Գերմանիայում Հայաստանի դեսպանի՝ Արցախի մասին խայտառակ դասախոսությունը. բաց նամակ ԱԳՆ-ին

Լայպցիգի, Գերմանիա և Ռոանոքի, ԱՄՆ համալսարանների շրջանավարտ, ԲԳԹ Հայկ Ավետիքյանը ֆեյսբուքյան իր էջում հրապարակել է բաց նամակ՝ ՀՀ ԱԳ նախարար Զոհրաբ Մնացականյանին՝ Գերմանիայում ՀՀ դեսպանի՝  Լայպցիգի համալսարանում ունեցած դասախոսության հետ կապված: Բաց նամակը ներկայացնում ենք առանց խմբագրման.

Բաց նամակ Արտգործնախարարին

«Երեկ մասնակցեցի Գերմանիայում Հայաստանի դեսպան Սմբատյանի դասախոսությանը Արցախի խնդրի մասին։ Ունեմ հետևյալ դիտարկումները։

• Դեսպանը չի տարբերում ԼՂԻՄ և Արցախի Հանրապետություն անվանումների կարևորությունը։ Մեջբերեմ՝ «Լեռնային Ղարաբաղը, կամ նաև՝ Արցախը․․․»

• Ցուցադրում է 3-4 քարտեզ, որոնցից մեկում Արցախը Ադրբեջանի կազմում է՝ իբրև անցյալ պատմական փաստ՝ ի սկզբանե մարդկանց պատկերացումները խեղաթյուրելով։

• Ցուցադրում է մեկ այլ գրաֆիկական քարտեզ, որտեղ Գետաշենն ու Շահումյանը պատկերված են որպես Ադրբեջան։ Նշված չէր, որ դրանք մասն են Արցախի Հանրապետության։ Տեսանելի է խեղկատակ նկարում։

• Գերմանացի իմ դասախոսներից մեկը ձանձրույթից լքեց լսարանը ու էլ չվերադարձավ

• Հարցին՝ ի՞նչ ենք պատրաստվում անել հետագա «բլից» ագրեսիաները կանխարգելելու նպատակով, պատասխանեց՝ «հարցին հարցով պատասխանեմ՝ ի՞նչ պիտի անենք, որ կանխարգելենք։ Դե՜, պատասխանե՜ք։»

• Մեջբերում էր Սերժ Սարգսյանի երբեմնի արված արտահայտությունները, և Փաշինյանի առաջ քաշած պահանջին՝ Արցախի մասնակցությունը բանակցություններին պարտադիր պայման դարձնել, ասաց՝ դա մենք վաղուց ենք ասել, դա նորություն չէ։ Փաստորեն, նա չի գիտակցում ասելու և պահանջելու տարբերությունները դիվանագիտության մեջ։

• Բերել էր ընդամենը 4 սլայդ, բոլորը քարտեզ, մեկը կոպիտ սխալներով՝ գրաֆիկական։ ռամիլ սաֆարովից խոսելիս ասաց, որ նրան հերոսացրին՝ առանց ցուցադրելու հայտնի նկարը՝ ալիևի կախած մեդալով։ Հյուրերի մոտ «հերոսացում» բառը ստացավ փոխաբերական իմաստ, այլ ոչ՝ բառացի։ 

• Ազատագրված տարածքները ասաց չենք բնակեցնում և չենք բնակեցնելու։ Դիտարկում արվեց՝ որ փաստացի մարդիկ են ապրում, նրանք վերաբնակվել են Լաչինի շրջանի հարակից տարածքներում։ Դեսպանը մերժում էր, տպավորություն ստեղծելով, որ Արցախը պատրաստ է ազատագրված տարածքները սկուտեղի վրա մատուցելու։ 

• Իսկ սկզբից մինչև վերջ մեխանիկորեն կարդացած տեքստը սկսեց՝ հուզված եմ լեփ-լեցուն դահլիճը տեսնելով․․․հետո քերականական սխալներով շտկեց՝ ես նկատի ունեմ ինչքան կաք՝ էլի վատ չի։ Երկու բառ առանց թղթի իրար կապելու ունակության պակաս․․․

Անկեղծ՝ ուզում էի նախ իրեն՝ Սմբատյանին ուղարկել մտահոգություններս, սակայն պարզվում է՝ ֆեյսբուքի օգտատեր չէ դեսպանը։ Միգուցե նրան բացատրեք՝ ֆեյսբուքի կարևորությունը և դրանից օգտվելու հմտություններ փոխանցեք մարդուն։ Արտգործնախարարից ակնկալում եմ բացատրություն՝ այս մարդու տեսակետերը նեղ անձնական են, թե՝ ներկայացնում են ՀՀ և Արցախի դիրքորոշումները»։

Արտաքին գործերի նախարարության պաշտոնական կայքէջում այս դասախոսության մասին ներկայացված է հակիրճ տեղեկատվություն ու 1 լուսանկար, պաշտոնական հաղորդագրության տեքստում ասվում է.

Գերմանիայում ՀՀ դեսպանի դասախոսությունը Լայպցիգում

Մայիսի 22-ին Լայպցիգի համալսարանի Լայբնիցի ինստիտուտի հրավերով Արևելյան Եվրոպայի պատմության և մշակույթի ֆակուլտետի ուսանողների և ասպիրանտների համար ԳԴՀ-ում ՀՀ դեսպան Աշոտ Սմբատյանը հանդես եկավ «ԼՂ հակամարտությունը» խորագրով դասախոսությամբ:

Բացման խոսքով հանդես եկավ ինստիտուտի տնօրեն պրոֆեսոր Շտեֆան Տրյոբսթը:

ՀՀ դեսպանը ներկայացրեց ԼՂ հիմնահարցի ծագումնաբանությունը, անդրադարձավ ԵԱՀԿ ՄԽ համանախագահների միջնորդությամբ ընթացող բանակցային գործընթացին: Դեսպան Սմբատյանն իր ելույթում նշեց նաև, որ հակամարտության խաղաղ և բանակցային տարբերակով լուծմանն այլընտրանք չկա, իսկ հարատև խաղաղության և կայունության հասնելու համար Արցախի Հանրապետությունը՝ որպես հակամարտության կողմ պետք է լիարժեք ներգրավված լինի բանակցային գործընթացում:

Հանդիպման ավարտին դեսպանը պատասխանեց ներկաների բազմաթիվ հարցերին:

Տպել
15006 դիտում

«1000 դրամների հիմնադրամ»-ը կատարել է 523,050,000 ՀՀ դրամի հատուցում. պարզաբանում

«Տաշիրը» անապահով ընտանիքներին մասնակի կփոխհատուցի էլեկտրաէներգիայի սակագինը

Ո՞վ է փաստաբանը, ի՞նչ կլիներ, եթե նա չլիներ. Զոհրաբյանը՝ փաստաբաններին թիրախավորելու մասին

Բացվող կծիկի արտաքին վտանգները. հետեւություններ նախորդ հեղափոխություններից

Մանվել Գրիգորյանի սանիկը լրագրողին ԱԺ-ում «տուշոնկա» անվանեց, ապա՝ ներողություն խնդրեց

Ծառուկյան դաշինքում խառն են. ինքնաբացարկներ են ներկայացնում. ԿԸՀ

Իրավապահները փնտրում են բերման ենթարկված ցուցարարին՝ նրան տուժող ճանաչելու համար

Սամվել Բաբայանն ու Ժիրայր Սեֆիլյանը՝ «Սասնա ծռերի» գործով նիստին

Մեկ շաբաթում շրջակա միջավայրին հասցվել է 7.7 մլն դրամի վնաս

Հիմա լավ է, բայց, եթե այսպես մասնակցեն Եվրոպայի առաջնությանը, դժգոհ կլինեմ. Հակոբ Սերոբյան

Քրեական հեղինակության գործով ազատ արձակված Թաթուլ Շուշանյանը կրկին կկալանավորվի

Բա մնար, որ ի՞նչ աներ. ԱՄՆ-ն լքեց ՄԱԿ-ի մարդու իրավունքների խորհուրդը

ԱԺ-ն ընդունեց աղմուկ հանած պարտադիր կուտակայինի եւ բարեգործության մասին օրենքերը

Ինժեներական աշխատանքներ եւ հատուկ նշականության ստորաբաժանումներ. իրավիճակն առաջնագծում

Ես Մանվել Գրիգորյանին խի՞ պետք է այցելեմ. Սամվել Ալեքսանյան

Նախկինում թույլտվություն չեն ունեցել, չեն բռնել. Վովա Գասպարյանի փեսա

Թուրքիայի ժխտողական քաղաքականությունը մտահոգիչ է ու դատապարտելի. Էդուարդ Շարմազանով

Բրաուզերի ընդլայնումը գողանում էր օգտատերերի բանկային տվյալները. Կասպերսկի

ԲՀԿ-ի աղմուկն անտեղի է, բարեգործության օրենքում բան չի փոխվում. ՀՀԿ-ն կողմ է քվեարկելու

ԿԳ նախարարը հորդորում է երեխաներին դպրոց ընդունելիս տնօրենից արտոնագիր պահանջել