Ռոբերտ Քոչարյանը չի ցանկացել առերեսման մասնակցել. պաշտպան

Մարտի 1-ի գործով ՀՀ հատուկ քննչական ծառայության աշխատակիցները խուզարկություն են կատարել Ռոբերտ Քոչարյանին պատկանող առանձնատանն ու գրասենյակում:

Տեղեկությունը երեկ մեր հարցմանն ի պատասխան հաստատեց ՀՔԾ մամուլի խոսնակ Մարինա Օհանջանյանը: Մեր հարցին, թե խուզարկությամբ որեւէ բան հայտնաբերվել եւ առգրավվե՞լ է, Օհանջանյանը չպատասխանեց, միայն ասաց, որ հատուկ իրականացրած գործողությունների արդյունքները չեն հրապարակվում` նախաքննության շահերից ելնելով։

Ռոբերտ Քոչարյանի առանձնատանն ու գրասենյակում խուզարկությունը կատարվել է օգոստոսի սկզբին՝ այն ժամանակ, երբ նա անազատության մեջ է գտնվել. այս մասին մամուլում տեղեկություն շրջանառվեց օրեր առաջ, որն էլ երեկ պաշտոնապես հաստատվեց:

Բացի այս, երեկ ՀՀ գլխավոր դատախազությունը պատրաստվում էր բողոք ներկայացնել Վճռաբեկ դատարան` Ռոբերտ Քոչարյանին կալանքից ազատ արձակելու ՀՀ վերաքննիչ դատարանի որոշման դեմ:

Այս մասին մեր զրույցում ասաց ՀՀ գլխավոր դատախազի խորհրդական Գոռ Աբրահամյանը: Թե մասնավորապես ինչ է պահանջում դատախազությունը Վճռաբեկ դատարանից, Աբրահամյանն ասաց, որ մանրամասների մասին լրացուցիչ կտեղեկացնի:

Ռոբերտ Քոչարյանը մեղադրվում է մի խումբ անձանց հետ սահմանադրական կարգը տապալելու մեջ: Հուլիսի 27-ին Երեւանի ընդհանուր իրավասության դատարանը նրա նկատմամբ խափանման միջոց էր ընտրել կալանավորումը: Քոչարյանը, սակայն անազատության մեջ շատ չմնաց. օգոստոսի 13-ին վերաքննիչ դատարանը դատավոր Ալեքսանդր Ազարյանի նախագահությամբ վերացրեց առաջին ատյանի դատարանի որոշումը՝ բավարարելով Ռոբերտ Քոչարյանի պաշտպանների ներկայացրած՝ խափանման միջոց կալանքը փոխելու միջնորդությունը: Այս որոշումը մեծ աղմուկ բարձրացրեց հանրության շրջանում: Ազատ արձակվելուց հետո Քոչարյանը որոշել էր ասուլիս հրավիրել, սակայն ակտիվիստները դեռ ասուլիսը չսկսած տապալել էին այն՝ ներխուժելով ասուլիսի համար նախատեսված սրահ:

ՀՔԾ պետը Սասուն Խաչատրյանը լրագրողների հետ զրույցում, անդրադառնալով Վերաքննիչ քրեական դատարանի որոշմանը, այն ապօրինի էր որակել եւ հույս հայտնել, որ Գլխավոր դատախազությունը վճռաբեկ բողոք կներկայացնի, եւ Ռոբերտ Քոչարյանը դարձյալ կհայտնվի անազատության մեջ՝ այդ կերպ չխոչընդոտելով գործի քննությանը:

Վճռաբեկ բողոք են պատրաստվում ներկայացնել նաեւ Ռոբերտ Քոչարյանի պաշտպանները: Այս մասին մեր զրույցում ասաց Քոչարյանի պաշտպաններից Հայկ Ալումյանը:

- Պարոն Ալումյան, արդեն ներկայացրե՞լ եք բողոք, թե՞ ոչ, եւ պաշտպանական կողմն ի՞նչ պահանջով է դիմում Վճռաբեկ:

- Դեռ չենք ներկայացրել, աշխատում ենք հիմա: Մեր կարծիքով՝ դատարանի որոշման մեջ պետք է գնահատականներ տրված լինեին նաեւ մեր մյուս փաստարկներին, որովհետեւ մենք մեր վերաքննիչ բողոքներում բավականին շատ փաստարկներ ենք ներկայացրել, որոնցից միայն մեկին է անդրադարձել դատարանը (Քոչարյանի անձեռնմխելիությանը,-հեղ.): Մեր վճռաբեկ բողոքի մեջ պահանջում ենք, որպեսզի Վճռաբեկ դատարանը գնահատական տա նաեւ մեր մնացած փաստարկներին, որովհետեւ մեր կարծիքով՝ մի շարք փաստարկների մեջ առնվազն երկու փաստարկը ոչ պակաս կարեւոր եւ ոչ պակաս հիմնավոր է մեր գնահատմամբ, քան անձեռնմխելիությունը:

- Կմանրամասնե՞ք որոնք են այդ երկու կարեւոր փաստարկները:

- Դրանցից մեկին անդրադառնալու իրավունք չունեմ, որովհետեւ որոշ չափով իր մեջ շոշափում է պետական եւ նախաքննական գաղտնիք: Մյուսի մասով՝ մի այսպիսի ձեւակերպում կա մեղադրանքի եւ առաջին ատյանի դատարանի որոշման մեջ, որ արտակարգ դրություն մտցնելու մասին հրամանագիրը եղել է ապօրինի, այսպիսի փաստարկ ունի մեղադրանքի կողմը, որը առաջին ատյանի դատարանը նույնպես ընդունել է: Մենք գտնում ենք, որ դատարանը եւ նախաքննական մարմինը իրավունք չունեն այդպիսի գնահատական տալ, որովհետեւ նախագահի հրամանագիրը կարող է վիճարկել միայն Սահմանադրական դատարանը. այստեղ ինստիտուտների խնդիր կա, թե որ ինստիտուտը իրավունք ունի այդ հարցին անդրադառնալ ու այդպիսի գնահատականներ տալ: Եթե Սահմանադրության մեջ նշված է, որ նախագահի հրամանագիրը միայն Սահամանադրական դատարանը կարող է ճանաչել սահմանադրությանը հակասող, ապա նշանակում է, որ ոչ մի ուրիշ մարմին չի կարող դա անել: Տվյալ դեպքում նախաքննական մարմինը հենց այդպիսի պնդումներով է փորձել մեղադրանքը հիմնավորել:

- Ռոբերտ Քոչարյանի մասնակցությամբ որեւէ քննչական գործողություն կատարվե՞լ է, թե՝ ոչ:

- Չի ցանկացել առերեսման մասնակցել, դա քննարկվել է:

- Ո՞ւմ հետ պետք է առերեսում կատարվեր:

- Դա չեմ կարող ասել:

- Չեք կարող ասել, թե ի՞նչ կարգավիճակ ունի այդ անձը սույն քրեական գործով:

- Ոչ, զուտ ավելորդ ենթադրությունների տեղիք չտալու համար:

- ՀՔԾ-ն այսօր հաստատեց այն տեղեկությունը, որ խուզարկություն է կատարել Քոչարյանին պատկանող առանձնատանը եւ գրասենյակում, կմանրամասնե՞ք՝ որեւէ բան հայտնաբերվել եւ առգրավվե՞լ է, թե՝ ոչ:

- Մեր թիմից մեկ ուրիշ պաշտպան է մասնակցել խուզարկությանը, ոչ մի այնպիսի առարկա կամ տվյալ, որը կարող է կապ ունենալ տվյալ քրեական գործի հետ, չի հայտնաբերվել, եւ ես կարծում եմ՝ դրանում չկա նախաքննական գաղտնիք:

- Այսինքն՝ որեւէ բան խուզարկությամբ չի՞ առգրավվել:

- Այ դա արդեն չասեմ:

- Իսկ միայն առանձնատանն ու գրասենյակո՞ւմ է կատարվել խուզարկություն:

- ՀՔԾ-ն ինչի մասին խոսում է, մենք եկեք դա խոսենք, թե չէ մի բան ավել հենց ասենք, կասեն՝ նախաքննական գաղտնիք եք հրապարակում, այլապես այնքան բան կունենայինք ասելու:

- Ռոբերտ Քոչարյանն այժմ Հայաստանո՞ւմ է, իր տեղաշարժի հետ կապված խոչընդոտ կա՞:

- Իհարկե, Հայաստանում է: Սահմանափակումը ընդհանուր բոլոր քաղաքացիների համար է, որովհետեւ, եթե նրանք թեկուզ վկայի կարգավիճակով անցնեն, ապա իրենց տեղափոխությունների մասին միշտ պետք է նախաքննական մարմնին տեղյակ պահեն, որ եթե անհրաժեշտ լինի վարույթն իրականացնող մարմինը իմանա՝ ինքը որտեղ է: Բացի դա գիտեք, պարոն Քոչարյանը օր ու գիշեր հսկվում է թիկնապահների կողմից, ովքեր ԱԱԾ աշխատողներ են, այնպես որ այս առումով իր ցանկացած տեղաշարժ վերահսկվում է, այդ առումով բոլորը կարող են առավել հանգիստ լինել, նախ, ինքը ցանկություն չունի որեւէ տեղ գնալ, եւ երկրորդը՝ շուրջօրյա հսկողություն է սահմանված:

Տպել
5007 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին