2008-ի մարտի 3-ին բաժնում մեզ ծեծեցին. ստիպում էին գրել, թե Նիկոլը զենքեր է բաժանել

«2008 թվականի մարտի երեքին ոստիկանության բաժնում մեզ ծեծեցին: Ամենաահավորն էն էր, որ ստիպում էին գրել, թե Նիկոլն ապստամբության կոչ էր անում, զենք էր բաժանել, պիտի հելնենք»: Մարտիմեկյան արյունալի դեպքերի ծեծուջարդի մասին պատմում է «Հայկական ժամանակ»-ի խմբագրություն այցելած ազատամարտիկ Վասիլ Խանաղյանը: Ասում է՝ Մարտի մեկը հո մենակ Երեւանու՞մ չի եղել, մարզերում էլ է եղել: Խանաղյանի խոսքով՝ ինքն ու շատ այլ մարդիկ տասը տարի ապրել են վիրավորանքով ու ցավով:

Վասիլ Խանաղյանը Արարատի մարզի Մասիս քաղաքից է: Ազատամարտիկը հիշում է, որ 2008 թվականի մարտի երեքին իրեն ու էլի մարդկանց տարան Մասիսի ոստիկանության բաժին ու ծեծեցին, որովհետեւ իրենք ակտիվ մասնակցում էին նախորդ օրերի հանրահավաքներին.

«Ինձ տարան ամսի երեքի առավոտյան: Մեզ վերաբերվում էին որպես երրորդ սորտի մարդ: Ճուտը՝ Մասիսի պետի տեղակալ Արթուր Զաքարյանը, սադրիչներից մեկն էր Մարտի մեկի ժամանակ: Ես լրիվ տեսել եմ, հիշում եմ: Բերեք դեմս նստեցրեք, ես կասեմ: Մի ամբողջ օր ծեծում, հայհոյում էին: Բացի էդ հայհոյանքները, ամենաահավորն էն էր, որ թքում էին մեր վրա: Ամեն ձեւ կոտրեցին, էդ Ճտի կաբինետում»,- մեր զրույցում ասում է Վասիլ Խանաղյանն ու նշում, որ «Ճուտն այդ ժամանակ աշխատում էր քրեականում»: Ճուտ մականունով Արթուր Զաքարյանը ներկայումս Արարատի մարզային վարչության պետի օպերգծով տեղակալն է:

Խանաղյանի խոսքով՝ ոստիկանության բաժնում ինքը մենակ չէր, էլի մարդկանց էին տարել ու իրենց հերթով ծեծում էին՝ Արթուր Զաքարյանը, հետո Գագիկ Բեգլարյանը, ոստիկանապետ Գագիկ Բադալյանը. «Դրանք, էդ «ճտերով» ծեծեցին, մի ամբողջ սուտկա պահեցին, ջուր չտվեցին: Ստիպված ասել եմ ՝ զուգարան եմ գնում, որ ջուր խմեմ գոնե: Ամբողջ գիշեր պահել են»,- ասաց Վասիլ Խանաղյանը:

«Ասում էին՝ գրեք, որ զենքեր կան: Ասում եմ՝ էդ դուք եք արել, մենք՝ ընդհակառակը, կանգնած էինք ոստիկանների կողքին, որ բախում չլինի հանկարծ: Էն ժամանակ մարզի դատախազն էլ Պարսամյան Սուրիկն էր: Էկավ, բա թե՝ գրի՛: Չէի գրում, իմ վրա գործեր սարքեցին, ամբողջ գիշեր էլ մի նեղ, փոքր խցում պահեցին»,-մեր զրույցում պատմում է Վասիլ Խանաղյանն ու նեղսրտում, որ վարչապետ Փաշինյանը հայտարարում է, թե Մարտի մեկը բացահայտված է, այնինչ, Ճուտ մականունով Արթուր Զաքարյանը դեռ աշխատում է ոստիկանական համակարգում.

«Արթուր Զաքարյանը ո՞նց ա Մարտի մեկ բացահայտելու, եթե էդպիսի սադրիչ բաներ ա արել: Այ էս ա ցավը: Դրանց մի մասը գնացել ա հանգստի, մի մասի պաշտոնն էլ բարձրացրել են: Բա իմ բարոյական վնասի համար ո՞վ ա պատասխան տալու: Էրկու տարի ինձ անընդհատ տարել-բերել են: Գրի, հա գրի, գրի, հա գրի: Ես ո՞նց կարայի էդ գրեի: Ճտի տեղը բաժինը չի, Ճտի տեղը կամ Սովետաշենն ա, կամ, չգիտեմ, Արթիկը (նկատի ունի քրեակատարողական հիմնարկը.-հեղ.): Տասը տարի ա անցել, բայց ես որ հիշում եմ էդ ամենը, էլի հուզվում եմ, չգիտեմ»,- ասում է Խանաղյանը:

«Հայկական ժամանակ»-ը երկու օր շարունակ փորձեց մեկնաբանություն ստանալ ոստիկանության աշխատակից Արթուր Զաքարյանից, սակայն ոստիկանության բաժնից մեզ անընդհատ տեղեկացնում էին, որ Զաքարյանը տեղում չէ: Ապա, իմանալով, թե ինչ թեմայի մասին է մեկնաբանություն պետք, Զաքարյանը հերթապահի միջոցով փոխանցեց, որ հեռախոսով չի կարող պատասխանել որեւէ հարցի:

Տպել
26032 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին