«Ռեստարտն» ու ԿԳՆ-ն պնդում են՝ ԵՊՀ ուսխորհուրդը անօրինական կառույց է, պետք է լուծարվի. ՈՒԽ նախագահը հակադարձում է

«Ռեստարտ» ուսանողական-քաղաքացիական նախաձեռնությունն այսօր՝ նոյեմբերի 8-ին, Երեւանի պետական համալսարանում ակցիա էր կազմակերպել: Նախաձեռնության անդամները, շրջելով համալսարանի մասնաշենքերով, ուսանողներին տեղեկացնում էին ԵՊՀ ուսանողական խորհրդի անօրինական գործունեության ու դրա լուծարման անհրաժեշտության մասին՝ հիմք բերելով ԿԳՆ ուղարկած նամակն ու նախարարությունից ուղարկած պատասխանը:

«Ռեստարտ» նախաձեռնությունը հոկտեմբեր ամսին դիմում է ուղարկել ԿԳՆ, որտեղ խոսվում է Երեւանի պետական համալսարանի Ուսանողական խորհրդի անօրինական գործունեության մասին:

Մասնավորապես՝ «Ռեստարտ» նախաձեռնությունը ուսումնասիրություններ է իրականացրել ՀՀ պետական բուհերի ուսանողական խորհուրդների վերաբերյալ՝ առաջին հերթին աչքի անցկացնելով ԵՊՀ ՈՒԽ-ն: Ուսումնասիրությունների արդյունքում հայտնաբերվել են մի շարք խախտումներ:

Նախ՝  առաջին խախտումը, ըստ «Ռեստարտ» նախաձեռնության անդամների, այն է, որ ԵՊՀ ՈՒԽ կանոնադրությունը հաստատված չէ. ըստ «Բարձրագույն կրթության մասին» օրենքի՝ ուսանողական խորհուրդների կանոնադրությունները հաստատում է լիազոր մարմինը՝ ԿԳՆ-ն: 2014 թվականի նոյեմբերի 17-ից ԵՊՀ-ն ՊՈԱԿ-ից վերաձևակերպվել է հիմնադրամի, որից հետո, ՈՒԽ կանոնադրությունը չի ուղարկվել լիազոր մարմնի կողմից հաստատման, նշանակում է՝ ԵՊՀ ՈՒԽ-ն առհասարակ գոյություն չի ունեցել:

Հաջորդ կոպտագույն խախտումը, ինչպես փաստում են նախաձեռնության անդամները, վերաբերում է ԵՊՀ ՈՒԽ համագումարին: Ըստ ՈՒԽ կանոնադրության՝ ուսանողական խորհրդի բարձրագույն կառավարող մարմինը ՈՒԽ համագումարն է, որը պետք է գումարվի 3 տարին առնվազն 1 անգամ: Բայց վերջին համագումարը տեղի է ունեցել 2014 թվականի դեկտեմբերին։ Այդ համագումարը հաստատում է տարեկան հաշվետվությունը, ՈՒԽ նախագահության կազմը, որն իր հերթին ընտրում է ՈՒԽ նախագահին, կանոնադրության մեջ փոփոխություններ է իրականացնում եւ այլն: Ըստ այդմ՝ պարզ է դառնում, որ ՈՒԽ նախագահն ու նախագահությունը լեգիտիմ չեն։

Սա նշանակում է, որ լիազոր մարմին՝ ԿԳՆ պետք է ուղարկել նոր կանոնադրություն:

ԿԳՆ-ն պատասխանել է «Ռեստարտ» նախաձեռնության դիմումին՝ հակասությունները շտկելու եւ խախտումները բացառելու նպատակով ԵՊՀ-ին առաջարկելով իրականացնել ուսանողական խորհրդի նոր ընտրություններ և մշակել նոր կանոնադրություն:

«Ռեստարտ» նախաձեռնության անդամ, ԵՊՀ ուսանող Դավիթ Պետրոսյանը մեր զրույցում ասաց, որ իրենց արած հետազոտությունը ցույց է տվել, որ ԵՊՀ ՈՒԽ-ն խախտել է իր իսկ կանոնադրության գլխավոր կետերը.

«Կանոնադրության մեջ նշված է, որ համագումարը պետք է գումարվի երեք տարին առնվազն մեկ անգամ, այնինչ վերջինը եղել է 2014 թվականին, իսկ այս ՈՒԽ-ի իրականացրած համագումարը եղել է միայն այս սեպտեմբերին, այն էլ այն բանից հետո, երբ մենք հարցում ուղարկեցինք, որ մեզ տրամադրեն նախկին համագումարի արձանագրությունները, իսկ իրենք չուղարկեցին, հապճեպ համագումար արեցին: Նույնիսկ այս համագումարը իրավական չէ, որովհետեւ ովքեր գումարել են այն, իրենք ընտրված չեն լեգալ ճանապարհով»,-ասաց Դավիթ Պետրոսյանը՝ նշելով, որ ԿԳՆ ուղարկած նամակը ուղարկել են նաեւ ՈՒԽ նախագահին եւ ռեկտոր Արամ Սիմոնյանին, սակայն վերջիններս դեռ չեն պատասխանել:

Նա նաեւ պնդում է՝ քանի որ ՈՒԽ համագումար չի եղել, այդպիսով չի հաստատվել նաեւ ՈՒԽ-ի տարեկան 8.5 մլն դրամ բյուջեն. «8.5 մլն դրամ տարեկան բյուջեն որեւէ մեկը հաստատե՞լ է, թե՞ էդ գումարը եկել է, դուք ծախսել եք»,-ասաց Պետրոսյանը:

ՈՒԽ նախագահ Դավիթ Ափոյանը մեր զրույցում հաստատեց, որ վերջին համագումարը եղել է 2014 թվականին, եւ հաջորդը պետք է լիներ 2017-ի դեկտեմբերին: Բայց ՈՒԽ այդ ժամանակվա նախագահը պետք է փոխվեր, եւ քանի որ համագումար անելու համար պահանջվում էր բոլոր հաստիքները լրացված նոր խորհուրդ գումարել, ուսխորհրդականները, Ափոյանի փոխանցմամբ, ըստ կարգի ընտրական գործընթաց են սկսել հունվարից, որի ժամանակ ՈՒԽ ժամանակավոր նախագահ ընտրվել է ինքը՝ Դավիթ Ափոյանը:

«Օրինակ՝ հիմա խորհրդարանն արձակվել է, բայց չի դադարեցնում իր գործունեությունը, մինչեւ նորը ձեւավորվի: Մենք նույն սկզբունքով հունվարից սեպտեմբեր արել ենք մեր ժամանակավոր պարտականությունները, արել ենք ամենայն պատասխանատվությամբ, զուգահեռաբար կազմակերպել ենք նաեւ նոր ընտրություններ: Ինչ-ինչ հանգամանքների բերումով, նաեւ ապրիլյան քաղաքական բարդ իրադրության ու դասապրոցեսի ընդհատված լինելու պատճառով, այդ ընտրութունները ավարտին չենք կարողացել հասցնել: Փաստացի ուշացրինք հերթական համագումարը, բայց երբ սեպտեմբերին դասապրոցեսը սկսվեց, սկսեցինք ընտրական նոր գոծընթացը, սեպտեմբերի 20-ին համագումար արեցինք, հաստատեցինք ՈՒԽ նախագահության կազմը, հաշվետվությունը, կատարեցինք արդեն նախագահի նոր ընտրություն, եւ ես նորից ընտրվեցի նախագահ»,-պարզաբանեց Ափոյանը:

Վերջինս համաձայնեց նաեւ, որ ՈՒԽ կանոնադրությունը նույնպես հաստատած չէ ԿԳՆ-ի կողմից, սակայն նախարարությունն ՈՒԽ-ի հետ տեւական ժամանակ համագործակցԵլ է՝ որպես ուսանողների օրինական ներկայացուցչական մարմին.

«Ընդունում եմ, բացթողում կա: Դա եղել է 2014 թվականից, բայց մենք պարբերաբար աշխատել ենք ԿԳՆ-ի հետ՝ որպես ուսանողական ներկայացուցչական մարմին: Այդ կանոնադրությունը հաստատել է ուսանողներից բաղկացած ներկայացուցչական ժողովը, իսկ նախարարության հաստատման գործընթացն ինչ-ինչ պատճառներով սառեցվել է: Այո, փաստացի հաստատված չէ, բայց մեր նախագիծը ընդունել է նախարարությունը, մեզ հետ համագործակցել է: Հիմա հարց. եթե չէին ընդունում, չէին հաստատում, ինչո՞ւ էին մեր ներկայացուցիչներին ընդունել որպես ուսանողների օրինական ներկայացուցչական մարմին»,-«Հայկական ժամանակ»-ին ասաց ԵՊՀ ՈՒԽ նախագահը:

Ինչ վերաբերում է ԿԳՆ-ի՝ «Ռեստարտ» նախաձեռնության դիմումի պատասխանում նշված այն հատվածին, որտեղ ԵՊՀ-ին առաջարկ է արվում լուծարել ՈՒԽ-ն եւ նոր ընտրություններ կազմակերպել, Ափոյանն ասաց, որ ԵՊՀ պրոռեկտոր Ռուբեն Մարկոսյանին գրված նամակում ԿԳ փոխնախարար Հովհաննես Հովհաննիսյանը լրիվ այլ պատասխան է տվել, որտեղ ընդհանրապես խոսք չկա ՈՒԽ-ի լուծարման մասին:

«Մեզ նման առաջարկ չի եղել: Այսինքն՝ ԿԳ փոխնախարարը երկու կողմերի արանքում տարաձայնությունների առիթ է դարձել: Սա ինձ համար դատապարտելի է, դրա համար հրավիրել եմ վարչապետի եւ ԿԳ նախարար Արայիկ Հարությունյանի ուշադրությունը»,-ասաց Ափոյանը:

«Ռեստարտ» նախաձեռնության դիմումի պատասխանը

ԵՊՀ-ին ուղարկած պատասխանը

ԿԳ փոխնախարար Հովհաննես Հովհաննիսյանն էլ, անդրադառնալով ՈՒԽ նախագահի՝ երեկ արված հայտարարությանը, թե փոխնախարարը երկակի խաղեր է խաղում և ուսանողներին հրահրում իրար դեմ, ֆեյսբուքյան իր էջում մասնավորապես գրել է, որ երկու դիմումներում հակասություն չկա.

«Պղտոր ջրում ձուկ որսացողներին էլ խորհուրդ կտամ չթաքնվել ուսանողների մեջքի ետևում, չփնտրել հակասություններ այնտեղ, որտեղ դրանք չկան, ուսանողներին հերթական անգամ չներքաշել կուսակցական խաղերի մեջ և ապահովել բոլոր ուսանողների ազատ կամարտահայտումը»:

 

 

Տպել
1249 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին