կոմիտասի «Կռունկը»: Նշում է, որ հանդիսատեսն առանձնակի ջերմությամբ է ընդունել «Կռունկը»:

««Կռունկը» շատ յուրահատուկ ընդունեց հանդիսատեսը. հոտընկայս ծափահարություններ, եւ բացականչում էին՝ կեցցեք: Մեզ համար էլ էր մեծ պատասխանատվություն եւ ոգեւորություն, որ հայկական ստեղծագործություններ ենք ներկայացնում: Արամ Խաչատրյանի «Երգ-պոեմը» նույնպես բուռն ծափահարություններով ընդունեցին»,- պատմեց նա:

Ջութակահարուհին շնորհակալություն հայտնեց Բելլա Օսիպովա Սիմոնյանին եւ իր դասախոս Սարգիս Թաշջյանին: Բելլա Օսիպովայի հետ համագործակցում է մոտ 1 տարի եւ հասցրել է մի քանի մրցույթների մասնակցել: Թաշջյանն էլ տարիներ շարունակ եղել է նրա կողքին ու մշտապես աջակցել:

Լուսինեի՝ Պրահայի մրցույթ-փառատոնին մասնակցությունը հովանավորել են ՀՀ մշակույթի նախարարությունը եւ «Գագիկ Ծառուկյան» բարեգործական հիմնադրամը: Նախարարությունը հոգացել է ճանապարհածախսը, իսկ հիմնադրամը՝ կեցության ծախսերը:

Իր վերջին մրցույթից Լուսինեն նույնպես վերադարձել էր հաղթանակով: 2017 թ. նոյեմբերին նա ոսկե մեդալակիր էր դարձել Սանկտ Պետերբուրգում կայացած «Կախարդական հրավառություն» միջազգային մրցույթ-փառատոնում: Այժմ պատրաստվում է սեպտեմբերի 20-30-ն Ավստրիայի մայրաքաղաք Վիենայում կայանալիք Ֆրից Կրեյսլերի անվան ջութակահարների 7-րդ միջազգային մրցույթին:

Տպել
944 դիտում

Մի քանի հարյուր հազար դոլարի փոխանցում եւ հանձնառություն. «Իմ Քայլը» հիմնադրամի Մոսկովյան այցի արդյունքները

Ներքին ճգնաժամ ՀԱՊԿ-ում. Բելառուսի սկանդալային դիվանագիտությունը

ԻՐԻՆԱ. քաղցկեղի դեմ պայքարի պատմություն

«Շերեմետեւո»-ում մահացած հայ տղամարդը փորձել էր մտնել ինքնաթիռի շասսիի մեջ

Եվրո 2020-ի վիճակահանությունից առաջ ՀՀ ֆուտբոլի հավաքականն ամենաթույլերի զամբյուղում չէ

Մերժվել է 23-ամյա արտիստի հրաժեշտը կազմակերպելու խնդրանքը. նախարարությունը դեռ չի կողմնորոշվել ընթացակարգի ժամկետներում

Լավագույն ժամանակն է, որ մենք՝ հայերս, եւս մեկ հեղափոխություն անենք. Արմեն Սարգսյան

ԵՄ-ն 850 000 եվրո է տրամադարում խորհրդարանական ընտրությունների վերահսկման համար

Որեւէ մեկը չփորձի ՀՀ քաղաքացուն նվաստացնել՝ 5 հազար դրամ առաջարկելով. վարչապետ

Ինչպե՞ս է հայ տղամարդը մահացել Մոսկվայի օդանավակայանում. ՌԴ ՔԿ-ն տեսանյութ է հրապարակել

Լենա Նազարյանը Facebook սոցիալական ցանցում հրապարակել է «Իմ քայլը» դաշինքի բուկլետը

Բալետի 23-ամյա արտիստի մահվան պատճառ դարձած ավտովթարի դեպքի առթիվ քրեական գործ է հարուցվել

Հայաստանում ոչ թե խոշոր բիզնեսը փոքրանալու է, այլ փոքրը դառնալու է միջին, միջինը՝ խոշոր. Փաշինյանը՝ գործարարներին

Ալիեւը Մինսկում էր. ՀԱՊԿ-ում լուրջ խոսակցություն է հասունանում

Հայրս 5 տարի 8 ամիսը բանտում է, այժմ գամված է անվասայլակին. բաց նամակ՝ Նիկոլ Փաշինյանին

Քրեական հեղինակություն «Շալիկո»-ն տուժող է ճանաչվել

Հայաստանն այլեւս աղքատության երկիր չէ. Նիկոլ Փաշինյան

Արմեն Մելքոնյանը հետ է կանչվել Արաբական պետությունների լիգայում ՀՀ ներկայացուցչի պաշտոնից

ԱՄՆ-ն տրամադրում է 8 մլն դոլար՝ ընտրություններում ՀՀ կառավարությանն օժանդակելու համար

Հենրիխ Մխիթարյանի հարսանիքի օրը դեռ որոշված չէ. նշել է նրա մայրը