Կարեն Կարապետյանի վերահսկողական ծառայությունը խստացրել է ստուգումները

Խաղողի մթերման գործընթացը հանրապետությունում բնականոն հունով ընթանում է, արդեն 48 հազար տոննա խաղող է մթերվել: Այս մասին Armtimes.com-ի հետ զրույցում ասաց ՀՀ գյուղատնտեսության փոխնախարար Ռոբերտ Մակարյանը՝ նշելով, որ այս տարի նախնական կանխատեսումներով ակնկալվում է 180 հազար տոննայի սահմաններում խաղողի մթերում: Կանխատեսումն արվել է մարզպետարանների տրամադրած օպերատիվ տեղեկատվության համաձայն, բայց ժամանակը ցույց կտա, թե փաստացի քանի տոննա կմթերվի:

Փոխնախարարի խոսքով`այժմ մթերվում է Արարատի, Արմավիրի եւ Արագածոտնի մարզի բերքը, իսկ Վայոց ձորի մարզում մթերումը կսկսվի հոկտեմբերի 10-ից: Հիմնական գնորդներն են՝ Երեւանի կոնյակի գործարանը, Երեւանի Արարատ կոնյակի գինու կոմբինատը, Արարատի գինու գործարանը, Սապկոն ընկերությունը, Արմենիա Վայն ընկերությունը, Իջեւանի գինու գործարանը: Կան գործարանները, որ դեռ չեն սկսել մթերումներ:

Արտահանման մասով նախարարությունը թվական տվյալները դեռ չի ամփոփվել, սակայն Ռոբերտ Մակարյանը վստահեցրեց, որ արտաահանումը եւս նորմալ գործընթացի մեջ է: «Սեղանի սորտերն արտահանվում են: Կան նաեւ այնպիսի տեսակներ, որոնք նախկինում չէին արտահանվում, իսկ այս տարի արտահանվում են: Խոսքը Վան սորտի մասին է»,- ասաց նա:

Հարցին, թե նախարարությունում ի՞նչ աշխատանքներ է այժմ կատարվում վարչապետ Կարեն Կարապետյանի՝ մթերման գործընթացի վերաբերյալ տրված հանձնարարականի ուղղությամբ, նա պատասխանեց. «Արդեն հանձնարարակներ տրվել է նախարարի կողմից համապատասխան վարչություններին համակարգման եւ մթերման գործընթացի խնդիրները համակարգային լուծելու ծրագիր ներկայացնելու առումով: Բավականին լայնածավալ աշխատանք է ենթադրում, որն առաջիկայում կներկայացնենք»:

Ռոբերտ Մակարյանն արձագանքելով մեր այն տեղեկություններին, որ մինչ այժմ վերամշակող ընկերությունները մթերման ծավալների կեղծ տվյալներ էին ներկայացնում նախարարությանը, որն էլ այն փոխանցում էր կառավարությանը, թե իբր սահմանված ծավալի մթերում է եղել, մինչդեռ վերամշակողները սպիրտ էին գնում, ասաց. «Գործարաններից մենք ստանում ենք ինֆորմացիան հարցման համաձայն: Գործարանները ներկայացնում են իրենց մթերած խաղողի քանակը, բայց նախորդ տարվանից մենք վարչապետի հանձնարարությամբ բոլոր գործարաններում ներկայացուցիչներ ունենք, որպեսզի նրանք ե՛ւ հետեւեն մթերման գործընթացին, ե՛ւ ծավալները ճշգրիտ ներկայացվեն: Նաեւ այդ հարցը գտնվում է վարչապետի վերահսկողական ծառայության ուշադրության կենտրոնում»:

Ճշտող հարցին՝ նո՞ր վարչապետի վերահսկողական ծառայության ուշադրության կենտրոնում է, թե՞ նախկին, նա պատասխանեց. «Նախորդ տարի էլ կար այդ վերահսկողությունը, բայց այս տարի ավելի է խստացվել»:

Անդրադառնալով Արարատի մարզի Երասխի գինու գործարանի խնդրին, փոխնախարարն ասաց, որ գործարանը շարունակում է մթերման գործընթացը: Գործարանը դիմել է վարկավորման համար եւ այժմ ուսումնասիրություն է կատարվում: Վայոց ձորի Աղավնաձոր գյուղի խնդրի մասին խոսելիս էլ նա ասաց, որ վաղն աշխատանքային այցով Վայոց ձորում կլինի գյուղատնտեսության նախարար Իգնատի Առաքելյանը, որպեսզի նախ եւ առաջ հանդիպի խաղողագործներին ե՛ւ պարտքերի, ե՛ւ առաջիկա մթերման խնդիրները կարգավորելու նպատակով:

Տպել
17538 դիտում

ՀՀ ֆուտբոլի հավաքականի խաղերի ամենաէժան տոմսերը կլինեն 1000 դրամ

Վանեցյանը անձնական միջոցներ չունի, որ ներդնի ֆուտբոլում, բայց կարծում է՝ կարիքը չի էլ լինի

Հայրապետյանը չէր եկել ժողովին, որում Վանեցյանը ընտրվեց ՀՖՖ նախագահ

Նիկողոսյանը եւ Մելիքբեկյանը՝ ՀՖՖ փոխնախագահներ

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

Արարատ Միրզոյանը Գյումրու թիվ 40 դպրոցի տնօրեն է նշանակել Մարմաշենի դպրոցի ուսուցչին

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել