Նաիրիտի սնանկության գործերով կառավարիչը բոլորի քթից բռնած ֆռռացնում է. նախկին տնօրեն

Մեկ ամիս առաջ ՀԺ-ն գրել էր, որ «Նաիրիտ»-ի վերագործարկման հարցերով հետաքրքրված ներդրողները սնանկության գործերով կառավարչի հետ համաձայնության են եկել, որպեսզի գործարանում աուդիտ անցկացնեն: Գործարանի նախկին տնօրեն Կարեն Իսրայելյանը նշել էր, որ համաձայնությունը ձեռք էր բերվել նոր կառավարության աջակցությամբ: ՀԺ-ն զրուցեց Իսրայելյանի հետ, հասկանալու համար, թե ի՞նչ փուլում են փորձագիտական աշխատանքները:

- Պարոն Իսրայելյան, ի՞նչ փուլում են «Նաիրիտ»-ի փորձագիտական աշխատանքները:

- Մեզ թույլ չեն տվել մտնել գործարան՝ աուդիտ անցկացնելու համար՝ անհասկանալի պատճառաբանություններ բերելով: Ասում են, թե ԱԱԾ-ն պետք է թույլ տա, որպեսզի մենք մտնենք գործարան: Ես գնացել եմ ԱԱԾ Շենգավիթի բաժնի պետի մոտ, նա ասաց՝ նման բան չկա: Զանգել ենք պարոն Վանեցյանին, ասել է՝ այդպիսի բան չկա, մենք ի՞նչ կապ ունենք դրա հետ:

Նույն սնանկության գործերով կառավարիչը վերջում բոլորին ասաց, թե պետք է անպայման լինի դատարանի որոշում, որ ես իրավունք ունենամ ձեզ թույլ տալ, որ մտնեք գործարան: Ես քիչ առաջ դուրս եկա դատավորի օգնականի մոտից, նրանք գրել են, որ իրենք կապ չունեն դրա հետ եւ որ թույլ տալու համար դատարանի որոշում պետք չի: Այսինքն՝ սնանկության կառավարիչը, ուղիղ 2 ամիս է, բոլորի քթից բռնած` նույն կառավարության անդամների, ֆռռացնում, խաբում է, հիմա էլ գնացել է արձակուրդ: Ու իր դեմ ոչ ոք ոչինչ չի կարողանում անել:

- Ո՞րն է ձգձգելու պատճառը:

- Բավական իրարամերժ բան կհայտնաբերվի, երբ մենք մտնենք գործարան. մենք կֆիքսենք, որ, օրինակ, այս սարքավորումը այստեղ կար ժամանակին, հիմա չկա եւ արդեն իրավապահ մարմինները կփորձեն ճշտել, թե այդ սարքավորումը ինչ գնով է վաճառվել: Բացի դա սնանկության կառավարիչը ամսական 3 միլիոն դրամից ավել փող է ստանում եւ, իհարկե, դրա համար ինքը դեմ կլինի, որ հանկարծակի գործարանում աուդիտ լինի: Որովհետեւ, եթե  աուդիտ լինի եւ աուդիտի վերջում մենք համաձայնվենք գործարանը աշխատեցնել, սնանկությանը գործը կկանգնի եւ կառավարիչը կմնա առանց այդ գումարի:

Դրա համար ինչքան որ ինքը ձգի, այդքան ինքը շահում է, ամսական 7-8 հազար դոլար փող է աշխատում: Նա այսօր գործարանի սարքավորումները վաճառում է, 80 տոկոսով իր հարցերն է լուծում, 20 տոկոսով՝ մնացածի:

- Իսկ կառավարությունն ի՞նչ է անում՝ այդ հարցերը կարգավորելու համար, կարծես թե նրանց հետ համաձայնության էիք եկել:

- Ոչ մի բան, արդեն մի ամիս է՝ ես կառավարությանը ասում եմ, որ այս մարդը խաբում է ձեզ, մտեք ուսումնասիրեք, ոչ մեկին չի հետաքրքրում դա` բառիս բուն իմաստով: Մի հատ կառավարիչ կարողանում է բոլորին մատի վրա խաղացնել եւ խաբել:

- Այսինքն, կառավարությունն այլեւս միտված չէ՞ օգնել գործարանի վերագործարկմանը:

- Ես չեմ կարող ասել՝ միտված է, թե ոչ, ես կարող եմ ասել, որ կառավարությանը չի հետաքրքրում այդ հարցը: Եթե կառավարությունը ցանկանար, կարող էր հանգիստ կառավարչին կանչել եւ ասել, որ օրենքով շարժվի:

Մենք օգոստոսի 1-ին արդեն պետք է գործարանում լինեինք, բայց իրենք մեկուկես ամիս է՝ ժամանակ են ձգում, իսկ սնանկության գործերով կառավարիչն էլ գնացել է արձակուրդ մինչեւ սեպտեմբերի 10-ը:

Տպել
1463 դիտում

Լոռիում ձյուն է տեղում, Բերդ քաղաքում և Դիլիջանի ոլորաններում մառախուղ է, Լարսի անցակետը՝ փակ

Ազգային առաջընթաց կուսակցությունը ներկայացրել է համամասնական ցուցակի առաջին տասնյակը

Հորը սպանած Խաչատրյան քույրերից մեկը դպրոց է վերադարձել. քույրերին թույլ չեն տալիս օգտվել կապի միջոցներից

Իրանում այսօր կախաղան է հանվել «ոսկիների սուլթանը»

Արմեն Աշոտյանն այլեւս ընդգրկված չէ Բժշկական համալսարանի հոգաբարձուների խորհրդի կազմում

Ալեքսիս Օհանյանը նոր կադրեր է հրապարակել հայաստանյան այցից եւ «Շախմատ» կոնյակի պատրաստման ընթացքից

Մի խումբ անձինք ապօրինի ավտոկայանատեղի են կազմակերպել, հատուկ համազգեստով գումարներ գանձել

Դավիթ Տոնոյանն ու ԵՊԲՀ ռեկտոր Արմեն Մուրադյանը հուշագիր են ստորագրել

«Իմ քայլը» դաշինքի ռեյտինգային թեկնածուներն՝ ըստ ընտրատարածքների

Հանդիպել են ՄԱԿ-ի Խաղաղ հավաքների և միություններ կազմելու հարցերով հատուկ զեկուցողն ու Ա. Միրզոյանը

Նորմալ երկիր ա դարձել, մեր վարչապետը օրինականություն ա մտցրել, էդ քիչ ա՞. քրեական հեղինակություն Նորատուսցի Արա

Քոչարյանի պաշտպանը Վճռաբեկ է ներկայացրել ապացույց, թե ինչպես են ըստ Քոչարյանի ցուցարարները Մարտի 1-ին կրակում

Ն. Փաշինյանն այցելել է «Մեգերյան կարպետ» ընկերություն, աշխատանքային ընթրիք ունեցել Հարվարդի շրջանավարտների հետ

Արցախի ՄԻՊ-ն ու Աննա Հակոբյանը քննարկել են մարդու իրավունքներին եւ մարդասիրական խնդիրներին առնչվող ծրագրերը

Հոգով ու սրտով կապված եմ եղել մարզիս հետ. Վահրամ Բաղդասարյանը դիմում է լոռեցիներին

ԿԸՀ-ն բաշխել է ընտրությունների տեղամասային հանձնաժողովների նախագահների ու քարտուղարների պաշտոնները

Ցուկերբերգն արգելել է Facebook-ի գրասենյակում Apple սմարթֆոնների օգտագործումը

Եղանակային պայմաններից ելնելով շարունակում է փակ մնալ Վերին Լարս տանող ճանապարհը

Եթե որևէ պրոֆեսոր ֆինանսական վնաս է պատճառել, ապա դա Գագիկ Եթիմյանն է. ՎՊՀ-ում զայրացած են

Զվարճալի միջադեպերի պատճառով Հայկ Կասպարովի տեսահոլովակը պատրաստելը ձգձգվել է