Հովիկ Աբրահամյանը կլինի՞ «Ծառուկյան» դաշինքի վարչապետը

Հարցազրույց Արմավիրի մարզում «Ծառուկյան» դաշինքով առաջադրված թեկնածու, նախկին ՀՀԿ-ական պատգամավոր Հակոբ Հակոբյանի հետ:

- Պարոն Հակոբյան, Արմավիրի մարզում են առաջադրվել նաեւ Հանրապետական կուսակցության այնպիսի ներկայացուցիչներ, ինչպիսիք են գեներալ Սեյրան Սարոյանը, Առաքել Մովսիսյանը, Նահապետ Գեւորգյանն ու այլք: Ձեզ համար դժվար չի՞ լինի նրանց դեմ պայքարելը:

- Ի՞նչ է նշանակում պայքարել: Մենք ոչ թե պայքարում ենք, այլ գնում ենք ընտրությունների եւ ներկայացնում ենք մեր ծրագրերը: Մենք գնում ենք ընտրությունների, եւ յուրաքանչյուրիս հնարավորություն է տրված ներկայանալ ժողովրդին: Ձեր ասած մարդկանց՝ նույնպես: Թող ժողովուրդը որոշի, թե որ ուժին կամ որ թեկնածուին ինչքան կվստահի:

- Կարծիք կա, որ «Ծառուկյան» դաշինքում հիմա էլ այնպիսի թեկնածուներ են հավաքվել, որ հետագայում եթե իշխանությունները ցանկանան, նորից կարող են այդ ուժը պառակտել, ինչպես արեցին 2015թ. փետրվարին: Իշխանությունները կարող են ձեզ վրա էլ նման ազդեցության միջոցներ գտնել: Նման դեպքերում փորփրում են անցյալը, քրեական հետքեր կամ բիզնեսում որեւէ խախտում են գտնում ու այդպես ստիպում են կատարել իրենց ցանկությունը:

- Պատգամավոր ընտրվելուց հետո ես դո՞ւրս գամ: Ազգային ժողովում որեւէ մեկը չի կարող ինչ-որ կերպ ազդել պատգամավորի վրա: Կոնկրետ իմ անձի վրա որեւէ մեկը չի կարող ազդել: Փառք Աստծո, ինձ մոտ այնպիսի ստուգումներ են անցկացրել, բոլորդ էլ գիտեք: Ես պետական պաշտոն չեմ ունեցել, իսկ պաշտոն չունեցող մարդը չի կարող կոռումպացված լինել: Իսկ մեր մասնավոր ձեռնարկություններում մեկ տարի առաջ այնպիսի ստուգումներ են իրականացրել, որոնց մասին հանրությունը տեղյակ է:

- Կարծիք կա, որ Ծառուկյանի վերադարձը իշխանությունների հետ համաձայնեցված է եղել, որ դաշինքի ցուցակն էլ իշխանությունների հսկողությամբ է կազմել:

- Նման բան չկա: Ծառուկյանին բազմաթիվ հանդիպումների ընթացքում ժողովուրդն է համոզել, որ վերադառնա: Դուք լավ հիշում եք, որ սկզբնական շրջանում Ծառուկյանը չէր կարողանում կողմնորոշվել, եւ երբ առաջացավ ժողովրդի պահանջը, նա համաձայնեց եւ չցանկացավ դեմ գնալ նրա կամքին:

- Սկզբնական շրջանում նա հայտարարել էր, որ իր շուրջ լայն կոնսոլիդացիա է ձեւավորելու, բայց դա տեղի չունեցավ: Իշխանություննե՞րը թույլ չտվեցին, որ նա հզորանա:

- Չեմ կարծում, որովհետեւ տեսաք, թե ինչ տեղի ունեցավ Օհանյանի կամ այլ դաշինքների հետ: Քաղաքական ուժերը փորձում էին միանալ, բայց չստացվեց: Դա քաղաքական գործընթաց է, որը կստացվի կամ կձախողվի: Դա ոչ միայն «Ծառուկյան» դաշինքի, այլեւ ամբողջ քաղաքական դաշտի հետ է կատարվում:

- Ինչո՞ւ Գագիկ Ծառուկյանի ու Սեյրան Օհանյանի շուրջ համախմբված ուժերը չհամագործակցեցին, հատկապես, որ երկու կողմերից էլ դրական էին վերաբերում այդ համագործակցությանը: Իշխանություննե՞րը թույլ չտվեցին:

- Չեմ կարող ասել, թե իշխանություններն ինչքան ազդեցին, բայց «Ծառուկյան» դաշինքը Ծառուկյանի գլխավորությամբ այդպես է որոշել: Իսկ «Ծառուկյան» դաշինքի շուրջ շատ մարդիկ, մեծաթիվ ժողովուրդ է համախմբված: Մեր հանդիպումները ցույց են տալիս, որ մարդիկ մեր դաշինքին շատ են վստահում:

- Իսկ ինչո՞ւ են «Ծառուկյան» դաշինքին վստահում: Նրա համար, որ Գագիկ Ծառուկյանը մեծ կարողությա՞ն տեր է, եւ մարդիկ նրանից փո՞ղ են ակնկալում:

- Չեմ կարծում, հարստությունը քաղաքական կատեգորիա չէ, պարզապես ժողովուրդը տեսնում է, որ եթե նա հաջողություններ է ունեցել, ուրեմն տնտեսության մեջ խելոք զբաղվող մարդ է: Եվ եթե իշխանության գա, ավելի լավ կարող է կազմակերպել պետության մեջ առկա խնդիրները: Ժողովուրդը մտածում է, որ եթե վստահի «Ծառուկյան» դաշինքին, ապա կարող է ունենալ այն հաջողությունները, որոնք ունեցել է Գագիկ Ծառուկյանը:

- Մեր երկրում կարծիք կա, որ մեծահարուստներն իրենց կարողությունը դիզել են անօրինական, հարկերը թաքցնելու ճանապարհով:

- Ես չեմ կարծում, որ Ծառուկյանը հարկեր է թաքցրել, մենք ունենք անթիվ-անհամար ստուգողներ, որոնք մեկ վայրկյանում կհայտնաբերեն խախտումներն ու թաքցրած եկամուտները:

- Իսկ ժողովուրդն ի՞նչ խնդիրներ է բարձրացնում ձեր հանդիպումների ժամանակ:

- Ժողովրդին ավելի շատ սոցիալական խնդիրներն են հուզում: Ժողովրդի մոտ շատ ծանր դրություն է, հուսահատ վիճակում է գտնվում: Կարծես որեւէ քաղաքական ուժի չի վստահում, կարծես իրենք զգում են, որ մենակ են մնացել, պարտքերի տակ են, վարկերի ու տոկոսների տակ են: Ավելի շատ մենք դա ենք տեսնում:

- Ձեր դաշինքի վարչապետի թեկնածուն Գագիկ Ծառուկյա՞նն է:

- Մենք դեռ նման խնդիր չենք քննարկել, թե ով կլինի վարչապետը կամ մյուս պաշտոնները զբաղեցնողները:

- Միգուցե հաղթելու կամ իշխանության գալու հույս չունե՞ք, դրա համար էլ չեք քննարկում:

- Ոչ, պարզապես այսօր մենք չենք ուզում ժամանակից շուտ որոշումներ կայացնել: Երբ ժողովուրդը վստահության քվե տա մեզ, այն ժամանակ էլ կխոսենք: Մենք հաղթելուց հետո նորից ժողովրդի հետ հանդիպում կկազմակերպենք, ում ցանկանան տեսնել վարչապետի պաշտոնում, նա էլ կլինի: Ես կողմնակից եմ, որ այդ հարցում ժողովուրդն իր կարծիքն ասի:

- Հնարավո՞ր է, հաղթելու դեպքում ձեր դաշինքի վարչապետի թեկնածուն լինի Հովիկ Աբրահամյանը:

- Չեմ կարծում, թեեւ ոչինչ չեմ կարող բացառել, քաղաքականության մեջ ոչինչ պետք չէ բացառել: Բայց նման բան չի քննարկվել:

- Իշխանության գալու դեպքում Ծառուկյանը կարո՞ղ է արտաքին քաղաքականություն իրականացնել, հանդիպել այլ երկրների ղեկավարների հետ, Արցախի հարցում բանակցություններ վարել:

- Այո, համոզված եմ, որ նա պատրաստ է ցանկացած հանդիպման կամ ցանկացած խնդիր բարձրացնելուն:

Տպել
8889 դիտում

Ստեփանծմինդա- Լարս ավտոճանապարհը փակ է տրանսպորտային բոլոր միջոցների համար

Հայաստանի արտգործնախարարը հանդիպել է ԱՄՆ Ազգային անվտանգության խորհրդի ավագ տնօրենին

Հայ-սերբական հարաբերություններն ունեն զարգացման ներուժ. Ա. Սարգսյանը հանդիպել է Սերբիայի նախագահին

17:00-ի դրությամբ ընտրություններն ամենաակտիվը Օհանավան եւ Ակնաղբյուր համայնքներում են անցնում

Հանրապետության որոշ ավտոճանապարհներին գետնաբուք է

Թմրանյութ պահելու և օգտագործելու կասկածանքով բերման է ենթարկվել Հանրայինի հաղորդավարը

Զոհրաբ Մնացականյանը հանդիպել է Արաբական պետությունների լիգայի գլխավոր քարտուղարին

Հարություն Մաշադյանի նշանակման բոլոր իրավական չափանիշներն ու ընթացակարգերը պահպանված են. Գոռ Աբրահամյան

Հայաստանի եւ Կիպրոսի ԱԳ նախարարները քննարկել են հայ-կիպրական համագործակցությանն առնչվող հարցերը

14:00-ի դրությամբ ՏԻՄ ընտրություններին մասնակցել է 21 հազար 130 մարդ կամ ընտրողների 33.16%-ը

Նոր Գեղի համայնքի ընտրատեղամասում լարված իրավիճակ է եղել. ԼՀԿ ներկայացուցիչը պարզաբանում է

Լևոն Աղասյանը հռչակվել է Բալկանյան երկրների չեմպիոն՝ հաղթելով ադրբեջանցուն ու թուրքին (տեսանյութ)

Երեւանում բացելով դուռը, ննջասենյակում հայտնաբերել են 53–ամյա տղամարդու կիսաքայքայված դի

Ձյան շերտում մի շարք ավտոմեքենաներ էին արգելափակվել. փրկարարները 15 ուղեւորի են տեղափոխել

11:00-ի դրությամբ ՏԻՄ ընտրություններին մասնակցել է 3276 մարդ՝ քվեարկության իրավունք ունեցողների 9,85%-ը

Զոհրաբ Մնացականյանը հանդիպեց Մալթայի արտաքին գործերի նախարար Կարմելո Աբելային

ՄԻՊ-ը վաղ առավոտից իրականացնում է ՀՀ համայնքներում տեղի ունեցող ընտրությունների դիտարկում

Վրաստանի քաղաքացին Լոռու մարզում վրաերթի է ենթարկել 23-ամյա աղջկա

Արտակարգ դեպք Արմավիրի մարզում. գիշերը փորձել են թալանել Արմավիրի մարզպետարանը

Փակ են Արագածոտնի մարզի 11 համայնքների միջհամայնքային ճանապարհներ, այլ ճանապարհների առկա է մերկասառույց