Երևան
12 °C
Ռոբերտ Քոչարյանը մեդիամագնատ դառնալու հայտ է ներկայացրել: Սոցիալական ցանցերում տեղեկություն տարածվեց, որ 2-րդ նախագահը «առել է» Արարատ, ԱրմՆյուզ հեռուստաընկերությունները, BlogNew.am, News.am, Panorama.am լրատվական կայքերը: Միանշանակ պարզ է, որ Քոչարյանին ձեռնտու է ունենալ լսարան ունեցող լրատվամիջոցներ, որոնցով կփորձի հասարակական կարծիք ձեւավորել: Քոչարյանը ԶԼՄ-ների տեր դառնալու ցանկություն հայտնեց այն ընթացքում, երբ Մարտի 1-ի գործով կալանավորվեց: Ասել է, թե Քոչարյանը, որ փորձում է ներկայանալ որպես «քաղբանտարկյալ», որոշել է իր միլիարդները ծախսել իշխանություններին վարկաբեկելու ուղղությամբ:
Հեռուստատեսության եւ ռադիոյի ազգային հանձնաժողովից «Հայկական ժամանակ»-ին փոխանցեցին, որ 2018 թվականի օգոստոսի 10-ից Արարատ հեռուստաընկերությունն անցել է քոչարյանամերձ գործարարներից մեկին: Խոսքը Արմեն Թավադյանի մասին է:
«Դա բաց աղբյուրներից ստացված տեղեկատվություն է: Այստեղ որեւէ գաղտնիք չկա: Ելնելով նոր սեփականատիրոջ՝ Արմեն Թավադյանի անունից, հետեւելով նրա անվան հետ կապվող կազմակերպությունների եւ բիզնեսների անուններին, որոնք կապվում են Ռոբերտ Քոչարյանի անվան հետ, հիմք են տալիս այդպես մտածելու: Մեր մոտ հիմնովին կասկածներ կան, որ դա կապ ունի Քոչարյանի հետ»,- «Հայկական ժամանակ»-ի հետ զրույցում ասաց ՀՌԱՀ անդամ Տիգրան Հակոբյանը:
Նա միաժամանակ տեղեկացրեց, որ առաջին դեպքն է, երբ հեռուստաընկերության սեփականատեր է փոխվում, բայց հանձնաժողովը չի տեղեկանում այդ մասին: ՀՌԱՀ անդամ Տիգրան Հակոբյանը ՀԺ-ի հետ զրույցում ասաց, որ օրենքով հեռուստաընկերության սեփականատերը պարտավոր չէ հանձնաժողովին տեղեկացնել հեռուստաընկերության սեփականատիրոջ փոփոխության մասին: Սակայն նախկինում իշխանությունների կողմից ոչ օրինական պահանջ է եղել, որ պարտադիր ներքին կարգով տեղեկացվի: Նրա փոխանցմամբ՝ հեռուստաընկերությունը պարտավոր է հանձնաժողովին տեղեկացնել գործադիր տնօրենի փոփոխության մասին: Սակայն Արարատ ՀԸ-ի հետ կապված հանձնաժողովը տեղեկություն դեռ չի ստացել:
«Եթե չեմ սխալվում՝ մեզ պետք է տեղյակ պահեն հինգ օրվա ընթացքում: Մենք դեռ որեւէ թուղթ չենք ստացել, բայց, անպայման ստանալու ենք: Դա բաց տեղեկատվություն է»,- ասաց Հակոբյանը:
ՀՀ կառավարության պետական ռեգիստրի կայքում հրապարակված տեղեկատվության համաձայն՝ «Արարատ» հեռուստաընկերության ամբողջ բաժնետոմսերն այժմ պատկանում են Արմեն Թավադյանին: Հղում անելով նույն կայքին՝ ՀՌԱՀ-ից փոխանցեցին, որ նախկինում հեռուստաընկերության սեփականատերերն են եղել ՀՀԿ-ական պատգամավոր Արման Սահակյանը՝ 67 տոկոս բաժնեմասով եւ Ալեքսանդր Հարոյանը՝ 33 տոկոս բաժնեմասով: Օգոստոսի 10-ից բաժնետոմսերի 100 տոկոս սեփականատերը Թավադյանն է:
Վերջինս քոչարյանամերձ շրջապատից է համարվում, քանի որ ըստ մամուլի հրապարակումների՝ նա բաժնեմաս ունի Քոչարյանի ընտանիքի հետ կապվող «Արդշինբանկի» «Նուռ քարտ» վարկային ծրագրում:
Ի դեպ, Արարատ ՀԸ-ն մինչեւ օգոստոսի 10-ի առքուվաճառքը պատկանում էր ՀՀԿ-ին: ՀԺ-ին տեղեկություններ հասան այն մասին, որ հեռուստաընկերությունը Ռոբերտ Քոչարյանին անցնելուց հետո այն ղեկավարելու է Հ1-ի լրատվական ծրագրերի նախկին ղեկավար Հարություն Հարությունյանը: Այս տեղեկությունը Հարությունյանից հնարավոր չեղավ ճշտել, քանի որ նրա հեռախոսահամարն անհասանելի էր, իսկ Արարատ ՀԸ մեր զանգերը մնացին անպատասխան:
Անդրադառնալով Արմնյուզին, նշենք, որ ՀՌԱՀ-ից փոխանցված տեղեկատվության համաձայն՝ այս հեռուստաընկերությունում բաժնետերերի փոփոխություն չի եղել: 100 տոկոս սեփականատեր համարվում է Արմեն Պողոսյանը:
Վերջին շրջանում ջերմ կապեր են հաստատվել ՀՅԴ-ին պատկանող «Երկիր Մեդիա» հեռուստաընկերության եւ Ռոբերտ Քոչարյանի միջեւ: Քոչարյանը իր կարեւոր հայտարարություններն անում է հենց այս հեռուստաընկերությամբ: Հեռուստատեսության եւ ռադիոյի ազգային հանձնաժողովի իրավաբան Դավիթ Մարգարյանը ՀԺ-ին փոխանցեց, որ այս ՀԸ-ում եւս բաժնետերերի փոփոխություն չի եղել: «Երկիր Մեդիա»-ում 24.9 տոկոս բաժնետոմս ունի Արսեն Մանուկյանը, մոտ 17 տոկոս՝ Նարինե Ասատրյանը եւ եւս մի քանի հոգի ունեն 8-ական տոկոսներ:
Ռոբերտ Քոչարյանի հետ է կապվում նաեւ Հայկական երկրորդ հեռուստաալիքը եւ Yerevan.today կայքը, որը մինչեւ Քոչարյանի շուրջ տեղի ունեցող աղմուկը վերազինվեց նոր կադրերով:
Հ2-ի բաժնետոմսերը 2003-ից պատկանում են Նատալիա Մարտինյանին եւ Սամվել Մայրապետյանին՝ յուրաքանչյուրին 50 տոկոս: ՀՌԱՀ-ից փոխանցեցին, որ գործադիր տնօրենը Մայրապետյանն է: Նա Քոչարյանին հավատարիմ մարդկանցից է, ղեկավարում է նաեւ Քոչարյանի որդիներին պատկանող «Տոյոտա-Երեւան» ընկերությունը:
ՀՌԱՀ անդամ Տիգրան Հակոբյանը ՀԺ-ի հետ զրույցում ասաց, որ հնարավոր է փոխվի խմբագրական քաղաքականություն թելադրողը, սակայն բաժնետերերը մնան նույն մարդիկ:
Անդրադառնալով News.am կայքին, նշենք, որ գործակալության գլխավոր խմբագիր Արմենիկա Կիվիրյանը ՀԺ-ի հետ զրույցում առաջարկեց իրեն զանգել մեկ ժամ անց, սակայն մեր մյուս զանգերին նա այդպես էլ չպատասխանեց: Պետռեգիստրի կայքի համաձայն՝ News.am-ի սեփականատերն Արմենիկա Կիվիրյանն է, նախկինում համասեփականատեր է եղել նաեւ Աշոտ Մանուկյան անունով քաղաքացին, սակայն աղբյուրի համաձայն՝ նա այլեւս կապ չունի լրատվամիջոցի հետ:
Blognews.am կայքը Միքայել Մինասյանին պատկանող ՊանԱրմենինա հոլդինգում էր, սակայն, Քոչարյանի հայտնվելուց հետո կայքը հանվեց հոլդինգի կազմից, իսկ որոշ ժամանակ անց շրջանառվեց տեղեկություն, որ այն գնվել է Քոչարյանի կողմից: Պետռեգիստրի կայքի համաձայն՝ այս լրատվամիջոցի սեփականատերը միայն Կարեն Անտինյանն է:
Panorama.am-ն էլ մինչեւ Քոչարյանի անվան հետ կապվելը պատկանում էր ԱԺ աշխատակազմի ղեկավար Արա Սաղաթելյանին: Սակայն նշենք, որ պետռեգիստրի կայքի համաձայն՝ Panorama.am-ի սեփականատերերը շարունակում են մնալ Արա Սաղաթելյանը եւ Մարինա Մանուկյանը: ՀԺ-ն փորձեց Սաղաթելյանից ճշտել՝ արդյո՞ք իր այս կայքն արդեն Քոչարյանի «տիրապետության» տակ է, բայց չհաջողվեց: ԱԺ աշխատակազմից փոխանցեցին, որ նա երկրում չէ:
Ժուռնալիստների «Ասպարեզ» ակումբի խորհրդի նախագահ Լեւոն Բարսեղյանը ՀԺ-ի հետ զրույցում նշեց՝ Քոչարյանի եւ նրա թիմի ընտրած պայքարի մեթոդը հնացած է:
«Իրենց թվում է, թե այդ քարոզչական մեքենաներով կարող են մեղադրանքներն իրենց վրայից հանել: Իրականում սա ոչ մի արդյունք չի տալու: Որոշ մարդիկ փող են աշխատում, թող աշխատեն: Ուրիշ առանձնահատուկ բան չկա: Իր մոտեցումը հնացած է, որովհետեւ ասելիքն առանց լրատվամիջոցների էլ տեղ է հասնում շատ արագ: Քարոզչության տեսանկյունից, որ դրական կերպար ստեղծեն իր անվան շուրջը, ոչ մի օգուտ էլ չի տալու»,- նման կարծիք հայտնեց Բարսեղյանը:
Վերջին շրջանում ֆեյսբուք սոցիալական ցանցում շատացել են նաեւ կեղծ էջերն ու օգտատերերը, որոնք փորձում են Ռոբերտ Քոչարյանին ներկայացնել դրական լույսի ներքո: Լեւոն Բարսեղյանի խոսքով՝ նրանց կարծիքը որեւէ ազդեցություն չի կարող ունենալ:
«Ֆեյքերի մեջ որեւէ վտանգավոր բան չկա: Մի բան է, որ հանրահայտ մարդն է քննադատական խոսք ասում եւ բոլորովին այլ բան է, որ ֆեյքն է ասում: Ֆեյքի ասածը չասածի հաշիվ է: Եթե ինքը վճարում է ֆեյքերի համար, ապա իրեն համոզել են, որ փող կթեն»,- եզրափակեց Լեւոն Բարսեղյանը:
«Հայկական Ժամանակ»-ը Telegram-ում
Մասսայական բռնվելու են, չեմ բացառում՝ ծանրացնենք հոդվածը․ Սիմոնյանը՝ «Ուժեղ Հայաստանի» ընտրակաշառքների մասին
200-ին հասնող գերի ունեինք, հիմա՝ 19-ը, ինչքան հարաբերությունները լավանան, թիվը կպակասի. Սիմոնյան
Տավուշում ավտոմեքենան 30 մետրից ընկել է․ վիրավորները նույն ընտանիքից են, երեխաներից մեկը մահացել է
Սիրելի´ երիտասարդներ, հրավիրում ենք Արարատ Միրզոյանի հետ քննարկման․ ԱԳՆ-ն հայտնել է մասնակցության կարգը
ՌԴ-ն, ըստ էության, ասում է՝ կամ ՀՀ-ում կնշանակեք իմ նախընտրած վարչապետին, կամ խնդիրներ կունենաք․ Սարգսյան
ԵՄ-ՀՀ առաջին գագաթնաժողովը նշանակալի առաջընթաց է Հայաստանի և Եվրամիության հարաբերություններում
Գյումրիում ավտոմեքենա է այրվել
Հիմա էլ հայ վաճառողներին եք կպե՞լ, սուտի «ուժեղներ»․ Ալեքսանյանը տեսանյութ է հրապարակել
Ընդդիմությունը մտածում է՝ Գյումրու սցենարը կրկնել. որոշ զանգված ուզում է օգտվել Կարապետյաններից. տեսանյութ
Ժամանակն է ավելի բարձր նշաձողեր սահմանելու․ պարգևատրվել են ծանրամարտի Եվրոպայի առաջնության մեդալակիրները
«Դուք օդաչունե՞ր եք», «Ես ձեր օդաչուն եմ»․ երկխոսություն վարչապետի մասնակցությամբ․ տեսանյութ
Շարունակենք անխոնջ և տքնաջան աշխատանքով ուժեղացնել մեր պետությունը․ Պապիկյան
Միավորվելու են, Քոչարյանին դարձնեն ղեկավար, ու սկսվի դժոխքը՝ պատերազմը. Հասմիկ Հակոբյան. տեսանյութ
Ադրբեջանական պատվիրակության այցը Հայաստան պատմական իրադարձություն էր․ երկրները շարժվում են դեպի խաղաղություն
Նարեկ Կարապետյանը չկարողացավ պատասխանել հարցին, թե ինչու Սամվել Կարապետյանը հայտարարագիր չի լրացնում
Բայրամովը Կարմիր խաչի ներկայացուցիչների հետ քննարկել է Հայաստան-Ադրբեջան խաղաղության օրակարգի ընթացքը
Վայլդբերիսի հետ կապված վերջին իրադարձության հետևում կանգնած է հայաստանյան 2 ընդդիմադիր ուժ․ Պապոյան
Վարչապետը ներկա է գտնվել Մայիսի 1-ին նվիրված միջոցառմանը
«Ֆորա» բանկի մասին ձայնագրության Նարեկը դո՞ւք եք. Կարապետյանը խուսափեց պատասխանել անհարմար հարցին
«Հույսի օջախ»-ը մասնավոր է, հավաստագրված չէ ԱՍՀ նախարարության կողմից․ ահազանգից հետո այց է իրականացվել կենտրոն
Ինչ է պահանջում ՌԴ-ն հայ վաճառողներից․ Wildberries-ը պարզաբանում է տարածել
Աղետների ռիսկի կառավարման միջգերատեսչական խմբի նիստում քննարկվել է պայմանավորվածությունների կատարման ընթացքը
Աշխատանքային միջավայրը դեռևս ներառական չէ․ ՄԻՊ-ը խորհրդաժողովի է մասնակցել
Տեսնո՞ւմ եք՝ ինչ է կատարվում, մեր Հայաստանն արթնացել ա․ քաղաքացի
Օդի ջերմաստիճանը կբարձրանա 2-4 աստիճանով․ սպասվում են կարճատև անձրև և ամպրոպ
Հիասքանչ օր Երևանում․ շնորհավոր աշխատող մարդկանց տոնը․ Հարությունյան
Մայիսի 1-ը՝ նոր ձևաչափով. շքերթի են դուրս եկել ՀՀ-ում աշխատող, բարիք ստեղծող տարբեր ընկերություններ. տեսանյութ
Բալահովիտ գյուղում «համաճարակային իրավիճակի» և 10 երեխայի հիվանդանոց տեղափոխման վերաբերյալ լուրերը սուտ են
Ռուսաստանը դադարեցնում է ղազախական նավթի տարանցումը Գերմանիա «Դռուժբա» նավթատարով
Սկանդալ ՖԻՖԱ-ի կոնգրեսում. Ինֆանտինոն փորձել է հաշտեցնել Իսրայելին և Պաղեստինին, սակայն առաջարկը մերժվել է
Հայտնի են «Ոսկե ծիրան» կինոփառատոնի այս տարվա անցկացման ժամկետները
Հրդեհ Բենիամին գյուղում. այրվել է մոտ 1․5 տոննա անասնակեր
Գազի արտահոսքից 9 անձի թունավորման դեպք Սիսիանում. տուժել են նաև բուժաշխատողներ, գրանցվել է մեկ մահ
Շնորհակալություն աշխատանքի համար. ՀՀ վարչապետը շրջում է տոնական Երևանով. տեսանյութ
Ես հավատացած եմ՝ մեր «Ջերմուկը» բարձր որակի է, խնդիրն արագ կկարգավորվի, էդպիսի՞ խնդիրներ ենք լուծել. Պապոյան
Հայաստանում քաղաքական հայացքների համար քաղաքացուն աշխատանքից չեն ազատում. Պապոյան
Ադրբեջանին զայրացրել է ԵԽ բանաձևը. ԵՄ դեսպանը կանչվել է ԱԳՆ, որոշվել է խզել Եվրախորհրդարանի հետ Բաքվի կապերը
Բախվել են թիվ 23 երթուղին սպասարկող ավտոբուսն ու թեթև մարդատար մեքենան
Պետությունը սկսվում է աշխատող մարդուց. Ավինյանը լուսանկարներ է հրապարակել
Մայիսի 1-ն ու Երևանը՝ իր ամենագեղեցիկ առավոտներից մեկով. լուսանկարներ
