Երևան
25 °C
Եթե մինչեւ այժմ քաղաքական դաշտում քննարկվում էր հարցը, թե Գագիկ Ծառուկյանը կվերադառնա՞ ակտիվ քաղաքականություն, ապա նախօրեին 2015թ. փակված էջը բացելու վերաբերյալ նրա հայտարարությունից հետո շեշտադրումը փոխվել է:
Հիմա արդեն առաջին պլան է մղվում հարցը՝ արդյոք Գ. Ծառուկյանը կրկին իշխանական ծրագի՞ր է իրականացնում, ինչպես արեց 2006-2007թթ., թե՞ այս անգամ ազնիվ ընդդիմադիր նկրտումներ ունի: Արդյոք նրան իշխանություննե՞րն են խաղի մեջ մտցնում, որպեսզի կրկին ընդդիմադիր էլեկտորատի ձայները տանի եւ իրական ընդդիմությանը խանգարի լայն ընդգրկվածություն ունենալ ԱԺ-ում, թե՞ այս անգամ նա, իսկապես, ընդդիմադիր դաշինք է գլխավորելու:
Իրական ընդդիմություն լինելու հարցը պարզելը նախընտրական շրջանում բարդ է, բայց անհնարին չէ: Իհարկե, այս դեպքում նույնպես նա կփորձի իր քարոզարշավին այնպիսի տոնայնություն տալ, այնպես քննադատել իշխանություններին, որ ընտրողների մեջ վերանա կեղծ ընդդիմություն լինելու կասկածը: Բայց եթե նա ընդդիմադիր ընտրազանգվածին մոլորեցնելու նպատակ ունի, ապա այդ կեղծիքն ինչ-որ պահի կբացահայտվի: Իսկ եթե Ծառուկյանն, իսկապես, ընդդիմադիր է, նա անպայման պետք է իշխանափոխության գնա, ամեն ինչ անի, որ գործող իշխանությունն ապրիլյան ընտրություններին չկարողանա հաղթել: Բայց եթե նա կրկին իմիտացիոն ընդդիմադիր գործունեություն վարի եւ փոշիացնի ընդդիմության ձայները, ապա դա գոնե քաղաքական ուժերի համար ակնհայտ կդառնա նաեւ նախընտրական շրջանում: Եվ ակնհայտ կդառնա նաեւ Ծառուկյանի հետ լայն դաշինքի գնացող ուժերի իրական ընդդիմություն լինել-չլինելու հարցը:
Ամեն դեպքում որ ուժերը կամ միգուցե դաշինքները կհամագործակցեն Ծառուկյանի կողմից ձեւավորվող դաշինքին եւ ընդդիմադիր միավորում կդառնան: Քաղաքականություն վերադառնալու վերաբերյալ նրա հայտարարությունից հետո համագործակցության համաձայնագիր ստորագրեցին նաեւ Վարդան Օսկանյանի գլխավորած «Համախմբում», Վիկտոր Դալլաքյանի «Երրորդ հանրապետություն» եւ Արամ Գ. Սարգսյանի Հայաստանի դեմոկրատական կուսակցությունները: Արդեն իսկ ակնհայտ է, որ այս դաշինքն էլ կգլխավորի պաշտպանության նախկին նախարար Սեյրան Օհանյանը:
Իրական ընդդիմության առաքելությունն իրականացնելու եւ իշխանափոխության գնալու համար կհամագործակցե՞ն արդյոք Օհանյանի եւ Ծառուկյանի գլխավորած դաշինքները: Կամ ընդհանրապես Օհանյանին սատարող կուսակցությունները հնարավոր համարո՞ւմ են Ծառուկյանի դաշինքի հետ համագործակցությունը: Վ. Դալաքյանը մեր հարցմանն ի պատասխան ասել է, որ ողջունում է Գ. Ծառուկյանի վերադարձը քաղաքականություն, եւ որ այն ժողովրդի կողմից պահանջված էր: «Կարծում եմ, Ծառուկյանը մեր ժողովրդի եւ մեր պետության համար լուրջ անելիքներ ունի: Ինչ վերաբերում է այն հարցադրմանը, թե «Երրորդ հանրապետություն» կուսակցությունը կհամագործակցի՞ Ծառուկյանի հետ, ապա ես մշտապես հայտարարել եմ, նաեւ մեր համագումարի ընդունած բանաձեւում է արձանագրված, որ Հայաստանի առջեւ ծառացած հիմնախնդիրները եւ լրջագույն մարտահրավերները հնարավոր է լուծել միայն քաղաքական ուժերի, հասարակական միավորումների համախմբման եւ կոնսոլիդացիայի արդյունքում: Ուստի մենք կողմնակից ենք մեր երկրի առջեւ կանգնած հիմնախնդիրները լուծել միասնաբար: Իմ կարծիքով, մենք Ծառուկյանի հետ համագործակցելու մեծ հնարավորություններ ունենք, միաժամանակ այդ հարցը կքննարկենք կուսակցության վարչությունում եւ կընդունենք համապատասխան վերջնական որոշում: Այդ հարցը քննարկելու ենք նաեւ մեր դաշնակից կուսակցությունների հետ»,- ասում է Դալլաքյանը:
Դաշնակիցներից Ա. Գ. Սարգսյանը մեզ հետ զրույցում նույնպես չբացառեց Ծառուկյանի հետ նախընտրական համագործակցությունը: «Եթե տեսնենք, որ նպատակները, ծրագրերը համընկնում են, չեմ բացառում համագործակցելը: Պետք է հասկանալ՝ համակարգ փոխելու նպատակ ունե՞ն, թե ոչ: Դա է գլխավոր հարցը»,- ասաց նա:
Ս. Օհանյանը դեռեւս ձեւավորված գրասենյակ չունի, որտեղից հնարավոր լինի պարզաբանում ստանալ: Փորձեցինք նրան սատարող «Միացյալ Հայաստան» շարժման խորհրդի անդամ Ազատ Արշակյանից պարզել, թե արդյոք իրենք հանդիպե՞լ են Գ. Ծառուկյանի հետ եւ քննարկե՞լ են նախընտրական համագործակցությանը վերաբերող հարցեր: Հիշեցնենք, որ այս շարժման ղեկավարն է Արթուր Ալեքսանյանը՝ Ամարասի Արթուրը: «Ծառուկյանի հետ չենք հանդիպել, գուցե Արթուր Ալեքսանյանը հանդիպել է: Բայց նա բավականին թափանցիկ է աշխատում, մենք տեղյակ կլինեինք, եթե հանդիպած լինեին: Կարծում եմ՝ հանդիպում չի եղել»,- ասաց Ա. Արշակյանը:
Այնուամենայնիվ նա հույս հայտնեց, որ Ս. Օհանյանի շուրջ ձեւավորվող դաշինքը կմեծանա մինչեւ ընտրություններին մասնակցելու վերաբերյալ փաստաթղթեր ներկայացնելու վերջնաժամկետը: Իսկ ինչ վերաբերում է Գ. Ծառուկյանի հետ համագործակցելուն, ապա նա անգամ կանխատեսեց, որ կարող է դաշինքների միություն ստեղծվի: «Նրանք, ովքեր իսկապես ուզում են բարեփոխումներ անել, այս քրեաօլիգարխիկ համակարգը հեռացնել իշխանությունից, եւ Հայաստանի քաղաքական կյանքն իսկապես քաղաքականանա, պետք է միավորվեն, համադաշինք ստեղծեն: Իսկ հետընտրական փուլում կարող են ավելի ազատ լինեն»,- ասաց Արշակյանը:
Իսկ արդյոք Ծառուկյանը համակարգի կամ իշխանության փոփոխությա՞ն է գնալու: Համենայնդեպս նախօրեին արված նրա հայտարարության մեջ նման պահանջ չկար: Նա ընդամենն ասում է, որ նկատի ունենալով մեր երկրի առջեւ ծառացած ներքին եւ արտաքին մարտահրավերները, ինչպես նաեւ իր՝ քաղաքականություն վերադառնալու հանրային պահանջը, բացում է քաղաքական գործունեության փակված էջը եւ մասնակցելու է 2017թ. խորհրդարանական ընտրություններին՝ ձեւավորելով լայն դաշինք: «Մենք կարող ենք, մենք ունենք այդ ներքին մեծ ներուժը՝ մեր երկրի զարգացման եւ հզորացման համար: Ես իմ ժողովրդի առջեւ պարտք ունեմ կատարելու: Կյանքիս այս կարեւոր որոշումը իմ խաչն է, որը կրելու եմ մինչեւ վերջ՝ հանուն Հայաստանի եւ հայ ժողովրդի»,- ընդամենը հայտարարում է նա:
Իհարկե, առերեւույթ իշխանափոխության պահանջ չդնելը միգուցե Գագիկ Ծառուկյանի կողմից առայժմ զգուշավորության պահանջ է, բայց դա այդպիսին չի կարող լինել արդեն քարոզարշավի ժամանակ: Այդպիսով, իրական ընդդիմություն լինել-չլինելու դիլեման կբացահայտվի նրա հետագա քայլերի ու հայտարարությունների արդյունքում, ինչպես նաեւ նրա գործունեության նկատմամբ իշխանությունների մեղմ կամ կոշտ վերաբերմունքով:
Կեղծ են տեղեկությունները, թե հիվանդանոցներում պետպատվերով բուժումները կասեցվել են. ԱՆ
«Արմավիր» ՔԿՀ-ում խցերից բջջային հեռախոսներ, տարատեսակ պարագաներ և արգելված այլ իրեր են հայտնաբերվել
Ահազանգը չի համապատասխանել իրականությանը. ՆԳՆ-ն՝ Սլավոնական համալսարանում ահաբեկչական սպառնալիքի մասին
Դեպի Ռուսաստան տանող Վերին Լարսի անցակետը փակվել է բեռնատարների համար
Վեճի ժամանակ սպանել է տարեց տղամարդուն, դիակը այրել և թաղել իր այգում. գտել են անհետ կորած տղամարդու մարմինը
Վարչապետը կարևորել է Հայաստանի և Գերմանիայի միջև համագործակցության շարունակական զարգացումը
Նաիրա Պետրոսյանը որոնվում է որպես անհետ կորած
Հայտնի է՝ երբ այս տարի կնշվի Վարդավառը
Սուրեն Շահվերդյանը դիմել է ոստիկանություն՝ հայտնելով, որ «Պոնչ»-ն իրեն սպառնում է, մեղադրում թրաֆիքինգի համար
Տեսա՞ք` ձուկը ոնց էին վաճառում, սաղ ազգն էսօր զինվոր ունի, բոլորս դուրս գանք փողոցում առևտուր անե՞նք. Գյուրզադյան
Ամբողջությամբ ապատեղեկատվություն է. Պետդեպը՝ Բրյուսելում ՀՀ-ի հետ ռազմական փաստաթուղթ ստորագրելու պնդումների մասին
«Սասուն Միքաելյանին զանգե՞մ, իմ մոտիկ ընկերն է», «Ում ուզում ես՝ զանգի». առևտրական ու պաշտոնյա
Ադրբեջանը հիմնահատակ քանդել է Շուշիի Կանաչ ժամ եկեղեցին՝ խախտելով ՄԱԿ-ի Արդարադատության դատարանի որոշումը
Նոր նշանակում ՀՀ քննչական կոմիտեում
Արուսյակ Մանավազյանը և Տաթևիկ Գասպարյանը մասնակցել են ԱՄՀ և ՀԲ խմբի խորհրդարանական համաշխարհային ֆորումին (լուսանկարներ)
Մարտին բնապահպանական խախտումների համար կասեցվել է 13 տնտեսվարող սուբյեկտի գործունեություն
Երևանի քաղաքապետարանը աշխատանք է առաջարկում փողոցային առևտրով զբաղվողներին. մայթերից հավաքվում է վաճառվող ապրանքը
Ողբերգական դեպք Երևանում. հայտնաբերվել է տղամարդու մարմին
Փոխվարչապետ Մհեր Գրիգորյանն ազատել է իր օգնականին և նշանակել խորհրդական
Սլավոնական համալսարանում ահաբեկչական սպառնալիքի մասին ահազանգ է ստացվել
Վճարված հարկի յուրաքանչյուր դրամը բումերանգի էֆեկտով վերադառնում է հարկ վճարողներին. ՊԵԿ նախագահի ուղերձը
Հայաստանում մի շարք ծառայություններ ամբողջ բնակչության համար պետպատվերով են. ԱՆ-ն հայտնել է՝ որոնք են դրանք
1 օրում ՀՀ ճանապարհներին տեղի է ունեցել 7 պատահար. 1 մարդ զոհվել է, 10-ը՝ վնասվածք ստացել
Ստավրոպոլի մարզում ռուսական ռազմական ինքնաթիռ է կործանվել, անձնակազմի մեկ անդամը կորել է (տեսանյութ)
Անհրաժեշտ է երաշխավորել կանանց և տղամարդկանց իրավահավասարությունը. ՄԻՊ
7-10 ժամ գազ չի լինի Երևանի, Վանաձորի, Գյումրիի և Օձունի որոշ հասցեներում
Հայաստանին է վերադարձվել Աղավնաձոր բնակավայրին հարող՝ ընդհանուր 1 հա մակերեսով հողամասը. դատախազություն
Մանկապարտեզներում երկարօրյա խմբեր կգործեն նույնիսկ մեկ երեխայի համար (տեսանյութ)
Ղազախստանում բեռնատար գնացքը դուրս է եկել ռելսերից
Մի քանի ժամով կհոսանքազրկվեն Երևանի և 7 մարզի բազմաթիվ հասցեներ
Վրաերթ Երևանում. հետիոտնը տեղում մահացել է
«Լիվերպուլը» հաղթել է «Ատալանտային», սակայն՝ դուրս մնացել Եվրոպայի լիգայից
Լոռու մարզում պահեստ է հրդեհվել
Իսրայելը հրթիռային հարվածներ է հասցրել Իրանին. ինչ է հայտնի
«Օպել»-ը բախվել է մայթեզրին ու գլխիվայր շրջվել. ուղևորները տեղափոխվել են հիվանդանոց
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
© 2024 Հայկական ժամանակ