Որեւէ ներկրող դեռ վարչապետին չի զանգահարել. կհրապարակվեն խորհրդականների հեռախոսահամարները

ՀՀ վարչապետ Կարեն Կարապետյանի՝ հոկտեմբերի 22-ին արած հայտարարությունից հետո դեռ որեւէ ներկրող կապ չի հաստատել նրա հետ ներմուծման խոչընդոտների հանդիպելու պատճառաբանությամբ:

Միակ ահազանգը եղել է Armtimes.com-ի՝ «Գործարարին թույլ չեն տվել 100 տոննա դիզվառելիք ներկրի. ահազանգ վարչապետին» վերտառությամբ հոդվածը: Այս մասին մեր զրույցում ասաց Կարեն Կարապետյանի խորհրդական Շուշան Սարդարյանը:

Հիշեցնենք, որ Կարեն Կարապետյանն իր հարցազրույցում ասել էր, որ առանց որևէ խնդրի, ցանկացած բան կարելի է այսօրվանից (22.10.2016թ.) ներկրել Հայաստան եւ ընդգծել էր. «Երբ իմանաք, որ նման խոչընդոտ կա՝ անձամբ ինձ զանգահարում եք»:

«Մենք առաջիկա օրերին կհրապարակենք վարչապետին կից խորհրդականների եւ օգնականների ցանկը, կոնկրետ ոլորտների պատասխանատվությամբ եւ կոնկրետ կոնտակտային համարներով եւ էլեկտրոնային հասցեներով, որտեղ ըստ ոլորտների, ովքեր խնդիրներ կարող են ունենալ, անմիջապես կկարողանան զանգահարել օգնականների եւ խորհրդականներին»,- ասաց Շուշան Սարդարյանը՝ նշելով, որ առաջին հրապարակում-ահազանգը եղել է Armtimes.com-ի կողմից:

Անդրադառնալով դիզվառելիքի ներմուծման ժամանակ խոչընդոտների հանդիպած գործարարի ահազանգին, վարչապետի խորհրդականն ասաց, որ կառավարությունից կապ են հաստատել նրա հետ, պարզել են, որ խնդիրը ոչ թե կառավարությանն առընթեր պետեկամուտների կոմիտեի տիրույթում է, այլ ներդրումների եւ զարգացման նախարարության Ստանդարտների ազգային ինստիտուտի սահմանած տեխնիկական կանոնակարգերին չի համապատասխանել ներկրվող վառելիքը:

«Այսինքն՝ վառելիքը չի համապատասխանում սահմանված նորմերին: Բնականաբար, որպես մամուլի հրապարկում ես հետաքրքրվել եմ ՊԵԿ-ց, ինձ փոխանցել են եւ ենթադրում եմ, որ ինֆորմացիան իրենց մոտ լիարժեք էր, որ խնդիրը զուտ ստանդարտացման հետ է կապված»,- ասաց Շուշան Սարդարյանը: Հարցին՝ խնդրի լուծումը կանխորոշվո՞ւմ է, նա առաջարկեց նախ դիմել ահազանգած տնտեսվարողին եւ ստանդարտացում իրականացնող կառույցին:

Շուշան Սարդարյանը նկատեց, որ վարչապետը, երբ ասում է, որ դաշտը բաց է ներկրման համար, միեւնույն ժամանակ պետք է հասկանալ, որ հաշվի պետք է առնվի սահմանված ստանդարտները: «Եթե չի համապատասխանում տվյալ ապրանքը, կոնկրետ այս դեպքում դիզվառելիքը ստանդարտներին, ապա ունենք վերապահում»,- նշեց նա:

Տպել
2892 դիտում

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին

Ստորագրվեց Երևանում նոր ՋԷԿ-ի կառուցման համաձայնագիրը. ծրագրի արժեքը 250 մլն դոլար է

Եղել եմ ՀՀԿ անդամ, բայց 2011 թ-ից զբաղվում եմ միայն թատրոնի աշխատանքով. Կիրակոսյանն իր զգուշացման մասին

Անվանի մարզիկները հիշում են Յուրի Վարդանյանի հետ շփումը, խորհուրդները դրական էներգիան