Ռոբերտ Քոչարյանի մեղադրանքում փոփոխություններ են արվել. պաշտպանները դիմել են ՄԻԵԴ

Մարտի 1-ի գործով սահմանադրական կարգը տապալելու մեջ մեղադրվող Ռոբերտ Քոչարյանի գործով որոշ զարգացումներ են տեղի ունեցել:

Տեղեկացանք, որ Քոչարյանի մեղադրանքում որոշ փոփոխություններ՝ լրացումներ են կատարվել:

Այս մասին այսօր ի պատասխան մեր հարցին ասաց Քոչարյանի պաշտպաններից Հայկ Ալումյանը: Նա նաեւ ասաց, որ անմեղության կանխավարկածի եւ պաշտպանության իրավունքի խախտման հարցով մեկ շաբաթ առաջ դիմել են Մարդու իրավունքների եվրոպական դատարան:

Նշենք, որ մեղադրանքի լրացման հետ կապված օրեր առաջ լրագրողների հետ զրույցում ակնարկել էր նաեւ ՀՀ հատուկ քննչական ծառայության պետ Սասուն Խաչատրյանը:

Քոչարյանի պաշտպան Հայկ Ալումյանի հետ զրույցը ներկայացնում ենք ստորեւ.

- Պարոն Ալումյան, մամուլում այսօր տեղեկություններ են տարածվել, որ Վճռաբեկ դատարանի դատավորները գտել են, որ ճիշտ կլինի վերաքննիչի որոշումը բեկանել եւ ուղարկել նոր քննության՝ այս կերպ նաեւ ձգձգելով գործընթացը: Այդ մասով ի՞նչ տեղեկություններ են հայտնի:

- Ես այդ մասին առաջին անգամ տեղեկացել եմ լրատվամիջոցներից: Սա, ես կարծում եմ, ընդամենը ինչ-որ մի ենթադրություն է, միգուցե վերլուծության արդյուք է: Եթե Վճռաբեկ դատարանը ցանկություն ունենա ձգձգելու՝ ինքը զանազան մեթոդներ ունի դա անելու եւ դա միակ տարբերակը չէ: Համենայնդեպս, Վճռաբեկ դատարանի որոշում դեռեւս չունենք, նիստի օր դեռեւս նշանակված չէ, իսկ թե ինչ տեղի կունենա նիստի ընթացքում եւ ինչ արդյունք կունենա Վճռաբեկ դատարանի դատավարությունը՝ ես հիմա հանձն չէի առնի կանխատեսել:

- Ի՞նչ ժամկետներում Վճռաբեկը պետք է նիստի օր նշանակի:

- Նիստի համար կոնկրետ ժամկետ օրենքը չի նախատեսում, ասում է՝ ողջամիտ ժամկետ:

- Հիմա այս գործով ողջամիտ ժամկետներո՞ւմ է:

- Վճռաբեկ դատարանում ունեցել եմ գործ, որտեղ Վճռաբեկ դատարանը մեկ տարում է վերջնական որոշումը կայացրել, ես համարել եմ, որ դա ողջամիտ չէ:

- Ռոբերտ Քոչարյանի մասնակցությամբ վերջին շաբաթների ընթացքում ի՞նչ քննչական գործողություններ են իրականցվել:

- Քննչական գործողություններ չեն իրականցվել:

- ՀՔԾ պետ Սասուն Խաչատրյանն օրեր առաջ լրագրողների հետ զրույցում չբացառեց, որ Մարտի 1-ի գործով քննչական խմբի ղեկավար Վահագն Հարությունյանի ղեկավարությամբ ապացույցների կեղծման վերաբերյալ փաստացի ապացույցների արդյունքում որոշում կայացվի լրացնել Քոչարյանի մեղադրանքը: Լրացում կատարվե՞լ է, ինչ տեղեկություններ կան:

- Ես հատուկ ընդգծեցի, որ քննչական գործողություններ չեն կատարվել, բայց մեղադրանքի մեջ որոշ փոփոխություններ տեղի են ունեցել:

- Կմանրամասնե՞ք:

- Չեմ կարող, որպեսզի հիմա ինձ չսկսեն մեղադրել, որ ես նախաքննական գաղտնիք եմ փորձում հրապարակել: Կարելի է ասել, որ ոչ թե ծավալի փոփոխություն կա, այլ՝ որոշ դրվագների վերաբերյալ մեղադրանքը ավելի մանրամասն է ներկայացված:

- Այսինքն՝ ոչ թե մեղադրանքը վերաորակել են, այլ՝ լրացրե՞լ:

- Այո, վերաորակում տեղի չի ունեցել, պարզապես կային ձեւակերպումներ նախկին մեղադրանքի մեջ, այ այդ ձեւակերպումները ավելի մանրամասնեցված են, մանրամասներ են գրված, որը նախկինում չկար: Կարելի է համարել, որ մեղադրանքի լրացում է, բայց ո՛չ որակման հետ կապված լրացումներ կան, ո՛չ էլ ինչ-որ նոր գործողություններ են վերագրվում:

- Պարոն Ալումյան, Ռոբերտ Քոչարյանն այս նոր դրվագներով հարցաքննվե՞լ է:

- Մեղադրանքի մեջ նույնիսկ մեկ ստորակետի փոփոխություն եթե կա, նորից պետք է հարցաքննեն եւ ֆորմալ կողմը պետք է նույնը լինի՝ ինչ-որ առաջին անգամ մեղադրանք առաջադրելիս: Համապատասխանաբար նաեւ առաջարկվել է մեղադրանքի վերաբերյալ ցուցմունք տալ, բայց նախքան ցուցմունք տալը քննիչը նաեւ պետք է պարզաբանի մեղադրանքը, եւ մենք գրել էինք, որ մեղադրանքի մեջ շատ ձեւակերպումներ կան, որոնք հասկանալի չեն, պարզաբանման կարիք ունեն, որից հետո մենք կորոշենք՝ ցուցմունք կտանք, թե ոչ:

- Այսինքն՝ դեռ չի պարզաբանե՞լ նախաքննական մարմինը:

- Այո, դեռ չի պարզաբանել:

- Պարոն Ալումյան, այնուամենայնիվ, մեղադրանքում արված լրացումների հետ կապված չե՞ք կարող որոշ փակագծեր բացել: Արդյո՞ք դա վերաբերում է Վահագն Հարությունյանի ղեկավարությամբ ապացույցների կեղծման ենթադրյալ դրվագին:

- Ոչ, եթե խնդիրը նա է, որ այդ գործողությունները որոշ չափով վերագրվեին պարոն Քոչարյանին՝ այդպիսի բան չկա մեղադրանքում:

 - Իսկ նախաքննության ընթացքը ձեզ գոհացնո՞ւմ է:

- Ոչ, նախաքննության ընթացքը չի կարող մեզ գոհացնել: Տեսեք, քրեական վերաքննիչ դատարանը օգոստոսի 13-ի որոշմամբ արձանագրել է, որ պարոն Քոչարյանը անձեռնմխելիությունից է օգտվում, այդ հիմքով ազատ է արձակվել, բայց անձեռնմխելիությունից օգտվելը միայն ազատ արձակումը չի նշանակում: Վերաքննիչ դատարանի առաջ դրված էր խափանման միջոցի խնդիր, դատարանը ազատ արձակեց, բայց անձեռնմխելիությունը ավելի մեծ հետեւանքներ պետք է առաջացներ պարոն Քոչարյանի համար: Այսինքն՝ ինքը ոչ միայն պետք է ազատ արձակվեր, այլեւ նրա նկատմամբ քրեական հետապնդումը պետք է դադարեցվեր: Մենք միջնորդել էինք, որպեսզի քրեական հետապնդումը դադրեցվի, բայց մեր միջնորդությունը մերժվել է եւ մենք այդ որոշումը բողոքարկել ենք: Բացի այդ՝ մենք դիմել էինք, որպեսզի քրեական գործը ՀՔԾ-ից տեղափոխվի մեկ այլ քննչական մարմին՝ հաշվի առնելով, որ ՀՔԾ պետը գաղտնալսման ժամանակ որոշ բաներ էր ասել, մասնավորապես խափանման միջոցի մասով, որ անհրաժեշտ է կիրառել կալանավորումը, որպեսզի սկսեն ցուցմունք տալ: Այսպիսի բաներ է ասել եւ նաեւ շատ անհարգալից էր խոսում, երեւում էր տրամադրվածությունը: Այդ ամեն ինչը հաշվի առնելով՝ մենք նաեւ միջնորդել էինք, որպեսզի գործը տեղափոխվի մեկ այլ քննչական մարմին, սակայն այդ միջնորդությունը եւս մերժվել է: Այս պայմաններում իհարկե մեզ չի կարող գոհացնել նախաքննության ընթացքը: Նաեւ պետք է ասեմ, որ դիմել ենք Եվրոպական դատարան:

- Ե՞րբ եք դիմել:

- Եթե չեմ սխալվում՝ մեկ շաբաթ առաջ:

- Ի՞նչ խախտումների մասով:

- Մասնավորապես անմեղության կանխավարկածի եւ նաեւ պաշտպանության իրավունքի խախտման հարցով: Իհարկե, միանգամից հարց է առաջանում՝ բա ներպետական ատյանների սպառո՞ւմը: Դա մեկ դեպքում է թույլատրվում, եթե տվյալ կոնկրետ գործով ներպետական ատյանները ի սկզբանե արդյունավետ չեն, այսինքն՝ ի սկզբանե արդյունավետ չեն, հնարավոր չէ ակնկալել դրական լուծում ներպետական ատյաններում, եւ մենք փորձել ենք հիմնավորել, որ սա հենց այդ դեպքն է:

Ռոբերտ Քոչարյանը մեղադրվում է մի խումբ անձանց հետ սահմանադրական կարգը տապալելու մեջ: Հուլիսի 27-ին Երեւանի ընդհանուր իրավասության դատարանը նրա նկատմամբ խափանման միջոց էր ընտրել կալանավորումը: Քոչարյանը, սակայն, անազատության մեջ շատ չմնաց. օգոստոսի 13-ին վերաքննիչ դատարանը դատավոր Ալեքսանդր Ազարյանի նախագահությամբ վերացրեց առաջին ատյանի դատարանի որոշումը՝ բավարարելով Ռոբերտ Քոչարյանի պաշտպանների ներկայացրած՝ խափանման միջոց կալանքը փոխելու միջնորդությունը: Այս որոշումը մեծ աղմուկ բարձրացրեց հանրության շրջանում: Դատախազությունը բողոքարկել է նրան ազատ արձակելու Վերաքննիչ դատարանի որոշումը: Որոշման դեմ բողոքարկել է նաեւ պաշտպանության կողմը: Երկու բողոքներն էլ Վճռաբեկ դատարանը վարույթ է ընդունել:

Տպել
6006 դիտում

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան