Ռիտա Սարգսյանը հրաժարական է տվել «Նվիրիր կյանք» հիմնադրամի նախագահի պաշտոնից

Ռիտա Սարգսյանը հրաժարական է տվել «Նվիրիր կյանք» հիմնադրամի նախագահի պաշտոնից: Այս մասին այսօր տեղի ունեցած ասուլիսի ժամանակ հայտարարել է հիմնադրամի տնօրեն Վերժինե Ոսկանյանը:

Հիշեցնենք, բոլորովին վերջերս, իշխանափոխությունից անմիջապես հետո հիմնադրամի ֆեյսբուքյան էջում հայտնվեց հայտարարություն այն մասին, որ հիմնադրամը ժամանակավորապես դադարեցնում է իր գործունեությունը, այնուհետ հայտնի դարձավ, որ 2010 թվականից հիմնադրամը գլխավորող նախկին առաջին տիկին Ռիտա Սարգսյանը չի շարունակելու իր գործունեությունը, այս մասին բազմաթիվ հրապարակումներ եղան:

Այս հայտարարություններից հետո ՀՀ վարչապետի կինը՝ Աննա Հակոբյանը, հրատապ հանդիպում էր հրավիրել մանկական ուռուցքաբանության եւ արյունաբանության ոլորտի բարեգործական հիմնադրամների եւ մասնագետների մասնակցությամբ, որպեսզի այդ հիվանդություններով տառապող երեխաներն առանց օգնության չմնան: Հանդիպման ընթացքում քննարկվել էին մանկական քաղցկեղի եւ արյան հիվանդությունների հետ կապված հիմնախնդիրները Հայաստանի Հանրապետությունում եւ դրանց լուծման կարճաժամկետ ու երկարաժամկետ ուղիները: Որոշվել էր ստեղծել աշխատանքային խումբ, որը բաց է համագործակցության եւ միանալու համար:

Այս հանդիպումից հետո «Նվիրիր կյանք»-ի ֆեյսբուքյան էջից հեռացվեց գործունեությունը դադարեցնելու մասին հայտարարությունը: 

Այսօր «Նվիրիր կյանք» հիմնադրամի տնօրեն Վերժինե Ոսկանյանը հայտարարել է, որ հիմնադրամը հեռացրել է իր հայտարարությունը ու շարունակելու է գործել նախկինի նման, սակայն հոգաբարձուների խորհրդի որոշման համաձայն, իրենք այսուհետ աշխատելու են առանց ղեկավարի, քանի որ իրենք ինքնաբավ են եւ կարող են իրենց նախկին կազմով, առանց նախագահի շարունակել աշխատել:

Հիմնադրամի խորհրդի անդամ Շուշանիկ Արեւշատյանն էլ նշել է, որ կարծում են՝ Ռիտա Սարգսյանը կմնա հիմնադրամի անդամ, սակայն տեղյակ չեն ՀՀ վարչապետի կնոջ՝ Աննա Հակոբյանի դիրքորոշման մասին, թե վերջինս ցանկանո՞ւմ է մասնակցություն ունենալ հիմնադրամի աշխատանքներին: 

Նշվեց նաեւ, որ իրենք ներկա չեն եղել Աննա Հակոբյանի հրավիրված աշխատանքային հանդիպմանը ու կարծում են՝ պատճառն իրենց կողմից տեղադրված հայտարարությունն է եղել գործունեության ժամանակավոր դադարի մասին: Նկատենք, սակայն, որ մինչ հրատապ աշխատանքային հանդիպում հրավիրելը Աննա Հակոբյանը «Ազատություն» ռադիոկայանի ֆեյսբուքյան ասուլիսի ուղիղ եթերում հայտարարել էր, որ ամեն ինչ պետք է անել՝ քաղցկեղով հիվանդ երեխաներին աջակցելու ծրագրերը շարունակական դարձնելու համար:

«Նվիրիր կյանք» հայկական բարեգործական հիմնադրամը սկսել է գործել 2009 թվականից, իսկ 2010-ից այն ղեկավարում էր Ռիտա Սարգսյանը:

Տպել
9149 դիտում

Ն. Փաշինյանը սխալ է անում՝ ենթարկվելով իր որոշ վայ-թիմակիցների հետևողական բաց շանտաժին. Ֆարմանյան

Դավիթ Տոնոյանն այցելել է Աֆղանստանում ծառայություն իրականացնող հայ խաղաղապահներին (լուսանկարներ)

Մովսիսյանը Ազգերի լիգայի լավագույն ռմբարկուներից է. ՀՀ ընտրանին ամենաշատ հարվածներ կատարածը

Մշակույթի նախարարությունը Վահագն Մարգարյանի հիշատակին հուշ երեկո է կազմակերպելու

Արտակ Զեյնալյանը խորհրդակցություն է անցկացրել Քրեակատարողական ծառայության ղեկավարների հետ

Թաեքվոնդոյի ֆեդերացիայում հնարավոր իրավախախտումների վերաբերյալ քրգործ է հարուցվել. Խաչիկյան

Հնարավոր է ԳԹԿ-ն շտեմարաններ տպագրի. պահանջարկը մեծ է

Նոյեմբերի 21-ի դրությամբ` համաներմամբ ազատ է արձակվել 509 դատապարտյալ

ԱՊՀ անդամ երկրների ԱԽ քարտուղարների հանդիպմանը Ա. Գրիգորյանն անդրադարձել է ահաբեկչության դեմ պայքարին

Մհեր Մկրտչյանը Ֆրունզիկ Մկրտչյանի մասին ֆիլմ է նկարահանելու. այլեւս չի վախենում տապալումից

Չխառնել աշխատանքն ու քաղաքական գործունեությունը. քաղաքապետը հանդիպել է դպրոցների տնօրենների հետ

Երեխաները Հայաստանի Հանրապետության ամենաարժեքավոր քաղաքացիներն են. Արմեն Սարգսյան

Ոգեւորված եմ խաղաղության հաստատմանն ուղղված Ձեր կոչից. Կարին Մարմսոլերին՝ Աննա Հակոբյանին

Մի քանի հարյուր հազար դոլարի փոխանցում եւ հանձնառություն. «Իմ Քայլը» հիմնադրամի մոսկովյան այցի արդյունքները

Ներքին ճգնաժամ ՀԱՊԿ-ում. Բելառուսի սկանդալային դիվանագիտությունը

ԻՐԻՆԱ. քաղցկեղի դեմ պայքարի պատմություն

«Շերեմետեւո»-ում մահացած հայ տղամարդը փորձել էր մտնել ինքնաթիռի շասսիի մեջ

Եվրո 2020-ի վիճակահանությունից առաջ ՀՀ ֆուտբոլի հավաքականն ամենաթույլերի զամբյուղում չէ

Մերժվել է 23-ամյա արտիստի հրաժեշտը կազմակերպելու խնդրանքը. նախարարությունը դեռ չի կողմնորոշվել ընթացակարգի ժամկետներում

Լավագույն ժամանակն է, որ մենք՝ հայերս, եւս մեկ հեղափոխություն անենք. Արմեն Սարգսյան