Սանկտ Պետերբուրգը տրամադրվում է աշխարհի առաջնությունը. ՀԺ-ն լուսաբանում է մրցավայրից

Ռուսաստանի մեծությամբ ու բնակչության քանակով 2-րդ քաղաքն ընդունելու է ֆուտբոլի աշխարհի 2018 թ. առաջնության 7 հանդիպում: Հունիսի 14-ից հուլիսի 15-ը ՌԴ-ում անցկացվող մրցաշարի շրջանակներում Սանկտ Պետերբուրգում կկայանա խմբային փուլի 4, 1/8 եզրափակչի ու կիսաեզրափակչի մեկական հանդիպում, ինչպես նաեւ 3-րդ տեղի համար նախատեսված խաղը: Այստեղ են հանգրվանել եւ մրցաշարի առնվազն խմբային փուլի ողջ ընթացքում այստեղ են ապրելու ու մարզվելու Սաուդյան Արաբիայի, Կոստա Ռիկայի, Հարավային Կորեայի, Անգլիայի ընտրանիները: «Հայկական ժամանակը» մրցաշարի ընթացքում կաշխատի Պետերբուրգում ու կփորձի ընթերցողներին փոխանցել քաղաքի տրամադրությունն ու ներկայացնել հետաքրքիր իրադարձությունները:

Օդանավակայանի ճանապարհին ԱԱ 2018-ի ցուցանակներն են

Պետերբուրգ հասնելու ճանապարհն արդեն աստիճանաբար տրամադրում է քառամյակի ֆուտբոլային կարեւորագույն իրադարձությանը: Դեռ ինքնաթիռում դրա վերաբերյալ տեղեկություններ են հաղորդում: Նշում են, որ տվյալ քաղաքում տեղի են ունենալու ԱԱ հանդիպումներ եւ որ հյուրընկալող քաղաքներում անվտանգության նկատառումներով ուժեղացված հսկողություն է: Օդանավակայանի ճանապարհին էլ մրցաշարի ցուցանակներն են:

Աշխատանքային օրերին տեղի բնակիչներն ապրում են իրենց սովորական կյանքով: Քաղաքի անցուդարձն առաջին հայացքից այդքան էլ չի հուշում, որ այդտեղ կարեւորագույն իրադարձություն է սպասվում: Ավտոբուսներում, մետրոյում, փողոցներում, խանութներում ավելի հաճախ հանդիպում են իրենց առօրյայով ապրող մարդիկ: Բայց այդ ամենը փոխվում է, երբ մոտենում ես «Սանկտ Պետերբուրգ» մարզադաշտին, որտեղ կայանալու են հանդիպումները:

Լուսանկարվում են Զաբիվակայի հետ

Մետրոյի «Կրիստովսկի օստրվ» կայարանից ձախ՝ «Սեւերնայա դարոգայով»՝ քաղաքի հարուստների փողոցով, կարելի է հասնել մարզադաշտ: Դրա մոտակայքում երկրպագուներին դիմավորում է «Զաբիվական»՝ ԱԱ 2018-ի խորհրդանիշը: Նրա շուրջ մշտապես հավաքված են մարդիկ, որոնք «ժամերով» փորձում են գեղեցիկ կադրեր ստանալ նրա հետ: Քիչ ավելի հեռու մարզադաշտն է, որը խստորեն հսկվում է անվտանգության աշխատողների ու տեղի ոստիկանների կողմից: Կողմնակի ոչ մի անձ այնտեղ մտնել չի կարող, միայն նրանք, ովքեր հատուկ հավատարմագրեր ունեն:

 

Աշխարհի ամենաժամանակակից մարզադաշտերից մեկը, սակայն միայն ֆուտբոլասերներին չէ, որ ուրախացնում է: Դրա շրջակայքում, կարելի է նկատել ազատ ժամանակ անցկացնող ընտանիքների, հեծանիվներ, չմուշկներ քշողների, սիրահարված զույգերի: «Սանկտ Պետերբուրգը» շրջապատված է գեղեցիկ այգով՝ ամենուրեք կանաչ, մաքուր ու խնամված: Այդտեղ կարելի է ժամերով զբոսնել ու չհոգնել: Այգու կողքին՝ մի հատվածում էլ կարուսելների այգի է, որից օգտվելու համար պետք է իսկապես վստահ լինես, որ չես վախենում բարձրությունից:

Առաջին հանդիպումը «Սանկտ Պետերբուրգում» կայանալու է վաղը՝ հունիսի 15-ին, իսկ մինչեւ այդ մարզադաշտ տանող ճանապարհին ու դրա մոտակայքում երկրպագուներից ավելի շատ մարզական լրագրողներն են, որոնք գալիս են ստանալու իրենց հավատարմագրերը, եւ մարդիկ, որոնք պարզապես զբոսնում են: Վաղվանից «Սանկտ Պետերբուրգում» ֆուտոբալասերներն արդեն կհիանան ոչ թե տպավորիչ մարզադաշտով, դրա գեղեցիկ շրջակայքով, սելֆիներ կհրապարակեն ոչ թե դրա շուրջ գտնվող խորհրդանիշների հետ, այլ հենց հանդիպումից՝ Մարոկկոյի ու Իրանի ընտրանիների դիմակայությունից: Մինչեւ այդ էլ՝ այսօր, հետեւենք Ռուսաստան-Սաուդյան Արաբիա բացման խաղին, որին հրավիրված են բարձաստիճան պաշտոնյաներ, այդ թվում՝ ՀՀ վարչապետ Նիկոլ Փաշինյանը տիկնոջ՝ Աննա Հակոբյանի հետ:

Լուսանկարները՝ «Հայկական ժամանակը»-ի

Տպել
1375 դիտում

Գյումրու ծննդատունը 49 մլն-ի պարտք ունի. ինչպե՞ս է այն գոյացել

Կաշառք վերցնող պաշտոնյաներին հատ-հատ բռնելու ենք. Նիկոլ Փաշինյան

Նիկոլ Փաշինյանը սարսափել է Նորատուսցի Ալիկի ռեստորանի մոտ գտնվող աղբակույտերից. մանրամասներ վարչապետի հայտարարությունից

Ես միշտ եղել եմ գաղափարի մարտիկ, միշտ հավատացել եմ Հայկի հաղթանակին Բելի նկատմամբ․ Շարմազանով

Գավառում վերաբացվեց Լեւոն Քալանթարյանի անվան թատրոնը. Փաշինյանը հայտարարություն արեց

Չի կարելի թույլ տալ, որ այս նախագիծն իրականություն դառնա․ Արփինե Հովհաննիսյանը՝ ՊԵԿ-ի նոր նախագծի մասին (տեսանյութ)

Թուրքիան չի բացել իր սահմանները Հայաստանի բեռնատարների համար. դեսպան

Համաեվրոպական հեռախոսամարաթոն 2018-ին նվիրաբերվել է 1 242 460 եվրո

Գեղարքունիքում «Opel»-ը մի քանի պտույտ շրջվել է. կա 1 զոհ. 4 վիրավորներից 2-ը երեխաներ են

Սպանության փորձ՝ Գեղարքունիքում. մեկ անձի մեղադրանք է առաջադրվել

Փորձել են բանկոմատներից հափշտակել առանձնապես խոշոր չափերի գումար. մեղադրանք է առաջադրվել երկու անձի

ՀԱՊԿ-ում լարումը կարող է հղի լինել տհաճ հետեւանքներով․ Վահրամ Բաղդասարյան

ԵՊՀ ուսանողները կառավարությունից պահանջում են քայլեր ձեռնարկել ու վերադարձնել Ադրբեջանում գերեվարված Կարեն Ղազարյանին

ԲՀԿ-ն փորձելու է ԱԺ-ում առավել ներկայացվածություն ունենալ, բայց ժողովուրդն է որոշելու՝ ով ինչ ներգրավվածություն կունենա

Կրեմլում հույս ունեն, որ Պուտին-Թրամփ հանդիպումը բովանդակալից կլինի

Կգումարվի ՀՀ ԱԺ արտահերթ նիստ․ օրակարգում ընդգրկած է 6 հարց

Եթե ՀԱՊԿ-ում խնդիրներ առաջանան, առաջին օգտվողն Ադրբեջանն է․ Արմեն Ռուստամյան

Մարտունի գալիս սարսափեցի. Նիկոլ Փաշինյան

Նարեկի ու Սերգեյի 1-ին ելույթը մեծ դահլիճում. քաղաքական հումոր ու անձնական «դառը» փորձ

Իշխանություններն իսկապես ամեն ինչ անելու են, որ այս ընտրություններն աննախադեպ լավը լինեն․ Արմեն Ռուստամյան