Հակահեղափոխության փորձ. խմբագրական

Մարդկության պատմության մեջ եղած, թերեւս բոլոր հեղափոխություններին, որպես կանոն, հաջորդում է հակահեղափոխությունը, կամ գոնե հակահեղափոխության փորձը: Հայաստանում տեղի ունեցող թավշյա հեղափոխությունը նույնպես երեկ հանդիպեց հակահեղափոխության փորձի: Սերժ Սարգսյանի՝ վարչապետի պաշտոնում եղած մի քանի օրերին առաջին փոխվարչապետի պաշտոնը զբաղեցրած Կարեն Կարապետյանը երեկ ողջ օրվա ընթացքում ինտենսիվ հանդիպումներ էր ունենում դեսպանների, գործարարների եւ այլոց հետ: Օրվա երկրորդ կեսին մթնոլորտում արդեն թեւածում էր հակահեղափոխության փորձի ուրվականը, սակայն կոնկրետ որեւէ ապացույց Կարեն Կարապետյանի կողմից նախապատրաստվող մի ինչ-որ գործողության՝ դեռ չկար:

Սակայն արդեն երեկոյան Նիկոլ Փաշինյանի թիմի ներկայացուցիչ Տիգրան Ավինյանը լրատվամիջոցներին հայտնեց, որ Փաշինյան-Կարապետյան բանակցությունները, որ նախատեսված էին ապրիլի 25-ին, չեղարկվել են: Պատճառի մասին մամուլի հաղորդագրությամբ հանդես եկավ Կարեն Կարապետյանը: «Ինչպես գիտեք՝ վաղը պետք է տեղի ունենար իմ եւ Նիկոլ Փաշինյանի հանդիպումը ստեղծված իրավիճակը քննարկելու եւ լուծումներ փնտրելու համար: Տեղեկացնում եմ, որ նախապես հայտարարված հանդիպումը տեղի չի ունենալու, քանի որ Նիկոլ Փաշինյանը միակողմանի առաջադրել է նոր պահանջներ, մասնավորապես` հանդիպման ձեւաչափի, օրակարգի եւ լուսաբանման առումով: Վերջինիս կողմից առաջարկվել է մեր կողմից մասնակցող անձանց ցանկը, ինչպես նաեւ հայտարարվել, որ բանակցելու է բացառապես իր օրակարգի շուրջ: Սա նշանակում է ոչ թե բանակցություն կամ երկխոսություն, այլ բացառապես սեփական տեսակետը, օրակարգը հնչեցնել` ընդհուպ մինչեւ մեր փոխարեն մեր բանակցողներին որոշելով...»,- ասված է այդ հայտարարության մեջ:

Ավելի ուշ տեսաձայնագրությամբ հանդես եկավ Նիկոլ Փաշինյանը եւ տեղեկացրեց, որ առաջարկել է հանդիպել 3+3 ձեւաչափով: ՀՀԿ-ի կողմից, ըստ Փաշինյանի, բանակցություններին պետք է մասնակցեն վարչապետի պաշտոնակատար Կարեն Կարապետյանը, ԱԺ նախագահ Արա Բաբլոյանը եւ ՀՀԿ խմբակցության ղեկավար Վահրամ Բաղդասարյանը: Իսկ օրակարգն էլ պետք է լինի բացառապես իշխանության խաղաղ փոխանցման թեման: Սակայն կեսգիշերի դրությամբ Փաշինյանը դեռ չէր ստացել ՀՀԿ ներկայացուցիչների համաձայնությունը:

Բանակցություններից հրաժարվելու փաստը հեղափոխությունը կասեցնելու փորձ է՝ դասական հակահեղափոխության փորձ: Թե ինչն է Կարեն Կարապետյանի մոտ տարակուսանքների տեղիք տվել, անհասկանալի է: Իշխանության փոխանցումը թավշյա հեղափոխություն իրականացրած ուժին ուրիշ ի՞նչ ձեւաչափով կարող է լինել, եթե ոչ Փաշինյանի առաջարկած անձանցով:

Իր հայտարարության մեջ Կարեն Կարապետյանը նաեւ նշել է. «Մտահոգ լինելով ստեղծված իրավիճակով` որպես գործադիր իշխանության ղեկավար, ունենալով պարտավորություն ապահովել մեր երկրի բնականոն ռիթմը, դիմում եմ Հայաստանի Հանրապետության նախագահին իր նախընտրած ձեւաչափով կազմակերպելու հանդիպում խորհրդարանական եւ արտախորհրդարանական քաղաքական ուժերի լայն սպեկտրի մասնակցությամբ` քննարկելու ստեղծված ներքաղաքական իրավիճակը եւ հնարավոր հանգուցալուծման ուղիները` ընդհուպ մինչեւ արտահերթ խորհրդարանական ընտրությունների անցկացում»:

Այսինքն՝ ՀՀԿ-ի համար դեռ քննարկման առարկա է՝ անցկացնել արտահերթ ընտրություններ, թե՝ ոչ: Բացի դրանից «խորհրդարանական եւ արտախորհրդարանական քաղաքական ուժերի լայն սպեկտրի մասնակցությամբ» քննարկումներ նախաձեռնելով՝ ՀՀԿ-ն փորձում է գործընթացը վերածել անսահման ձգվող մի ինչ որ «բալագանի»: Այսինքն՝ խոսքը ժամանակ շահելու ցանկության մասին է, որ ՀՀԿ-ն կարողանա վերադասավորել իր հիմնական՝ կրիմինալ եւ ուժային ռեսուրսները եւ փորձի հակահարված տալ: Բայց այս փորձը ի սկզբանե տապալված է: Սա սխալ հաշվարկների, իրականությունը ոչ ադեկվատ ընկալելու եւ ՀՀԿ-ի կամ դրա մի հատվածի՝ սեփական ուժերը ակնհայտորեն գերագնահատելու հետեւանք է: Հակահեղափոխության փորձը իրականացվում է մի ուժի դեմ, որն իր վարկանիշի գագաթնակետում է, որը ամեն վայրկյան ապացուցում է իր կամքն ու հնարավորությունները:

Տպել
3791 դիտում

Մոուրինյոն հեռացվեց «Մանչեստեր Յունայթեդից»

ՌԴ-ն աշխատում է Երեւանի ու Բաքվի միջեւ ուղիղ երկխոսության հնարավորությունների ստեղծման ուղղությամբ. դեսպան

Համատեղ պայքարել ժամանակակից մարտահրավերների դեմ. Օսիպյանն այցելել է Վրաստան (տեսանյութ, լուսանկարներ)

Արմեն Սարգսյանը շնորհավորական ուղերձ է հղել Քաթարի Հայր Էմիր Շեյխ Համադ Բին Խալիֆա Ալ Թանիին

Ի՞նչն է խանգարում հայ-ադրբեջանական երկխոսությանը

Տարեվերջին գնաճի ավելի ցածր ցուցանիշ կգրանցվի, քան կանխատեսվում էր. ԿԲ խորհրդի անդամ

Պատգամավորները մանդատները կստանան դեկտեմբերին, իսկ ԱԺ առաջին նիստը կկայանա հունվարին

Վերացվել է ուռճացումն ու նկարչությունը. «Իմ քայլը» պատասխանում է «Լույս» դաշինքի բարձրացրած հարցերին

Կրակոց՝ ինքնաձիգից. ավագ լեյտենանտն անզգուշությամբ վնասվածք է հասցրել ծառայակցին

Մանվել Գրիգորյանը հրաժարվում է ՄԻԵԴ դիմել, այլ կերպ է նայում իրավիճակին. պաշտպան

Լաբորատորիաները Հայաստանինն են եւ քաղաքացիական բնույթ են կրում. Նաղդալյանն արձագանքել է Լավրովին

ԱԻԲԱ-ն պահանջում է ՀՀ բռնցքամարտի ֆեդերացիայից նոր ընտրություններ անցկացնել. Ռոստոմյան

Հայտնի են ԱԺ «Իմ քայլը» խմբակցության ղեկավարի ու քարտուղարի անունները

ՀՀ-ին արգելվելո՞ւ է այլ երկրների զինվորականներ տեղակայել իր տարածքում. ՌԴ դեսպանի մեկնաբանությունը

Արդարությունը վերականգնվեց, Աստված ձեր հետ. Նորատուսցի Ալիկը չասաց ինչու է պնդում, որ Վլադիմիր Գասպարյանի պատվերն է եղել

ՀԱՊԿ-ի գլխավոր քարտուղարի նշանակումը ոչ թե պետք է թուլացնի, այլ ամրապնդի կազմակերպությունը. ՌԴ դեսպան

Քրեական հեղինակություն Նորատուսցի Ալիկն անսպասելի արդարացվեց եւ ազատ արձակվեց. Չարբախցի Գեղամն ազատվեց համաներումով

Որքանով է Վանաձորը պատրաստ ձմեռային պաշտպանության

Աժ ընտրություններին ընտրակաշառք տալու եւ ստանալու դեպքի առթիվ քրեական գործ է հարուցվել. դատախազություն

Կարապետյանը ՀՀԿ-ն լքելու դիմումը գրել է դեկտեմբերի 14-ին, ՀՀԿ-ից դուրս եկողները շատ են. Ռուբեն Թադեւոսյան