Վաղվանից սկսած 3 ամիս աուդիտ կլինի «Նաիրիտ»-ի տարածքում. կառավարությունը օժանդակել է

Մոտ մեկուկես ամիս առաջ ՀՀ կառավարության եւ ներդրողների միջեւ «Նաիրիտ» գործարանի վերագործարկման շուրջ բանակցություններ տեղի ունեցան, որոնք, ըստ «Նաիրիտ» գործարանի նախկին տնօրեն Կարեն Իսրայելյանի, արդյունավետ էին:

ՀԺ-ն զրուցեց Կարեն Իսրայելյանի հետ, պարզելու, թե ի՞նչ փուլում են բանակցությունները եւ ե՞րբ է հնարավոր վերագործարկել «Նաիրիտ»-ը:

- Պարոն Իսրայելյան, ի՞նչ փուլում են «Նաիրիտ»-ի վերագործարկման շուրջ քննարկումները:

- Քննարկումները, կարելի է ասել, արդեն ավարտվել են, ըստ սնանկության կառավարչի հետ պայմանավորվածության՝ վաղը մենք պետք է մտնենք գործարան` փորձագիտական աշխատանքներ սկսելու համար:

- Այսինքն, արդեն բոլոր կողմերի հետ պայմանավորվածությո՞ւն է ձեռք բերվել:

- Մենք հայտարարել էինք, որ սնանկության խորհուրդը նիստ վարեց եւ նիստում որոշում կայացվեց թույլատրել, որ մենք մտնենք գործարան՝ աուդիտ անելու համար:

- Ի՞նչ գործընթացներ են այժմ սպասվում, ինչքա՞ն ժամանակում պարզ կլինի՝ հնարավոր է գործարանի վերագործարկումը, թե՝ ոչ:

- Մեր հաշվարկով՝ առավելագույնը 3 ամսվա ընթացքում: 3 ամիս մենք պետք է հաշվարկներ անենք, որպեսզի հանկարծակի չսխալվենք, որպեսզի գումարի մեծությունը կարողանանք ճիշտ որոշել:

- Էկոլոգիական առումով խնդիրներ չի՞ առաջացնի գործարանի վերագործարկումը:

- Մենք հանդիպել ենք բնապահպանության նախարարության ներկայացուցիչների հետ, պայմանավորվել ենք համատեղ իրար հետ աշխատել, որ էկոլոգիայի հետ կապված հանկարծ ոչ մի հարց չառաջանա:

- Նոր կառավարությունը ի՞նչ քայլեր է ձեռնարկում գործարանի վերագործարկմանը նպաստելու համար:

- Եթե նոր կառավարության համաձայնությունը չլիներ, մենք չէինք կարող մտնել: Որ ասում եմ՝ մենք որոշում ունենք, մենք թույլտվություն ունենք, դա չէր լինի: Իհարկե, նոր կառավարության դրական մոտեցումը եղել է:

- Ներդրումներն արտասահմանի՞ց են:

- Այո, Եվրոպա-Ասիա հոլդինգ կենտրոնի, որի մեջ մտնում են մի շարք խոշոր ընկերություններ: Նրանք արդեն շուրջ 3 տարի է՝ բանակցում էին կառավարության հետ, որպեսզի թույլտվություն ստանան՝ իրենց ներդրումների միջոցներով վերագործարկել ընկերությունը:

- Ստուգումների փուլում որքա՞ն գումար է նախատեսված ծախսել եւ եթե արդյունքում որոշվի վերագործարկել ընկերությունը, այդ ժամանակ ինչքա՞ն ներդրում է նախատեսվում:

- Այս փուլում նախատեսված է փորձագիտական աշխատանքների համար շուրջ 300 հազար դոլարի ծախս, իսկ եթե արդեն ամեն ինչ նորմալ եղավ ու մենք կարողացանք հիմնավորել, որ «Նաիրիտ» գործարանը կարող է աշխատել մեր ներդրումային ծրագրով, այդ ժամանակ նախնական նախատեսված է ներդնել 100 մլն դոլար, բայց մեր տվյալներով՝ մոտավորապես մեզ անհրաժեշտ կլինի 150 մլն դոլար: Դա միայն կաուչուկի արտադրամասի վերականգնման համար:

- Քանի՞ աշխատատեղ կարող է բացվել:

- 2100 աշխատատեղ՝ նախնական, բայց այն ծրագիրը, որը ունի հոլդինգը, շուրջ 5000 հոգի մարդ կարող է աշխատել, որովհետեւ նրանք ցանկանում են, բացի կաուչուկի արտադրությունից վերականգնել նաեւ շատ ուրիշ արտադրանքներ:

- Նորից դո՞ւք եք շարունակելու ղեկավարել ընկերությունը:

- Ըստ հոլդինգի հետ պայմանավորվածության` այո: Իրենք ինձ են տեսնում այդ դիրքում: Մենք ունենալու ենք 2 մաս` քիմիագիտական եւ արտադրական: Գիտական մասը ղեկավարելու է Վարդան Վարդանյանը, արտադրական մասը ղեկավարելու եմ ես:

- Նախկին աշխատողների բողոքների հարցերով ի՞նչ է արվում: Նրանք վերականգնվելո՞ւ են աշխատանքի, թե նոր աշխատողներ են լինելու: Նրանց չվճարված աշխատավարձերի հարցով ի՞նչ եք արել:

- Աշխատողները միանշանակ լինելու են այն մարդիկ, ովքեր նախկինում աշխատել են, ովքեր փորձ ունեն՝ առանց հաշվի առնելու նրանց տարիքը: Մենք մի քանի անգամ ասել ենք, որ «Նաիրիտ»-ում փողոցից մարդ չենք կարող բերել աշխատացնել, նրանք պետք է սովորեն: Մեր նպատակն այն է, որ հին, փորձառու, տարիքով մասնագետները աշխատեն մի երկու տարի, այդ ընթացքում պատրաստեն համապատասխան հերթափոխը եւ գնան իրենց արժանի թոշակին:

Ինչ վերաբերվում է նախկին աշխատավարձերին, ապա ասեմ՝ նախկին աշխատավարձերի հետ կապված «Նաիրիտ» գործարանը նախնական դեռ ոչ մի պարտավորություններ չունի: Այդ ամենը հետագա բանակցությունների հարց է, որ պետք է հոլդինգը բանակցի կառավարության հետ, որովհետեւ բավական շատ պարտքեր կան:

Հույս ունենք, որ կառավարությունը այն օժանդակությունը, որն այսօր տալիս է, նույն ձեւով կշարունակի տալ, պատկերացնո՞ւմ եք «Նաիրիտ»-ի վերագործարկումը: Կառավարության օժանդակությունը եղավ հիմնական պատճառը, որ նրանք թույլ տվեցին, չլսեցին ասեկոսեները, որ իբր հոլդինգը գումար չունի, հոլդինգը ծրագիր չունի:

Տպել
5343 դիտում

Վարչապետը քիչ անց կհանդիպի անհետ կորած եւ գերեվարված զինվորների ընտանիքների անդամներին․ վարչապետի մամուլի խոսնակ

ՀՀ սահմանից ներս ներխուժում տեղի չի ունցել, որևէ նոր զիջում տեղի չի ունեցել. Ռուբեն Ռուբինյան

ԵՄ-ն խիստ պատժամիջոցներ կկիրառի Թուրքիայի դեմ՝ Միջերկրական ծովում ապօրինության եւ Ղարաբաղում միջամտության համար

ՀՀ սահմաններից ներս ադրբեջանական բանակի զինվորներ չկան․ Գնել Սանոսյան

Գյումրիում ռուս զինծառայողի դի է հայտնաբերվել. ռուսական կողմը քննություն է սկսել

Հրդեհ է բռնկվել է Նոյեմբերյան քաղաքի երկհարկանի տներից մեկի նկուղում․ ԱԻՆ

Բաքվում Ֆրանսիայի դեսպան Զակարի Գրոսսը կանչվել է Ադրբեջանի ԱԳՆ. РИА Новости

Վայոց ձորի մարզի 7 համայնքում իրականացվում է սուբվենցիոն 27 ծրագիր

Երիտասարդներն ուժեղ էին փորձառուներից. ավարտվել է ազատ ոճի ըմբշամարտի Հայաստանի առաջնությունը

Վերսկսվել են Մոսկվա-Գյումրի-Մոսկվա երթուղով չվերթերը

Թշնամու 15 տանկ խոցած Արցախի հերոս Դավթի մարմինը մի քանի օր առաջ են գտել․ մանրամասներ

ԱԺ նախագահ Արարատ Միրզոյանը նամակ է հղել Ֆրանսիայի Սենատի նախագահ Ժերար Լարշեին

Զառիթափ համայնքի սահմանամերձ Սերս բնակավայրում իրականացվում են գիշերային լուսավորության կառուցման աշխատանքներ

«Ալաշկերտը» հաղթեց առաջատարին, «Վանն» ուժեղ գտնվեց «Շիրակից»

Հայտնաբերվել է փողոցում մի կնոջ պարանոցից ոսկյա շղթա հափշտակած և փախուստի դիմած տղամարդը (տեսանյութ)

Արցախի հետ Հայաստանի նախկին սահմանի փոխարեն ձևավորվել է սահման՝ Հայաստանի և Ադրբեջանի միջև․ ՊՆ

Ճամբարակ քաղաքում ձյուն է տեղում․ ՀՀ տարածքում ավտոճանապարհներն անցանելի են

Կարմիր Խաչը գերիների ավելի մեծ ցուցակ ունի, քան Ադրբեջանն է հաստատում․ ըստ պատգամավորի՝ աշխատում են մի քանի օղակներով

Սուբվենցիոն ծրագրով ավարտին են մոտենում Արմավիր քաղաքի 12 բակային տարածքների հիմնանորոգման աշխատանքները

Լեռնուտում 70 երեխայի համար նախատեսված մանկապարտեզ է վերակառուցվում