«Իմ քայլը» դաշինքի ներկայացուցիչները պիցցաներ են տանում ընտրատեղամասեր. ահազանգ

«Անկախ դիտորդ» դաշինքը ահազանգեր է ստանում, որ «Իմ քայլը» դաշինքից ներկայացած անձինք 6/8, 6/26, 8/62, 1/1 տեղամասերում պիցցաներ են տարել, իսկ 10/6, 8/29 , 8/1, 10/45, 10/52 տեղամասերում «Իմ քայլը» դաշինքի վստահված անձինք են պիցցա, հյութ և ջուր տարել։

Ինչպես հայտնում են դաշինքի մամուլի ծառայությունից, կոնկրետ տեղեկություններ ստացել են վերը նշված տեղամասերից, սակայն ահազանգեր են ստանում, որ դա համատարած է։

Պարզաբանման համար «Հայկական ժամանակ»-ը դիմեց Կենտրոնական ընտրական հանձնաժողովում «Իմ քայլը» դաշինքի լիազոր ներկայացուցիչ Վահագն Հովակիմյանին: Նա ընդգծեց, որ դաշինքի ներկայացուցիչները օրենք չեն խախտել տեղամասեր սնունդ տանելով: 

«Վստահված անձիք եւ հանձաժողովի անդամները գրեթե 24-ժամյա ռեժիմով աշխատում են: Հասկանալի է, որ իրենց սնունդ պետք է հասցվի: Տվյալ դեպքում փոխարինող վստահված անձը տեղամաս է տանում սնունդ՝ պիցցա, ջուր, հյութ, որ ոչ սովամահ լինեն, ոչ էլ ջրազրկվեն: Բոլոր ընտրությունների ժամանակ քաղաքական ուժերը իրենց վստահված անձանց, հանձնաժողովի անդամներին սնունդով ապահովել են: Ինչի՞ համար, որպեսզի մարդիկ կարողանան տեղամասից դուրս չգալ, մնալ տեղամասում, իրենց պարտքը կատարել եւ նաեւ կարողանան սնվել: Տվյալ դեպքում մեր դաշինքը իր վստահված անձանց ուղարկում է պիցցաներ»,- ասաց նա:

Հնարավոր է, որ սննդից օգտվեն նաեւ քաղաքական այլ ուժերի ներկայացուցիչները: Դա, ըստ Հովակիմյանի, նորմալ է: Նա նաեւ նշեց, որ ուրախ է, որ այս անգամ ավելի շատ խոսալու առիթ է տալիս այն, թե ով ինչ է ուտում, քան ընտրախախտումները:

«Կարող են չէ՞ մյուսներն էլ հյուրասիրվել, ուտել: Ընտարտեղամասում սնվելը ընդամենը սնվել է: Շատ լավ է, որ այս անգամ ընտրությունների ընթացքում միակ բանը, որ նկատում են, սնունդի հետ կապված խնդիրներն են: Ահագին ոգեւորող հանգամանք է, որ չեն խոսում համատարած ընտրակաշառքներից, չեն խոսում համատարած մարդկանց տրանսպորտով տեղամասեր բերելուց, չեն խոսում տեղամասերում որոշ քաղաքական ուժերի լկտի պահվածքից, չեն խոսում տեղամասերում ուղղորդումից, ինչը նախորդ ընտրություններում տեղի էր ունենում, բաց քվեարկությունից չեն խոսում: Տվյալ դեպքում ինչ լավ է, որ միակ խնդիրը սնունդն է՝ ինչ բերեցին, ինչ տարան, ով ինչ խմեց, ով ինչ բերեց»,- ասաց նա:

Վահագն Հովակիմյանը ընդգծեց, որ հյուրասիրելը օրենքի խախտում չէ: Պարզաբանեց, որ ընտրական օրենսգիրքը ընտրատեղամասերում հանձնաժողովի անդամների կամ վստահված անձնանց սնվելու վերաբերյալ ոչինչ չի նախատեսում:

«Տեղամասում հանձնաժողովի անդամների եւ վստահված անձանց սնվելու մասին ընտրական օրենսգիրքը կարգավորումներ չունի, որովհետեւ դա կլիներ աբսուրդի աստիճանի, դա օրենսդիրն էլ է ժամանակին հասկացել: Խախտման մասին ընդհանրապես խոսք լինել չի կարող, որովհետեւ հանձնաժողովի անդամները եւ վստահված անձիք ընդմիջում անելու, սվելու իրավունք ունեն: Ընտրությունները չեն արգելում սնվել, այն, որ ընտրություններ են, մարդու սնվելու իրավունքը չի վերացնում: Խոսքը չի գնում այն մասին, որ ընտրողներին են կերակրում, այլ մարդիկ, որոնք տեղամասերում.... իրենց աշխատանքն է դա՝ տեղամասային ընտրական հանձնաժողովի անդամների եւ վստահված անձանց աշխատանքի վայրն է: Ինչպես ցանկացած աշխատող իրավունք ունի ընդմիջման, սնվելու, այնպես էլ հանձնաժողովի անդամները եւ վստահված անձիք իրավունք ունեն ընդմիջման, սնվելու»,- ասաց նա:

Տպել
4457 դիտում

«Էլեկտրիկ Երեւան»-ից հայտնի ակտիվիստը դրվագ է պատմել ոստիկանությունում իր եւ Հունան Պողոսյանի հանդիպումից

Վարչական համաներում է կիրառվել 108 հազար 916 քաղաքացու նկատմամբ. Արտակ Զեյնալյան

Մարտական հրաձգությամբ գնդային մարտավարական զորավարժություն`ՊԲ հյուսիսային ուղղության զորամասերի մասնակցությամբ

Նախկին պատգամավոր Հովհաննես Մարգարյանը նոր կուսակցություն է բացել եւ վստահում է Նիկոլ Փաշինյանին

Վենետիկի հանձնաժողովը հայտարարություն է ընդունել ՀՀ Ընտրական օրենսգրքի նախագծի վերաբերյալ

Նախագահն այցելել է Հայաստանում Գերմանիայի դեսպանություն

Հայտնի «դըմփ-դըմփ հու՛»-ն՝ Հունան Պողոսյանի մասնակցությամբ (տեսանյութ)

Հնգյակով ցուցակը զարմացրել է ՀՀԿ-ին. կուսակցությունում մասնակցության վերջնական որոշում չկա

Հիվանդին ԲԿ-ում փոխներարկվել է «Հեպտատիտ Ց» վարակ պարունակող անհամատեղելի արյուն, որի հետևանքով հիվանդը մահացել է

Վահե Գրիգորյանի ընտրության հարցը կքննարկվի հոկտեմբերի 23-ին

Հայ զինծառայողները մասնակցել են միջազգային հեղինակավոր վարժանք-մրցույթին

«Երկիր Ծիրանի»-ին դատապարտում է Հունան Պողոսյանին մարզպետ նշանակելու կառավարության որոշումը

Սերժ Սարգսյանի ընկերոջ որդու նախաձեռնությամբ պատգամավորները դիմել են Սահմանադրական դատարան

Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք

Կապանի մարզադաշտը կվերանորոգվի ՀՖՖ հաշվին. Նիկոլ Փաշինյան

Երգիչ Սեբուի հոր մեքենան կանգնեցրած եւ կաշառք պահանջած տեսուչները գրավի դիմաց ազատ են արձակվել

Անչափահասի կոկորդից արմունկով սեղմած պահել են, պառկած հասցրել բաժին, ապա բազմաթիվ հարվածներ հասցրել. փաստաբան

Ինձ համար կարեւորագույն խնդիր է՝ ջարդել նարկոտրաֆիկի ողնաշարը, մեծ խմբաքանակներ են անցնում Սյունիքով. Փաշինյան

ՀՀ Թաեքվոնդոյի ֆեդերացիայում աղմուկը չի հանդարտվում

Սեւակ Միքայելյանի քարոզարշավին աշակերտների մասնակցության մասին ձայնագրությունն ուղարկվել է Կոտայքի դատախազություն