Գյումրու թիվ 18 դպրոցը չի ջեռուցվում. ծնողները խոստանում են բողոքի ցույց անել

Գյումրու թիվ 18 դպրոցի դասասենյակներում ավելի ցուրտ է, քան դրսում: Ջեռուցում չկա, երեխաները դասասենյակներում հազիվ են դիմանում եւ օդի ցածր ջերմաստիճանի պայմաններում չեն կարողանում երկար դիմանալ: Այս մասին ֆեյսբուքյան օգտատերերից մեկը գրել էր. «Ձեր ընտրությունները շաքարով կտրեմ, Գյումրու թիվ 18 դպրոցն ինչու՞ չի ջեռուցվում: Գոնե պատկերացնու՞մ եք, թե առաջին դասարանի երեխան ինչպե՞ս է դաս պարապում չջեռուցվող դասասենյակում: Ամեն օր՝ այսօր-վաղը, այսօր-վաղը: Ու այսպես մինչեւ ե՞րբ, ցուցակները չհրապարակի՞ք, մի քիչ էլ գործ արեք: Ծնողները խոստանում են բողոքի ցույց անել, զգուշացեք»:

Խնդրի շուրջ ՀԺ-ն խոսեց դպրոցի տնօրեն Շողիկ Ալեքսանյանի հետ, որն, ի դեպ, հունահռոմեական ոճի ըմբիշ, աշխարհի եռակի չեմպիոն Արթուր Ալեքսանյանի մայրն է: Տիկին Ալեքսանյանն ասաց, այո, դպրոցում շատ ցուրտ է, քանի որ ջեռուցում չկա: Առաջիկայում հույս էլ չկա, որ կլինի, քանի որ կաթսայատունը, որով պետք է ջեռուցվի դպրոցը, վթարային եւ կիսաքանդ է:

«Այդ կաթսայատունը վթարային է, խորհրդային տարիներին է կառուցված, եւ դա նախատեսված է եղել անտրացիտի համար: 2.5 տարի է՝ տնօրեն եմ, մենք այս խնդիրը միշտ ունենք: Անցած տարի փորձեցինք գազով աշխատեցնել, բայց նույնիսկ դեպք ունեցանք, հնոցապանի ձեռքն այրվեց: Բացի դրանից էլ, մարտկոցներն են հին եւ պիտանի չեն: Կաթսայատան շահագործման պարագայում անգամ մենք կարողացել ենք ընդամենը 10 աստիճան տաքություն ապահովել դասասենյակներում, եղած հնարավորություններն այդ է»,- ասաց Շողիկ Ալեքսանյանը:

Ըստ տնօրենի, դպրոցն անգամ էլեկտրականությամբ ջեռուցել չեն կարող, քանի որ մալուխները հին են եւ լարվածությանը չեն դիմանում: «Անցած տարի փորձել ենք, հրդեհ է բռնկվել, էլ չենք շարունակել»,- ասաց նա:

Աստղիկ Ալեքսանյանն ասաց՝ խնդրից մարզպետարանը տեղյակ է: Ծնողների ասած «էսօր-էգուց»-ն իսկապես այդպես է:

«Մեր դպրոցը մտած է սոցներդրումների ծրագրի մեջ, նախագիծ-նախահաշիվը կա, գումարը կա, սակայն չեն տրամադրում, բայց թե ինչի համար, ես չգիտեմ: Էդ հարցով փոխմարզպետն է զբաղվում, իրեն հարցրեք»:

Սոֆիա Հովսեփյանի հետ զրույցում պարզվեց, որ արդեն 10 օր է՝ այդ խնդրով զբաղվում են, վաղն արդեն կհայտարարվի մրցույթն ու հնարավորինս արագ աշխատանքները կսկսվեն:

«Խնդիրը կապված է նախահաշվի հետ: Ի սկզբանե գումարի չափը 30 մլն էր, հետո նկուղի ծախսը հանել են, որ գումարն էլ կրճատվի: Այդ քննարկումն արդեն ավարտված է, վաղն էլ մրցույթը կհայտարարվի, մեկ ամսում այդ աշխատանքները պետք է արագ ավարտին հասցվի»,- ասաց Հովսեփյանը:

Հնարավոր շատ տարբերակներ, անգամ դպրոցը ժամանակավորապես այլ վայր տեղափոխվելու հարց է քննարկվել, սակայն հավանության չի արժանացել այդ տարբերակը եւս: Տնօրեն Շողիկ Ալեքսանյանը դիմում էր գրել եւ խնդրել, որ դասաժամերը կրճատվի, որովհետեւ շատ ցուրտ է: Սոֆիա Հովսեփյանն ասաց՝ այդ դիմումի հիման վրա իրենք էլ ԿԳՆ են դիմել, որ ժամանակավորապես Գյումրու թիվ 18 դպրոցում դասաժամերը 35 րոպե սահմանվեն՝ պայմանավորված ջեռուցման անհնարինության հետ, մինչեւ խնդիրը կարգավորվի:

Տպել
1486 դիտում

N17 հատուկ դպրոցի խորհուրդն այսօր չկարողացավ տնօրեն ընտրել. իսկ կարգը կխախտվի՞

Բքի և վատ տեսանելիության պատճառով Քուչակ-Ապարան հատվածը դժվարանցանելի է

Հայաստանը շարունակում է ջանքեր գործադրել խաղաղապահ կարողությունների զարգացման ուղղությամբ

Հայ ծնողների կողմից Ռուսաստանում լքված 3 ամսական փոքրիկը տեղափոխվեց Հայաստան (տեսանյութ)

Որ ընկերություններին եւ որ հանքերեւակումների համար է լիցենզիաներ տրամադրել Արամ Հարությունյանը

Գեղակերտ համայնքի ընտրված ղեկավարը մի քանի ամիս է՝ չի ստանձնում պաշտոնը․ պարտված գյուղապետը չի ուզում հեռանալ

Միացյալ Թագավորության կառավարությունն ակնկալում է համագործակցել ՀՀ նոր կառավարության հետ. Ալան Դանքն

ԱԱԾ–ում ընդունվել է 2019-ի պետական սահմանի պահպանության մասին որոշումը

ՀՀ ՊՆ պատվիրակությունը ՀԱՊԿ Միացյալ շտաբում աշխատանքային քննարկման է մասնակցում

Ստեփանծմինդա–Լարս ավտոճանապարհը փակ է տրանսպորտային բոլոր միջոցների համար

ՄԱԿ-ի «Ցեղասպանության հանցագործությունը կանխելու մասին» կոնվենցիային նվիրված միջոցառում Չեխիայում

Արսեն Ջուլֆալակյանն ԱԺ ընտրություններից հետո կմասնակցի ՀՀ գավաթի խաղարկությանը

Սոս Սարգսյանի թատրոնն առանց տնօրենի եւ գեղղեկավարի. Չալդրանյանն ազատման դիմում է ներկայացրել

Իրավական առումով անվիճարկելի համապետական ընտրությունների անցկացումն այլևս իրողություն է. «Ժառանգություն»

Դատարան է ներկայացել Հայկ Սարգսյանի դեմ ցուցմունք տված «Կենտրոնի Կյաժը». նիստերի դահլիճում է նաեւ Խաչատուրովի որդին

Հայտնի են ՀՀ-ում նոր կազմավորված զինվորական կոմիսարիատների եւ նրանց տեղակայման վայրերը

Վերջապես ՀՀ-ում ձևավորվում է լեգիտիմ իշխանություն․ Ջավախքի ՀԿ-ների հայտարարությունը

Բարձրացնել որակը եւ նվազեցնել ջրի կորուստները․ Ավինյանն ընդունեց «Վեոլիա»-ի ներկայացուցչին

Աշոցքում ձյունը չի դադարում

Սիրիայում նոր ռազմական գործողություն ենք սկսելու․ Էրդողան