Վանաձորում տեղադրվել է «Հաց բերողի» արձանը. ով է հեղինակը (լուսանկարներ, տեսանյութ)

Վանաձորում արդեն մի քանի օր է կանգնեցվել է «Հաց բերողի»՝ Արթուր Սարգսյանի արձանը: Տեղադրման հեղինակը վանաձորցի բելգիահայ գործարար Աշոտ Վարդանյանն է, ով արդեն 24 տարի է ընտանիքով ապրում է Բելգիայում. «Փոքր բիզնես ունեմ այնտեղ, իսկ հիմա թոշակառու եմ»,- ասաց նա:

Armtimes.com-ի հետ զրույցում պարոն Վարդանյանը համեստորեն չցանկացավ զրուցել, նշելով, որ չարժե ո՛չ իր անունը հրապարակել, ո՛չ էլ որեւէ բան, այնուհետ արդեն, տեղի տալով մեր խնդրանքներին՝ համաձայնեց. «Արձանի տեղադրման միտքն առաջացավ անցած տարի, երբ խոսակցություններ ու վիճաբանություններ եղան «Հաց բերողի» թաղման տեղի ու եկեղեցում մարմինը դնել-չդնելու հետ կապված, նպատակ դրեցի, որ արձանը պետք է տեղադրեմ ես»,- ասաց նա:

«Հաց բերող»-ի՝ Արթուր Սարգսյանի արձանի տեղադրման աշխատանքները մեկնարկել են այս տարվա ապրիլի 8-ից՝ սեփական նախաձեռնությամբ ու միջոցներով: Տարածքը, որտեղ տեղադրվել է արձանը, նախորդ տարի սեփական միջոցներով բարեկարգվել է, երեխաների համար խաղահրապարակ կառուցել, տեղադրել ծնողներին նվիրված հուշաղբյուր: Ասում է՝ որեւէ խնդիր չի եղել տարածքի հետ կապված տեղական իշխանությունների հետ, իսկ կոնկրետ «Հաց բերողի» արձանը տեղադրելուց հետո է միայն տեղյակ պահել համայնքի ղեկավարին:

Թաղամասի բնակիչները մեծ հարգանքով են ընդունել Արթուր Սարգսյանի արձանի տեղադրման փաստը: Մեզ հետ զրույցում թաղամասի բնակիչները շնորհակալություն էին հայտնում Աշոտին՝ գաղափարի ու դրա իրականացման համար:

Աշոտ Վարդանյանի վստահեցմամբ՝ արձանի տարածքում աշխատանքներն ավարտված չեն, դրանցից հետո միայն արձանի բացում կկատարվի. «Անելիքներ դեռ կան…»:

Ծննդով վանաձորցի, բայց տարիներ շարունակ Բելգիայում բնակվող ու բիզնեսով զբաղվող Աշոտն ասում է, որ երբ սկսեց արձանի տեղադրման աշխատանքները, Նիկոլ Փաշինյանը նոր էր սկսել իր քայլը, նման ընթացքի, ինչպես շատերը, այնպես էլ Աշոտը չէր սպասում, ասում է՝ այն ինչ արեց Նիկոլ Փաշինյանը՝ պատմության մեջ է գրվելու. «Ես որոշել էի, ինչ էլ լիներ՝ տեղադրելու էի արձանը: Բելգիայում իմ մտերիմ ընկերներն ինձ հորդորում էին չտեղադրել, ասում էին՝ «Հետեւիցդ կընկնեն, գլխիդ գործ կսարքեն», բայց չտեղադրել Արթուր Սարգսյանի արձանը՝ չէր կարելի»,- ասաց նա:

Անդրադառնալով «Թավշյա հեղափոխությանն» ու նոր Հայաստանին, Աշոտ Վարդանյանն ասաց, որ եթե տարիներ առաջ ինքն իրեն Հայաստանում միայն հյուրի կարգավիճակում էր տեսնում, ապա այսօր արդեն մտածում է Հայաստանում հետագայում բնակություն հաստատելու մասին. «Իմ ընկերներից շատերն են արդեն ցանկություն հայտնել գալ Հայաստան, բնակվել ու գործ սկսել…մարդիկ ոնց որ կպած լինեն արդեն Հայաստանին, ամեն մեկը մի ծրագիր է կազմում արդեն…»:

Տպել
9748 դիտում

Աֆղանստանում քննարկվել է խաղաղապահ զորքերի սպառազինությունը եւ տեխնիկական հագեցվածությունը

Անցկացվել են հայ-գերմանական երկկողմ ռազմաքաղաքական խորհրդակցությունները

Անհրաժեշտ է քայլ առ քայլ առաջ գնալ. Աննա Հակոբյանը՝ ԼՂ պատերազմի ժամանակ զոհվածների ընտանիքների խնդիրների լուծման մասին

Լուսացույցների տեղափոխություն Սայաթ-Նովայի պողոտա-Չարենցի փողոց խաչմերուկում

Քննարկվում են քրեակատարողական հիմնարկներն օտարալեզու գրականությամբ համալրելու հնարավոր ուղիները

Խարդախությամբ բանկից  փորձել են 1 մլն. եվրո հափշտակել. հայտարարվել է հետախուզում

Իմ քաղաքական գնահատականները շարունակում են մնալ նույնը՝ Սերժ Սարգսյանի նկատմամբ. վարչապետ

Հայաստանը կարեւորում է Խորվաթիայի հետ համագործակցության ընդլայնումը. հանդիպում նախագահականում

Ստեփանակերտում շուտով երկու նոր մանկապարտեզ կկառուցվի. Արայիկ Հարությունյանը՝ բարեգործական նոր ծրագրի մասին

Առաջիկա հինգ տարիների ընթացքում եկամտահարկի շեմը իջնելու է եւ դառնա 20 տոկոս. Նիկոլ Փաշինյան

Կալանքը Մայրապետյանի անձնական հաշիվների վրա է, որոնցից ֆինանսավորվում էր հեռուստաընկերությունը. պարզաբանում

ՀՀԿ-ի իշխանության ամենածաղկուն շրջանում հրապարակվել են ԼԳԲՏ նախարարների անուններ

Ստեփանծմինդա–Լարս ավտոճանապարհը բաց է

Աշոտ Աղաբաբյանը մտածում է «Հրազդանը» վերականգնելու մասին. գրավը 26 մլն դոլար չէ

Քաղաքական իրավիճակն ազդում է քրեական գործի քննության վրա. Փաշինյանը՝ Ալեքսանդր Սարգսյանի 30 մլն-ի մասին

«Մարդ կա, մտել է կառավարություն ու սկսել է իր ընկերների հարցերը լուծել, իմ հրահանգով ազատվել է աշխատանքից

Դեպք է եղել, որ պաշտոնյա են ձերբակալել, քաղաքական մեծ աղմուկ է առաջացրել եւ ես տեղյակ չեմ եղել. Փաշինյան

Կառավարությունում կայացել է մարդկային կապիտալի զարգացման վերաբերյալ քննարկում

Հասանովը կհանդիպի Թուրքիայի եւ Վրաստանի ԶՈՒ ԳՇ պետերի հետ

Շոկ էր, երբ ստացանք հեռախոսազանգ, որ ինձ համար էս ուղարկեք, էն ուղարկեք. վարչապետը՝ որդու բանակային ծառայության մասին