ՀՀԿ-ն ընդհանրապես քաղաքական դաշտից պետք է հեռանա. Միքայել Պողոսյան

Հայտնի դերասան, երգիչ, ռեժիսոր Միքայել Պողոսյանը կարծում է, որ ՀՀԿ ոչ մի անդամ չպետք է մնա իշխանությունում: Սերժ Սարգսյանի հրաժարականի օրը «Հայկական ժամանակ»-ին տված հարցազրույցում նա մեծ ոգեւորությամբ նշել էր, որ #ԻմՔայլը շարժումն ԱԺ պատգամավոր Նիկոլ Փաշինյանի գլխավորությամբ պատմական հաղթանակ է տոնել: Մյուս կողմից նա կարծիք էր հայտնել, որ Կարեն Կարապետյանն ու Արմեն Սարգսյանը միասին կարող են հաջողությամբ կառավարել երկիրը: Այսօր՝ ապրիլի 27-ին, Պողոսյանն ասաց, որ Սերժ Սարգսյանի հրաժարականից հետո դեպքերի ընթացքն իրեն ստիպել է փոխել տեսակետը:

«Իրադարձություններն այնպես են զարգանում, որ ես, կարծում եմ, միանշանակ ՀՀԿ-ն ընդհանրապես քաղաքական դաշտից պետք է հեռանա, քանի որ վարկաբեկված է: Որեւէ ալյանս կամ թեկնածու, մանավանդ Սերժ Սարգսյանի առաջարկած Ռոբերտ Քոչարյանը, Կարեն Կարապետյանը կամ Տարոն Մարգարյանը... չի կարող լինել, դա նոնսենս է: Հանրապետականից ընդհանրապես ոչ ոք չի կարող մասնակցել: Ժողովուրդը պետք է որոշի: Ժողովուրդը երբեք չի սխալվի, ու ես, կարծում եմ, ժողովուրդը կընտրի Նիկոլ Փաշինյանին: Եթե նույնիսկ ինձ մի պահ թվաց, որ կարող է նախագահը Կարեն Կարապետյանի հետ ինչ-որ ալյանս դառնալ, այսօր այդ կարծիքը չունեմ: Հիասթափություններ ապրեցի այս մի քանի օրերի ընթացքում: Կարծում եմ՝ հանրությունն իր ճիշտ որոշումը կկայացնի: Համենայնդեպս ես քվեարկելու եմ Նիկոլի օգտին»,- ասաց նա:

Միքայել Պողոսյանն իր կարծիքը փոխել է, քանի որ հասկացել է, որ այն մարդիկ, որոնք երկար ժամանակ եղել են իշխող կուսակցության ներսում, չեն կարող առաջնորդել այն երկիրը, որը ստեղծվում է երիտասարդների հաղթանակից հետո: Պողոսյանն ընդգծում է, որ երկիրը պետք է ղեկավարի այն անձը, որը կարողացավ մոբիլիզացնել երիտասարդներին ու առաջնորդել հաղթանակի:

«Ես հանկարծ գիտակցեցի, որ այդ մտածողության, այդ կյանքը ապրած մարդիկ, որքան էլ առաջադեմ լինեն, չեն կարող տալ այն ոգեւորությունը, այն ջիղը: Սա երիտասարդների հաղթանակն է: Այսօր երիտասարդների կամքը պետք է դրսեւորվի: Իսկ երիտասարդների առաջնորդն այսօր Նիկոլն է: Ես առաջին հերթին վստահում եմ մեր երիտասարդությանը եւ այն մարդուն, որն այդ երիտասարդներին հասցրեց այս հաղթանակին»,- ասաց նա:

Դերասանը վստահ է, որ եթե Հանրապետական կուսակցությունը պահպանի իշխանությունը, ապա հաղթանակն անիմաստ կլինի: Դա, ըստ նրա, հետ քայլ կլինի: Նա հույս ունի, որ Սերժ Սարգսյանի նման հանրապետական մյուս գործիչներն էլ կհասկանան, որ հեռանալու ժամանակն է, քանի որ նոր Հայաստան կառուցելու հիանալի հնարավորություն է ստեղծվել, որից գուցե այլեւս երբեք չլինի:

«Փորձենք, որովհետեւ այսպիսի հնարավորություն այլեւս չենք ունենալու, եթե էլի հետ քայլ անենք: Ամբողջ աշխարհը մեզ չի ների: Մեր հաղթանակը կլինի այն ժամանակ, երբ լիարժեք հաղթի ժողովրդի կամքը: Ուրիշ տարբերակներում դա կլինի քայլ հետ, նույնիսկ 2 քայլ հետ: Ժողովրդի հոգեբանական ոգեւորությունը չի կարելի կոտրել: Ընդհակառակը հիմա պետք է այդ ոգրեւորությունը հասցնել նոր որակի, նոր մակարդակի»,- ասաց նա:

Այս օրերին Նիկոլ Փաշինյանի հակառակորդները տարբեր պատճառներ են բերում, որ նա չի կարող կառավարել երկիրը: Դրանցից մեկը վերաբերում է բարձրագույն կրթությանը: Նա սովորել է Երեւանի պետական համալսարանի ժուրնալիստիկայի ֆակուլտետում, եւ 1996 թ.՝ 5-րդ կուրսում, հեռացվել է քննադատական նյութերի համար: Ոմանք ընդգծում են այն փաստը, որ նա դիպլոմ չի ստացել, սակայն Պողոսյանը վստահ է, որ ԱԺ պատգամավորն ունի երկիրը կառավարելու համար անհրաժեշտ գիտելիքները:

«Անհեթեթություններ են: Նա դրսեւորել է կամք, նա բավականաչափ գիտելիքներ ունի, որ կարողանա իր շուրջը հավաքել գիտակից մարդկանց: Ես չեմ ասում, որ հիմա բոլոր եղածներին պետք է վռնդել, որովհետեւ այնքան արժանի մարդիկ կան, որ այսօր իրենց տեղերում են: Այդ մարդկանց, ինձ թվում է, Նիկոլը կհավաքի: Ես կարծում եմ, որ դա ամենաճիշտ մոտեցումն է այսօր: Համենայնդեպս հետ քայլ անել ես չեմ ուզում»,- ասաց նա:

Վարչապետի ընտրությունները կայանալու են մայիսի 1-ին: Ժողովրդի թեկնածուն ԱԺ պատգամավոր Նիկոլ Փաշինյանն է:

Տպել
24976 դիտում

Մարկոսի Վնասվածքը լուրջ չէ. ՀՖՖ

Շնորհավորում եմ ֆուտբոլասերներին. Արթուր Վանեցյան

Ամեն ինչ անում էինք, որ մեր հանդիսատեսի հույսը, հավատը հետ բերենք. Գյուլբուդաղյանց

Ցանկանում էինք վերադարձնել պարտքը ժողովրդին. Բերեզվոսկի

Ուրախ ենք, հաղթեցինք. Արամ Հայրապետյան

Գեւորգ Ղազարյանը՝ գոլը խփելուց հետո Արայիկ Խանդոյանի հիշատակը հարգելու մասին

Սյունիքում բեռնատարի ու 07-ի բախման արդյունքում զոհվել են մայրը, հայրը, մորաքույրը և 3 տարեկան երեխան

Արթուր Բաղդասարյանի անվան հետ կապվող ընկերությունը ջուր է օգտագործում ապօրինի, առանց պայմանագրի

Կերպարանափոխվեցինք մեր դուխի հաշվին. Յուրա Մովսիսյան

Քրեական հեղինակություն Նորատուսցի Արան կալանավորվեց

Ուկրաինայի Ուժգորոդ քաղաքում հայկական կիրակնօրյա դպրոց է բացվել

Բակո Սահակյանն այցելել է Բերձոր, ներկայացրել Քաշաթաղի շրջանի վարչակազմի ղեկավարին

ՀՀ ֆուտբոլի հավաքականն արժանապատիվ խաղով խոշոր հաշվով հաղթեց Մակեդոնիային. 4:0

ԵԽԽՎ-ում լավ չեն վերաբերվում կողմնապահ հայտարարություններին. Լենա Նազարյանը՝ դրսում ՀՀԿ-ի պահվածքի մասին

Արթիկում որմնանկար է հայտնաբերվել. հեղինակն անհայտ է

Վալերի Օսիպյանն այսօր 12 ոստիկանի կոչումներ է շնորհել (լուսանկարներ)

ՀՀ նախագահն ընդունել է կառավարության հրաժարականը

Ազգային ժողովն արձակվելուց հետո պահպանում է իր լիազորություններն ամբողջ ծավալով. Ա. Բաբայան

Բեն Ավետիսյանը՝ Շուշաննա Թովմասյանի հարսանիքին

Աշխարհը չէր հասկանում, թե ինչ է նշանակում պրոֆեսիոնալ նվագախումբ, որը երիտասարդական է, բայց մենք համոզեցինք. Սմբատյան