Երևան
18 °C
searchclose
today
menuclose
Երևան
18 °C
2019-ին Գյումրիում որպես պիլոտային ներդրված ծրագիրն այսօր հաստատուն քայլերով հասել է Լոռի ու Տավուշ, հատել վերջնագիծն ու գաղափարականից անցում կատարել ձեռնարկատիրական բաղադրիչին։
Դիլիջանի կենտրոնական դպրոցում կայացավ «UPSHIFT Գավառ և Իջևան» դեռահասների զարգացման և համայնքային ներգրավվածության խթանման ծրագրի «UPSHIFT Իջևան»-ի ամփոփիչ միջոցառումը, որին ներկա էին ՀՀ-ում ԵՄ դեսպան Անդրեա Վիկտորինը, ՅՈՒՆԻՍԵՖ-ի հայաստանյան ներկայացուցիչ Քրիստինե Վայգանդը, ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը, մարզային և տեղական իշխանությունների, տեղի հասարակական կազմակերպությունների ներկայացուցիչներ և «UPSHIFT Իջևան» ծրագրին մասնակցած թիմերի անդամները։
«UPSHIFT Գավառ և Իջևան» դեռահասների զարգացման համայնքային ներգրավվածության ծրագիրը Եվրոպական միության աջակցությամբ իրականացնում է Գյումրու «Երիտասարդական նախաձեռնությունների կենտրոն» (ԵՆԿ) հկ-ն՝ ՅՈՒՆԻՍԵՖԻ հայաստանյան գրասենյակի հետ համատեղ:
Օրվա մեկնարկը տրվեց «UPSHIFT Իջևան» ծրագրի ընթացքն ու արդյունքներն ամփոփող ցուցահանդեսով, որի ընթացքում ներկաները հնարավորություն ստացան ոչ-ֆորմալ միջավայրում դիտել յուրաքանչյուր թիմի անցած ուղին և վերջնարդյունքը։
Ծրագրի մեկնարկն այս տարածաշրջանում տրվել է գարնանը, գաղափարներ ներկայացրած 10 թիմերից 5-ն է ընտրվել, ստացել համապատասխան ֆինանսավորումն ու մենթորների օգնությամբ լծվել գաղափարն իրականության վերածելու գործին։
Տավուշյան ծրագրերն ավելի շատ բնապահպանական ու զբոսաշրջային ուղղվածության են եղել։ Չի շրջանցվել նաև առողջ ապրելակերպը։
«Help in Map» թիմը Իջևանի բանուկ խաչմերուկներում ուղեցույցի դեր կատարող պաստառ-քարտեզներ է տեղադրել զբոսաշրջիկներին և քաղաքի հյուրերին հնարավորինս ներկայացնելով քաղաքի տեսարժան ու կարևոր վայրերը։ Բոլոր քարտեզներն ունեն QR կոդեր, որոնք տեղեկություն են տալիս տվյալ վայրի կամ կառույցի մասին։
Թիմերից մեկը Այգեհովիտ գյուղում 13-30 տարեկան 2000 երիտասարդի առողջ ապրելակերպի գաղափարով է տոգորել։ «Ճկուն մարզիկը դիմացկուն մարտիկ է» կարգախոսով համայնքում հիմնել են առաջին թենիսի և վոլեյբոլի մարզադաշտերը։
«Youngest room»-ը Սևաքար գյուղում հիմնել է «Երիտասարդական սենյակ», որը գյուղի ու հարակից բնակավայրերի 12-18 տարեկան 210 դեռահասի և երիտասարդի համար ժամանցային-կրթական և շփմանտարածք է դարձել։
«Ijevastronomy»-ն համադրել է աստղագիտությունը և տուրիզմը մեկ ընդհանուր գաղափարում։ Ստեղծվել է շարժական շարժական տաղավար իր մեթոդական ձեռնարկներով։ Այս կերպ փորձ է արվումզբոսաշրջիկների շրջանում բարձրացնել համայնքի գրավչությունը, մեծացնել այցելությունների հոսքերը։
«Կրթությունը՝ հասանելի և հաճելի» կարգախոսով 5-րդ թիմը ստեղծել է խաղ, որի միջոցով հնարավոր է դառնում Տավուշի պատմամշակութային հարստություններին ծանոթանալ, իմանալ գտնվելու վայրերն ու պատմությունները։
Թիմերի ամփոփիչ միջոցառմանը ներկա ԵՄ դեսպան Անդրեա Վիկտորինը տպավորված էր։ Մասնագիտությամբ ուսուցիչ դեսպանը մեկ ճշմարտություն ընդգծեց։ Ասաց՝ գիտելիքն ու կրթությունը տեղ հասցնելու բազմաթիվ մեթոդներ կան, բայց բոլորիս իմացած նախկին տարբերակներն արդեն գործուն չեն, անպիտան են։
Դեսպանն առավել կողմ է ոչ ֆորմալ կրթությանը։ Այն օգնում է զարգացնել գաղափարներ, բացահայտել նոր հորիզոններ, ստեղծել նոր հնարավորություններ։
«Նրանց թվերով ծանրաբեռնելը, տվյալներով զինելը, ստիպել դրանք անգիր անել՝ առանց մտածողության զարգացման, այլևս ակտուալ չեն։ Նմանատիպ ծրագրերը նաև հնարավորություն են ուրախանալու, հատկապես այս բարդ ժամանակահատվածում, երբ թվում է, թե ալևս ուրախանալն ու զվարճանալ չի թույլատրվում։ Ես ուզում եմ, որ Հայաստանը դեպի ապագան շարժվի կայուն հունով և այդ գործում ձեր մասնակցությունը շատ կարևոր է։ Դուք հենց այն սերունդն եք, որը կարող է ծնողներին նոր դաս տալ։
Շատ ոգևորված եմ, մի դադարեք, շարունակեք աշխատել ու ստեղծել, համոզեք մեզ, որ դուք շատ ավելին կարող եք»,-ասաց դեսպանը։
ՅՈՒՆԻՍԵՖ-ի հայաստանյան ներկայացուցիչ Քրիստինե Վայգանդն ասաց, ուրախ է աշխատանքային շաբաթը Տավուշում ավարտելու և երիտասարդների գաղափարներին ծանոթանալու համար։
Ինչ է «UPSHIFT»-ը ՅՈՒՆԻՍԵՖ-ի համար, և ինչո՞ւ է կարևոր։
««UPSHIFT»-ը մտնում է ՅՈՒՆԻՍԵՖ-ի նպատակադրվածության մեջ՝ ՀՀ-ում կրթության ոլորտում աշխատելու իմաստով։ Փորձում ենք երիտասարդների համար այլ հնարավորություններ ստեղծել, որպեսզի դպրոցից դուրս ինքնակրթվելու հնարավորություն ունենան։ Սա ««UPSHIFT»-ի գաղափարն է․ սովորել հմություններ, որոնք դպրոցից դուրս ձեզ կյանքում պետք են գալու»,-մանրամասնեց Վայգանդը։
Ծրագիրը մեծ մտավախությամբ են մեկնարկել։ ԵՆԿ հկ խորհրդի նախագահ Արթուր Նաջարյանը «Հայկական ժամանակ»-ի հետ զրույցում անկեղծանում է. համավարակը, դրան հաջորդած 44-օրյա պատերազմը իրենց հետքը թողել էին երիտասարդների վրա։ Շատերի մոտ հիասթափություն ու անվստահություն կար։ Նաև իրենք են թիրախավորվել այդ իրավիճակում նմանատիպ ծրագրերի իրականացման համար։
«Ասում են՝ երկիրը ելել, տեղից գնում է, դուք «UPSHIFT», երիտասարդներ կամ համայնքային կյանք, զարգացում։ Բայց մենք չենք ընկրկել և հավատում ենք, որ առավել քան հիմա, առավել քան այս օրերին պետք է համայնքներում, մարզերում իրականացվեն այսպիսի ծրագրեր։
Նախ, սա հնարավորություն է տալիս, որ երիտասարդը շեղվի և իր տարիքային առանձնահատկություններին բնորոշ գործողություններով զբաղվի, և հետո, այն մեզ համար առաջընթացի, զարգացման հիմնական հենասյուն էր։ Հատկապես, երբ ծրագրի ընթացքում հեռախոսազանգ ստացանք մասնակիցներց մեկի ծնողից, ով ասաց շնորհակալ է մեզնից, իր աղջիկը նորից սկսել է երազել, երազել իրավաբան դառնալու մասին, քանի որ վերջին իրադարձություններով պայմանավորված՝ մտածում էր, որ իր երազանքն այլևս իրականություն չի դառնա։
Նմանատիպ երազանքների և երազելու հնարավորության հիմնասյուն դառնում է UPSHIFT-ն ու UPSHIFT-ի նման ծրագրերը, որոնք մենք իրականացնում ենք մարզերում՝ տարբեր գյուղական և քաղաքային համայնքներում, որի շրջանակներում հնարավորություն են ունենում նախևառաջ ձեռք բերել 21-րդ դարի համապատասխան և այս ժամանակահատվածում անհրաժեշտ կարողություններ, և իրենց համայնքի համար թև և թիկունք դառնալ, բողոքող քաղաքացուց դառնալ նախաձեռնող, խնդիրներ բարձրացնող, բայց դրանց լուծման ուղիները ևս մատնանշող պատանիներ»,-ասաց Արթուր Նաջարյանը։
Ըստ ԿԳՄՍ նախարարի տեղակալ Արթուր Մարտիրոսյանի, իրականացվող ծրագիրը մարզային գործընկերության հիանալի օրինակ է։
«Շատ կարևոր է, որ այս ծրագիրն իրականացվում է մարզերում: Պետական երիտասարդական քաղաքականության տեսանկյունից առաջնահերթ են հենց մարզաբնակ երիտասարդների կարողությունների զարգացումը, նրանց համար համապատասխան միջավայրի ձևավորումը: Այս ծրագրի շնորհիվ մեր դեռահասներն ու երիտասարդները լրացնում են ֆորմալ կրթության միջոցով ստացած գիտելիքների պաշարը՝ ձեռք բերելով նոր հմտություններ, որոնք, վստահ եմ, առաջիկայում կծառայեցնեն իրենց համայնքի կյանքի որակի բարելավմանը, նորարար գաղափարների գեներացմանը և կյանքի կոչմանը»,-ասաց Մարտիրոսյանը:
Ասելիք ունեն նաև համայնքապետերը։ Նրանց խոսքը բառացի Նաջարյանը փոխանցեց ԵՄ ներկայացուցիչներին և մյուս հյուրերին։
«Համայնքապետներից մեկը մեզ տեղեկացրեց, որ ցանկացած խնդիր, որ բարձրացնում են պատանիները, չենք կարող ասել «нет», բայց էդ «нет»-ը, օրինակ, ասում ենք ավագանու անդամներին։ Այսինքն, այսօրվա 12 տարեկան երիտասարդը գիտակցում է, որ իր երկրի զարգացումը կախված է հենց իրենից։ Երկրի, իր համայնքի տերը ինքն է»։
Նաև մեկ կարևոր եզրահանգում․ նախկինում շատ համայնքային, գյուղական տիրույթների սահմաններում է եղել երիտասարդների մտածողությունը, այսօր արդեն նրանք սկսել է մոլորակի չափ մտածել, մտքերն ու գաղափարները դարձել են տարածաշրջանային, ավելի աշխարհաքաղաքական, կառուցողական Սա, ըստ Արթուր Նաջարյանի, խոսում է այն մասին, որ երիտասարդները կարողանում են հաղթահարել այսօրվա մարտահրավերները։
«Ինձ հետ դու-ով չխոսեք». իրավիճակը ԱԺ-ում թեժացավ. Արշակյանը Արծվիկ Մինասյանին զրկեց ձայնի իրավունքից, նա լքեց դահլիճը
Ինչո՞ւ եք ահաբեկում կիրանցիներին, անբարոյականի պես գալիս, անընդհատ ստեր եք հորինում. Հովհաննիսյանը՝ ընդդիմադիրներին
«Վերջին դաս» միջոցառումը կազմակերպելիս բացառել դրամահավաքը. ԿԳՄՍՆ-ն շրջաբերականներ է ուղարկել
ՏԿԵ նախարարը Արմավիրի մարզում հետևել է ճանապարհաշինական աշխատանքների ընթացքին
Տպավորություն է՝ դիմապակիների դեմ պատերազմ եք սկսել, պետք չէ մեքենաներ կոտրել․ Արշակյանը՝ ԵԿՄ «ՈՒԱԶ»-ը վնասելու մասին
545 հարկ վճարող չի ապահովել անկանխիկ վճարման ընդունման հնարավորություն․ ՊԵԿ
Հայտնաբերվել է թմրամիջոցների շրջանառության մեղադրանքով շուրջ 10 ամիս հետախուզվող տղամարդը
Վրաստանի վարչապետը Վաշինգտոնի պահանջների պատճառով հրաժարվել է ԱՄՆ այցից
Սամվել Ղուկասյանը նոր պաշտոն ունի
Կենտրոն վարչական շրջանը նոր ղեկավար ունի
Կասեցվել է «Ֆիշեռ» ՍՊԸ-ի ձկնամթերքի արտադրամասի գործունեությունը. ՍԱՏՄ
Երևանի Արցախի պողոտայում պայթյուն է տեղի ունեցել ընթացքի մեջ գտնվող «Մերսեդես»-ում. կան վիրավորներ
Հնդկաստանի քաղաքացիների կողմից խուլիգանության, նրանցից մեկի սպանության վարույթով կալանավորվել են վերջինիս հայրենակիցները
«Մամուլի ազատության ինդեքս 2024» զեկույցում Հայաստանը բարելավել է դիրքը. որ հորիզոնականում են հարևան երկրները
Ռուսական զորքերը Նիգերում տեղակայված են նույն բազայում, ինչ ամերիկյանը. Պենտագոն
Միացյալ Նահանգները Հայաստանի կողքին է իր ինքնիշխանության ամրապնդման գործում. Մայքլ Քարփենթերը՝ ՀՀ ԱԺ պատգամավորներին
Խնդրահարույց է լրագրողների թիրախավորման, նրանց մասնագիտական գործունեությունը խոչընդոտելու դեպքերի առկայությունը. ՄԻՊ
Թբիլիսիում անհայտ անձինք հարձակվել են ցուցարարների վրա, ծեծել նրանց (տեսանյութ)
Մեքենան հայտնվել է «Գազպրոմ»-ի փորած փոսում
Երևանի և 3 մարզի որոշ հասցեներում մի քանի ժամ լույս չի լինի
Զովունիում երկհարկանի շինության առաջին հարկում հրդեհ է բռնկվել
Կիպրոսը ողջունել է Երևանի և Բաքվի միջև սահմանազատման վերաբերյալ պայմանավորվածությունը
Մեքենան դուրս է եկել Երևան-Գյումրի ճանապարհի երթևեկելի հատվածից ու շրջվել. կան տուժածներ
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ ինչ է քննարկվել
Զինված ավազակային հարձակում Երևանում․ թալանել են կնոջը և դիմել փախուստի, դեպքի վայրում հայտնաբերվել է մարտական ատրճանակ
Մարտի 1-ի գործը ավարտված չէ, նոր փամփուշտներ կան, որոնք ուղարկված են փորձաքննության․ Վարդապետյան
Հնարավոր չէ «սրբազան»-ի տիտղոսի հետևում անվանարկել քաղաքական հակառակորդին՝ ակնկալելով պատասխան Նոր Կտակարանից․ Առաքելյան
Վաշինգտոնում հայ պատգամավորները ներկայացրել են Հայաստան-Ադրբեջան խաղաղության գործընթացը
Վարդահովիտում գետի վարարման հետևանքով քաղաքացիները չեն կարողացել անցնել մյուս ափը (տեսանյութ)
Ալիևը արդարանում է Պուտինի առջև. ինչու է Ադրբեջանի նախագահը անընդհատ խոսում միջնորդներ չլինելու մասին
Աննա Հակոբյանի նախաձեռնությամբ Գյումրու «Երեխաների տուն» մանկատան սաներն այցելել են Կենդանաբանական այգի (տեսանյութ)
ԱՄՆ-ի կողմից սահմանված պատժամիջոցների ցուցակում ներառվել են նաև Թուրքիան և Ադրբեջանը
15 նոր տրոլեյբուս և 171 նոր ավտոբուս․ Երևանի տրանսպորտային հավաքակայանը կհամալրվի (տեսանյութ)
Հայտնի է ընդունելության միասնական քննությունների 2-րդ փուլի հայտագրման վերջնաժամկետը․ հնարավոր է կիրառվեն մետաղորսիչներ
Տավուշի թեմի առաջնորդի գործառույթը աղոթելն է, ոչ թե ասֆալտին նստելը կամ պառկելը, ՀՀ-ի վրա հարձակում հրահրելը. Սուքիասյան
Բախվել են թիվ 18 երթուղին սպասարկող «Ժոնգ Տոնգ» և թիվ 1 երթուղին սպասարկող «ՄԱՆ» մակնիշի ավտոբուսները․ կա վիրավոր
Դուք չեք պատկերացնի՝ մեզ ինչքան էր պետք․ Գագիկ Սուրենյանը նոր գրառում է արել
Մարզային փրկարարական վարչությունների ղեկավարներին կարգադրվել է մարտական հաշվարկում ընդգրկել նաև ամենագնացները
Թուրքիան դադարեցրել է առևտրային հարաբերություններն Իսրայելի հետ
ՀՀ-Ադրբեջան սահմանազատման հանձնաժողովների վերջին պայմանավորվածությունն առաջընթաց է խաղաղության օրակարգում․ Բայրամով
