Եթե այսօրվա Հայաստանը դա է, իմ հանրապետակա՛ն ախպերներ, բա ի՞նչն եք ուզում փոխել. Սարգսյան

Հետեւելով Հանրապետական թեւին եւ նրան կից, նրան սպասարկող կուսակցությունների քարոզարշավին, հետեւություն ես անում, որ այդ մարդիկ այս երկրում չեն ապրում։ «Ելք» դաշինքի հանրահավաքի ընթացքում հայտարարեց դաշինքի համամասնական ցուցակի երկրորդ տեղը զբաղեցնող, Հանրապետություն կուսակցության քաղխորհրդի նախագահ Արամ Սարգսյանը։

«Նրանք տեսահոլովակ են ստեղծել, որտեղ իրենց վարչապետին տվել են թմբուկ նվագել, որում ներգրավել են երիտասարդների, որոնք հագնված են մոդայի վերջին խոսքով, Լոնդոնի ոսկե երիտասարդության փարթիի ամենաբարձր դրսեւորումներով ու ուզում են մեզ ասել, որ իրենց այսօրվա Հայաստանը դա է։ Եթե այսօրվա Հայաստանը դա է, իմ հանրապետակա՛ն ախպերներ, բա էլ ի՞նչն եք ուզում փոխել։ Այս դեպքում ամբողջ աշխարհը պիտի գա, այդ Հայաստանից բան սովորի, տեսնի, թե մենք որքան բարեկեցիկ ենք ապրում։ Ախր, ձեր պատկերած Հայաստանն այնքան հեռու է այսօրվա գոյություն ունեցող Հայաստանից, որքան ՀԱԿ ու ՀԺԿ լիդերներ Լեւոն Տեր-Պետրոսյանի եւ Ստեփան Դեմիրճյանի այսօրվա նկարները՝ իրենց իրական պատկերներից։ Թող ինձ ներեն իմ նախկին գործընկերներն այս չարաճճի կատակի համար, բայց նաեւ իրենց լավը կամենալով եմ ասում։ Լավություն չեն արել, որ դա են տեղադրել»,- ասաց Արամ Սարգսյանը։

Նա անդրադարձավ Gallup ընկերության կողմից արված հարցումների արդյունքներին՝ նշելով, որ հրապարակվել են թվեր, որոնք կապ չունեն հայկական իրականության հետ։ Ըստ նրա՝ համեստ երեւալու համար հանրապետականներն ասում են, թե իրենք երկրորդ տեղում են, առաջինում «Ծառուկյան» դաշինքն է, միեւնույն ժամանակ՝ նշում, թե հաշվի չեն առնվել ռեյտինգային ցուցակով առաջադրվածները, իսկ վարչապետ Կարեն Կարապետյանը 85 տոկոս վարկանիշ ունի։ «Այսպիսի բան իսկապես Ահարոն Ադիբեկյանն էլ չէր ասի։ Հանրապետականները սա ասում են մի պարզ պատճառով՝ որ հետո ասեն, որ մեր վարչապետի վարկանիշը հաշվի առնելով, մեր ռեյտինգայինների արած աշխատանքը հաշվի առնելով՝ մենք դարձանք առաջինը, իսկ «Ծառուկյան» դաշինքը՝ երկրորդը։

Եվ քանի որ «Ծառուկյան» դաշինքն ասում է, որ ինքը դեմ է արյունահեղությանը, ինքը գնալու է, շնորհավորելու Հանրապետականին, ասելու՝ ընտրություններն արդար էին ու շատ լավ, նորից շամպայն են խմելու, մնացած տեղերն էլ զբաղեցնողները թող խոսեն, խոսեն, գնան տները։ Ի՞նչ է եղել, որ։ Սա է իրենց՝ գելափյան հարցման ամբողջ տրամաբանությունը։ Բայց մենք՝ «Ելք» դաշինքը, պիտի հիասթափեցնենք այդ իշխանություններին։ Ձեզ հետ միասին պիտի ասենք, որ ձեր մտածած այդ ծրագրում մենք սոսկ դերակատարներ չենք, դերեր չենք տանում, ձեր այդ մտածած ծրագիրն իրականություն չի դառնալու, ինչո՞ւ. նախ առաջինը ձեր վարչապետի թեկնածուն չի կարող 85 տոկոս ունենալ, մի պարզ պատճառով, որովհետեւ այդ մարդը վարչապետ դառնալու առաջին իսկ օրը հայտարարեց, որ ինքը կախարդական փայտիկ չունի, այդ մարդը անընդհատ խոսում է ինտելեկտից եւ խաղի կանոններից...: Այդ մարդը երբեք տեսակետ չի հայտնել ո՛չ Հոկտեմբերի 27-ի, ո՛չ Մարտի 1-ի, ո՛չ Սասնա ծռերի մասին: Այդ մարդը էս երկրի հետ կապ չունի»,- իր ելույթում ասաց Արամ Սարգսյանը։

Նա նշեց նաեւ, որ շատ ուրախացնող փաստ կա՝ վախի այս մթնոլորտի առկայության պայմաններում իրենց գրասենյակներ են տվել եւ ասել՝ պատրաստ ենք աշխատել ձեզ հետ։ Նա փոփոխություններ ցանկացողներին կոչ արեց միանալ իրենց։ Ասաց, որ պարզ ու հասարակ գործողություն են առաջարկում ժողովրդին՝ մերժել ընտրակաշառքը, կաշառք առաջարկողին կոպիտ պատասխանել, առաջարկում են աշխատել, պայքարել. «Եթե դուք ապրիլի 2-ին կատարեք ձեր քաղաքացիական պարտքը, ձեր սրտով, ձեր մտքով քվեարկեք, կհամոզվեք, որ այս երկրում ընտրության արդյունքները որոշված չեն, որ առաջին, երկրորդ, երրորդ, չորրորդ, բոլոր տեղերի որոշողը դուք եք, դուք եք այս երկրի իրական տերը ու դուք եք, որ 5 տարին մեկ մեզ իշխանություն եք տալու»։

«Ելք» դաշինքի հանրահավաքի ընթացքում հայտարարեց դաշինքի համամասնական ցուցակի երկրորդ տեղը զբաղեցնող, Հանրապետություն կուսակցության քաղխորհրդի նախագահ Արամ Սարգսյանը։

«Նրանք տեսահոլովակ են ստեղծել, որտեղ իրենց վարչապետին տվել են թմբուկ նվագել, որում ներգրավել են երիտասարդների, որոնք հագնված են մոդայի վերջին խոսքով, Լոնդոնի ոսկե երիտասարդության փարթիի ամենաբարձր դրսեւորումներով ու ուզում են մեզ ասել, որ իրենց այսօրվա Հայաստանը դա է։ Եթե այսօրվա Հայաստանը դա է, իմ հանրապետակա՛ն ախպերներ, բա էլ ի՞նչն եք ուզում փոխել։ Այս դեպքում ամբողջ աշխարհը պիտի գա, այդ Հայաստանից բան սովորի, տեսնի, թե մենք որքան բարեկեցիկ ենք ապրում։ Ախր, ձեր պատկերած Հայաստանն այնքան հեռու է այսօրվա գոյություն ունեցող Հայաստանից, որքան ՀԱԿ ու ՀԺԿ լիդերներ Լեւոն Տեր-Պետրոսյանի եւ Ստեփան Դեմիրճյանի այսօրվա նկարները՝ իրենց իրական պատկերներից։ Թող ինձ ներեն իմ նախկին գործընկերներն այս չարաճճի կատակի համար, բայց նաեւ իրենց լավը կամենալով եմ ասում։ Լավություն չեն արել, որ դա են տեղադրել»,- ասաց Արամ Սարգսյանը։

Նա անդրադարձավ Gallup ընկերության կողմից արված հարցումների արդյունքներին՝ նշելով, որ հրապարակվել են թվեր, որոնք կապ չունեն հայկական իրականության հետ։ Ըստ նրա՝ համեստ երեւալու համար հանրապետականներն ասում են, թե իրենք երկրորդ տեղում են, առաջինում «Ծառուկյան» դաշինքն է, միեւնույն ժամանակ՝ նշում, թե հաշվի չեն առնվել ռեյտինգային ցուցակով առաջադրվածները, իսկ վարչապետ Կարեն Կարապետյանը 85 տոկոս վարկանիշ ունի։ «Այսպիսի բան իսկապես Ահարոն Ադիբեկյանն էլ չէր ասի։ Հանրապետականները սա ասում են մի պարզ պատճառով՝ որ հետո ասեն, որ մեր վարչապետի վարկանիշը հաշվի առնելով, մեր ռեյտինգայինների արած աշխատանքը հաշվի առնելով՝ մենք դարձանք առաջինը, իսկ «Ծառուկյան» դաշինքը՝ երկրորդը։

Եվ քանի որ «Ծառուկյան» դաշինքն ասում է, որ ինքը դեմ է արյունահեղությանը, ինքը գնալու է, շնորհավորելու Հանրապետականին, ասելու՝ ընտրություններն արդար էին ու շատ լավ, նորից շամպայն են խմելու, մնացած տեղերն էլ զբաղեցնողները թող խոսեն, խոսեն, գնան տները։ Ի՞նչ է եղել, որ։ Սա է իրենց՝ գելափյան հարցման ամբողջ տրամաբանությունը։ Բայց մենք՝ «Ելք» դաշինքը, պիտի հիասթափեցնենք այդ իշխանություններին։ Ձեզ հետ միասին պիտի ասենք, որ ձեր մտածած այդ ծրագրում մենք սոսկ դերակատարներ չենք, դերեր չենք տանում, ձեր այդ մտածած ծրագիրն իրականություն չի դառնալու, ինչո՞ւ. նախ առաջինը ձեր վարչապետի թեկնածուն չի կարող 85 տոկոս ունենալ, մի պարզ պատճառով, որովհետեւ այդ մարդը վարչապետ դառնալու առաջին իսկ օրը հայտարարեց, որ ինքը կախարդական փայտիկ չունի, այդ մարդը անընդհատ խոսում է ինտելեկտից եւ խաղի կանոններից...: Այդ մարդը երբեք տեսակետ չի հայտնել ո՛չ Հոկտեմբերի 27-ի, ո՛չ Մարտի 1-ի, ո՛չ Սասնա ծռերի մասին: Այդ մարդը էս երկրի հետ կապ չունի»,- իր ելույթում ասաց Արամ Սարգսյանը։

Նա նշեց նաեւ, որ շատ ուրախացնող փաստ կա՝ վախի այս մթնոլորտի առկայության պայմաններում իրենց գրասենյակներ են տվել եւ ասել՝ պատրաստ ենք աշխատել ձեզ հետ։ Նա փոփոխություններ ցանկացողներին կոչ արեց միանալ իրենց։ Ասաց, որ պարզ ու հասարակ գործողություն են առաջարկում ժողովրդին՝ մերժել ընտրակաշառքը, կաշառք առաջարկողին կոպիտ պատասխանել, առաջարկում են աշխատել, պայքարել. «Եթե դուք ապրիլի 2-ին կատարեք ձեր քաղաքացիական պարտքը, ձեր սրտով, ձեր մտքով քվեարկեք, կհամոզվեք, որ այս երկրում ընտրության արդյունքները որոշված չեն, որ առաջին, երկրորդ, երրորդ, չորրորդ, բոլոր տեղերի որոշողը դուք եք, դուք եք այս երկրի իրական տերը ու դուք եք, որ 5 տարին մեկ մեզ իշխանություն եք տալու»։